不得了03的个人专页

好耐冇得去旅行，又好掛住韓國烤肉，今次去到朋友介紹高質既烤肉店一坐低就上左三個小食，有青瓜大豆芽同中華沙律，好開胃，差中不足既竟然冇泡菜天氣熱就叫個豆腐沙律，清清地好開胃，配埋芝麻醬更惹味烤肉當然要叫佢個招牌牛肋骨，醃得岩岩好，牛肉油脂香又帶點甜味，仲要好長好大條燒到微微焦香，唔加醬汁已經好夠味，加少少盬可能令牛肉味更香濃再叫左個鳥肶肉，燒到外皮少少焦香，食落油香又唔太膩，仲好嫩滑烤肉當然要配埋啤酒先夠爽海鮮煎餅煎得好香脆，仲有海鮮同蔥，食落好香口朋友好中意飲湯就叫個泡菜海鮮豆腐湯，一上台都"渣渣"聲， 食落辣辣地，拌飯一齊食更夾埋單都係每個人唔洗400蚊，係尖咀食到咁高質烤肉，抵呀…查看更多

之前同朋友行完街當然要食返餐好，友人就帶左我去食間新問既放題呢到仲有得加錢食升級版，款式多好多，當然要加升級喇三文魚切得夠厚身，食落好肥美油香帶子食落肥美同鮮甜虎蝦, 甜蝦同油甘魚都好鮮甜同爽口羊鞍食落好嫩口同多肉汁，又唔會好膻，唔洗任何醬已經好好惹味了玉子燒既蛋味好香，甜甜地既蛋配埋燒汁，好惹味仲有海鮮既燒物，係小編既最愛焗黃金大虎蝦好大隻，蝦肉好爽口，配埋焗得好香既芝士同沙律醬呢個芝士焗蠔真係好爆芝士同焗得香口，帶子食落都好鮮味出邊仲有好多飲品選，果汁先生原來仲出左蜂蜜雪梨，好滋潤中意飲啤酒仲有得KIRIN麒麟啤酒，飲返幾杯都回本喇總括黎講：食物選擇唔多但質素幾唔錯，而且坐得幾舒服，每人三百幾都算抵食呀…查看更多

前排拜年去開長沙灣，上去前諗住附近醫下肚先，找找下就發現麗閣商場下改裝成貨櫃商場，仲有個小型foodcourt，當然試下醫下肚當然食d港式小食，呢間有好多選擇當然試下小編咁中意食辣，當然試下酸辣粉薯粉煮得岩岩好，食落煙韌，而個湯底酸酸辣辣好惹味，不過小編略嫌唔夠辣最中意呢到酸辣粉唔會好多油，唔會咁油膩炸雞翼炸得好香脆，食落肉嫩脆口，加少少淮鹽已經好夠味炸餃子又係炸得脆口，餡料係白菜豬肉好足料，仲配埋甜酸醬好惹味最有驚喜就係炸多春魚，炸漿唔會好厚但又唔會一夾就散，食落好香魚春既油香Oreo同雞蛋仔係小編最愛，配埋一齊都係第一次試，原來又幾夾雞蛋仔焗得香脆，Oreo熔左好似朱古力咁咁，呢個甜品作結尾好滿足總括黎講：呢間小食店選擇好多，而且樣樣都好正，抵食…查看更多

呢排接近新年，就同屋企人食餐團年飯，因為有老人家就近近地搵間酒樓食呢間酒樓都幾多選擇，孖寶套餐都幾抵食🍴過左830仲有宵夜特價小菜，幾抵食🍴今次就叫左個孖寶套餐加一個宵夜特價小菜芝士焗龍蝦，龍蝦好新鮮食落好爽口，啖啖肉而芝士係意外地香濃同creamy，而且個汁好多，拌埋伊麵一流佢仲要用錫紙焗，可以一路食都keep住個溫度而條魚好新鮮，雖然好厚身但都蒸得岩岩好，食落魚肉好滑身同香魚味宵夜特價小菜就叫魚湯肥蜆浸大白菜個湯底都幾清，而且蜆都大大隻，食落好肥美同冇沙，好岩老人家食總括黎講：食物質素唔錯，價錢合理，只係服務就差左少少，都算抵食…查看更多

午餐時間係觀塘當然係工廠找下有咩好食，今次就去到好多野食同野買既駱駝漆覓食天原來呢到係以前做兒童節目主持的文生哥哥所開，仲有幾間分店，當然支持下呢到最主要係食佢既滑蛋，所以lunch set都係蛋包飯有唔同既配料同唔同既醬汁，有燒汁、白汁、咖哩汁蛋包飯最緊要隻蛋，炒得好滑，而且蛋味好香濃，拌飯食一流而今次配料就選左是日精選，因為係小編最中意既吉列豬扒，而吉列豬扒當然配咖哩汁咖哩汁唔會好辣但比較香口，似係日式舍種甜甜地既咖哩而豬扒炸得好香脆，而且肉質好鬆軟，仲要有２大塊，好抵食總括黎講：店舖細細，而且食物質素都唔錯，份量又多，都幾抵食…查看更多

近排去開觀塘出job, 呢個地方咁多好野食，當然要捐窿捐罅去揾食餐牌選擇唔少，有齊哂星馬特色既食物，一個星期黎食都可不款式黑鼓油撈麵味道好濃郁，食落甜甜地，麵質爽口有彈性，每條麵都沾有醬油仲有少量芽菜，食落好有口感個豬手炆到好軟身同入味，而雞腳連骨都好淋身，食落好有骨膠原咁痴住個口個湯好有蝦同海鮮既鮮甜味，麵底就選擇左摻摻，即係米粉加油麵兩溝，食落好有口感而蠔仔隻隻飽滿，很新鮮的蠔仔味道，好滿足，入邊仲有豬皮, 蛋, 豬油渣，所以食落好香桔仔水夠好足料，有幾粒新鮮桔仔，飲落酸酸地好開胃又可以解滯總括而言：位置坐得就一般，但食物選擇多同質素高，及員工態度都好好，CP值絕對高，係間隱世但好食的小店…查看更多

觀塘呢到真係有好多小店，仲係黃色的小店，當然要去支持下，今次去到熟食市場一樓食間日式定食Lunch款式唔多，不過總有一款係岩你食，而且價錢相當經濟，全部都係$50樓下呢到仲要係白飯任食，岩哂大胃王小編同友人就一人一個餐叫左炸蒜片伴安格斯牛柳粒飯同原條蒲燒鰻魚飯安格斯牛柳粒牛味香濃，而且煎得岩岩好唔會好生同太韌，仲配埋大量蒜片吊味，好惹味一上到台見到真係原條鰻魚，好滿足呀鰻魚食落唔係好肥美但肉質彈牙，配埋超濃嘅蒲燒汁味，好惹味係街市入面黃到發光嘅小店，而且食物又平正，CP咁高，一定要黎幫趁喇…查看更多

觀塘區有好多工廠既樓上鋪，而且仲會好多唔同既主題今次就去到呢間懷舊校園既台式小店一試一入到去就見到好多以前學校啲書枱凳，仲有周圍好多書櫃，都擺滿左以前啲漫畫雜誌不過最吸晴既就係有好多文宣，又係一間好值得支持既黃店前排係聖誕節，佢仲有聖誕卡提供，可以寫比冇得黎既一班手足Lunch set 都有好多款選擇，有飯有台灣面，都係60蚊到一位個，相當經濟餐廳採用自助式，先比錢點餐再等，然後自己去枱取餐，好有學校飯堂feel套餐包左個一碟小菜，主食同飲品，相當豐富牛肉煮得幾淋身，而且牛肉味幾濃，不過麵質唔係好彈牙同吸湯而最重要既湯底就不過不失，牛肉味同麻辣味都唔太濃套餐包一杯嘢飲就叫左熱既蘋果綠茶，唔會太甜同幾香蘋果味總括黎講：食物質素中規中矩，而價錢相當經濟，加上上學年代的小時光環境，CP值都算高…查看更多

中午食飯時間，係中環都有好多特色餐廳，今次就去食個星馬菜Lunch set既選擇都幾多，有飯有意粉有叻沙，總有一款岩你食個湯底好濃郁，尤其椰香味濃，而且愈食會愈辣，十分惹味，好似到差唔多成碗湯都飲哂入邊有雞絲, 魚片, 蛋, 豆卜等等好足料，豆卜仲吸哂湯既精華好正不過呢到最吸引我就係佢有螄蚶，傳統既喇沙係有螄蚶不過香港冇咩地方有螄蚶好肥美，而且食落好鮮甜，配埋叻沙湯好正總括黎講：係中上環呢個價錢來講算係有質素，不過位置坐得迫少少同食完就會趕人走咁…查看更多

女人街出名都有好多小店，今之就去左手作意粉既小店，一上到門口都好多人，而且一定要人齊要入得，最後等左20分鐘先入得食物選擇唔多，不過都係以手作意粉為主，有忌廉汁同蓄茄汁選擇見好多人介紹呢個忌廉汁自家製醃肉及日本生雞蛋配手製闊麵，就一於試下由叫餐到上餐都等左20分鐘左右，可能係小店所以都要時間等候不過員工都好有禮貌咁叫你等一等, 而上餐個陣都提小編要”趁熱撈匀生雞蛋”生雞蛋撈匀後個忌廉汁冇咁稀，而且好creamy，每一滴都食哂而且手製意粉好掛汁，個汁大部份都掛哂係意粉上，食落好煙韌同口感而呢個醃肉係自家整都幾特別，係用五花腩整，食落咸咸香香又唔太膩，同個忌廉汁又幾夾上餐望落去份量唔多，但食落其實又幾飽，好滿足餐飲仲係自家整既凍水果冰茶，水果味同茶味幾好但唔會好甜，而且係無冰唔怕個味道會淡總括黎講：食物嘅質素都幾高質，而且位置坐得舒服，係一間值得encore嘅小店不過就要預左要等既準備…查看更多

當見到個門面都知道佢有幾黃，而且光榮呢兩字係黃色經濟圈都成日出現，相信佢既黃事大家都知，唔講咁多一於懲罰佢入到去就見到裝修好懷舊，好有以前冰室既風味，仲係正中間有大大隻餐廳既名餐牌上面選擇都不少，有齊茶記應有既選擇呢到轉辛辣面都唔洗加錢，好抵食呀個面煮得唔會太淋，仲會比埋原裝調味粉雞翼煎得好香脆，而且肉質仲好嫩滑多汁跟餐有多士配奄列，都係傳統港式味道，奄列煮得好嫩滑同好多火腿而且好多蛋汁同蛋味濃，可以用多士點蛋汁，多士仲唔洗加錢夜晚去食既仲有煲仔飯，天氣咁凍見到好多台都一人一個夜晚又忍唔住黎左試煲仔飯，天氣凍凍地食返個暖笠笠煲仔飯就最正個煲仔飯一黎到，又熱辣辣又香噴噴不過煲仔飯需時都要20分鐘左右，真係比Ｄ耐性呀叫左個紅棗滑雞煲仔飯（＋潤腸）滑雞份量都好多，都算幾滑同非常厚肉，雞有雞味而膶腸既肥肉不多，膶香味濃，不過有少少煮燶左飯粒都煮得幾爽口同乾身，但可惜飯焦唔多，有部分煮燶左土魷肉餅煲仔飯，肉餅打得鬆軟，加埋鮮香既土魷，食落好有口感不過鹹魚唔太夠霉香，食落比較厚身總括黎講：光榮冰室無論係常餐或煲仔飯都幾出色，而且員工服務幾好，加上係超金黃店，絕對值得去試p. s. 個日本身想食何已完，員工同我講頭七都過左已完…查看更多

天氣凍了就想去要食川菜同酸菜魚，點知上到黎反而食到一肚氣6點幾一上到都冇咩人，可能太早未咁早多人7點到就開始多人，不過有好多都係普通話人，環境好嘈睇到網上個個都推介酸菜魚，今日係專誠黎食酸菜魚，當然要叫喇一黎到好大碟就嘩左一聲，份量幾多，好似幾唔錯魚肉幾厚肉同滑身，不過唔太吸到酸菜魚湯味，而且Ｄ魚食落有泥味唔新鮮個魚湯冇咩鮮味，而且得酸菜味咁，真係食到一半都食唔落了，好失望了總括黎講：餐廳環境好嘈，食物質素好低，仲要收左加一服務費同茶錢但想找人加水都冇:(…查看更多

估唔到係香港都可以平價睇住維港用餐，真係好岩生日或特別日子慶祝可能近排社運令到比較少人出黎食飯或消費，沒有book位下都有得窗口位置窗口位置仲可以見到對面海既小編最愛既摩天輪，而且位置寬敞，私隱度高，真係好舒服佢有一人餐叫，兩人去既可以一人叫一個share食，唔洗諗都試到好多野套餐包沙律，主菜，飯同甜品，所以都好飽下前菜 係蕃茄蟹肉沙律，沙律菜係新鮮，仲有好多蟹肉，醬汁係酸酸甜甜，相當開胃先介紹龍蝦餐，主菜有燒銀鱈魚，帶子同龍蝦燒銀鱈魚食落好魚香同滑嫩，而且有D焦焦地既香，不過就油左少少帶子既火候岩岩好，食落爽口彈牙，而且好鮮味龍蝦食落比大蝦更鮮味同爽口，啖啖肉好滿足而和牛餐既主菜有鵝肝多士，大蝦同和牛鵝肝非常香口，入口有溶化既感覺，啖啖回香，配埋底層既脆多士一齊食好夾大蝦食落啖啖肉，好爽口同彈牙，好鮮味和牛既牛味相當香濃，而且七成熟岩岩好，食落好juicy，仲有香脆蒜片，食落有層次感「挪威三文魚炒飯」和「香蒜煙肉炒飯」炒飯粒粒咸香，仲有好多配料，份量亦不少，好滿足 甜品有柚子雪葩或豆腐雪糕，兩款都唔太甜同清新，可以一洗個油膩感總括黎講：食物唔算頂級，但以地段、景觀、服務、價位黎講絕對是極高性價比，好岩情侶或小家庭想靜靜地食飯慶祝…查看更多

相信大家都識咩係黃店，今次黎到銅鑼灣又行到累當然要飲杯野木衛二係好出名既黃店當然張懲罰下，出一分力佢做過既黃事就唔方便呢到講，咁就介紹佢個店面先，真係好金黃💛係店鋪隔離有個小corner貼滿哂memo紙既連儂牆，等飲品個陣可以睇下，睇完都會好正能量💛而且呢到既文直真係好update，提提大家最更新既活動呢到仲有大量既文宣貼紙拎，等飲品個陣可以睇下最重點一提呢個，記得拎定垃圾黎，原因不解釋小編係芝士奶蓋迷，當然要試下呢到既奶霜，有幾款茶底可以選，叫佢推介觀音就一於試下奶霜姐係芝士奶蓋，奶蓋打得好滑同好夠鹹香但就略嫌甜左少少（已叫微糖）咁個茶底係香茶味同幾純，而且帶有觀音既少少苦澀味，中和一下奶蓋既甜味總括黎講：呢間黃店絕對值得黎支持下，大家記得繼續支持黃色經濟圈…查看更多

友人就帶左小編去尖沙咀，有一間有得單叫串燒同任食串燒既bar，今晚就去試下燒賣🍡 $14墨魚丸🍡 $18貢丸🍡 $18龍蝦丸🍡 $18牛丸🍡 $18單骨燒雞翼🍡 $25雞肉串🍡 $25牛肉串🍡 $25豬頸肉串🍡 $25串燒之中我最仲意豬頸肉串比較厚身，食落好有肉汁，仲肥美又爽口蒜香茄汁大蝦少炒意大利面🍝 $108甜甜酸酸既茄汁十分開胃同濃味，意粉都煮到入哂味，再加上新鮮大蝦，好彈牙一上到台就好吸晴一入口既酒味不濃，仲帶少少甜甜，不過個人就覺得有d藥水味，唔太岩小編呢個fruit punch就岩哂唔飲酒既人飲落酸酸甜甜，好開胃呀餐牌…查看更多