Frocho的个人专页

好多人話呢間點心真係made in HK仲要即叫即蒸，所以都有啲期望嘅。但係真係好少响香港食到咁差嘅點心，但係佢中午真係長期排長龍嘅。燒賣同蝦餃唔係大粒就叫好食，上枱已經爆曬皮，燒賣塊片一忽忽嘅，兩樣都唔好食。腸粉又厚又鞋口，又係蒸到爛開咗🥹叫咗十幾個點心，竟然無一樣點心好食，有啲叫唔難食，有啲直頭難食。千祈唔好叫炸物，有陣味嘅。啲侍應態度奇差，叫一籠燒賣佢上兩籠，問佢又話唔知，上漏點心又話唔知。坐又坐得唔舒服，入面又焗又迫。…查看更多

好耐之前去過荃灣買嚟食，條巷仔好多小店，試過佢哋幾款熱狗都幾好食，和風味就麻麻地。原味最穩陣，條腸辣辣地，配搭得都幾好味。但係條巷好窄，行入去個位衛生又有啲所以都有一段時間無去。西環有分店真係好一於買三個返屋企食今次買咗芝士，澳洲同原味！芝士真係好多芝士，好味！澳洲就真係好似外國style ，因為洋蔥有少少燶燶地，我平時唔食Thousands island dressing 但佢話呢個homemade叫我試吓，真係冇介紹錯，真係幾好食，酸酸甜甜咁。會繼續支持呀…查看更多

周末，中午過後，响附近買完花經過呢間麵店，職員熱情打招呼，反正都到午餐嘅時間，就即管一試。話曬係過江龍，應該唔會太差吧！一坐低，職員已問我哋想飲茶定水，好快就為我哋準備好。之後就介紹一下簡單嘅餐牌。我們點了雞白湯麵，雞沾麵同座銀炸雞。湯麵同拉麵上枱嘅presentation 都幾好，味道都唔錯，好濃厚嘅雞湯，味道一貫日本拉麵偏咸但未至於咸到欠缺味道層次。老實講味道未至於驚為天人，但餐廳無論環境同服務都令人感到舒適。座銀炸雞有驚喜，外脆內軟，雞有肉味。…查看更多

每人$350 minimum charge，如果食物，服務同環境好，$350真係好合理。呢間餐廳地方好細，好迫，所以一定要book枱都好合理。但係食完之後就真係覺得好驚訝！真係未試過响中環食餐飯可以咁差。中環有唔少日本餐廳，有平有貴，質素都有好高好低。有啲味道仲差，但唔會食到一肚氣，只係覺得算啦，下次咪唔嚟囉。呢間餐廳呢，打電話book位嘅時候，聽電話位先生已經態度惡劣。其實朋友打電話去先，但佢講英文唔識講廣東話，對方叫佢等陣又收咗佢線。我以為係唔小心啦，所以我咪再打電話去囉。聽電話個男人態度勁差，未講完又係收線，bye bye都無句，可能佢忙啦。我哋終於等到去食嗰日啦，去到等咗一陣間就入座，但臨時轉Bar枱，唔緊要，照坐。但職員個態度係你食就食唔食就走好啦，咁我哋寄望下食物啦。前菜沙律，燒物，剌身，stir noodles 乜都有叫啲。Draft beer ，whiskey with soda 同cocktail 都有叫。飲品就唔錯，食物就好一般咋。其實個menu都唔係好多嘢食，應該係好專心做好呢啲食物結果係，我哋兩個香港人，一個白人，一個半日本人都覺得啲食物真係好一般咋但等上菜又勁耐。就算係即刻燒都唔會等咁耐，乜都要等成半個鐘所以我哋係咁叫飲品。竟然有人話呢間勁好食係全香港最好食嘅沖繩菜，可能大家去沖繩食啲嘢唔同啦。我哋對食物係好失望無一樣覺得好impressive 但又未至於難食，但加上服務奇差，又漏單又受氣，坐得又唔舒服，四個人食咗差唔多$3000，响中環大把好選擇。呢個時勢好多食肆都好緊張，呢間就咁樣態度同質素，真係無言！後悔食之前無上網睇其他人都話啲人態度好差！…查看更多

之前飲過幾次，試過幾款都幾好。試過波霸珍珠鮮奶，木瓜鮮奶，士多啤梨鮮奶等等呢啲大熱，因為用鮮奶唔係奶精，所以唔會有咩怪味，又唔會太過甜。但係又未至於會心思思好想再飲。但係今次試咗個大甲芋頭鮮奶就真係好好飲！佢真係用新鮮台灣芋頭打成芋頭蓉，加鮮奶打好飲到呀！仲好飲過我上次响台北市飲，應該係我唔識去，random見嗰間promo芋頭珍奶就買，點知就勁失望。反而响台南就飲過好好飲估唔到响香港飲到杯咁好飲！如果你都係芋頭控，不防加$6再加多啲芋頭真係好滿足㗎…查看更多

見到社交平台有人講呢度咖啡好飲，牛角包好食，見到係小店就專登揸車去支持下，買個外賣做午餐。已經避開peak hour，冇乜人至去買，都差唔多三點。位女店員好忙㩒 緊電話，我又唔趕時間咪企响度等佢用完電話先，可能人哋有事呢。點知佢真係繼續玩電話，望下我就算好啦，我就唔該佢落單啦，一句聲都唔出，黑口黑面。我叫咗一個flat white同一個雞蛋沙律牛角包。我係立即上車食。Flat white 其實都幾難難飲，都係espresso + microfoam，應該係higher proportion of coffee to milk。但係呢杯就真係唔好飲，勁多奶，無乜咖啡味，好失望。個牛角包唔係講到咁好食，個牛角包脆但係有啲位好硬，蛋沙律應該自己整仲好食。所以食物同飲品都好失望。想支持小店都要小店有啲誠意呀！…查看更多

叫咗個凍招牌兩姊妹涼皮小辣，一個椒麻雞，一上返車就忍唔住即食！我係自己帶食物盒去買外賣，佢哋都好好，好歡迎客人自備食物盒！其實之前買過一次外賣，佢哋都係用紙盒，係可分解物料，呢樣真係要讚！有良心呀！講返個涼皮，真係好好食！好滑好似食緊蒟蒻片但係又滑好多咁個涼皮有芫荽，蔥，花生，青瓜絲，仲有啲脆豆！啲脆豆勁好食，帶微甜，勁脆，涼皮酸酸辣辣但係食到啲豆又甜又鹹又脆，個口感好正！再加上青瓜絲同多芫荽呢個配搭真係好好食！再加上呢個價錢，我真係無嘢好講！另外，個椒麻雞都好食，真係好香，微辣，唔食辣啲人都食到。當然，佢雞唔重雞味，係靠個汁咁佢雞肉都唔會又硬又乾，所以都好食呀！…查看更多

小店空間細，有吧枱有梳化位，都係較迫，都乾淨企理。不過都係快餐好快食完。當日下午去到已經有啲嘢賣晒。最後叫咗一個韭菜豬肉冰花煎餃，一個湯餃，一個炸餃子雞翼，一個炸雞軟骨。最好食係個冰花煎餃，煎得真係好好，好脆，無油淋淋，剛剛好！湯餃都唔錯，餃子新鮮，味道好，湯又唔會太咸。但係一有比較，個煎餃就出色好多！炸餃子雞翼同雞軟骨兩個炸物呢，就要改善下。餃子雞翼都仲幾好食，個皮好脆，但都係有啲啲炸過咗。但雞軟骨就較為炸過咗時間，所以有啲乾。下次一定會再食個冰花煎餃！呢個價錢好抵食，平過飲咖啡，每樣都係$3，4x咋！…查看更多

知道呢度告急，專登約朋友兩大兩細去支持下。下午去到都無乜人，企咗五分鐘，cashier嗰位染髮短髮女士，明明見到我哋，我哋都好有禮貌打招呼話四位想食嘢，但係佢都係無視我哋。我哋等咗一陣間，忍唔住講我哋想食嘢。入面有另一位女職員行出行入都係無視我哋。其實做親子餐廳，呢啲態度真係要留意下，好趕客。不過算數，都一塲嚟到！再等多陣，終於位短頭髮職員肯帶我哋入去，態度仍然晦氣。😅原來入面無客㗎，我仲以為佢哋好忙小朋友叫兒童餐，正常，佢哋無話好食定唔好食，只係問幾時開返play area有得玩呀？我哋大人叫咗Norwegian submarine 同beef burger。Submarine個croissant 叫做OK，唔叫好食，smoked salmon係無魚味嘅三文魚。Beef burger真係唔叫好食，patty好乾又唔香肉味。咁樓上食burger 間burger shop就好食好多。 個地方其實唔大，樓底又唔高，好多玩具放出嚟其實都幾逼。本來諗住開返嚟呢度玩同攪聚會，但係經歷今日職員態度同食物質素，應該唔會尊登再嚟了。…查看更多

首先，我好怕外賣啲膠盒膠碗。呢間用紙杯紙盒，感覺好好多。叫咗兩個外賣都係自家製日式咖哩，一個吉列豬扒珍珠米飯，一個牛肉漢堡珍珠米飯。我唔係好鍾意食日式咖哩磚種咖哩，就算辛口都帶甜，甜味又怪怪咁。呢間係自家調製過，唔辣，帶少少辛香，唔會好甜。跟咖哩汁有一件紅蘿蔔，一件薯仔。個珍珠米煮得好好，粒粒分明，軟硬適中。吉列豬扒話係日本入口現貨，好味，唔太咸，味道剛剛好。真係似响日本食嘅吉列豬扒。佢哋應該係用好油，所以無怪味，佢哋都炸到啱啱好！推薦！牛肉漢堡就偏少少咸，入口都有少少乾，都合格，但個吉列豬扒就好食好多跟餐送杯抹茶好香濃！呢個價錢，絕對絕對有驚喜！…查看更多

果然係小籠包出名，試曬8款都幾好食，我自己覺得最好食係原味同川味！川味令到個小籠包食落無咁油膩，但又唔會太辣，好味！蟹粉同黑松露都幾好食，其實每款都幾好，幾有新鮮感，唔會話難食。8個小籠包上枱時幾籠都無穿！不過其他菜式就麻麻地，連點心麵食都好失望個醉雞真係好麻麻，個雞無乜味，根本唔入味雞湯麵個湯好咸，麵又太淋松子鮮果桂魚，張相真係令人好想食㗎！但實物真係好失望，味道真係好麻麻豆沙窩餅都唔係咁好食:(反而羅漢果茶仲好飲都係食返小龍包算啦…查看更多

幾年前開張時食過外賣，燒味都唔錯。今日好想食粥所以去堂食試吓。至尊燒鵝you kidding me ?都幾失望，一味肥，冇肉，塊片又燶又乾，都食唔到。另外叫咗個奄仔蟹砂鍋粥，$88，一人份量，蟹麻麻地，冇蟹羔，第一次食蟹粥係咁嘅色，竟然可以冇乜蟹味！成碗粥最多係薑絲同蟹殼碎，隻蟹求其切開幾件:(個粥真係唔合格另外叫咗個腸粉，$20得幾條腸粉，唔熱嘅，得碟豉油，乜醬佢都話冇呢段時間，其他餐飲地方都好緊張衛生，但呢度就超求其，有人唔戴口罩，枱亂抹，冇任何衛生用品，冇嘢俾人消毒同清潔。張枱好污糟，餐牌餐具都好油。…查看更多

飲過三間分店幾次，真係間間分店都keep到個態度咁差，真係唔容易做到！每次都係叫烏龍珍珠奶茶加芋圓，每次都會好晦氣話有珍珠唔可以加芋圓:(呢個時候就一定會有另一個職員話得，點解唔得？你加錢咪得囉。好啦，叫完，冇人都等好耐，每次走冰唔走冰，唔知想點，咁我又唔想佢嘥咗去就硬食，對方冇一次講句唔好意思呀！每次都話，哦，走冰咩？之後有人買嘢飲，對方又係串串貢㗎！人哋話要A佢就話B，態度一樣咁差，無差別態度差。今次又係唔係半糖同走冰，飲咗少少都忍唔住掉咗去。我以後會認住，記住唔會再買呢間！受夠！$40買氣受，我不如去第二間！…查看更多

香港人真係勁！要至少一個月前book位，有啲人話要成兩個月前book!佢哋開11:00，我就book 11:30，11:20去到已經見到人山人海，真係無位坐又無位企。告知要等20-30分鐘，其實唔知點解真係多人到一開門已經full啦！見到有人明明book咗位但嚟到無報到，原來無排緊入坐，等咗一陣話book 咗11:00但點解仲未叫佢？當職員解釋佢無報到未排緊隊，個客大吵大鬧話下一張枱一定要到佢。但太多人啦，佢點嘈都好，都係要重新排隊。最後，我都等到差唔多12:30至有枱，其實我唔明點解咁耐老實講，呢個價錢嚟講，壽司真係無得投訴，但未叫做好好食，係叫平，真係可以狂食都係幾百蚊一個人！但質素係好一般，如果响日本食，真係平好多，根本就係平價壽司，但日本就好食好多，仲唔洗排隊，又坐得舒服！所以响香港我試一次就夠啦！…查看更多

我好鍾意飲珍珠奶茶，但好多間個茶味都唔夠香一係唔夠濃！呢間有得揀，飲咗幾次都係隨心揀，試過飲冇奶都好飲，因為茶有茶味一係就咁叫個黑糖珍珠奶茶，每次都冇失望。每次都要等，但係會期待，因為佢哋真係有用心去調配每杯茶。先講黑糖珍珠奶茶，飲過好多間，勁高人氣嗰兩間都係太甜，係死甜味，所以不是我杯茶啦。呢間我覺得茶味夠！佢哋介紹嗰三種飲法都幾好，先飲個topping ，唔好攪勻飲，最後先飲到底，佢哋個杯又有特別設計過，好細心不過有少少意見，個topping可以再thick少少會好飲好多！So far，呢間係近期飲過，水準穩定，店員態度好，會繼續支持！…查看更多