活著食下去的个人专页

因為係觀塘，所以每日晏晝都會去唔同嘅餐廳食飯，食肉食咗成星期今日就一班人去咗食素，去到座位唔算好多，但食飯時間都俾我哋霸到都算好好彩。叫咗個泰式炒米粉，都好食，係有少少偏鹹我覺得啲餸仲多過米粉😂😂我覺得最好食就係番薯條，幾特別，我覺得仲好食過薯條另外我地仲叫咗個炒飯，鍾意食秋葵嘅朋友仔都可以點呢個，秋葵唔會好乾身仲會有少少黏膜，但份量就好小，男士嘅話就應該會唔夠食。最後仲叫咗個牛油果🥑 Pizza，牛油果味唔重，冇咩特別。總括來講嘢食份量偏小，價錢我唔知道算唔算偏貴，因為我好少食素。4人大約$300內…查看更多

不嬲都好鍾意飲台式飲品，見到呢一間有竹炭味覺得幾特別，又心大心細咁買咗嚟試吓，因為唔知道竹炭係咩味🧐，加上奶蓋又可以選擇味道😍，有芝士味、海鹽味等。呢兩隻味道係我最想試嘅味道，店員好好人，可以畀我混合芝士味同海鹽味，不過海鹽嘅味道比較突出，👉🏻好鹹👈🏻🤦🏻‍♀️所以我建議要選擇海鹽味嘅話🤪要同茶混合左先好飲，不過總括來講都係幾好飲。下次嘅話我會想試吓淨係芝士味奶蓋，因為今次比海鹽味搶晒風頭，飲唔出芝士味。最後我都係解釋唔到竹炭係咩味，飲落算係有少少茶味，味道比較淡，混合後會係小小咸嘅茶 ，都幾好飲嘅👍🏻👍🏻…查看更多

呢間沙嗲王超難搵，同search 既圖片完全唔同😂，可能係工廈所以冇招牌，唔係朋友帶路都搵唔到。觀糖呢間沙嗲王都算大間，同埋可能太難搵，係中午時段都唔多人，唔洗等位👍🏻👍🏻今次叫左個新出既脆炸鱸魚飯，睇個賣相好吸引，配合黃咖喱都唔錯，但剩食魚既話就比較淡味。同埋爐魚係得半條，本身睇相以為有一條，都失望左下。另外叫左杯青蘋果紅茶，一嚟到以為中伏，不過都算不過不失，係啫喱有少少奇怪。當然一定要叫白咖喱豬扒飯，保持水準，好好食。…查看更多

由鑽石山出發，坐左大約一個鐘頭車程，到朗屏站行左十分鐘路程都唔算難搵。可能卜得早，5:00pm都唔算多人，有6-7圍入左座，座位都坐得舒服。野食方面，全部野食都算普通，比較好食嘅算係芝麻雞翼，海鮮都算新鮮，隻蝦仲識郁。但其他炸物，例如雞軟骨、雞扒都唔係咁好食，壽司都一般，臨走我仲叫左個海膽粥，都ok既。今次食得太飽有一個芝士麵想食都食唔落，出面仲有個夾糖位，可以比人夾完攞走，我哋選擇5:00-7:00 時段$238 ，但未到7:00點d職員不斷咁收野，堅睇得出想趕你走🤣🤣所以我頭也不回就走了。一個字瀟灑。（好似係三個字）…查看更多