Fatkin的个人专页

燒野食想 試D 新野, 聽左好耐可以自己烤乳豬, 所以搵到白石燒烤。它在馬鐵尾站有接駁小巴, 跟指示就可以入到去。 附近仲有個高爾夫球練習場，唔入去都唔知。同時亦都係自助貨櫃場，好彩當日無太多貨櫃車出入。我地12點未夠入就入左去，場地好大，未見太多人。 早一日已經訂左10人餐，可有一個冷氣貨櫃，燒到一半可以入去休息下，幾好。同時場入面都有唔同的小遊戲和充氣城堡俾場內人仕去玩，當然係要另外收費。講返食物，餐入面已經包哂平常燒烤的食物，亦有海鮮 (魚、蝦、扇貝)，可以用燒烤叉或者燒烤網去燒(都有提供)。食物質素就老實普普通通，以性價比就無咩可言, 因為人平均 400。我地另外叫左乳豬，又要800左右，都係職員準備好，俾我地自己燒。跟住燒烤秘笈，用左1個小時，我地成功燒到脆皮乳豬總結, 試一次自己燒D 大型食物是一次唔錯的體驗，就看你想唔想。不過就住出去俾同樣價錢係人地燒好切好招呼你，仲要唔駛熱幾個鐘。…查看更多

今日入長洲，上船前買個午餐上去享受先。搵碼頭附近有咩食，見到有韓國野，立即動身。叫左半半炸雞 (2種味各6件)和牛肉炒粉絲佢的炸雞皮唔厚，肉件大件，咬開炸粉入面仲好有肉汁，可以話係嬴快餐的炸雞成條街。甜辣醬好好味，但原味就有點單調(可以話無味)，所以下次我點都會選其他有醬的炸雞。總結來講 2樣食物都很好，而且是立即整的，熱辣辣(等左15分鐘船都仲好熱)，份量好足，2個大人1個小朋友都夠食有多，$200左右好抵食，再經過一定再買佢上船食。…查看更多

入左來咁多次長洲，第一次試海邊的海鮮餐廳。以前怕中伏，但今次見唔多人，而且價錢合理，所以當試下伏。有個小插曲，原本係入左旁邊另一間海鮮餐廳。門口個人就話有冷氣位，點知走左入去個個就話無冷氣位，因為帶住小朋友，所以就走返出來。門口個牌寫明唔同數量的餸要幾多錢，間間都差唔多。一坐底未叫野食已經奉上倒湯，服務員姨姨見到我2個小朋友鍾意食紅蘿蔔，都主動裝多左一碗紅蘿蔔出來俾我地，十分貼心。倒湯清清地幾好，飲完全晚都無口乾口渴。今次叫左 四款餸: 栗米魚柳、海鮮豆腐煲、生炒骨、尿蝦︴、炒菜(送)每份都唔少，以價錢來講，算中規中矩。 栗米魚的魚炸粉有DD 厚; 生炒骨肉唔算多，但菠蘿就俾到好多; 豆腐煲都有好多，而且豆腐都滑，唔會太乾身。總體來講 收貨，作為行完一日長洲的結尾，是不錯的選擇。…查看更多

朋友有難，立即約食飯。搵到依間 低調串燒小店，位置唔係太就腳，不過就係貪佢靜，傾計訴苦一流。店內只有 10張枱左右，有得坐外面，秋冬天可以試下。打開餐單，大路的串燒都有，價錢都合理。叫左好多種，每樣一串試下味，再叫多杯啤酒，慢慢傾下計。以上的基本都正常，唔會好乾，甚至燒過龍。好食的有墨魚咀、雞腎、雞軟骨、多春魚同虎蝦。 腸類就可以唔駛試啦店舖位置唔係咁就腳，但相對環境都唔錯，係傾計的一個好地方，是會再來光顧的小店。…查看更多

如題，慕名來一探豬潤麵。我對豬潤麵有個迷思，但市面上出名的 都有D 名過其實( 個人意見)。我知道處理豬潤係要好多工序，做少一樣，都會令成件事失敗，所以更加想搵一家好食的豬潤面。店舖位置唔算難搵，係滿記過2間鋪就係。入到去就叫左 豬潤面同豬油渣。一來到，見到豬潤又厚又大件，就知道唔係亂來，因為咁樣的豬潤先好食，而且佢對自己處理應該有信心。如果唔係，寧願薄切(排隊名店)，處理又易，又無咁易有異味。豬潤因為厚切，有口感又爽亦有潤的味道，無令我失望。講食物味道係 對得住 食物亦對得住個價錢。 但其他加料，即 豬油渣就令我有少少失望，因為烤得有點過龍，太乾，就算落左湯度，都救唔返。但總結，如果下次又想食豬潤，我都會返來。…查看更多

今日要去長沙灣做野，立即搵下有冇咩好野食。搵到依間老字好又新潮的冰廳試下。食飯時間入到去坐無虛席，你就知道係好野。見到好多人枱面都放住個肉醬意粉加漢堡，雖然好吸引，但我係俾佢的 始祖椒鹽豬扒飯 吸引入來的，當然要堅持己見，叫個來試下。食物好快上枱，但唔代表佢食凍哂，反而見到佢出哂煙，熱辣辣。係一個咁繁忙的中午都堅持到即炒，已經嬴左一半。始祖椒鹽豬扒飯 (炒底) : 炒底飯唔止有色，夠味，配料天多，2個女仔來SHARE一個都得呀。 豬扒帶骨分件去炸，唔係好乾也好入味，雖然講唔算出色，但都不錯。奶茶紅豆冰: 試下新野，紅豆有沙，唔算太甜，處理得唔錯。但個茶底帶少少 苦味，燶?過度焙焗? 可能自己唔識野，不過就唔太喜歡，個苦味輕身D會好D。 …查看更多

8點做完事，有D 肚餓，想搵食但又唔想幫襯連鎖市，所以博一博走去新開的街市睇下入面D 仲有冇野食。原來，街市入面D食店都開到好夜，我就俾門口的廣告牌吸引--農夫包配咖哩牛腩。立即走入去 寶琳人的冰室，二話不說點了平時 只有高級餐廳先食到的 食品。等待的時候其實都有D十五十六，怕會中服。但一送上枱我就放心哂，因為它真係有心機的準備。農夫包係用2層石紙包住來焗，入有牛腩，另有一碗煲到滾的咖哩汁。一來到以為D 牛腩好少，但打開個農夫包先見到佢係有2層牛腩的，食到最後我都有D 食唔哂。咖哩係一般的茶記咖哩，帶點辣(辣油)，但很香。農夫包就好大個，外脆內軟，而且再焗熱出返來，熱辣辣的面包是最好食的。今次食物有驚喜，價錢合理(因為搞花款自然要貴少少)，下次有機會會再來試其他食物。…查看更多

今晚入住海洋公園萬豪酒店，當然要順道試下 個自助餐。 依個自助餐地方唔大，食物選擇亦唔係多，但味道都不錯。平常有的，它有，預期它有的，它沒有，講的是 生蠔:(7XX 的自助餐竟然沒有生蠔，個人比較失望。以下有一部分食物照，大家可以參考下。甜品 (有10款左右，都很好味，我覺得比熟食好食。鑊仔韓牛，重點推介，是 A+韓牛熱食: 鮑魚、芝麻雞亦、 蓉包(磚) (推介-外脆內軟)、烤三文魚刺身: 深海池魚、海甘魚、帶子。 全部都厚切，鮮味。食完抱著肚走，但以同價錢，我覺得應該要有生蠔提供。如果唔係住酒店，唔想走來走去加上附近沒其他選擇外，叫我自己入來食我就唔太建議。…查看更多

今日將去海洋公園玩，所以順便入來鴨脷洲走走。在網上見到有特式蛋餅，當然要來試試。我十二點到達，前面已經有 6人在前面。因為店小而且座位以 2人枱為主，所以等候要點耐性 (食好野必備)終於入座，立即叫左  1) 黑松露雜菌芝士蛋餅 2) 三杯雞麵 3) 鹽酥雞因為小朋友餓了，已經急不及待開動了，開餐照 免了。首先，小食- 鹽酥雞，每粒都有肉，夠咪，而且是熱騰騰的，份量也不少。以30餘元可以有這質量，已經食出是良心好店。再食 三杯雞麵。它是撈麵類，汁好味，夠"傑"身。麵也是類似油麵，但很好掛汁。最後重點來啦，黑松露雜菌芝士蛋餅。一送來見到蛋餅入面的 材料 爆哂出來，已經流哂口水。 我見佢2大條的 卷餅放出來，心怕我會食唔哂。但可能因為它太好味，亦可能因為它配上了 酸酸的汁，我一口接一口的食唔停。 唔單止我，小朋友也要添食，可見它真是人見人愛。雖然它地利位置唔係太好，但從佢的食物中和 店內員工工作比例中見到 ，這店是用心制 作美食的。 事關店內 有8名員工，但有6人在廚房不停工作，招呼客人的只是 2人。建議不趕時間的去慢慢享受美食，作為慢活的一天 的起點。…查看更多

今日睇完醫生，想快快手食完野返家，所以行左去依個新開的 FOOD COURT 睇下。FOOD COURT 入面都有好多選擇，有中菜有車仔面又有西餐。見到依一間餐廳，同其他好唔同，價錢貴少少但賣的都係高級餐廳先有的，所以想試下。見到佢有推介 慢煮牛肩胛飯，立即叫個來試。睇樣都見到，牛好多，比我預料的多好多，起碼有10件。而且入面真係唔係煮到熟透，而係 粉紅色的，。牛肉唔老，有牛味，但唔算好重味。份量多，仲要送飲品，都算抵。雖然比起旁邊的其他店，佢的價錢可能比較高一點，但見到店主係有心做的，交出的食品都唔錯，值得支持下。…查看更多

今日順路去上環做野，但又無食早餐，所以未夠11點就搵地方食個 早午餐。行過見到平時排隊的老店門口無人，立即跳身其中。之前一直無試就係因為要排隊，今日終於可以一試三眼仔飯。落單後，姐姐好快就將三眼仔飯送上，有效率。三仔眼將底下的叉燒完全覆蓋，一見到大大的三隻眼我就急不及待將佢破壞。蛋汁伴飯從來都係由細食到大的 簡單美食，更何況有三隻蛋。但食到叉燒時，我就覺得伏左。叉燒又乾又咸，同我想像的有好大出入。 乾都唔緊要，係健康D (廋D) 者，但咸我就頂唔住。食到一半，我都頂唔住，唔再食。如果唔係有蛋汁，我估我食唔到一半的飯。可能我以為佢係蜜汁叉燒，所以先有落差，但就算係咸，都唔好 咸到連打淡食都食唔到。總結，見面不如聞名，可取的是其性價比，因為$41 有飯有飲品，在上環是唔錯的選擇。…查看更多

一直都知道九龍灣有新的飲食地標，但沒有去了解在哪裡。今晚在德寶睇完醫生，相問一下有冇地方介紹食少少野，佢就指點左我去六樓後座。原本新的飲食地標就在德寶商場。因為我去到時已9點，店內沒有太多人。一入去，不假思索，來一個雜扒餐試試佢身手。既然佢係賣老香港茶餐冰室的路，鐵板雜扒當然是不二之選。主角未到，先行部隊 牛油多士和南瓜湯先被送上枱。多士又香又熱又脆，湯又濃又熱，一定都是即叫即整。主角雜扒上場睇相都見到佢幾有份量，豬、牛、雞、薯條樣樣齊，睇到我立即有細個個時，食雜扒的興奮感覺。食鐵板最重要的，就是加汁落去個一刻的之之聲。依度都無令我失望，熱力足，之之聲不絕於耳。話說出面好多所謂鐵板都係虛有其表，唔係燒到紅出來的。雜扒份量足，味道交到貨(即係OK 普通啦)，但要提一提的，是佢的豬柳。 佢的豬柳唔係D乾真真的豬扒，而係分左3塊的 爽脆豬柳，一入口眼前一亮。在無咩預期下食到更好的味道，當然喜出望外。想行舊香港的風味同時，都希望餐廳方可以作出一點點的改善，令青年人都可在舊風味中，找到新的亮點。因為舊時可食鐵板，已經係天大的喜慶日子，見到都滿足了。但現世代青年富足，未必能體會/體諒到當中的感受/風情，所以只會從單純的味道出發。我都希望餐廳可以一直做落去，多吸客 源，為我們保留一下兒時的 回憶，謝謝。另外，見到另一枱客叫了中式客飯，份量多又是即炒的，下次都想試試。…查看更多

成日都想去半島但成日都要等位，自從有次唔想等位而去左四寶後，我成為左佢的粉絲。今日順路去左食午餐，入去都未諗到食咩，但見入面枱枱都食緊2樣野。一係蔥油豬扒飯，一係就叉燒滑蛋飯，見到咁的情況已經唔諗啦，叫左蔥油豬扒飯。普通的豬扒飯要索價$50，可能你會覺得貴。但當四寶俾到足料的飯俾你，你就會覺得物有所值。豬扒有成吋厚，而且係有肉汁的，好明顯係有心機咁煎而唔係九炸。 加上蔥油唔係死咸死油，好有蔥的香味，送飯一流。當出面$4X都係俾緊D 垃圾你食的時候，依度俾同樣的價錢而有相對應的料，應該要大力支持!!!!P.S. 成日去食佢個早餐，見到佢的雞扒係手拳咁大同好厚身，食完一餐可以飽到午餐都唔駛食~~~…查看更多

今日要去旺角上堂，立即搵下附近有咩食，就搵到村爺爺這所 熱爆的餐廳。我睇到D人話好早就會排隊，所以拿拿淋1730去到。去到見到已經差唔多滿，我就好彩仲有位，而且下午茶時間送冷熱飲品。轉下眼1745已經要排隊店內位置唔多，但起碼唔會迫到坐得唔舒服。我一入去就立即叫花膠煲雞(皇牌)，加$10可轉套餐，有菜有飯有飲品。好快就放左一大盤雞來，半隻雞無花無假。好啦，都係時候講下個主菜入面D花膠唔少，雖然未致於起膠同好厚，但起碼無沙同淋。雞湯好甜好香雞味，沒有味精的感覺，立即飲返幾口先@__@香飯係絲 苗米，口感 軟熟，煮得有點乾，加上湯來飯剛剛好。主角--雞 浸在湯內，沒有好快涼。雞肉嫩滑，唔似D 煲左好耐的 ，而且唔駛點醬已經夠味。食這餐一定要用手先會食得開心又乾淨，店方有給予膠手套，十分貼心。總結，這餐十分滿意，性價比極高。希望佢愈做愈好，KEEP 住品質，大家多D光顧，老闆賺多D~~~…查看更多

今日去大角咀朋友家玩，朋友推介來這家 名字特別的中菜，一上網睇，大有來頭。一班人12人準時8點入座，坐定定就已經要俾個LIKE 先。座位闊落，12人加個BB車都坐得舒服。看餐牌上主菜都有分大、中、小 的份量，可根據人數來定大小。我們12人當然全是大啦!~~我們叫了東坡肉包子、炸美人魚、炸淮山、南乳炸雞亦、鐵板豆腐、皇牌排骨、(英)花蝦四季豆、馬來風光、苦瓜炒蛋、海鮮面線以上的全部都好好好食，一來到就被人清碟，我手腳太慢未能留影!~!~重點推介: 鐵板豆腐、東坡肉包子、皇牌排骨1) 鐵牌豆腐 好滑，入口即化，味道不會太濃，是偷飯賊2) 東坡肉包子 樣子邪惡得令人想卻步，但佢味道太吸引。東坡肉 好淋而且好入味，食完唔覺得肥膩(2個SHARE 1個包)，一試難忘。3) 皇牌排骨 每件都好大件，但很淋，不會有坊間所有大件肉都 OVERCOOK 的情況。最後就算好飽都叫了一個湯圓西米露來作結，也沒有令我失望。總體來講，全餐飯是由頭好到尾，沒有一個菜有令我失望，十分難得。…查看更多