or#ta67338666的个人专页

好少用狗衝形容一間餐廳今次「安平燒肉」出咗新Menu 真係好值得食！呢個LV4 日本.A4+和牛饗宴真係超多選擇！超重點推介以下幾款極.厚切檸檬牛舌配雖然一定冇日本咁高質，但放題黎講質素絕對比夠！厚切彈牙，仲有刀叉和沙漏，好有儀式感🤣日本A4+和牛同壽喜燒都勁高質！！好好食！炙香烤虎蝦 配 泰式海鮮醬虎蝦肉質彈牙！配泰式海鮮醬酸辣幾開胃！炭烤白鱔真心超重磅推介！！肉質超肥美Q彈🥹燒完之後外皮勁香脆，肉又勁多汁🥹超幸福🥹夾埋紫菜真係勁perfect！！！拜托一定要食新menu🥹🥹🙏🏻…查看更多

Weekday難得男朋友同我一齊放假，一於帶佢去食餐好！！呢間空中餐廳同酒吧環境超靚，仲可以見到維港嘅景色！Weekly Lunch Menu 3 courses $238前菜油甘魚刺身油甘魚配搭青檸香草汁同醃青辣椒本身以為小伏點知估唔到又幾夾！非籠養沙嗲雞肉（2串）夾埋花生醬同醃菜，食落普普通通，更加推薦叫油甘魚主菜燒黃油雞有青檸葉、青檸夾埋唔會好油膩，芫荽味好彩唔重，雞肉唔鞋，唔錯！香芒羅望子醬炒鱸魚用青芒果和酸甜羅望子醬香炒，所以唔會好油膩，魚肉都算嫩滑，幾新鮮嘅食法甜品分別嘗試咗芒果糯米飯同埋抹茶提拉米蘇，芒果幾鮮甜，提拉米蘇酒味唔算重Overall質素正常，海景係main point…查看更多

今次去咗Black Coffee，雖然係Cafe，但佢哋嘅日式輕食幾有心思！自家制炸黑炭包豬扒三文治($92)，豬扒炸得外脆內嫩，黑炭包帶微微甜香，配沙律菜食落幾清爽👍香煎口水雞扒窩夫($98)，雞扒煎得香辣惹味，窩夫外脆內軟，鹹甜配搭幾過癮，份量都幾大，細食嘅話兩個人share都啱啱好🫃🏻脆炸蟹仔($82)細細粒但夠香脆，點埋他他醬好開胃！野飲方面其實有好多coffee選擇，但因為夜晚去所以試咗其他野飲🤣綠茶鮮奶($44)茶味甘香，奶泡打得綿密；芙香蘋果果茶($48)酸甜清新，果香自然🍎。環境簡約舒服，食物有心思，價錢合理，想同朋友Hea下食啲輕食嘅話，呢度係個唔錯嘅選擇！…查看更多

早幾日去咗呢個位於銅鑼灣bookmark 左好耐嘅餐廳！打卡超級一流！嘢食勁靚個景又靚！Arcadia Festival Dinner Set $999 for 2個set勁抵食！包勁多嘢！香煎鵝肝配焦糖洋蔥吐司 兩件鵝肝勁香濃，一入口滿滿油脂感，勁邪惡地道黎巴嫩沙律配水牛芝士估唔到又幾夾唔會好膩香煎日本刺身帶子伴三文魚籽帶子好新鮮！夾埋三文魚籽勁鮮勁好食！香煎澳洲盲曹魚盲曹魚煎得好香脆，魚肉又好嫩滑，勁高質！避風塘XD醬原隻鮑魚蜆肉意粉意粉炒得勁香勁惹味！仲有原隻鮑魚同蜆肉！已入encore系列飲品真係必叫1001 Night🥹打卡必備 真係勁靚呀！！！而且飲落都係果茶嘅味道，酒味唔會好濃好啱女仔飲！…查看更多

平時醬油蟹一隻都勁貴，而家竟然有1小時醬油蟹任食放題即刻狗衝！我哋嗌咗$348雌蟹任食套餐~可以無限添加醬油蟹、烏冬炒年糕、炸雞、紫菜飯、年糕香腸醬油蟹第一輪係有殼，之後都冇～之後會偏咸少少，冇一開始咁鮮，但都唔腥。而且雌蟹套餐，第二輪上嘅都會係公蟹～醬油蟹甜甜地唔會係死鹹嗰種，幾好食！要注意嘅係限時1小時係由入座嗰下開始計！！所以坐低就最好盡快叫喇！不過出醬油蟹嘅時間都好快，唔會拖時間～絕對可以一試！…查看更多

今日去咗旺角呢間Wozi Cafe，首先個香煎牛油帶子配椰子雞湯意大利飯（$152）好有心思，帶子煎到外脆內嫩，椰子雞湯飯creamy得嚟又唔膩，仲有淡淡椰香，好適合夏天食🌿。 最正係個慢煮手撕豬腩窩夫三文治（$116）！豬腩肉煮到超軟腍，甜甜哋嘅醬汁配埋窩夫嘅微脆，鹹甜交織好過癮😋。小食試咗慢煮口水雞扒（$48），辣度適中，雞肉嫩滑，好開胃！ 飲品叫咗手工冰滴咖啡（$70），醇厚得嚟帶少少果香，飲落好順喉☕。整體食物質素高，係間值得encore嘅小店！（溫馨提示：窩夫三文治要趁熱食先夠脆！）（溫馨提示：窩夫三文治要趁熱食先夠脆！）…查看更多

觀塘喰楽關西風壽喜燒今次專登book咗「喰楽」$499關西風壽喜燒套餐，真心驚喜！前菜三小碟：磯煮鮑魚軟嫩鮮甜彈牙🥢，蘿蔔清甜無渣，水雲酸咪咪好開胃。櫻花蝦茶碗蒸好滑，最主要係個汁係自己調配，蝦香滲透蛋香，暖胃一流！ 主角宮崎牛上枱睇見都開心～西冷油花靚到似藝術品✨，肉眼甘香濃郁，牛肩肉爽口有咬勁；自選個到分別叫咗個油香味最重嘅西冷同埋多塊西冷，同埋肉味最重嘅牛肩肉，全程都有店員幫手燒，好似食緊席前烹煮咁😍😍和牛輕輕一灼蘸蛋漿，脂香係個口都爆發！野菜拼盤有日本大蔥同芋絲索汁最正，仲有本菇、豆腐吸飽壽喜燒汁，甜鹹平衡得啱啱好。 舞茸海鮮湯清清地解膩，焦糖布甸脆皮焦香🍮，豆腐雪糕豆味濃又唔會太甜～成個set份量足，牛肉質素對得住價錢，觀塘工廈藏寶啊！ #抵食關西風 #和牛控必試…查看更多

鰂魚涌返工嘅人有福了！竟然有間好Chill 嘅coffee shop！雖然地方細細得兩個座位，但感覺好溫馨～播好多以前好流行嘅廣東話歌，同好多舊香港同旅行嘅裝飾～lunch hour都一直有勁多人黎買咖啡，感覺好多都係熟客仔🤣Seaweed Meat Floss Chese BagelGenmaicha Pistachio Yeghurt BagelBagel如果即食可以幫你即場翻熱，但因為用微波爐定焗爐翻熱，會比較乾同靭～如果返屋企蒸口感應該會好啲Matcha Latte好多人都叫呢杯！抹茶味幾濃同埋有少少回甘📍阿啡 鰂魚涌海光街26-36號太豐樓地下2號舖（鰂魚涌站C出口行3分鐘）…查看更多

身為開心果控嘅點可以唔知呢間手搖店！最出名一定係開心果系列同啲奶蓋！之前飲過開心果芝士鮮奶覺得好正，今次再回訪試吓其他嘢！開心果芝士椰椰 $ HK$42呢個好好飲！上層係開心果芝士配開心果仁碎，下層係椰子果凍，飲落去椰子味好清甜，唔會搶咗咗開心果味，幾夾唔會好膩，不過再大杯啲會更好🤣芝士楊梅雪沙 $ HK$42呢款係新出嘅楊梅系列估唔到都幾好飲芝士奶蓋鹹香濃郁口感creamy 好好味，配埋酸酸甜甜嘅楊梅沙冰好夾，感覺好啱夏天好清新📍夏茶 (旺角)旺角登打士街55號鴻達樓地下3號舖…查看更多

尖沙咀平價串燒＄10起！之前都有係旺角食開呢間串燒店，呢排見到好多Foodie大推！原來佢哋依家尖沙咀都開咗新分店！一上到去而家幾滿座！最好真係預約！所有串燒$10起！啤酒仲要買一送一！最啱同朋友聚會去食！新店最特別係可以坐吧枱睇師傅即燒串燒！牛舌芯同白鱔係我每次都必食嘅串燒，以下都推薦必試串燒-免治雞肉棒（$28）-鹽燒和牛牛小排（$48）-焦糖雪糕多士（$48）-泰式燒墨魚鬚（$15）-鶴鶉蛋卷（$20）📍人生有限杯.串燒店 @lifewithfinite.cup尖沙咀赫德道4號 Hotel Hart 3樓…查看更多

熱天絕對唔可以錯過中環呢間新開嘅乳酪雪糕！除咗可以可以涼吓冷氣，仲可以坐吓休息，而且仲係pet friendly!芒香乳酪 croffle $40酸甜可口雙莓酪 croffle $40兩款窩夫都好酥脆鬆軟，配上乳酪同生果醬，酸酸甜甜好清新！-MATCHA GARDEN-REGULAR CUP揀咗開心果乳酪雪糕、開心果醬同開心果碎石！超級推薦呢個組品！唔膩又重開心果味！🫠Drool Froyo （中環）香港中環伊利近街14號地舖…查看更多

聽日同男朋友勁遲起身，一起身就勁想食壽喜燒🤣去咗銅鑼灣呢間壽喜燒餐廳～店鋪環境雖然唔算好大，但裝修設計幾有日系風格氛圍，而且估唔到嗰日三點幾都差唔多滿座🙀可想而知有幾受歡迎！職員服務態度亦都幾有禮貌！呢度係自己落壽喜燒醬自己燒～如果食怕咸可以加昆布湯底～180g肉眼180g肩胛（牛板腱）牛板腱紋理清晰，肥瘦分佈均勻，食落好軟腍～極上肉眼嘅脂肪油花更豐富，口感柔軟細滑，肉汁超香濃！隔離仲有蘭王蛋供牛肉沾蛋漿，令到牛肉更加順滑～每一set包含前菜和野菜，可以揀飯或烏冬！overall好扺食！唔怪之得咁多人幫襯！📍壽喜・關西 (銅鑼灣)銅鑼灣耀華街16號地舖…查看更多

觀塘工廈呢間高質甜品店開心果控一定要試！開心果軟心芝士配希臘酥皮絲餅底芝士蛋糕超軟滑，綿密濕潤，開心果味係好濃郁！唔會好甜！餅底係開心果脆酥皮絲！好特別！面頭再放上滿滿嘅脆脆同香烤開心果碎好有層次感Kataifi開心果仁麻糬卷蛋（$52）（+$28配焦糖雞蛋布丁）焦糖雞蛋布丁可以加配係任何自選卷蛋上面（原來堂食會有焦糖面焦糖布丁蛋味超濃，仲見到啲雲呢拿籽粒粒面頭仲有即場炙燒既焦糖脆面、夾埋開心果仁麻糬卷蛋同埋開心果cream估唔到好夾！開心果牛乳記得一定要攪均先！側邊勁多開心果醬掛杯，攪均之後每啖都有開心果味飲落仲有粒粒嘅開心果碎，而且唔會好甜好膩，好好飲！📍Horizon (觀塘)觀塘開源道55號開聯工業中心A座7樓07室…查看更多

呢間觀塘工廈餐廳超高質，平日晚市都勁full勁多人！特濃開心果忌廉麻糬梳乎厘開心果控必叫！開心果忌廉勁多勁濃！上面仲配埋開心果碎～疏乎厘pancake 有兩大塊～蛋香味好重，超滿足！自選沙律（牛油果+煙三文魚)沙律菜好新鮮，牛油果同煙三文魚嘅份量都好足料！四川辣味蜆肉意粉四川麻辣蒜片意粉好惹味夠辛辣🥵撈埋忌廉好creamy掛汁，鍾意辣嘅朋友唔好錯過！蜆肉份量唔少，飽滿厚肉冇沙～ 📍Four O Five Coffee & Eatery（觀塘）觀塘成業街19-21號成業工業大廈地下2號舖…查看更多

麻辣鬼椒雞腿芝士蛋吐司 $58流心煎蛋同芝士勁邪惡勁吸引！香辣雞扒辣得過癮仲好juicy ！吐司好香牛油味，加埋芝士同蛋勁好食🥹慢煮嫩滑雞扒手工滷肉便當 $69佢哋係即叫即焗，等咗大約15mins就有了！雞扒勁嫩滑，比吐司嘅雞扒都濃味啲～勁好食！側邊啲魯肉用上半肥瘦豬肉，肥而不膩且滷得入味漬菜酸酸地送飯一流！古早味蜜芋頭撈三色圓（熱）芋圓、地瓜圓同紫薯圖好煙un ，蜜芋頭好甜好糯好好食！芝士火腿蛋餅餅皮好Q彈，芝士火腿呢個combination冇得輸！📍 黑布小巷 (荔枝角)荔枝角長沙灣道883號億利工業中心4樓405室…查看更多