hungry fish的个人专页

折左都要$101 既外賣，冇諗過可以咁hea咁難食.....冇米香既珍珠米，唔緊要....但其實你外賣整唔到石鍋飯，可唔可以唔好吹咁大？我一打開都知奶野，十分鐘內已經食，兜飯又硬又微暖，又冇米味，最接受唔到，佢係就咁係個飯上面加罐頭蟹肉，一舊明太子....同幾條紫菜！大佬....咁樣我洗乜買外賣呀？自己買罐頭算啦！而且蟹肉冇味，明太子亦唔香！只食到辣味！我完全唔知自己食緊乜！難食到極點，老闆有冇自己試過？你食得落先好賣俾人丫大佬！點解呢個可以叫石鍋飯？！外賣做唔到你就改menu la! 一舊水！？疫情生意難做，你都唔係當啲客傻嫁嘛？可一不可再，做幾多折都唔會再食，去超市買個hea 飯都好食過佢！…查看更多

朋友自從喺台灣食完鴨血念念不忘，見到尖沙咀開咗，即刻約我上嚟食，就喺美麗華附近，好易搵，嚟到每一個店員都好有禮貌，負責我哋張枱嘅服務員好詳細咁解釋，仲成日90度咁鞠躬，今日嘅茶係荔枝茶，幾特別鴛鴦湯底一邊係酸菜白肉，一邊係酸辣湯底我哋叫咗老油條、百葉豆腐、蝦丸老油條浸落去索一索啲湯底，脆卜卜好正湯底入邊嘅豆腐同鴨血吸晒啲湯，超惹味，勁想撈飯，淨係食呢個都食到飽呢度嘅牛肉真係超正，不單止肉汁鮮嫩，牛味又濃！仲勁大碟我覺得最正都係滷水拼盤，店員介紹話叫我地返落去個湯底度耐少少，但我想講就咁食都超好味！環境服務食物質素都好有水準一定有下次！…查看更多

最近公司忙到爆炸，連朋友都好少見面，今日終於可以做晒啲嘢，嗱嗱聲約三五知己嚟打邊爐，鬆一鬆飲番杯！ 朋友介紹嚟樓上鋪冇咁多人，唔使咁嘈可以傾吓計，坐得又舒服！呢度嘅湯底，真係大有來頭睇吓啲蜆多到！超級鮮味而且啲蜆食極都食唔完！😋👍🏻👍🏻👍🏻打邊爐我就最鍾意食魚㗎啦，我哋叫咗兩款，鱔片，脆肉鯇，全部都好新鮮，個湯底用咁多海鮮熬真係超正！呢個黑松露墨魚滑又係超正！好香黑松露味！呢度都幾特別有得食紫淮山，紫淮山對身體好好，紫淮山又名為「紫人參」，根據《本草綱目》記載，「紫淮山」係地中寶，有好高藥用價值。而且紫淮山含大量花青素，有抗氧化同美容養顏作用！…查看更多

自從試過呢度嘅燒味之後，真係念念不忘，好多酒樓嘅燒鵝都比唔想，呢度自家製真係別有一番風味，今日咁啱喺銅鑼灣行緊街，就有心思思行咗過嚟天后呢邊食飯今次嚟到發現多咗好多選擇，有好多唔同小菜嘅選擇，仲有二人餐四人餐，又有滑蛋叉燒飯，炒飯等等，所以無論你係一個人嚟食定兩個人撐枱腳定係一家大細開飯，呢度都滿足到你！嗌個二人餐已經可以試到三款燒味，當然唔少得有燒鵝，我就揀咗油雞同燒腩仔！燒鵝皮脆肉嫰，一咬落去超多汁，可以送幾碗飯！油雞一樣夠晒入味，肉質滑dodo！燒腩仔肥瘦均勻，咬落去個皮仲係脆卜卜！小菜要咗個黃金魷，鹹蛋味超香夠晒惹未！…查看更多

將軍澳中心呢排開咗好多新嘅餐廳，其中一間係食星加坡馬來西亞野嘅，裝修企理，而我同朋友都好鍾意食星馬泰菜，冇理由唔試吓架！首先叫得海南雞專門店，一定要試下個海南雞飯啦，叫咗半隻海南雞，加一個油飯，呢度嘅海南雞係冇骨嘅，而且滑到飛起😍😍😍😍啖啖肉，啱晒懶人！加埋油飯，超級正！另外就試咗個軟殼蟹米紙卷，有超多生菜同三色椒，夠晒健康！配甜酸醬食夠晒開胃！朋友叫咗個炒金邊粉，好惹味😋😋😋😋😋都仲可以叫里的茶嘅台式飲品！紅豆牛奶好好飲！而且仲係用3.6牛奶！唔緊要左個芒果糯米飯，好似一舊舊壽司㗎，大家share嚟食就話咁易👍🏻大滿足！…查看更多

好朋友話想食日本野，咁啱又係尖沙咀行完街，我就即刻諗起K11隔離嗰間味道樂呢度食物嘅種類真係好多，選擇好豐富，淨係串燒都兩大版！首先一定係要叫我推介嘅明太子雞翼，汁燒大白鱔！呢兩個燒物真係必食！火候啱啱好唔會乾，白鱔淡淡肉！加埋杯梅酒就最夾😋😋😋👍🏻平時通常食開三文魚餃，今次叫咗油金魚餃試吓，估唔到咁滑咁香！👍🏻鍾意食魚嘅唔可以放過！時令生蠔，大隻到你唔信！入口個種滿足感真係非筆墨能夠形容！😍😍😍燒大蜆，鮮味到不得了！海鮮控嚟到呢到真係太開心太滿足我仲叫咗吞拿魚腩刺身同堅魚刺身！睇下個油脂分布😱😱😱👍🏻👍🏻話說嚟咗幾次都未食呢一度嘅招牌菜，原條成日醬燒炭火燒鰻魚飯！淨係睇個賣相都夠晒吸引！食完真係超飽超滿足！…查看更多

好少嚟開呢頭,朋友帶路，話呢度開咗間好正食燒鵝既，一於黎試吓！裝修好新穎,一支都唔似以前食開燒臘嘅鋪頭！入到鋪頭，店員都好熱情招呼，安排左座咗之後，店員介紹返佢哋嘅燒味,原來係自家製仲有自家廚房！師傅仲經驗豐富！我哋叫咗下庄燒鵝，燒腩仔拼豉油雞，凍檸茶同鹹檸七，另外帶咗兩碗白飯！我一放低已經流晒口水，見到個皮脆卜卜，肉眼睇都知道啲肉好嫰滑，一咬落口肉汁爆曬出嚟，用啲汁撈飯真係超正！佢哋主打燒鵝啦，點知連燒腩仔同豉油雞都做得好出色！燒腩仔皮脆肉滑，肥瘦岩岩好！豉油雞非常入味而且滑到不得了！加杯鹹檸七真係不得了！…查看更多

住土瓜灣附近，見到呢一度越來越多新開嘅餐廳，入邊嘅情調同裝修都好唔錯，我個人就最鍾意幫襯小店，唔使食嚟食去都係嗰啲大集團連鎖店，小店充滿人情味而且食得出老闆嘅用心:)呢度嘅裝修以深灰色同黑色為主，而且一直播住柔和嘅音樂，好有情調！呢度一個套餐由$298起，今晚我同朋友就揀咗燒濕熟成美國牛肩，已經包左前菜，餐湯，薯條沙律任食，主菜，餐茶同埋甜品，出返油尖旺呢個價真係食唔到！首先係前菜，多士係微暖抵讚跟住係蘑菇湯，一放低已經覺得好香濃，仲有粒粒磨菇碎，平時出去食西餐啲餐湯通常都飲唔晒，但呢個真係忍唔住成杯K.O.呢到嘅黑松露薯條炸得好好食，即炸既，油溫啱啱好所以真係外脆內軟！忍唔住一個人食咗兩碗，連沙律都出奇地好食，店長見我食晒都主動走埋嚟問我需唔需要添，估唔到任食但一啲都唔hea!食食吓已經聞到陣陣牛香，左隔一陣就上菜啦，望到呢個微微嘅粉紅色我就心心眼！肉汁爆棚！又香又唔un !! 超正之後仲有餐茶同埋芝士蛋糕，芝士蛋糕一啲都唔漏好好食！餐飯食咗個半鐘，服務好好！會再嚟食！…查看更多

最近返工都好忙，好耐冇同朋友出去，今日終於放工有時間可以出去睇場戲，睇戲之前梗係要醫左肚先，見到呢度喺戲院隔離就有間餐廳，而且出邊放咗好多窩夫同pancake，非常吸引，見咁就腳就試吓啦！首先睇睇Menu先啦，價錢都好吸引， $60就有一個套餐我哋叫咗個拿破崙意粉， XO醬鴨胸絲炒意粉，溫泉蛋煙肉白菌意粉，我哋share嚟食，我最鍾意食XO醬鴨胸絲炒意粉，係意想唔到咁夾，而且意粉偏硬，係我杯茶！溫泉蛋白菌意粉啲汁好creamy , 友人都讚！拿破倫意粉就相對冇咁漏，都唔錯食完野又點少得甜品呢，我哋叫咗士多啤梨朱古力雪糕窩夫，聽講師傅係日本學師，連窩夫機都係美國進口，咁一定唔試唔得啦！窩夫外脆內軟，配埋雪糕一齊食一定係絕配！…查看更多

喺旺角行街行夜左，成日食嚟食去都係酒樓，好鬼悶，但係又想食中餐，所以決定嚟呢度試吓！地點超方便，就係喺旺角中心對面，超易搵！要得心夜來潮，梗係啱晒夜鬼開到凌晨！行到身水身汗，梗係要整返支啤酒，呢度用戰鬥碗飲啤酒，好盞鬼！望望餐牌其實好多嘢都試， 價錢仲好抵添！最後點左：椒鹽一字骨薑蔥生蠔金沙寶寶寶方魚炒芥蘭砂煲生嘟鱔白果胡椒豬肚湯椒鹽骨大大嚿，但係一啲都唔un, 肉質夠哂滑足料又香口！送啤酒就最啱啦！薑蔥生蠔真係唔讚唔得，首先生蠔新鮮到不得了，而且食極都仲有，有勁多舊生蠔!金砂寶寶寶用我最鍾意嘅鹹蛋黃炒，真係超惹味！完全係我杯茶鱔煲又係不得了！勁大份又鮮味！抵食過酒樓好多！豬肚湯又係最鍾意嗰陣胡椒味…查看更多

要就哂咁多個朋友仔地點，旺角油麻地就最啱㗎啦，呢度好近油麻地地鐵站，出咗地鐵行一陣間就到啦，而且好易搵！今日落住大雨，大家都好狼狽，上到嚟見到menu ，價錢好抵！ 2:30仲有下午茶添！而且飲品選擇都有好多，有咖啡、沙冰、花茶等等.....而且set lunch已經包左沙律，咁嘅價錢真係係邊度搵！我哋叫咗香辣蒜香黑椒豬肉粒橄欖油炒意大利粉，珍珠帶子卡邦尼煙肉意大利粉同燒紐西蘭牛扒肉眼配黑松露汁同薯菜食物份量全部都好大！而且全部都好好味！真係估唔到！另外我哋仲叫咗花茶，分別係藍花皇家伯爵荔枝紅茶同草莓荔枝紅莓乾花茶，兩款都好好飲另外仲追加左雞翼，酸酸甜甜，而且脆卜卜👍🏻…查看更多

三五知己約埋最好就係打邊爐啦，但係我哋就完全唔鍾意嗰種低質任食、味精湯底、又嘈又唔好坐嘅火鍋店，如果你同我要求一樣，唔想食垃圾浪費自己quota，咁呢到一定唔會令你失望！嚟到見到裝修咁靚，而且一啲味都冇，大家心情都靚靚今次要左冬瓜花膠雞絲翅湯底，睇個賣相就知有幾足料，係打邊爐之前我哋每人都飲咗兩碗湯，美容養顏又唔會燥熱！唔似出邊嗰啲味精湯底！我哋叫左頂級安格斯牛肉，睇相都知出邊嗰啲肥牛係冇得比！牛味香濃！而且唔會好多肥膏！黑毛豬都係冇得彈！一啲都唔鞋！呢到都有唔少刺身嘅選擇，我哋就揀咗三文魚！新鮮肥美！竹蔗茅根水唔會死甜，夠晒健康！不得不提呢度嘅蔬菜清理得好乾淨，食得好放心！唔單止有得打邊爐，呢度仲有串燒食，而且好高質添！完全拍得住日本居酒屋！地方企理，坐得舒服，食物選擇種類又多，招呼又好，店員每個都好有禮貌，仲要唔貴，我諗唔到有唔黎嘅理由囉…查看更多

首先呢度地點方便，就喺K11對面，而且經常都有唔同既時令新鮮海鮮，所以真係食極都唔厭！而且性價比又夠高！已經變咗同朋友嚟嘅聚腳點一貫日本居酒屋嘅懷舊風格，一坐低就首先望下刺食Menu，店員介紹話今日池魚好新鮮，最近我亦都愛上左食冇咁濃郁味道嘅刺身，反而中意左個種有淡淡魚香回甘，食得多都唔會覺得漏，池魚就正正係其中一種啦！加埋柚子汁食，完全係我杯茶！另外唔少得就係我哋最愛嘅日本珍蠔，又大隻又creamy!! 成隻放入口真係大滿足！又鮮又甜！喺呢度食刺身真係永遠唔會令你失望！海鮮控梗係唔少得試埋超大蟶子！用牛油同蒜蓉燒，超級惹味！蟶子冇沙又唔鞋口！啖啖肉呢度嘅燒物都好正㗎！有我每次必食嘅燒白鱔同牛俐！攞嚟送酒，坐喺度同朋友傾計真係一流！最無敵嘅係連壽司都好食，有咩辦法唔番轉頭呀…查看更多

天寒地凍最啱就係食拉麵，我同朋友都係拉麵控，最近見到呢一度開咗間新嘅拉麵店，望落去好醒神，黃色嘅裝修吸引左我地停低喺度睇，見到係食拉麵嘅我哋就不約而同就決定係到食！呢度雖然鋪頭唔大，但係乾淨企理！我叫咗個白雞湯，一嚟到已經聞到好香，即刻試吓啖湯，係好濃嘅雞湯香味，但係一啲都唔漏，清清地，啱晒我！另外我追加左豬肉叉燒，同埋半熟蛋，不得不係呢度嘅叉燒真係好好食，又林又香！啖啖肉，而且份量仲好大添！覺得唔夠食仲可以加面底架！朋友仔就叫左呢一個期間限定嘅黑蒜拉麵，一嚟到已經聞到好香嘅蒜頭香味，濃郁嘅湯底，呢一個湯就比較重口味，啱晒友人口味！呢一度嘅麵質素好好，好有咬口，我哋唔使再成日食啲集團拉麵咁悶啦！唔夠飽仲可以嗌呢個軟骨餃子！配柚子汁👍🏻又仲有好多唔同嘅日本沙灘可以揀！我哋兩個都食得好開心！會再嚟！😆…查看更多

朋友住喺呢度附近見到樓下開咗間新嘅十字冰室佢就叫我嚟同我一齊試吓新野啦！坐低叫杯嘢飲先啦，我就叫左呢一杯焦糖奶昔，唔止賣相靚仲超級好飲，好香滑而且焦糖味好突出我就叫咗個常餐，呢個意粉嘅湯底都夠晒香濃係牛奶湯底而且配嘅豬扒一啲都唔Hea，口感好好，肥瘦適中！連炒蛋都有落牛奶去整嘅！朋友就食咗另外一個餐配嘅係蕃茄濃湯牛肋條，佢話個湯底超好味，真材實料！除咗普通常餐呢度都仲有好多特別嘅小食，我哋就叫咗呢一個椒鹽炸燒賣，咬落超香口，脆卜卜熱辣辣，即叫即整！正另外我哋仲叫咗兩隻瑞士雞翼試吓，唔會太咸，但係好入味朋友個餐配嘅黑松露炒蛋超級香濃好味店員介紹我哋叫多隻炸比，呢度既炸比真係超級巨大而且真係好香口肉質好滑！奶茶又夠晒香濃！下次應該都會再幫襯！…查看更多