Edith momo的个人专页

買咗一杯飲品，男嘅店員將杯嘢放喺洗手盆內邊度，女嘅喺隔離用百潔布用洗潔精洗緊嘢，距離只有40厘米左右，係同一個洗手盆，同佢反映，你整緊嘢你喺隔離用洗潔精洗嘢，操作好有問題，影響衛生，雖然喺街邊你唔但求佢有幾咁乾淨，但係你都唔係喺個客面前用洗潔精洗嘢呀，仲要辯駁我喺隔離咋嘛。難度啲水唔會彈嘅？個客已經睇到你咁樣做啦，仲要辯駁喺隔離唔會影響，之後佢話再做咗一杯，然後我見到佢最後用個蓋撥開啲泡嘅同時，個蓋亦倒左啲水喉水落去。我諗你洗咗嘅水唔會用過濾水洗掛。30幾蚊俾杯咁嘅嘢你飲。…查看更多

我真想知啲好評係點嚟，以前食過兩次中午，下午茶，啲野都咸到飛起，呢次比多次機會，食早餐，點左個腸仔蛋，呀姐問要多士定方包，晨早留留都未訓醒，就要大腦急轉彎，第一次食點知有咩分別呀，呀姐即刻吹「快啲啦！」，要你唔准諗即刻答。你估你係牛奶公司咩？定林雪？腸仔就好正常，隻蛋煎爛哂，其實都唔緊要，唔難食就得，多少都算好食，厚多士唔係化石，點知。。。啲米粉有up味，仲要好up。。。。啲侍應呀姐好似欠左佢咁，凶神惡煞咁。點解會有人話服務好😥…查看更多

太難食，本來等人食飯，坐吓飲吓茶，成日無食嘢，諗住食少少嘢頂吓肚，都怕唔好食都無叫啲新嘢，諗住隱隱陣陣叫個tiramisu 實無死啦，點難食都有個抱，點知咁就中咗伏，簡直難食到難以想像，酸嘅。。。。佢個tart 皮又乾又硬，無乜味，餡料實際1cm左右高但中間一層乾乾地類似果醬嘅一層，酸酸叔叔咁。。。。最上面就好多朱古力粉，跟本食唔到成多tiramisu 白色嗰層，隨便街邊一間面包店造嘅都好食過佢十倍。可能我見識少，又懶要求高掛，大家可以試吓有幾好食。。。…查看更多