kmean的个人专页

專登搭左個幾鐘車過黎，叫左出名蔥油炸髀飯 蔥油雞扒飯 凍檸樂 同西多士，首先地方同衞生非常麻麻，但唔緊要，都預咗歷史店係咁。但食物真係普通到一個點。。。唔明啲人點解可以拍片講到咁正😓😓😓😓😓😓😓😓😓😓首先雞扒飯塊雞又薄又細 飯又少。。食完係完全唔會飽的 炸髀正常味 唔會係出色到想再黎個種。。飯量係男女都唔會飽。。西多士散叫$20好抵 但係薄身細件 重點係有搽花生醬但幾乎食唔出花生醬味個下恐怖，整體真係好一般 凍檸樂加$12， 其實整體唔係真係講到咁平，只係正常出面茶餐廳價錢 而整體食物份量同質素係偏低個種，如果要專登黎真係唔使考慮…查看更多

經過比出面啲麵包吸引住 入去試吓 叫左干牛河 「我走左洋蔥芝麻」凍檸茶 菠蘿油，干牛河好得 好有鑊氣，牛肉都多仲要幾靚，凍檸茶就真係幾唔掂 ☹️菠蘿油唔係勁脆皮個種，但我好中意，冇咁介口又唔太甜 ，鮮牛油好大方，實物好大好厚👍🏻👍🏻👍🏻👏🏻👏🏻👏🏻呢樣真係好好好加分！！☺️☺️伙記們開頭落單以為好惡，其實個人好nice架😉過2日再打去想外賣菠蘿油，聽電話哥哥又係好似好串咁，其實好搞笑😂😆下次再去試其他野 同再食菠蘿油☺️見到人地個常餐都好吸引😚最衰唔係住附近我同日買埋對面九x餐室個菠蘿油, 又貴d又凍又硬 輸哂………查看更多

不嬲係第二區有食百份百，覺得杯紅豆冰幾好飲 所以今日經過愛東見到就入去，去到 叫常餐 沙牛麵 紅豆冰 但侍應話冇沙牛冇紅豆 想轉另一杯特飲又係冇，當時只係3點，真係好特別 要麥冇麥，最後食咗個焗飯味道OK但份量好少，跟住想加個西多士，點知侍應話麵包都冇希望愛東分店老闆睇到啦 你地呢間分店基本上冇一個侍應合格架 全部都黑口黑面唔想做嘢咁嘅款，落單態度又差 如果做侍應但係唔想做嘢咁不如唔好做啦 好得人驚既茶餐廳，仲恐怖過大排檔…查看更多

同事們介紹黎食 話師傅好有心機煮 賣相好靚今日叫了下午茶意粉餐 味道可以的，但食完真係完全唔飽…男人應該幾啖吃完了。。。。所以加左個湯 雖然係下午茶餐 但加湯加凍飲都$6x 真的希望餐廳可以加大少少意粉份量，咁應該會有更多人支持！！ 因為我都想繼續試哂其他意粉呀 但如果太唔夠飽就好難成日黎..餐廳仲有好多其他種類食物，見好多人食喇沙！個磨菇湯都唔錯 夠杰身 ，唔係溝水的Hea 湯。座位就真係逼同唔舒服，不過好食都冇乜所謂，最緊要岩口味。…查看更多

睇左影片分享網站介紹去食，一入到去原本感覺好好，因為侍應廚房都好nice 。叫左滑蛋吉列豬扒飯同豬軟骨拼牛肉飯。食物賣相滿分 但老實講味道真係好普通，豬扒好薄肉同完全唔脆 其實入口唔知食緊咩的…問侍應想要碟沙律醬 諗住點下豬扒 埋單先知要收多$2 當然$2唔緊要，但係係唔係應該我問你攞時就同我講呢？餐牌又冇寫，咁埋單你收幾多都得啦⋯我好少遇到咁既餐廳…豬軟骨牛肉飯味道都只係正常 豬軟骨夠林偏甜 得一舊 牛肉冇咩味 其實餸既份量真心唔多..唔會再去！…查看更多

鋪頭門面幾靚幾企理 見到呢個麻薯包個名同樣好吸引買左，皮係夠煙韌 但同個忌廉好唔夾☹️個餡冇乜茶味 仲有陣怪味 😖整體唔知係咩味，成舊係冇乜味既怪味野，真心唔好食。但好欣賞係肯落料，d cream夠多，可惜佢唔係杰身個種cream,係似傳統生日蛋糕個種…整體都係一般。建議老闆要改良一下個質地同味親🙏🏻如果忌廉厚身d同整原味可能會好d👍🏻臨走見到酥皮蛋撻出爐 好靚又平 下次會試下佢地拿破崙同蛋撻😋…查看更多

間鋪收得早，平時好難4:30pm前食到，今日難得有時間 3:30pm好彩過到去。叫左白咖哩豬扒飯同卡邦尼雞扒飯。老實講白咖哩好大陣香料味我真係接受唔到，但老公ok, 佢食哂。卡邦尼我expect有芝士味，但完全冇的，亦唔濃，唔似出面啲卡邦尼，有點失望，但雞扒好有心機煎 好味的。野飲好大杯，味道正常。雖然食物未合我意，但店內其中一位店員真係好有禮貌好好態度，幫我拎tabasco,收走啲野驚我逼，幫我後落杯野飲，全部態度都好到令人深刻，依家出街食飯，真係成日都好似受氣咁，呢位店員真係少之有少，所以就算啲野唔岩我食，我都會因為呢位店員再去試其他食物，試到岩。好多謝你呀 令到個社會更美好，今日食得好開心😘…查看更多

見母親節帶媽咪去試下出名乳鴿，去之前已睇過食評，知道唔會好好不過咁出名即管一試。我們晏晝十二點幾到唔駛等位，見之前有食家話侍應們態度很差，我又反而覺得ok，睇左餐牌每款都近百元多數過百添。咁都唔緊要，母親節嘛。講講食物質素：1）乳鴿••••唔差囉，又無話超好食2）咕嚕肉••••同係三餸飯嗰d一樣咁「林」,仲要好有渣難吞。98元可以咁旣質素，我o左嘴。3）好似叫鮑粒炒飯••••賣柤唔錯，粒粒分明，但食落好啖，茶餐廳好味d。4）特色干炒牛河••••我好記得個名，因我叫嗰陣諗住試下佢有幾特色，點知茶餐廳一定好味d。5）魚腐雜菜煲••••魚腐幾好味，其他無特別。總括棃講我真係一個好少寫食評既人，但係今次眞係難食得太過分囉！仲要我專登入去食•••真係唔明咁出名點解要做到咁，我仲要係唔高要求既人。希望大家如果順路經過又想試先試下啦！…查看更多