jan900922的个人专页

呢間下午茶嘅受歡迎程度，要係一個月前預訂，都算多時間選擇，當日揀咗1730時段，用餐時間兩個鐘。酒店位置位於K11 Musea對面，途中經過尖沙咀海旁景色幾靚👏🏻👏🏻酒店用餐位置空間唔算大，但係擺位寬敞，樓底幾高，有落地玻璃望住海景。有別於其他酒店下午茶，唔係一個tea set咁上，當日揀咗普通set配花茶，另外亦有飲酒嘅選擇~~~首先嚟嘅係手指三文治，職員好熱心咁介紹每款三文治，由淡味食到濃味，當中比較鍾意嘅係三文魚子海蝦三文治😽😽跟住係scone，有原味同埋提子，有三款醬，包括clotted cream，士多啤梨醬，同比較特別嘅香橙醬~~溝埋一齊食好好味!!!跟住就係比較期待嘅甜品車環節，之前睇食評見到話係免費Refill，可能而家已經轉咗，職員會問每人一份定係每樣切少少互相share食，當日因為成日冇食過嘢，所以我哋選擇咗每人一份，每件蛋糕會切一件俾你，之後就冇得Refill，因為今次係夏天主題，嗰件好似焦糖布丁蛋糕有加入jasmine味，好清新，口感都好好!!!仲有比較出名招牌嘅vanilla脆餅，同樣好好味!!!磅蛋糕係熱情果味，職員會配襯埋新鮮生果同埋cream，好refreshing~~最咪係朱古力，當日有榛子朱古力，松露朱古力同橙皮朱古力，都係每人一粒。全個下午茶感覺開心滿足，雖然價錢唔平，但都值得一試🥳🥳🥳…查看更多

同朋友一行八人，想食港式小菜，有朋友唔太喜歡味精，呢間主打原汁原味，就決定試下😊😊😊鋪頭位於灣仔區，位置方便，裝修係懷舊香港風，空間感正常，我地被分配坐一張長枱，share送尚算ok👌🏻👌🏻👌🏻呢個黃金豆腐分量係小食size，外皮炸得好香脆，神奇既係入面既豆腐依然嫩滑，沒有散開👏🏻👏🏻👏🏻試左好多個小菜，原個波蘿咕嚕肉肉質淋滑，一啲都唔鞋，掛住啲酸甜汁，開胃小菜😋😋薑蔥大蝦煲同薑蔥桶蠔煲好惹味，用煲仔上菜更顯風味，處理海鮮生熟度剛剛好，桶蠔超大隻，非常鮮味😋😋😋大蝦都唔會過老，好岩送飯!!!脆皮黑毛豬叉燒幾驚喜，外皮烤得香脆，好香糖味，肉質有咬口但唔會過un~~仲有米之蓮推介片皮雞，雞係起左骨，雞肉同柚子肉撈埋呢個配搭好夾，柚子解滯，食起泥又方便👏🏻👏🏻 個雞皮好脆，又冇乜脂肪，罪惡感即刻底左🤭🤭呢個籠仔帶子蒸飯好香味，值得一試~~~最後試埋糖水，芝麻湖甜左少少，反而腰果露好香味，為呢餐飯畫下完美句號👏🏻👏🏻👏🏻下次會再來試其他菜式😊…查看更多

經過觀塘行完街，想搵間Cafe坐下同朋友傾吓偈，就揀咗呢間🥳間Cafe環境寬敞，帶點工業風嘅裝修，沒有限時，枱後面仲有插蘇方便叉電，平日嘅下午唔使等位，環境乾淨~~~呢間Cafe採用QR code自助落單，版面易明，當日去係下午茶時段，有啲下午茶，但係同朋友兩個都未食飯，就叫咗幾樣嘢share🧏🏻‍♀️🧏🏻‍♀️🧏🏻‍♀️朋友叫咗呢個帆立貝意粉，有三至四隻，上面加咗脆脆嘅紫菜，再有啲蛋黃醬同芝士，加埋炒意粉一齊食，味道出奇地夾🧏🏻‍♀️🧏🏻‍♀️🧏🏻‍♀️我自己叫咗下午茶餐，朱古力鬆餅可以半價加一杯熱咖啡。朱古力鬆餅好濃朱古力味，唔會太甜。杯燕麥奶咖啡拉花幾靚，入口好滑😋😋另外，仲叫咗個薯條share ，份量好多，最後我哋兩個人都食唔晒，係幼身比較脆嘅薯條，好味😋😋😋總括嚟講，如果經開觀塘絕對值得一試👏🏻👏🏻👏🏻…查看更多

同朋友屋企人想食生日飯，朋友指定要食中餐，喺上環附近搵咗呢間酒樓，試吓好唔好味~~嗰日係星期六晚上，餐廳都算full Booking，好彩有預先book位🥳🥳🥳四個人去，獲分配一張小圓枱，環境正常乾淨。小食揀咗香芒煎大蝦球，食得出蝦幾新鮮，爽口彈牙，拍咗少少粉炸完之後上面俾芒果醬包住，再加上少少花生碎，入口有多層次嘅感覺，食埋下面嘅沙律菜更清新🤡🤡🤡呢個豬膶浸莧菜，豬潤比平時切得厚，啱啱熟，咬落去仲好粉嫩，唔會老，好味🤤🤤🤤另外呢個龍躉兩食，果皮蒸頭腩，龍躉皮好煙韌，加埋果皮嘅香味，好好撈飯🤣🤣🤣另一味炒西蘭花，正常發揮，西蘭花幾入味👏🏻👏🏻👏🏻最後呢個肉絲炒麵，值得一讚，麵餅炸得好乾身，咬落去一啲都唔油，仲好脆口👏🏻👏🏻👏🏻肉絲分開上，唔會整林晒個麵餅，呢個細心值得一讚👏🏻👏🏻👏🏻最後，每人送咗一碗綠豆沙，唔會太甜，足料幾好味~~~~總括嚟講，搵到呢間酒樓食咗一餐滿意嘅生日飯🥳🥳🥳🥳🥳…查看更多

經過旺角想食火鍋，見係泰式火鍋，未試過就試吓😙😙😙夜晚九點幾去到，等左大約十分鐘就有位，揀左中間價錢既仼食套餐😙除左打邊爐選擇外，有幾款熟食，當晚有香茅蝦，黃咖喱蝦，冬蔭功蝦，仲有海南雞配黃油飯😋😋😋首先梗係混醬，除左一般醬料之外，仲有泰式醬，甜酸醬，用來點醬都幾夾~~~呢度火鍋係一人一鍋，可以揀自己中意既湯底。除左肉類，有啲菇類，蔬菜，丸類都係自己拎，選擇類都算正常😌😌😌呢間打邊爐最得意係有得自己捉蝦，都幾生猛，同小朋友來就岩哂，有得食有得玩🤭🤭🤭甜品方面，除左比時既雪糕雪條，生果之外，仲可以自制珍多冰，又係有得食有得玩🤣🤣🤣總括泥講，一間比較特別既火鍋選擇，提供既食物選擇唔多，不過質素同價值比例都合理既~~~…查看更多

星期六的晚上，喺觀塘行完街，想打邊爐，喺觀塘揀咗呢間，即刻取票，等候時間大約半個鐘。火鍋套餐，有幾種選擇，有啲係QR code落單，有啲丸類蔬菜類，係出面自己夾，種類都算多，蔬菜方面比較驚喜嘅，係有豆苗同冰賽👏🏻👏🏻👏🏻亦有提供即炸午餐肉，響鈴，油炸鬼炸魚皮等等。除咗一般打邊爐材料外，亦有提供小食，生果都有提供。麻辣小龍蝦，好入味，係比較少見嘅放題選擇。飲品選擇方面，種類繁多，有舖頭自己出品嘅冷泡茶，亦有唔少包裝飲品，酒精飲品都有四五款提供，亦有清酒梅酒選擇。比較特別嘅係有珍珠奶茶，鮮奶芋圓等。食完火鍋，甜品都有好多俾你揀，有Häagen-Dazs，又有香港牌子gelato，去減肥又想食甜品嘅選擇🤣🤣🤣🤣總括嚟講，大約$300嘅價錢，有咁多選擇，每樣食物質素幾好，環境乾淨，係抵食火鍋之選👏🏻👏🏻👏🏻…查看更多

星期二的晚上，訂了這間新開張的燒烤小店。用餐前已經要選擇號當天的菜式，同埋要預先付款。當日訂咗夜晚7:00，準時到達，餐廳會按照時間上菜，我食緊嘢嘅時候再加單都得，不過需要比較耐嘅時間準備。餐廳行日式溫暖嘅裝修，俾人舒服嘅感覺。一開始嚟咗啲送酒小菜，比較有驚喜嘅係麻辣東風螺，店員放低已經叫我哋要吮埋個殼，個麻辣香味，好好食，亦好入味😋😋😋燒油甘魚餃，好有驚喜，外皮燒到好脆，入面仍然保留魚的滑，魚油香好好味😋😋😋雞肉軟骨串粘住蛋漿食，配搭幾好。餐廳比較特別嘅係，有挑戰辣度嘅感覺，呢條喪標粟米，食咗幾粒已經頂唔順，個人比較唔食得辣，食咗幾粒已經飲咗半杯啤酒，如果怕辣又想挑戰嘅話，餐廳有鮮奶提供🤣🤣🤣朋友食完之後辣到講唔到嘢🤣🤣🤣除咗串燒之外，有麻辣燙選擇，今次試咗鵝腸牛柏葉同豆腐串，個麻辣好香，亦好入味，推薦👏🏻👏🏻最後試埋蟹黃撈蝦子麵，食得出係新鮮拆肉，蟹膏，連埋蟹油同個面好夾，超級好味，亦唔會太鹹。總括嚟講，成餐飯每樣嘢都好味嘅，不過價錢太貴，人均消費當日接近$600，久唔久食一次都OK嘅😅😅😅…查看更多

星期六朝早去開旺角，行過見到有好多人排隊，應該冇乜中伏掛，諗住試吓😙麵都算多選擇，油麵，米粉，粗麵，米線等等都有，另外仲有幾款菜，菜當一個送計，今次選擇咗西洋菜。跟住直接喺淥麵位處揀送，送都有好多選擇，同男朋友每人揀咗幾樣，好多餸都好似好入味好想試😝滷水雞翼好入味，每碗仲有三隻，都幾佛心，牛磅金錢肚有出面牛雜舖嘅水準，滷水冬菇同豬紅份量算多 ，亦好林，值得一試。成碗米線，份量選多，女仔可能食唔晒😝可以即時買嘢飲，俾完錢之後 ，有樓上位置可以坐，不過拎住熱辣辣嘅米線，上上層係一個挑戰🤣🤣炎熱嘅夏天，上層冷氣風扇充足，唔會食麵食到流晒汗，地方尚算清潔👏🏻下次想試吓其他餸，傳統車仔麵舖買少見少，埋單人均大約40幾蚊，可以一試~~~…查看更多

同朋友出開尖沙咀，心血來潮想食港式火鍋，朋友介紹呢間酒樓，星期六日唔使$300全包，計埋加一，抱住冇期待嘅心情試吓🙈上到去覺得位置好寬敞，枱同枱之間有距離，大致上好多人都係火鍋。首先揀咗湯底，有10幾款選擇，有普通嘅麻辣湯底，清湯，沙嗲湯，麻辣雞煲，胡椒豬肚雞煲，我哋揀咗東瀛海鮮鍋，湯底本身有蝦，蜆，墨魚仔，青口，麵豉湯底。某啲食材喺出面自己夾，普通急凍鋪賣嘅丸類，牛柏葉，水魷，豬腸，牛肚都有。另外豆製品，蕃茄蘿蔔粟米，菜都有幾款選擇，全部自己拎。如果唔夠飽，有出前一丁烏冬自己拎。其他肉類，例如肥牛，牛腱，滑雞，羊片，同埋其他海鮮，就係用紙自己tick，其中比較有驚喜嘅係:白鱔片，脆鯇魚骨腩，有魚油香😋飲品選擇方面，有糖冇糖都有，亦有兩款啤酒選擇，餐後每人可以選擇一杯movenpick雪糕，中式糖水有兩款，當晚係紅豆沙同埋南瓜西米露。總括嚟講，食物質素正常，沒有漏單情況，職員態度良好，下次可以再嚟~~~~…查看更多

行開葵芳，突然想同朋友食hightea，朋友推薦呢間Tony Wong😙餐廳有最低消費，我哋三個人去，就叫咗一個Tea set，在另外叫多一件蛋糕同一杯咖啡。個Tea set本身包兩杯嘢飲。見拿破崙蛋糕都幾脆，又唔係好甜，幾好味😋另外叫多咗杯鮮奶咖啡，同件蛋糕夾起上嚟都幾好味。個tea set都幾多嘢，都幾適合打卡🤭鹹點有scone，牛油味一般，入面質地都幾鬆軟，夾埋clotted cream都幾好味。其他甜品中規中矩，睇得出配搭顏色上幾有心思，最頂果層嘅乳酪雪糕，好開胃，酸酸甜甜，食晒成個set都唔會好nou👏🏻👏🏻👏🏻總括嚟講，環境尚算寬敞，要打卡都唔會阻住其他食客，性價比值得一讚👏🏻👏🏻好味指數: 🌕🌕🌕🌑🌑性價比例: 🌕🌕🌕🌕🌑服務態度: 🌕🌕🌕🌗🌑環境配備: 🌕🌕🌕🌕🌑…查看更多

同男朋友慶祝紀念日，大家都好鍾意打邊爐，就揀咗間地點好方便嘅火鍋。九宮格混醬，最鍾意大量蒜蓉同炸蒜既豉油😇兩個人都忍唔住，叫咗勁多嘢，叫咗個蜆湯，湯底已經有好多沙白，大量芹菜，味道好清甜😇食到最尾仲有啲蜆食唔晒🤣個豬潤好出色，淥完都好嫩滑，一啲都唔un，食得出鮮味😇個白鱔個皮好爽口，好香魚油味，同個蜆湯好夾😇 個桶蠔size咁大，以為淥完會縮晒水，點知完全冇，好鮮味，四隻有啲唔夠喉🤣呢個雞子係食過最好味嘅雞子，沒有之一，細細粒，但完全冇腥味，食得出用酒同杞子醃過，食吓一粒，食吓一粒好快冇晒🤣🤣🤣掙扎咗好耐，最尾都有叫嘅鹹蛋響鈴，雖然好邪惡，一咬落去朝香鹹蛋味，用齒甲留香形容一啲都唔誇張，冒着增肥嘅風險都要食，就咁食都好好味唔使點湯!!!!!!!兩個人食到勁飽，但係超滿足!!!!!好味指數: 🌕🌕🌕🌕🌖服務態度: 🌕🌕🌕🌕🌑性價比例: 🌕🌕🌕🌕🌗環境裝修: 🌕🌕🌕🌕🌘…查看更多

同朋友行街經過K11Musea，朋友推介話呢度嘅牛角包好好味!!!!!!見到每個脹卜卜擺喺度好吸引，店舖入面嘅麵包眼花撩亂，好難揀呀🤣🤣🤣最後揀咗亞麻籽牛角包，同埋蒜蓉包😙牛角包個皮好脆，識落甜甜地，加埋上面嘅亞麻籽，好有咬口，咬落去嘅空氣感好滿足!!!!!忍唔住，食晒成個😋😋😋😋個蒜蓉包更加係驚為天人!!!!!外皮係脆卜卜嘅baguette ，有種甜甜地嘅感覺，咬落去麵包中間好軟糯，加埋每層中間嘅蒜蓉，一絕!!!!!😇😇😇😇😇好味指數:🌕🌕🌕🌕🌖性價比: 🌕🌕🌕🌕🌑回頭指數:🌕🌕🌕🌕🌖 📍尖沙嘴K11 musea B2/F，food court旁📍…查看更多