yamiclover的个人专页

芋頭餡真係好夠料，又唔會太甜，就算唔鍾意食甜既人都好岩食！我本身鍾意食甜既，但都覺得呢隻味道岩岩好，原汁原味，食返出芋頭原本既味道💛💛 好多同事都話好好食，仲猛咁幫我叫其他同事快啲食！！離職前考慮過好多種散水餅，西餅、cup cake、茶包、果醬、卷蛋…… 以往大部分離職同事都係派西餅，但好多時同事都食到厭／放左雪櫃唔記得食，好多西餅最後都係丟落垃圾桶🙈考慮到芋頭酥可以放係室溫，仲可以獨立包裝，方便太忙未有時間食/食飽左既同事到想食先拎黎食😳食落又唔heavy，價錢又同出面西餅差唔多，值得推薦💛💛 （建議送比人揀原味芋頭味最大路！唔洗驚有人唔鍾意話梅／蛋黃）…查看更多

其實留意左呢間野飲好耐，一兩年前睇到報導介紹，又有follow開facebook，一直覺得呢對老細情侶好有心，咩都親力親為。之前佢地係太子，因為平時唔會去太子，到最近佢地搬左黎旺角終於試到！雖然呢排好興黑糖鮮奶，但久仰大名，都係決定試下佢地既招牌珍珠奶茶！⋯⋯但真係恕我直言，可能我期待太高？杯野真係唔好飲珍珠煮得好硬，食落仲粉粉地，真係好難食。奶茶好似奶粉溝糖水咁😓⋯又甜又化學味⋯最後飲左一半就飲唔落啦⋯⋯真心睇好佢地，店主好有心，又友善有禮，好好服務。但估唔到期待左咁耐，飲品係咁既質素⋯（定係我咁岩唔好彩⋯）真係好失望。希望老細們可以多啲留意下啦！…查看更多

其實由爆丼屋開張，我已經幫襯過三四次，次次都係點「海膽丼」，今次真係忍唔住要比個差評。香港地要食到又平又多既海膽唔易，每次一口痕想食海膽，就會諗起「爆丼屋」，呢個份量的確對得起呢個價錢（$284），但質素就⋯⋯⋯每次食完都覺得好伏。（但一口痕又會唔記得左！）食過咁多次，佢地海膽份量雖然多，但質素依然一樣差。雖然未至於腥，但食落口係無味！加上放左一陣，海膽已經變到一patpat、溶溶地咁。明明食落口係海膽既軟綿綿質感，但點解每啖都食唔到海膽味？花左咁既價錢，真係覺得好伏！寧願用呢個價錢出去食50蚊一舊高質海膽軍艦/手卷都冇咁嬲加上我今日自己一個去食，員工當單丁客好似人球咁：我一入坐落完order冇耐，就比店員要求我換位，冇問題；換左位，都差唔多食哂，淨返一兩啖果陣，又有店員再黎問我介唔介意調位！我明明只淨返DD就食完，食緊飯都仲要人換位？明白餐廳想做多幾轉生意，但客人都已經開始食緊飯，呢個時候叫人調位我覺得都唔太尊重。自開業以黎，已經比左好多次機會、幫襯過好多次爆丼屋，今次真係死心。最後特登打呢篇食評提醒自己以後都唔好再黎…查看更多

試圓圓果日天氣好熱，係隔離等左15分鐘先拎到野飲。因為店員姐姐話唔走得冰，又話如果叫少冰，飲品只會得八成滿，而且會變得好甜。唯有焗住揀正常冰。點知即刻中伏（我試過咁多間既黑糖鮮奶都係叫少冰，都未聽過只比八成滿你）本身飲落都正常，淡淡既黑糖味加鮮奶。但重頭戲既珍珠就硬硬地唔軟熟⋯加上佢地落冰落得好多，唔係好啜到珍珠。天氣又熱，啲冰瞬間就融化哂，好似係度飲緊牛奶溝水咁真係寧願飲返熱飲算。可能買既人多，珍珠煮得太趕未煮好，等咁耐點知咁普通，有啲失望。…查看更多

難得黎到深水埗，糾結應該要試港式懷舊冰室定係呢間台灣野，最後都係敵唔過想食牛肉麵既心就黎左試！第一啖即刻試左麵同湯先⋯⋯一試，覺得只係「台灣麵」連鎖餐廳既水準，麵條同湯底都好普通:(話就話紅燒牛肉麵，但湯底好清，質地好水，唔濃郁冇咩味，懷疑只係味精湯:(蘿蔔因為仲有啲生，隻味唔甜又怪怪地。唯一可取既得牛肉。雖然份量好少，得三四舊到，但牛肉煮得好入味，食落口好香濃，肉質又軟熟！連埋麵食，更加突顯湯底淡、麵冇味，同香濃牛肉形成強烈對比⋯⋯普通貨色，試一次就夠。…查看更多

終於係香港搵到一間合格既黑糖珍珠鮮奶啦！！明明大陸度度都有得飲，又平又好飲，唔知點鮮香港跟得咁遲都未有⋯😂😂 唔計香港大熱鹿角巷同老虎堂（同原祖冇得比）先後飲過良辰吉時、茶番、天仁茗茶等等出品既黑糖鮮奶⋯⋯每間都跟風又難飲，終於比我試到有一間大眾啲又冇咁多人排隊既飲品舖啦！叫左正常糖、少冰。呢度既黑糖鮮奶唔似大多數出面「黑糖味鮮奶＋無味珍珠」，反而係相反：「黑糖味珍珠＋鮮牛奶」珍珠煮得好軟熟，黑糖味非常濃烈！因為甜味主要黎自珍珠，加埋普通純牛奶，甜度岩岩好！因為出面舖頭多數飲落既珍珠都無味，佢地將珍珠煮得咁有黑糖味又軟熟真係有誠意👍🏻👍🏻👍🏻 驚喜！最頂層有一層薄薄既奶蓋，豐富味覺得黎又唔會太「溜」。下次經過一定再飲！…查看更多

良辰吉時係間設計、包裝、行銷都做得好好既舖頭，一開業無時無刻都好多人排隊，經傳媒落力介紹下，想飲多次都飲唔到⋯但最近再經開荃灣，竟然發現星期日晚飯時段都已經冇咩人排隊！所以立刻黎試我想飲好耐既「啵爆黑糖厚鮮奶」。最上面係一層cream，因為飲黑糖鮮奶要攪勻先飲得黑糖同牛奶，一攪，就將啲cream都攪埋入鮮奶，飲落好膩。（同奶蓋茶一樣，攪勻飲就好膩）幾乎冇咩黑糖味，珍珠又好硬好麻麻⋯價錢仲咁貴😓😓 之前都飲過一次佢地既抹茶奶蓋茶，得個甜字，冇特別。睇黎呢間舖頭會紅都係因為名星效應，等熱潮過左之後唔知仲有冇人黎飲。…查看更多

之前試過本店「春風三月」既珍珠奶茶，非常難飲，好似清水加左啲奶粉一樣咁稀⋯ 係我飲過最難飲既珍奶之一。所以對姊妹店「春風撞奶舖」冇咩期望，加上大家對佢既評價都好差。但因為呢排實在太愛黑糖鮮奶，周圍去試唔同舖頭整既版本，所以決定比一次機會佢！冇想像同傳聞中咁難飲。奶味好重，感覺應該唔係牛奶係奶精，飲落好「蘇」，我自己鍾意奶味所以唔抗拒。黑糖味唔多，珍珠口感唔似傳統咁彈牙，係好似芋圓、糯米滋咁軟淋淋，我自己幾鍾意。總括黎講，出面大把好飲過佢既黑糖鮮奶，但想嘗鮮既朋友都可以一試！反而令我好唔滿意既係店員既態度，我黎到櫃台前見唔到人，原來店員特登匿係收銀後面唔想比人睇到。我想叫野飲時，佢成副愛理不理、冇咩反應既樣，好似我阻住佢hea咁😓😓另外一位係入面整野飲既店員，整完杯野就咁放係枱面，但因為放得太入，我拎唔到，佢之後一野「推」杯野飲去我面前，杯飲品比佢咁推一推「滑」過黎⋯⋯ 搞到入面既奶茶飛左少少出枱面⋯😰…查看更多

岩岩係佐敦上完堂好口渴，係附近搵到呢間台式飲品！🥤🥤🥤原本想叫珍珠奶茶，但店員話佢地只得「黃金珍珠奶茶」（要飲黑珍珠只得珍珠紅茶，冇奶茶）仲話黃金珍珠冇咁多色素～一於就試下啦！睇其他人講呢間野飲偏甜，所以叫左少糖。但飲落係冇味，誇張到完全飲唔到有茶味，奶味都又淡又假，懷疑係奶精😓😓 好似飲緊糖漿+水咁。加上黃金珍珠都係完全冇味！口感都好麻麻。啲珍珠又痴埋一舊，啜唔到上黎。真係伏到喊，之前記得試過旺角店都好麻麻。…查看更多

荃灣人，每次經過楊屋道街市都見到呢間茶餐廳門口排哂長龍但一直都冇機會入去一試，今日咁岩有機會同媽媽一齊黎等下午茶望過咁多次今次終於入到去食啦！但可惜原來味道非常普通，同屋企煮既差唔多味道純粹以奄列／蛋治夠大份取勝，味道無特別驚喜嚐鮮一次OK，但實在吸引唔到我再幫襯我們兩人只叫左：。雞翼湯米 $24雞翼只係普通既鼓油雞味，同家常煮既味道一樣，雖然唔係難食，但冇咩特別。而陪襯既湯米都冇咩好講…亦都好普通。。火腿小奄列 $26雖然話就話「小」但其實大大份，就算兩個人食都食到飽！奄列上面落左d鼓油，但因為蛋落得太多，令到蛋皮煎得又厚又老都係個句，唔係難食，但都冇咩特別。我見menu仲有個「火腿奄列」普通一個火腿奄列竟然盛惠$48，真係唔敢想像呢樣會有幾大碟！。兩杯奶茶 $15*2呢餐覺得最好就係呢杯奶茶，多奶香濃但又冇好到以後會為飲左杯奶茶排咁耐隊＝＝＝＝＝總括簡單兩個字，普通。呢次係第一次搵出哂名好評餐廳黎食，點知同想像有落差，有少少失望。anyway，店面雖然有d迫，但又覺得坐落個環境幾舒服阿姐態度又好好，算係可以一試既餐廳。…查看更多

V City雖然開左一排，但今日先第一次去見識見識睇餐廳list個陣見呢間Tuttumelon張相唔錯上黎睇睇食評又唔差，抱住冒險既精神試左佢地既原味frozen yougurt…點知又中伏！！:(OMG，食落有冰粒都算，佢地yougurt唔知點解有種怪味！有種好怪既酸味，冇咩奶味，真係唔知點形容！食過咁多間都冇試過呢種味！又唔可以哂，迫住要食哂呢杯野…真係一d都唔enjoy:(yougurt永遠最好都係crumbs，食過咁多間都冇一間比得上睇黎都係非自助式yougurt既質素先信得過！…查看更多