kkmhung的个人专页

🔎 旺角砵蘭街215號朗晴坊5樓*📍 YA! YA! YA! BURGER & BAR.芝士菠蘿安格斯牛肉漢堡($82)芝士迷見到應該好著迷！加上安格斯牛肉啖啖肉口感,非常juicy好味!我哋仲叫咗幾枝酒share飲,聽講呢到好多人都必點嚟食住burger!成件事幸福感倍昇!邪惡芝士黑松露牛肉漢堡($88)黑松露係我最愛!平日食意粉都必加入去😛芝士同黑松露非常夾呀!must try item.牛肉好厚實,超推介呢到嘅牛肉漢堡.另外呢到仲有私人k房可預先預訂!如果想包場慶祝記得預早book位,咁完善嘅食玩地方真係會好快就full嫁!…查看更多

米芝蓮餐廳係絕非浪得虛名,除咗坐得舒服外,餐廳對衛生健康要求甚高.所以呢個時候會食得安心同放D.今次就揀咗壽司set同sashimi set兩set都好豐富,好多嘢食.以咁豐富仲有埋前菜同甜品嚟講價錢算係OK.海膽超級鮮甜,而且夠哂新鮮,份量都唔少,仲有蝦啊,魚籽等,加上飯嘅份量都幾大,所以絕對係夠飽有突.而朋友叫嘅剌身set都好多款色,而我哋都認為吞拿魚係最出色.仲有刺身墨魚做點綴,全部都好新鮮.我哋其中一set仲有埋茶碗蒸,最後仲有個小甜品,絕對係抵食又飽,食日本嘢新鮮尤為重要.…查看更多

🔎 星嚼.D24榴槤水晶球😋D24感覺榴槤味無貓山王咁重,同埋貓山王咁甜🙈不過呢啲都係個人觀感.記得買後要隔一陣食,會有種入口即溶感覺.😍😍😍😍😍😍貓山王榴槤水晶球😋貓山王係會甜啲,有啲人可能相反會覺得好漏🙉同樣要隔一陣食,咁會食到入口即溶感覺😽其實我覺得只要係榴槤控兩隻都相信好啱大家.不妨去試試,真幾濃榴槤味!💕💕#榴槤#水晶球#D24#貓山王…查看更多

朋友銅鑼灣返工,咁啱出開搵佢,佢話time square有間點心幾好味.和牛紅菜頭煎包好有特式,而商埸黎講$58 3件都OK,而且都幾大件.牛肉餡料都幾好,包底都蒸得幾脆口.反而個個XO醬銀芽炒腸粉就一般,覺得味道唔多夠,亦可能唔夠熱,所以點心都係趁熱食.糯米雞好似以前嘅叮叮嘅大細,但味道唔錯糯米軟硬到剛好.大地魚末燒賣都幾大粒,食落去,每隻蝦都大隻,用料絕不馬虎,雖然比起出面酒樓可能會貴DD,但係其實用料同味道會話比你知係值得.…查看更多

經過呢間鋪頭好幾次，但都冇機會入去食，今次終於到圓夢，試一試呢間日式小清新風格嘅餐廳。一入到去就比佢哋裝修吸引着，餐廳走簡約路線，和式調既牆身同埋簡約嘅木製餐桌，令到我一入餐廳就感覺好舒服好放鬆。普羅旺斯海鮮烏冬坦白講，我自己個人就唔係好鍾意食蕃茄汁嘅粉麵類，因為曾經食過幾間餐廳煮得好難食🥺但係因為同行嘅朋友揀咗呢個烏冬，所以我都有機會試吓。烏冬入面有6隻大青口同埋兩片厚切煎焗三文魚。三文魚好嫩滑，餐廳採用左日本讚岐烏冬，烏冬本身好彈牙，配埋普羅旺斯番茄醬，好開胃🤤和王牛漢堡咖喱pancake話晒餐廳都係主打pancake，所以我就揀咗其中一款平時出面唔係成日食到嘅咖喱pancake。pancake碟上面既佈置別出心裁，未放入口已經有視覺上嘅享受。一共有六件pancake，上面再有一塊和牛漢堡同埋一片菠蘿乾。周圍再放左幾粒蕃茄同埋番薯脆片，再係pancake上淋左濃郁咖哩汁，店員一端上嘅時候就已經香氣撲鼻🤩pancake口感軟綿綿，雖然唔係梳乎厘pancake，但都絕對唔會又薄又硬，一次過疊高三層熱辣辣咁樣食真係大滿足🤤其實餐廳仲有啲特別菜式同埋甜品，係為咗慶祝餐廳一周年設計嘅，淨係睇圖都見到啲水果芭菲同埋甜pancake好吸引，有機會要再返嚟嘅試埋其他菜！…查看更多

🔎銅鑼灣記利佐治街1號金百利廣場3樓301室*「初嚐新鮮韓牛」- 柞木炭家.精選併盤 $1220新鮮韓牛(5款)如果無記錯名，個併盤分別有...牛肩胛、肩肉眼上蓋、肩胛牛小排、特級牛小排、肩眼芯。牛肩胛就聽得多，其他名真係第一次聽。店員介紹話呢D韓牛全部都係不經雪藏，所以肉質更鮮味咁話。賣點之一係有埋專人燒埋比你食，因為呢D靚牛，怕客人會overcook左，影響食用感呢...所以今晚晚餐係有專人燒肉比你架。賣點二，就係近門口位個度，有專人表演切新鮮牛肉比你睇，好似D魚生師博咁。至於食後感，我自己就最中意肩胛牛小排同特級牛小排，呢兩種肉質都好柔嫩，暫時我未食過呢個口感既牛肉，可能因為無雪藏過既原因。牛骨湯有大大條牛骨係湯入面架，仲有好多大葱咁既配料係入面。個湯好清甜，同埋有濃濃既牛味，正!!!湯既底部仲配有大量韓國彈牙粉絲，飲得又食得。海鮮煎葱餅葱餅餅皮煎到超級香脆，而入口鬆軟。但葱餅上的海鮮數量不多，建議可以再多一點。🍽9/10…查看更多

唐記蒸飯係真心平靚正,特別糧尾日子更幫到我,哈哈.銅鑼灣店雖然唔太近mtr,但因為係附近街市買完餸再買返屋企都OK.紅豆包我都係第一次試估唔到紅豆餡幾多,加埋要多個菜肉包,單食包都真係好飽.因為都幾大隻.紅豆都幾甜,如果好似我係紅豆迷應該會超鍾意.另外要咗幾個蒸飯返屋企食,肉餅佢有好多選擇,肉餅都大塊.而盒入面都會有D菜.另外仲有排骨飯,排骨飯都係瘦排骨唔會好肥膩,所以都非常推介啊.價錢真係好抵,又唔駛洗.唔錯啊.…查看更多

🔍灣仔大王東街2至4號安興大廈地下3C號舖【全港首家-達克瓦茲】Lovever Patisserie呢間係全港首家達克瓦茲專門店，咁獨別既甜品我又點會唔試?!抺茶達克瓦茲 $36先講外皮係好酥脆，而再咬入一點，裡面係好柔軟。外層有少少甜，夾住冰凍既抺茶味cream，真係無得頂。而佢個cream既質地係好結實的那種，似食緊杯裝雪糕個種感覺。而佢地用既小圓山抹茶粉添架。芒果味達克瓦茲 $36外層我就唔再介紹喇，清新而冰凍既鮮芒果味非常適合夏天食，食落口感幼滑。同埋個餅入面有D芒果粒粒係裡面架!!🍽9/10…查看更多

美國香炸雞翼 $58炸雞翼絕對係炸物中最難抵抗既食物! 雞翼外皮炸到金黃色，入口脆卜卜而且調味好足，肉質又嫩滑! 1D都唔乾身，香口惹味! 哩個一定要叫!牛油果蟹肉意粉 $158蟹肉整到外形好似雪糕咁，下層將牛油果薄切再砌成花! 外觀非常吸睛! 一食就停唔到呀，配上啖啖蟹肉，邪惡程度簡直滿分!而意粉軟硬適中略帶煙韌，口感討好又入味！黑松露野菌意粉 $148食完哩個意粉，你會明白"less is more"既美好! 簡單又得體，加埋黑松露同蘑菇哩對絕世組合，真係無得輸! 菌味濃郁，飯粒屬於比較硬身，同正宗係意大利食到既Risotto差唔多，不過我地又覺得口感都唔錯!如果想無咁硬身記得同度員講聲。…查看更多

【元朗高質廚師發鐵板！】經朋友極力推薦，我跟女朋友就來了元朗的「吟」品嘗一頓由廚師發板的高質鐵板餐，亦預先慶祝我們的週年紀念呀。食完之後，我跟女朋友也認為這間餐廳除了食物美味之餘，CP值其實十分高，簡直滿載而歸。在介紹之前，先要跟大家說一下，廚師會根據當日挑選到最新鮮美味的食材，再由淡至濃逐一為大家呈現，確保可以品嘗到每道食菜式原始的味道。【是日沙津】作為最淡味的前菜，讓口腔先熱一下身，除了草青味很強烈，當中比較特別的有蓮芋，當日負責我們的美女廚師解釋是蓮花的莖部，吃起來清清甜甜。【北海道白粟米】同樣是淡味代表，這個粟米很特別，我們平時吃的粟米是黃色，味道是甜的，但這個吃起來就像生果，因為每咬一口都有好多水滲出來，而味道像清泉，不甜，但幾新鮮。【黑松露三文魚籽蒸蛋】由於我很喜歡吃茶碗蒸，我在香港及日本也吃過很多種茶碗蒸，但沒吃過這樣的配搭，所以感到有點驚喜，建議先將黑松露蒸蛋及三文魚籽蒸蛋各自淺嘗一口，再放在一起吃。而且吃廚師發板有個好處，你可以看著廚師烹調的過程，還有她仔細創造的料理手工已值得加分。【鐵板帶子】清新完口腔，味道是時候要升級。帶子很肥美大粒，一咬下去有種彈牙的感覺，非常好吃！而且為了配合夏天，特地配上冬瓜及菊花葉，消暑得來又別致。【鐵板象拔蚌】象拔蚌用了蒜蓉及牛油烹調，特別香口，喜愛吃香口食物的朋友一定會喜歡。【日本金鯛魚　配海膽南瓜忌廉醬】太好啦，有深海魚食，吃起來肉質紮實而脂肪厚，上面還有以半炸半焗的魚鱗，連著魚肉一起吃就有多重口感，因為很大塊，所以是否很像米通呢？不得不提的是這個醬汁，混合海膽、南瓜及忌廉，加少許紫菜碎作裝飾及引味，這醬汁倒沒我想像中濃郁，反而能帶出金鯛魚的味道。【鐵板炒笠貝　配烏魚子昆布】這堤炒笠貝有兩種食法。你可以品嘗它的原味，又可以配上烏魚子一起吃。除了添加了口感，由於烏魚子的鹹香，令笠貝更加野味，像我這種重口味的人就最喜歡了。【北海道蝦夷鮑　配鮑魚膽醬】重頭戲怎少得高級食材鮑魚？廚師將鮑魚拿出來時，已經一陣嘩嘩聲。鮑魚好肥美而新鮮，只是放上鐵板燒熱，都看到它不停一開一合。輕微燒熱之後會先拿進廚房清理所有內臟，確保我們的用餐體驗！鮑魚又有兩種食法，一種當然是原汁原味，或者可以沾少少鮑魚膽醬去吃。雖然我平時偏向重口味，但我還是比較喜歡吃鮑魚的原味。最後餘下的醬汁可以配抹茶冷麵一起吃，或者配酸汁也可以，簡直多種享受。【鐵板龍蝦】是原隻大龍蝦呀，其中一樣我最期待的食物終於出現了！放落鐵板看得出十分生猛，蝦肉的新鮮程度可想而知啦。而且用蝦膏炒過，就算不加醬汁直接食已經很有味道，好滿足！【焦糖多士】這個焦糖多士簡直是邪惡的集合體，好像砌積木一樣疊上去，看廚師烹調時放了很多沙糖上去，但我們口裡說不，身體卻很誠實，「唔食邊有力減呢」！？【鐵板佐賀A4和牛】原本以為食完前面幾樣重頭戲，應該差不多完，而且因為款式比我想像中多，此時已經八成飽，但我發現我錯了，竟然還有A4和牛。將炒至五成熟的和牛粒配上岩鹽食用一向是我最愛的方式。和牛肉質軟嫩、油花勻稱，少許甜又濃味，基本上沒人能抗拒吧。【龍蝦錭魚湯】必須說這個龍蝦魚湯真的非常「鮮」，用上龍蝦及之前吃過的金鯛魚烹調，入口前已嗅到十分濃郁的味道，放入口更加覺得從沒喝過這麼鮮的湯。【櫻花蝦和牛炒飯】好多櫻花蝦，炒飯只用剛才和牛的牛脂去炒，卻已經好惹味。炒飯好好食，但食到這時已經九成幾飽，所以建議半碗至一碗就夠了，因為還有雪糕。一餐完整的晚宴，最後當然要有甜品作結啦，當日選擇有抹茶雪糕及紅豆雪糕，由於不吃紅豆，所以我們都點了抹茶雪糕，吃完就10成飽，大滿足！…查看更多

🔎旺角亞皆老街8號朗豪坊10樓26號舖「冇油煙韓燒」－Lab 10 早幾日同朋友係朗豪坊行街，行到有d攰諗住食埋飯，咁岩見到呢間韓燒，又諗起好耐無食過咁就入左去試下啦。之後睇返原來呢間係標榜無煙韓燒，咁食完就唔會一身煙味咁走啦！我地叫左$198的OPPA牛牛板，一份鹽燒雞扒，豆腐泡菜湯同埋卡邦尼年糕。如果自問係超級食肉戰既朋友覺得$198的牛牛板唔夠喉，餐廳仲有個升級版($398)。OPPA牛牛板 $198首先係OPPA牛牛板，牛牛版裏面有七個部位的牛肉，包括有：牛舌，牛板鍵，牛肩肉，西冷和牛肋條，牛小排同牛後腹。款式夠多，2人分剛剛好！7款肉類裏面我最鐘意就係牛舌同埋牛肋條。牛舌佢雖然唔係厚切，但都唔算薄，燒起上黎好有咬口，但又唔會咬唔到。加上非常juicy，係我既至愛。另外就係牛肋條，用醬汁腌過之後再燒，味道非常好！其他既相對以上兩樣黎講就無咁特別，但都係好味既！豆腐泡菜湯 $78另外個豆腐泡菜湯，對於我呢d唔太食得辣既人黎講都算幾好食，少少辣得黎又幾易入口，仲有滑一滑既豆腐同惹味既泡菜，配搭一流！卡邦尼年糕 $88食卡邦尼年糕，最重要係個醬料，唔係就令到個年糕冇咩味，呢到煮得濃郁厚身，又好多煙肉碎，卡邦尼年糕好濃芝士味，加上係選用韓式年糕，係絕配呀！…查看更多

八府巡按套餐識食一定係去cwb食蒸氣，因為同朋友兩個人食得又唔係多。但又鍾意食海鮮，想食飽又食夠不妨試下一人一鍋蒸氣。而且仲可以坐得好舒服。因為想食得豐富d所以揀咗個豐富嘅八府巡按套餐。價錢貴dd，但我想講絕對值得。除咗有得揀安格斯牛肉同新鮮雞肉外，仲有各式各樣新鮮海鮮。蟹同龍蝦都有成半隻，而且好新鮮。白蜆份量又夠多，另外就係我最鍾意嘅貴妃蚌真係好大隻，食落極甜。鮮魚片肉質都好鮮嫩，的確值得一讚。而蔬菜拼盤＋埋烏冬落去食好鮮甜。絕對抵食，覺得可以同男朋友週年紀念再嚟搵食。而且最後仲有埋甜品食，仲包過食放題，真係非常推介。…查看更多

精美四小拼豬腸非常入味！再加上有頭水紫菜。仲有好入味嘅腐皮！前菜已經咁豐富，的確係加唔少分，加上我又好鍾意食中菜。紫菜扁肉湯佢嘅扁肉比起小雲吞還要細，但就好入味。仲非常有咬口！見餐廳好多單張都話自己嘅紫菜係頭水紫菜，原來真係靚既紫菜都係頭水，食落都食到係甜D。莆田鹵麵鹵麵個湯底比較厚身，但份量都係幾多，同埋食落都幾飽肚，仲可以飲埋D湯添。雖然只叫咗3樣嘢但真係飽到今日下午茶都食唔落，哈哈。😍😍…查看更多

晏晝無野做就同屋企人周圍搵茶飲，本來諗住都係富X或者美X之類嘅酒樓就算，又咁啱誤打誤撞搵呢間，就膽粗粗試下啦入去係中式風格既裝修，相當骨致，而且好鐘意佢既卡座位係有塊小屏風，可以用黎隔音~話說飲茶有道考牌點心係必嗌，燒賣腸粉蘿蔔糕。點解係呢3樣？因為呢3樣都係可以拎貨返嚟返蒸但又可以廚房人手製作相對簡單既點心~呢度既燒賣好大粒而且好實，面頭大大隻蝦就已經知係自家製作啦~蘿蔔糕夾得大力就會散，而且入口係feel到一條條蘿蔔絲，又係真材實料既自家製點心~可惜呢度無腸粉，如果唔係一定叫埋！…查看更多

🔎油麻地彌敦道558-560號譽發廣場8樓*「鮮味十足，材料豐富」- 橫浜水產.正所謂又要瀨尿蝦，又要牛丸， 最好就溝埋一齊。今日又想食燒肉，又想打邊爐， 揾到間兩樣可以同時食嘅餐廳。 地點好易揾，好近油麻地地鐵站。入到餐廳環境都唔錯， 睇個名就知道走和風主題。拎到本Menu,先從八款湯底揀其中兩款， 今次我揀咗 橫濱昆布湯 同埋 360牛乳海鮮湯。套餐就揀咗最basic嘅 美國牛肩肉放題+刺身套餐話咁快湯底同刺身就到咗， 首先開爐煲湯底，跟住就慢慢試下個刺身先。刺身裏面有三文魚、甜蝦、 刺身帆立貝、三文魚子、北寄貝等。 各樣刺身都新鮮嘅， 中規中矩啦。食曬刺身之後個湯底都差唔多滾了。 店員都將火窩放題既牛肩肉、 黑豚肉、 雞腿肉送上。 另外店內 亦有火鍋配料嘅自助吧， 樣樣都應有盡有，自己拎唔使等。試咗個牛肩肉 肉味都ok夠， 但係真係要注意淥 嘅時間，不宜太長。 黑豚肉同雞腿肉都合格啦，正常質素。最後飲品方面係冇自取嘅， 不過有張Menu畀你剔， 仲有好多款畀你揀添。 有台式紅、綠茶、奶昔、沙冰、乳酸、花茶、 港式奶茶咖啡、 仲有六款罐裝飲品比你揀，都算花多眼亂。整體食物同飲品選擇都多 又有打邊爐同燒肉， 價錢亦唔貴。🍽8.5/10…查看更多