MAVis Li的个人专页

又係掃街既時候，今次來到東門町，其實都係做左功課有備而來既。上網見到有人介紹呢間炸燒賣，要炸得唔乾又好食，都好難。就試下呢間炸燒賣係咩料子先。有蜜糖同 椒鹽味，我選左後者，22蚊一份。好似有10粒。叫左等左5分鐘左右，就有熱辣辣既燒賣食。第一口咬，唔會太粉，都幾有咬口。 但椒鹽味偏重味。食左兩粒有d頂唔住。唔知蜜糖味會唔會好d 呢。…查看更多

葵廣掃街天堂，前兩日睇左好多人介紹呢間百味川，食酸辣魚米線，不過今日我唔打算食酸辣魚，叫左兩個餸，魚皮餸同雞肉叫淮山麵。貪佢夠特別，酸辣中酸。下午12點幾人唔算特別多，但座位比較窄，我都算大隻，有dd 逼。5分鐘後，主角到場，先嚐一口湯。唔算太出色，不過不失。而淮山麵係比較有咬口既，但就唔似米線會 嗍曬d湯。如果唔想肥既，我諗呢個都係一個唔錯既選擇。整體來講10分我會比6分。唔算太特別，可能我無試酸辣魚會差左dd...... 下次有機會我會再來秠試下呢個招牌菜😂…查看更多

呢個開始涼既天氣最好食暖笠笠既野，🐤煲就係首選。今次book 左18樓🐥煲，7點準時入座一坐低就問我地要咩辣。我地要左少辣，但等左20分鐘都未來，就吹一吹，原來佢未落單！入座計兩個半鐘，咁等已經無左半個鐘。🐤煲來左就立即試試佢，香係好香但無咩辣味。有點失望。我地三爬兩撥食晒個🐤煲，就加湯落單打邊爐。呢到係電子落單，掃一掃QR code就可以落，好方便。仲可以睇到自己叫左幾多野。值得一試係佢有個小食炸🐤粒，肉好滑好香。但都要等左三轉先來到。整體大致野食都唔錯，但環境上比較焗，因為枱枱既煙焗住係成間鋪，又無風扇之類，所以有d焗。而座位上，個挨pan後面大力d坐就會搖到我地。。所以如果座位可以改善下會更加好…查看更多

老實講，住係附近又想食米線，只有一條米線可以選擇，但係米線來講都算貴。3餸米線都要50幾60。而味道方面不過不失，可滿足一下口癮。。。。可能獨市既關係，下午時間都普遍多人食既，多數都係街坊，要求唔高都可以一試。…查看更多

今次澳門游最主要食必達士的木槺蛋糕，因為佢既木槺蛋糕係香港真係食唔到，雖然價錢真係都幾貴，堂食會貴過外賣，但想舒服d, 我地選左堂食。叫左一個原味，一個朱古力味再叫多左杯涼粉雪糕冰。承惠170幾但真係好好味，下次好想買一個原個size返香港。。。佢另外仲有木槺布甸同埋唔同既咖啡，如果你鐘意懷舊仲有黑牛同白雪公主飲。食返舊時既味道，170幾都算值得既。如有去到澳門不紡試下呢間，因為好少地方可以做到咁實既木槺蛋糕 。。。…查看更多

結婚週年plan左來澳門食自助餐，今次做左功課來新濠影匯食，食自助午餐，預先上網買左飛，所以12點來到排隊等入座。入到去環境都唔錯，食物選擇都算多，我地安排左坐沙發位。第一轉就去試下沙律吧先，沙律都好新鮮。令我有驚喜既係芝士，佢既芝士有5種選擇，但大部份食落都好香。。之後就進攻壽司，壽司都算實，飯唔會散開。熱食同湯都可以，最後食埋個甜品就完滿結束。今次呢餐都ok, 價錢都唔算貴，選擇都算多。值得一試。…查看更多

今日係上環做完瑜伽好想食得健康d, 就諗起日本野，上openrice立即搵下附近有咩好介紹，比我搵到附近有大户屋。一直都試下大户屋，今次就順利成章試下。雖然星期六但上到去都8成滿。今次做完瑜伽就清清地叫左個鯖魚定食，佢仲可以加錢選唔同既飯，有五殼飯 海藻飯 小魚飯 雞蛋拌飯等等.....上到枱個定食賣相都好吸引，仲有麵豉湯同蒸蛋。。。第一口食條鯖魚，魚油好香但唔油，飯仲用左日本新瀉米。整體都好滿意，環境都好舒服，同朋友聚會一個唔錯既選擇👍👍👍👍👍…查看更多

今天係老公生日飯，早兩日已經打來訂枱。員工都很友善用英文問想留室內定室外，我選左室外，因為想睇煙花。其實都好大原因因為煙花先訂呢到。我訂左7點枱，當日6點半左右已經到左。餐廳有兩層高，都有好多外藉人士，而員工大部份都係外藉人士。安排我地坐好，我到就點菜，我地兩個人叫左三個餸，墨西哥烤雞肉卷，红菜頭沙律，同埋安格斯牛排。大約半個鐘已上晒餸，份量都相當大份。但紅菜頭沙律我地懷疑staff落錯單，上左另一款比我地，不過味道都唔錯。其實入來愉景灣，個feel 就好似遠離左市區，心情都輕松好多。到8點，可以望到迪士尼放煙花，就一同慶祝老公生日。睇完我地都買單，今餐3餸2杯野飲，共800大元。…查看更多