Melodytam520的个人专页

老掌櫃• 北京填鴨 (半隻) $168：份量足，兩人食夠飽，鴨皮同肉比例適中，味道唔錯，但肉略乾• 椒鹽小黃魚 $88：外脆內嫩，調味香口，魚肉唔嚡，推薦！• 乾煸四季豆 $74：炒得有鍋氣夠入味，正常發揮 • 高力豆沙 (2件) $26：口感軟綿綿，紅豆甜度剛好，少見菜式，有驚喜！環境同衛生：平日晚市都好多人食！整體環境乾淨衛生，枱面整潔，但有位置冷氣機滴水，略為影響體驗。📍大角咀嘉善街18號利奧坊地下G708-G709號舖#老掌櫃 #大角嘴#北京填鴨 #港式食肆 #香港食評#大角嘴美食…查看更多

我哋叫咗：1. 九品芝麻（$258加一2. 八府巡按（$488加一）兩餐均有前菜、炸物、肉類、丸類、甜品，最大分別在海鮮：九品芝麻海鮮較基本；八府巡按有龍蝦同蟹（或蟶子王）。海鮮新鮮，龍蝦肉質結實同彈牙，各種蜆類都鮮甜juicy。最後會用蒸氣火鍋海鮮水做湯底製米線或粥底，充滿海鮮精華，味道濃郁鮮美。位於商業大廈，環境熱鬧，裝潢簡約舒適，枱面整潔，衛生良好。與對面客人中間有簾，私隱度較高。📍銅鑼灣謝斐道500號維安商業大廈3樓#船渦 #銅鑼灣美食 #海鮮火鍋 #香港食評 #龍蝦火鍋 #銅鑼灣…查看更多

前日同朋友在新蒲崗Mikiki嘅Plato Cafe & Bistro食咗個lunch，環境舒服，落地玻璃望到街景，叫左兩個lunch set～澳洲肉眼牛扒($148)煎得啱啱好，7成熟肉汁豐富，可揀薯菜/意粉/飯，加咗法式蟹肉龍蝦湯(+$38)，湯濃而不膩，飲品揀咗熱柚子蜜。蒜香蟹肉蜆肉炒意大利粉($72)蒜味香口，蜆肉鮮甜，意粉煮得彈牙，份量啱啱好，加咗泡沫咖啡(+$14)，奶泡厚實，咖啡順口。仲加左芝士蛋糕(+$28)滑溜，甜度適中！服務親切，上菜快，平日嚟輕鬆又抵食，推介同朋友嚟試試！📍 Plato Cafe & Bistro (新蒲崗)新蒲崗太子道東638號Mikiki 1樓116號舖#PlatoCafeBistro #新蒲崗 #香港美食 #西餐 #咖啡店 #牛扒 #意粉 #新蒲崗美食 #mikiki美食 …查看更多

呢日同朋友去咗西營盤一間好chill嘅cafe，水泥灰工業風裝修，簡約又型格，坐低即刻有種好舒服嘅感覺！House White ($45)係Latte，咖啡豆味濃郁，入口順滑，奶泡綿密，帶點微果香，不錯！Golden Beach ($58)係甜桂花菠蘿梳打，氣泡清爽，桂花同菠蘿嘅甜味搭得超好，炎夏飲落好解渴！Salted Caramel Muffin ($35)外脆內軟，咬落鬆軟濕潤，焦糖甜中帶鹹，每啖都係甜鹹交織嘅享受！餐廳有咖啡豆零售，Packing用唔同顏色區分咖啡豆風味，揀豆一目了然，設計好貼心！📍噓（上環）上環皇后街30號地舖 #Cafe噓 #上環 #香港咖啡店 #西營盤美食 #工業風咖啡 #latte愛好者 #甜品推介 #咖啡豆零售 #chillcafe #上環Cafe #西營盤Cafe…查看更多

Mama Mia! Pizzeria• Mama Mia Pizza 12” ($158)：呢個Pizza餅底鬆軟帶點嚼勁，芝士濃郁又唔會太膩，d toppings例如辣肉腸夠哂咸香，微辣開胃，配料新鮮！ • 大蝦香蒜橄欖油扁意粉 ($118)：大蝦彈牙多汁，我估佢個汁料係用蝦頭熬製，濃郁鮮蝦味同蒜香完美融合，意粉煮得啱啱好，口感一流！• BBQ雞翼 ($58)：雞翼烤得外脆內嫩，BBQ醬汁甜中帶微辣，超開胃，份量都好足！環境、衛生：餐廳環境乾淨企理，光線充足，坐得舒服又放鬆。開放式廚房望到師傅用心製作，感覺好有誠意！📍九龍城南角道5號地舖#MamaMiaPizzeria #九龍城美食 #薄餅控 #意粉愛好者 #香港美食…查看更多

呢日去尖沙咀經過Hashtag B，即刻排隊試咗幾款包！ 拿破崙焦糖千層撻($18)酥脆可口，焦糖甜而不膩。伯爵忌廉芝士bagel($22)茶味清新，芝士順滑，好食！開心果酥皮窩夫($34)外脆內軟，開心果味道濃郁，好滿足！腸仔竹炭包($20)外黑內軟，腸仔多汁。環境乾淨企理，推介一試！📍尖沙咀加拿芬道49號夏蕙樓地下C號舖 …查看更多

終於試咗深水埗街坊力推嘅「家後」！日式手作芝士蛋糕（$30）入口即化，芝士香濃又唔膩，甜度啱啱好，食完對佢念念不忘，超推！日式飯團（$16）米香撲鼻，豬肉餡肥美多汁，好味有驚喜！湯餃（$40，8隻）皮略厚但餡料夠足，赤小豆粉葛湯底清甜，感覺無乜味精，有種家的溫暖；煎餃（$44，8隻）外脆內實，雖然相對普通但非常足料！價錢親民，性價比高，一定會再幫襯！📍家後香港深水埗基隆街211號地舖
#家後 #深水埗美食 #日式芝士蛋糕 #飯團 #湯餃 #煎餃 #香港美食 #ShamShuiPoEats #HongKongFoodie…查看更多

喺灣仔Flagship食咗一餐好味fusion菜！好多人收工後同朋友嚟呢度chill一chill～ 香煎章魚鬚($148)肉質彈牙，三文魚籽點綴顯得矜貴，八珍甜醋配羽衣甘藍完美蓋過苦澀味，係一碟幾開胃嘅前菜；冬陰公大蝦意粉($198)酸辣開胃，蝦肉彈牙，醬汁濃郁；21天熟成厚切豬扒($338)燒得香口，配菜精緻。餐廳分上下層，設計獨特，裝飾有心思，環境整潔有格調，地方雖小但人氣旺，值得一試！😋 #FlagshipWanChai #HKFoodie #FusionEats #WanChaiDining #HongKongEats #FoodLoversHK #GourmetHK #HKFoodScene #TasteHK #FoodieGathering…查看更多

INN - I’m Not Nothing (裕民坊YM²)• 煙三文魚菠菜Benedict ($118)
煙三文魚同菠菜本身就好夾，加埋濃滑細膩蛋黃醬汁同芝士溶真係perfect match!• 意大利煙豬面頰肉卡邦尼 ($128)
煙豬面頰肉香氣撲鼻，卡邦尼醬汁creamy得來唔膩，芝士味濃郁，意粉煙韌彈牙，好食！• 英式炸魚薯條 ($148)
魚肉外層金黃酥脆，內裡嫩滑，薯條略嫌唔夠鹹，不過配塔塔醬好開胃。份量都算大份，適合同朋友share。• 水果梳打茶、士多啤梨奶昔、紫蘇葉荔枝烏龍茶 (套餐加$20左右)
所有飲品賣相精緻吸睛，色彩繽紛，飲落清新好味，甜度適中，完美配搭主菜。3. 環境、衛生餐廳以法式庭園為主題，白色基調配上花卉裝飾，滿滿少女心，處處都係打卡位，影相超靚！環境優雅舒適，枱與枱之間空間感夠，唔會覺得逼。📍觀塘協和街33號裕民坊YM² 2樓205號舖#INN #ImNotNothing #KwunTongEats #HongKongFoodie #FrenchGardenVibes #CoquetteAesthetic #InstagrammableCafe…查看更多

相信呢間韓國餐廳大家都唔陌生，同朋友食過幾次，每次食完都唔會失望！💖海鮮煎餅（$149）又脆又香，海鮮味濃郁，份量超大，兩個人都食唔晒；純豆腐海鮮湯（$103）同樣海鮮味好出，豆腐滑嫩，辣度適中，唔會蓋過海鮮嘅鮮味；韓式炆牛尾（$198）肉質軟腍，醬汁入味，膠質滿滿，油脂香濃，絕對係今餐MVP！整體食物質素高，環境舒適，好似置身韓國街頭！絕對係正宗韓國菜粉絲嘅必試之選！🇰🇷🍴📍 香港尖沙咀金巴利道78號金輝閣地下B號鋪#香港韓國餐廳 #尖沙咀美食 #尖沙咀好去處 #香港韓餐 #韓式料理 #SsalBoriSsal #海鮮煎餅 #韓式牛尾 #kg_九龍…查看更多

喺旺角Hashtag B試咗新品白桃蜂蜜撻（$28），清新果香配蜂蜜甜味，撻皮酥脆，鮮白桃片點綴，口感超豐富！芋泥麻糬包（$19）軟糯香甜，菠蘿包（$13）外脆內軟，牛角包（$21）酥香濃郁，食完好滿足！店內整潔，烘焙香氣濃，絕對係打卡勝地！💯 一定再黎！📍Hashtag B (旺角) 旺角西洋菜南街1N號兆萬中心地下G1及G2號舖#Hashtagb #Hashtagbhk #香港 #香港蛋撻 #香港烘焙 #香港美食 #香港探店 #香港必吃 #香港打卡…查看更多

同朋友慕名去咗街坊大愛嘅紅橋，果然名不虛傳！叫左兩份套餐，包餐湯（有中湯同西湯揀）及熱飲，免加一，抵食！香煎西冷牛扒沙律菜配黑椒汁同薯角（$89）牛扒肉質嫩滑多汁，黑椒汁濃郁惹味，薯角外脆內軟，完美配搭。香煎帶子蟹肉伴牛油果醬燴意大利飯（$79）每粒飯都吸滿牛油果醬嘅香氣，帶子鮮甜彈牙，蟹肉增添鮮味，令人回味無窮。蜜椒單骨雞翼同芝麻蝦多士（+$40）雞翼蜜椒Juicy惹味；蝦多士外層金黃酥脆，內裏蝦滑彈牙，超滿足！飲品揀咗蜂蜜百香果梳打同菊花薑蜜梳打（各+$12），清新解膩！餐廳環境整潔舒適，服務親切，食物質素高又大件，難怪多街坊幫襯，絕對係太子美食嘅必試之選，期待下次再黎！📍太子花園街230號地舖#紅橋 #太子美食 #香港食評 #西冷牛扒 #意大利飯 #街坊美食…查看更多

泰象館• 芒果蟹肉炒飯 ($83): 飯炒得乾爽，芒果好甜好香同蟹肉鮮味完美融合！份量都幾多！• 泰式燒魷魚 ($138): 魷魚燒得香口彈牙，配上酸辣泰式醬汁，超開胃！• 脆肉炒通菜 ($69): 通菜爽脆，脆肉夠咸香，調味落咗胡椒粉，幾特別！• 芒果沙冰 ($30): 啲冰打得好棉滑，清涼解渴，芒果味濃郁香甜，夏天飲最適合！環境同衛生: 泰象館環境舒適，充滿泰國風情，牆上嘅裝飾同燈光營造出輕鬆熱情嘅氣氛～當日係星期二晚，平日都坐無虛席，好熱鬧！📍九龍城城南道48號地舖…查看更多

太子癡膠雞：夏日滋補驚喜！以為夏天會無乜人食花膠雞，點知呢度都座無虛席，氣氛熱鬧！羊肚菌花膠雞濃湯米線（$82）湯底濃郁，羊肚菌足料，暖胃又滿足！蕃茄花膠雞濃湯米線（$74） 酸甜開胃，湯底鮮甜，夏天食都唔膩！金磚豆腐（$42）外脆內嫩，香口惹味，絕對係小食亮點！環境企理，服務親切，價錢親民，難怪咁多街坊捧場！推介俾鍾意滋補湯嘅朋友，值得一試！📍癡膠雞 (太子)太子荔枝角道78-84號勝興樓地下D號舖#癡膠雞 #花膠雞 #花膠雞米線 #太子美食 #香港美食 #hongkongfoodie …查看更多

Z&K Fancy Restaurant• 香煎牛柳伴厚切牛舌 ($118)
牛柳煎得幾香，肉質腍滑；厚切牛舌大份，軟嫩又帶點彈牙！• 煙三文魚蟹肉意粉 ($78)
煙三文魚嘅煙燻香同蟹肉好夾，芝士味濃，鍾意食芝士就啱哂！• 檸檬利賓納梳打
檸檬酸甜同氣泡嘅組合清新醒神，夏日解暑必點！• 椰汁斑斕紅豆冰
椰汁斑斕紅豆冰唔係間間舖頭都有，椰汁香濃順滑，斑斕甜度啱啱好，紅豆煮得腍滑入味，好飲！整體嚟講呢度係走木系設計，營造出溫馨又放鬆嘅氛圍。店內乾淨企理，服務員親切周到！📍九龍大角咀大全街39號地舖（距離奧運港鐵站A1出口約8分鐘步程）#ZKFancyRestaurant #大角咀美食 #香港食評 #牛柳牛舌 #煙三文魚意粉 #椰汁斑斕紅豆冰 #港式甜品…查看更多