見完客，經過這間車仔麵，𠲖！好多人食喎，心想：填填肚先！點知有驚喜👍🏻驚喜到要寫我第一個食評呀😂車仔麵有西洋菜😱仲有豬粉腸😋好好味呀！瑞士雞翼更加ichiban👍🏻勁入味😋唯一失望係少有車仔麵有的豬油渣賣曬😔下次一定早D去😉差D唔記得佢地個【秘制辣汁】，要俾5個👍🏻👍🏻👍🏻👍🏻👍🏻好辣的我又想食又驚太辣，老闆話可以先俾少少我試先…食左幾啖，老闆娘問我夠唔夠辣，其實都唔係幾好意思，老闆整緊幾碗麵又冲茶，老闆娘忙於安排坐位又要送麵送飲品，但辣汁實在太吸引了，厚著臉皮：「可唔可以加多D？」難得無嫌麻煩，加完兼話唔夠隨時再加，太窩心的老闆老闆娘呢😘5餸1麵加汽水，$50，咁既價錢加咁既質素，怪不得咁多人食，大滿足😋…查看更多
