SteveHo0714的个人专页

又到左女朋友生日既日子，咁就係屋企附近揾下有無啲咩好食既野啦跟住就揾左呢間坐落係將軍澳既鮪世市場，由於店內座位有限，十分建議各位預約，一到埗，就緊係睇下個餐牌先啦，主打呑拿魚既鮪世市場又點少得叫番件呑拿魚壽司呢，同女朋友討論左一輪之後，就叫左附圖既幾款美食！1. 各類壽司一個字，新鮮，尤其係呑拿魚同帆立貝，基本上唔配任何醬料都ok2. 赤海蝦剌身唔知大家對食蝦剌身既感覺係點，但小弟一般會食埋個蝦頭既，但有陣時如果隻蝦唔夠新鮮，個蝦頭係會腥兼臭既，呢度既蝦剌身放心，無呢個問題3. 葱呑拿魚腩海膽丼之前提到呑拿魚壽司不錯，今次加埋葱花又係另一個層次，食得出師傅係食材上既心機，配合埋海膽直頭very good，值得一提既係呢款丼價錢唔算貴，但份量夠食，推介！最後女友表示螺肉壽司都好好食，特此P.S.一句(姐係佢對今餐滿意啦)好啦，睇下下次會食啲咩好野先…查看更多

3週年啦！同女朋友3週年呢d日子，揀左位於九龍城既浜瀧，當然，無令我失望😆因為早左到既關係，所以就影低左餐牌同餐廳環境，好有日本的感覺好啦，黎到重點，首先黎既係櫻花蝦凍豆腐，有睇過我其他食評都知我鐘意食豆腐呢個凍豆腐超香，加上個豆腐係自家製既，好好食，同其他剩係落木魚既好唔同，絕對值得一試之後就叫左3色剌身，新鮮好味就基本既不過佢個帆立貝既切法就係貝身中間放左塊檸檬片，相對特別亦令鮮味提升，正再黎就係自家製黑蒜豚骨拉麵，同樣好有心思，佢係麵入面放左塊熱石，令到碗麵既温度keep得好好，睇得出好有心機接住黎既就係葡萄豬豆腐鍋，無錯，又係豆腐，個鍋湯底超甜，菜一食就知新鮮靚菜，葡萄豬口感好爽，同平時淋支支既豬肉片好唔同，推介各位一試最後就係海膽半熟炙燒龍蝦，強烈建議大家黎到，一定要食，龍蝦燒得恰度好處，加埋海膽一齊食，外脆內軟，口感非常豐富，加上本身食左上面個清清地既豬肉鍋之後，再食呢個形成強烈對比，食完之後佢地仲會燒埋個蝦頭比你，一流食物非常好，環境好有特色，最緊要係，女朋友滿意，一間餐廳做到咁，夠曬啦…查看更多

早排小弟生日，女朋友就帶左我黎呢間韓國餐廳度食，由於係中午既時候黎食，所以都算比想像中舒服，環境不錯，加上早排係咁落雨，坐係窗邊睇下雨境都幾好feel好啦入番正題，我地一場黎到，極度鐘意韓國既女友帶頭發板，我地叫左個芝士炒年糕，一份雙拼炸雞，一份蛋卷，仲有一個焗飯我好小係街食蛋卷，但呢個蛋卷真係好唔錯，賣相，味道都令我覺得好新鮮同好好味，係我既角度我覺得最好食係呢個蛋卷(雖然女友唔係咁諗)之後就係芝士年糕，可能因為有同佢睇下韓劇既關係，食呢個年糕加上雨境都幾有代入感，當然啦味道都ok既到炸雞喇，可能我個人對炸野真係無乜特別大興趣，所以我覺得一般個飯方面，其實個賣相好靚，不過我果時已經食唔落其實味道都係唔錯既，不過眼闊肚窄呢家野，相信各位男士都明整體而言，其實間野各方面都好好，加上價錢唔算真係好貴，所以都係好值得推介比大家既下次食到好野再話比大家知啦…查看更多

今日就同女友去左呢間位於觀塘其中一座工廠大廈既餐廳食個lunch可能係撞正中午時間，所以都幾多人，生意應該幾好👍😆我地搭枱坐左係個面對面既2人位，叫左2份午餐，分別係煙三文魚pizza同三文魚扒配意粉，另多有加到兩份甜品，雞翼，同温泉蛋先黎既係餐湯，味道不錯，賣相ok，值得留意既係佢個蒜茸包係新鮮整既，好香好好味之後就到2份主菜，三文魚pizza個人覺得好好食，特別推介比男仔，女仔既話2個人share都ok，因為都幾大份三文魚扒配意粉方面，魚扒煎得幾好食，對比起pizza亦相對健康小食同甜品方面，温泉蛋其實係ok既，只係有d唔習慣就咁食而唔係撈其他野一齊食甜品係藍莓同marble芝士餅，味道正常最後值得一提既係餐廳既餐飲會建議各位唔用飲筒以支持環保，大家要多多支持啊！…查看更多

由於正值小弟生日前後，零舍多飯局，係諗唔到食咩既情況下，咁岩行過呢間居酒屋，又咁岩呢間居酒屋又有位比我地(聽講成日都好爆)既然咁多巧合，咁就擇日不如撞日，聞名不如一試😂一行四人就咁就入左去一坐低，店內擺設都充滿日本的味道，餐牌中日對照，侍應都好似其他居酒屋一樣，用好親切但又唔純正既廣東話招呼我地，但整體服務很好，很有人情味的感覺食物方面，我地4個都分別喜好唔同既野，一個愛酒物，一個愛炸物，一個愛豆腐，一個愛生冷野😆所以我地乜野都有叫，凍豆腐，比一般日本店好，但同小弟食過最好食既有差距煎餃子，好食，但未至於推薦雞泡魚乾，十分好食，極度推薦，鐘意食熱辣辣既野，送酒既朋友必食池魚刺身，好食，配搭十分好，好香帶子刺身，相對一般茶碗蒸，好食，好香好滑，我地encore左蟹蓋，相對一般，食落好香，但味道不夠麵豉湯，好味，由上面刺身既魚骨整出黎，值得一試炸魷魚餅，推薦一試，好香好好味，不過會令人諗起泰國炸蝦餅😂油甘魚腩，好食，油脂味好濃，推薦！炸油甘魚骹，一般前菜，有心思，令人好快進入狀態去食野👍👍價錢中等，食得開心，建議3 4個人去食就非常好飲品方面都不錯，選擇都足夠，除左啤酒😂😂…查看更多

琴日同女朋友等睇戲既時候去揾野食，就入左呢間係apm原本麵屋武藏既位置，姐係神山拉麵度試下啦我叫左個黑豚角拉麵，女朋友就叫左白既，侍應既禮貌幾好，但重點係個拉麵。1. 十分咸，正如周星馳係食神入面話齋，啲野食有咁咸得咁咸，最好咸到令佢地叫多幾杯野飲2. 基本上係無黑蒜味既3. 我叫既係豚角，但佢黎到既豬肉好似煲左好耐既湯渣咁，一大舊厚而咬唔開既瘦肉4. 唯一一點唔錯既，就係個湯既温度keep得幾好，不過都處理唔到爆咸既問題所以，如果要我比80蚊食呢個質素既拉麵，得罪一句 我覺得不行。謝謝…查看更多

係觀塘翻工咁耐，其實華嫂一直都係樓下，不過每次經過見到咁多人排隊，就無心情去食佢真係好想問下啲同事，究竟係咩原因令你排咁鬼耐都要食佢，係愛丫？定係責任丫？最近終於揾到個無乜人既時間去試下，喂，又真係唔錯喎入到去，雖然少左人，但都係空間有限。由於平時早餐好多時都食麵，所以今次揀左米粉所向無敵餐蛋米，加多個熱奶茶食物方面，呢碗野都真係幾 所向無敵 既，外觀，味道都非常唔錯，剩係塊厚切餐肉已經值得其他茶記仿效，仲要搭多條菜，仲想點丫飲品方面，小弟一向愛飲奶茶，呢杯野係堅好飲，出面既茶記好多時飲落都有d涼茶味，但呢杯係無既，仲要滑，飲完當堂開心曬，十分值得推介整體而言，華嫂值得一去，推介比係觀塘翻工既各位…查看更多

早排去開中環見個朋友，係佢推介之下去左呢間餐廳可能因為時間尚早，人唔算多，環境十分適合傾計。之後我地叫左2個set lunch，各自揀左唔同既主菜，一個漢堡，同一個類似risotto 既飯，呢間餐廳同坊間既差唔多，都係以fusion 既形式去令到中式美食變得更有特色。食物方面，一個字，精緻，以午餐一百蚊左右既價錢黎講，佢地既食物算是十分精緻，由環境，到餐具和食物上的佈置都看得出花了不少心思，味道亦算不錯服務方面，整體來說十分有禮貌，唯一就是如果侍應的中文能更流利就好最後，反而奶茶的水準令我有點失望，小弟喜歡飲奶茶，但這種fusion出黎既奶茶有點不倫不類既感覺，奶同茶的味道溝唔黎，這個飲品就不建議喜好傳統港式奶茶的朋友了。總括而言，呢餐食得都滿意既，除左奶茶之外其他都十分唔錯👍…查看更多

由於小弟係觀塘區番工，所以每日都要面對中午食啲咩既問題，大部分既日子都係食茶記解決既我，終於頂唔順，想揾d新鮮啲既野食下，對自己好d。於是就比我揾到呢家餐廳，雖然位於高樓層，但都係要等大約廿分鐘先有位。一入到去，就叫左相中呢份烏冬黎試下，個鰹魚湯既味道十分唔錯，烏冬亦都好有彈性，不過我最估唔到既係，睇落份烏冬份量小小，但食落去卻十分滿足，絕對無食唔飽既情況！(因為我成日食完野都會覺得唔飽)剩係呢點已經值得推介！當然女士們就可以唔配小食啦，都ok架！價錢方面，比一般茶餐廳貴，但還可以接受環境，會有迫既感覺但都值得推介比愛烏冬既你，同係觀塘番工既各位朋友…查看更多

一班朋友gathering專程黎試一下呢家黎自台灣既餐廳，因為我地之前係台灣旅行既時候已經食過。睇下會唔會將台灣既美味同回憶帶番黎結果當然無令我地失望，各樣特色既食物都一一帶左黎香港，飲品方面我地點左花茶同咖啡，食物亦都點左waffle，三文治同埋一啲拼盤大家share，味道同質素算係帶到過黎，但最緊要係一齊歡聚既時光，此刻無價服務方面我係比較鐘意台灣果邊既，但呢面就正正常常，環境如是只係基於物價既關係，比台灣貴而已…查看更多