hoagnes的个人专页

行過聞到肉骨茶陣除未試下囉，個湯頭係唔差既，但肉乾乾地囉，佢有兩款：寸骨平啲，一字骨貴啲，通常係試左平價，平價都好食，貴價級應該更好吧既道理 🤣 奶茶正 … 個湯都添多碗，但otak otak就無左馬拉食過既魚香味，且唔夠辣 … 聽到好多人話要食老鼠粉，想必依個先係招牌菜？…查看更多

其實搞放題都知大鑊，但我諗住係翠園（記錯左Lee Gardens）果間唔會差得去邊，點知黎到見到樣已知瀨野 ... 當時我12點到還好，第一輪好快到，但無留意到好多點心原來以件叫，於是唯有叫第二輪，第二輪等左半小時，以為部分野唔到，再叫第三輪，等極都未有，當時已是1點，可以食既時間只剩1粒鐘（因為有兩小時用餐限制）催啲侍應當我唱歌還掉番轉叫我地體諒，但啲人又不停咁好忙咁行黎行去唔知忙乜，最奇怪係點解豆腐花同雪糕杯都要等！？咁老實講我覺得又唔係人既問題，食肆要知道做放題同fine dining其實係唔同business model，要廚房樓面改面營運模式，仲要學人搞網購，同寫鱔稿，更大鑊 ... 最尾我只食到一粒蝦餃🤬 而臨近兩點，每檯開始complain，有檯客仲掟卡片落部長到…查看更多

奉勸各位，串燒真係唔好經foodpand訂，我叫了依間外賣，訂既時候無得可以落走辣既要求，訂完見到依度食評話啲嘢好辣，嗱嗱聲打去餐廳打算截單，打電話又打好多次都唔通，就連foodpanda都話打唔到俾佢地，終於有一次打到佢，負責人表示已整好，仲話梗係唔係好辣啦。講到依到，大家應該估到，啲野食辣到飛起，最慘我地有人係唔食到辣，少少都會敏感，個細路最後仲要食杯麵，真係好嬲，係foodpanda系統根本無法下特別要求，好似只係部分餐廳得 ... btw外賣送到黎既野又凍又咸又辣，無下次…查看更多

平時係依到返工都食開，今日禮拜六帶阿女黎食，店中只有一店員，出菜好慢，但店員姐姐都好好努力，整依個all day breakfast其實好多不同工序，又要煎，又要烘多士，又要擺碟，平時有兩個店員時都覺吃力，今日只得一人，真係好替佢辛苦，後來得閒啲佢仲咁努力整杯靚靚朱古力俾阿女，好感動 ... 佢既老闆見字真係要加人工俾佢，一個人搞掂咁多野仲要full house其實個餐只係$74，我地想嘆杯，所以加左$24 所以撇開唔加錢升級飲品，其實好抵食…查看更多

豬手的確好味兒童餐就一般啦下午茶餐都$168，匪夷所思，叫番主餐牌好過服務好差，成日人影都唔多個，但目測其實樓面都有3個人，服務生其實都熱心，但唔知點解總係唔夠人，佢地拎碟菜時都唔知拎執邊檯，所以歸咎於management方面…查看更多

第三街新開既日本店，火鍋好抵，依個係一人前，下面盤牛肉係追加（因為我初時以為個餐係有海鮮但無肉）備註：當時仲有個麵未上 ... $3百幾有隻大鮑魚，帶子，4隻蝦，半隻蟹，同成盤肉，真係超值 ... 唯一嫌棄係冷氣太凍，湯底唔夠濃，但聽到隔離台同老闆講，老闆話有客話太濃，所以家下淡左，佢話會再跟進調校最多人接受既濃度，聽落都幾有heart ... 總之老闆有禮兼又送甜品…查看更多

等左半個鐘頭多，食個2百纜蚊既牛扒，質數同大家樂差唔多，連兒童餐，鰻魚飯都唔掂 ... 最難頂，乜都要等，超級under staffed ... 甜品要等，主食更要等，仲等左>20分鐘先黎，甚麼pokka品牌信心保證，嘉騙人…查看更多

每一樣都唔掂，叫左煙三文魚沙律，估計三文魚鋪在係菜到一段時間，菜吸左魚味。軟殻蟹米紙卷，個蟹炸左好耐唔香口，其他材料如青瓜絲係完全無味。安南三寶飯，雞油飯無雞油味，雞翼好大陣油益味，豬扒太厚鞋到震…查看更多

雖然係日本直送食材，但都咁貴嘛，不顧一切咁食就夠買一張機票去轉東京啦，仲新鮮啦 ... 十舊都唔夠既鯛魚刺身$698，兩件蟹膏壽司又百幾蚊，最過份係松板豬手，$288得兩片太卷咁既size既豬手，幾好食都係假，都係果句，日本食都無咁貴 ... 原本仲sell我地喜之次兩食，成千六蚊 ... 隔兩台食緊半隻蟹，又係$698 ... 海膽一板又成千幾蚊 ... 果日店員話有另一台客，要我地8點交台，一坐低佢又唔得閒理我，等左10分鐘先理我地，我叫左部分野食，店員又話：你係叫就叫埋，因為你8點要交台 ... 好啦，拿拿聲又叫埋 ... 跟住等左差不多半個鐘先有得食，食到7:40我都知要走架啦。諗住食完未埋單，點知店員已遞上單 ... 其實唔駛咁催我嘛，應承得你就會俾番張台你啦…查看更多

求求其其搵個晏食，趕住去超市買野，見對面有間裝潢唔錯既餐廳，又未過，隨便食左個lunch set，南瓜湯+seabass，兩樣都好唔好食，就連個餐包都好差，又乾又唔脆…查看更多

成日出入中環見到間鋪，見好多傳媒報導，以為唔錯，終於今天有機會一試，點知都係gimmick多D招牌菜烤鴨煎餅味道OK，但竟然食食下有幾條鴨骨，差點整損　反而港式甜餅不錯，中間有層脆脆地幾特別　…查看更多

菜色玩fusion，其實係扼鬼佬多（剩係得我一台係香港人），尤其係價錢方便，五、六十蚊一碟兩件，食極都未飽，特別既點心得一兩款, 其他平平無奇, 個餐牌只係得一兩個字形容每個點心, 要加點想像力先知。問個侍應生有乜推介, 佢都好積極, 不過最後只係所有菜色都讀一次, 無乜inpute…查看更多

尋日食左個set lunch, $64, ok啦, 熱辣辣幾好食, 調味恰到好處, 又幾香 ... 不過舊魚就細左啲, 薯條多過魚好多, 同埋無condiments連埋, 我都唔知, 幸好味道夠就咁食都唔錯 ... btw, 個餐話有soda, 唔係汽水嗎? 我返到屋企先知無野飲 ... 可能我英文差誤會左啦…查看更多

服務差到極點，漏單，催又唔理，投訴又扮聽唔到，一句道歉都無 ... 如果對服務完全無要求都可以食，否則去會展天橋底既三六九仲好 ... …查看更多

不嬲都知依間野既名氣, 幾次都好多人, 座位又唔多, 今日因為朋友遲到就等下位lor食物水準幾一般啦, 上一次係中環既山頂餐廳反而仲好味 ... Egg Benedict既hollandaise sauce 太多檸檬汁, 有d酸, 可能係本身為左減去蛋既膩, 但係太多搶了蛋味side dishes有得揀的確好開心, 不過就味道ok啦, 扒蕃茄唔夠juicy, 炒薯仔應用比較爽既薯仔不過價錢就ok啦, 所以都唔要求咁多呀…查看更多