Arisl的个人专页

銅鑼灣新式西餐廳，晚餐Set dinner都幾抵食。一坐低似傳統西餐廳有麵包籃，不過入邊係脆tacos，配千島醬。Set Dinner包餐湯沙律同茶啡，感覺有啲似小型Cafe，是日餐湯係雜菜湯，不過不失。沙律上面有啲爆珠，幾特別。Main叫左牛仔骨同自選意粉。牛仔骨有三大塊，份量都幾好，旁邊嘅黑松露薯蓉係我覺得最好味既！自選意粉幾特別，因為可以按個人喜好揀自己鍾意嘅醬汁/麵/肉，配合成自己最鍾意嘅意粉。最後加咗$1換甜品，係幾抵食既。…查看更多

椰汁雞湯橙象呢個名真係聽過好多次，但次次都miss咗，今次終於有機會食啦！食泰國野又點少得椰汁呢一個靈魂呢！今次呢個雞汁係我個人最推薦嘅野，呢個湯椰汁味超濃！！！而且唔會大辣，但係市面上飲到咁濃椰汁味既湯真係比較少見香蒜軟殼蟹飲完個靚湯就叫咗樣香口野，呢個軟殼蟹食落去非常之脆，同埋唔會太鹹，值得一讚既係佢個泰式辣醬，就咁食個蟹同加埋個醬又更加豐富咗味道，鐘意食香口野既你一定要試下泰式明爐烏頭魚最後叫咗明爐烏頭，條魚真係好滑好嫩，同埋好大條，食極都仲有。細心少少佢上面仲有啲肉粒，吸晒啲魚湯味依家佢哋做緊優惠，每日都有唔同既菜色$1就食到，我哋嗌左嘅呢條烏頭只需要$1就食到，真係超抵！ 希望下次嚟仲有得食🤤…查看更多

喺新城市想食Pho，見到新開既越好，裝修都幾靚。食越南餐必點一定係生牛肉河，湯夠熱又夠鮮味，食完飲埋湯都唔會口渴證明無添加！仲好貼心有埋青檸同埋新鮮辣椒。小食叫越式春卷同埋蝦餅，炸到脆卜卜之餘又唔會乾，CP值高。青檸梳打亦都係食越南餐嘅精髓，今次特別叫咗走甜，但係青檸味十足非常好。暴龍美祿幾特別，有cream有可可脆，不過如果再濃啲就好啦～…查看更多

慶記新店開張，比舊店慶麵坐得更舒服所以今晚就選擇試試新店。夏天咁熱所以叫咗兩碗撈麵，分別係麻辣擔擔撈麵同特色山葵醬雞絲冷麵。擔擔麵味道比賣相出色多了！食之前記得要撈勻，麵條沾滿醬汁之後，麻辣味十足，仲比較煙韌食落有口感，仲有大量嘅五香肉碎，好開胃。另一碗係特色山葵醬雞絲冷麵，麵條一樣有煙韌口感，亦有足夠山葵醬，不過如果山葵味可以再豐富啲辣多少少就比較好啦。每次見到小籠包都一定會叫，見到餐牌有梗係要試下啦。上枱時熱辣辣，咬開湯汁非常多，皮薄餡靚！兩個人食四粒有啲唔夠滿足～四川口水雞卷係廚師推介，麻辣好惹味，雞肉不過不失，食慶記送麵小食之選。以慶記價錢黎講佢嘅食物質素絕對係cp值高既！最推介當然係小籠包啦，黎到一定要食！…查看更多

朝早出發去澳門，到港澳碼頭時覺得有啲肚餓，就去左新開無耐既老媽拌麵醫醫肚。鋪仔細細專做外賣既，但都有張bar枱可以堂食。平時都有食開定媽即食麵，有啲掛住所以今次叫返擔擔麵，因為我最鍾意佢個擔擔麵。而係鋪頭我揀咗配幼麵，味道同我食開既一樣，麻麻辣辣好惹味！佢個種辣係香而麻，唔食得辣既要小心，雖然佢唔係好辣但都雖要杯飲品。仲有好多肉燥，同條菜心，亮點係隻糖心滷蛋，真係糖心仲好入味！最抵食係加$15可以轉套餐，有多個油菜同飲品，飲品單叫都廿幾蚊架。所以我都叫個套餐，飲鮮草茶。鮮草茶都唔會太甜，但有淡淡鮮草香味，唔係成杯啫喱，有茶有啫喱夾得岩岩好！鮮草好滑，飲完一杯仲再飲過哈哈。…查看更多

叫得Pastaholic，佢嘅意粉一定要好出色既。試過之後，果然無令我失望！頭盤先黎個洋蔥湯同沙律。洋蔥湯有煲林晒啲洋蔥碎，除咗有洋蔥香仲食到洋蔥嘅甜味。沙律汁都好食，唔係一般嘅沙律醋，夾埋新鮮嘅沙律菜，係開胃之選。意粉試咗兩款，一款係鮮制意粉一款係普通意粉。松葉蟹肉欖油鮮制意係期間限定既，所以點都要試一試。新鮮做嘅意粉同平時嘅果然係有啲唔同，口感比較好。配埋佢個橄欖油汁，能夠沾滿醬汁咁食意粉好滿足。落單時無留意唔到佢有大量嘅火箭菜，好彩我對rocket 無咩抗拒，加埋新鮮製嘅意粉又幾好食～蟹肉以$108嘅價錢來講都算係咁啦哈哈！呢個期間限定值得一試！蘆筍帶子意粉，有重重嘅蘆筍，如果鍾意食蘆筍嘅你一定要試！帶子份量都不過不失，配埋蒜香，令意粉更加滋味。值得一提嘅係佢嘅意粉，係有煙韌有咬口既，唔會煮到林晒，我非常欣賞！果然係做意粉嘅專家～相信係香港好少地方可以食到唔係林晒嘅意粉。食完意粉又點少得試埋佢個Pizza，叫咗兩個細Pizza，呢個size幾好，唔會太大食唔曬又可以試多幾款味。Margarita 係經典之選，配以新鮮水牛芝士，好味！另外都想是巴馬臣火腿Pizza，夾埋大量生菜夠曬Fresh。最令人讚美係佢個批底，手製Pizza就係有呢種好處，睇佢個樣都知，一啲都唔油膩，仲有麵粉既烤香味！佢唔係簿批，但都做到呢種無油膩感既批底，以呢個價錢黎講十分抵食！嘢飲叫左杯Mojito Kiwi，好fresh，食呢餐飲岩曬！仲有杯熱既芒果煎茶，好香嘅芒果味，有啲似水果花茶。Pastaholic 既環境都好舒適，架埋啲靚靚led橙係幾有意式餐廳feel。呢個價錢呢個質素，下次一定會再食過！！…查看更多

九龍城係泰國之城，係眾多泰菜之中今日揀左一間環境靚啲又坐得舒服啲既橙象。相比其他係九龍城既泰菜佢望落高級啲，但睇一睇menu 佢既價錢相當親民，仲有每日$1菜式之選。今日係星期四，飛天通菜既特價，次次食泰菜都會叫通菜既我今次點少得叫返碟通菜。上菜一睇就知一定係岩岩炒起既，因為仲熱到冒緊煙的。飛天通菜最重要就係啲配料同味道，食落唔會太咸但夠曬馬拉盞香味，呢個菜比平時食到既偏辣少少所以非常惹味，唔食得辣既都接受到既不過要飲多兩啖野飲哈哈。咖哩海鮮脆包盅都係menu 到吸引到我地所以叫左黎試試。見到咖啡滿到就濟曬出黎就忍唔住即係食啦。估佢唔到一啲都唔辣，反而有好香既蛋香味，就係眼見既蛋花帶出黎既，而呢啲蛋花都令個咖哩更加香滑，係出面好少食到呢種咖哩。脆包皮脆但內裏鬆軟，唔會食到個口乾爭爭，加埋佢咁多咖哩汁真係岩曬。海鮮都係好足料架，款式多而且食極都仲有。食完呢一個海鮮包真係飽到上心口呀！平時好鍾意飲冬陰公既我地今次見到個椰汁雞湯決定試下新野。雖然仲好心思思想飲冬陰公，但飲完第一啖真係覺得無叫錯！因為呢個椰汁雞湯既味道就好飲冬陰公既重奶重椰汁版，但仍然帶有冬陰公既酸辣味。除左重椰汁味仲有啲好似芝士既味道，總括而言就係超好飲，完美打底左冬陰公啦。湯底仲有好多蕃茄仔同雞肉，好飲又好食，係橙象一個幾特別既菜式而出面無點試過的，強烈推薦呢個椰汁雞湯！食泰菜點少得飲返個椰青，今次呢個好大個，椰青水滿滿而椰肉鮮嫩。意想不到係杯珍多冰，椰汁夠濃之餘啲綠色條條好煙韌軟滑。最後叫左個芒果糯米飯，又係熱到出煙。而且黑白米都有一次滿足你兩個願望～完美咁結束左今晚環境靚靚又抵食既一餐！…查看更多

咁多間華嫂，我最鍾意觀塘呢間，除咗因為佢有冷氣之外，最大原因係佢有秘製撈米線！！！呢碗撈米線係其他分店無既，得觀塘先有。佢酸酸地好開胃，仲有好多香葉同炸蒜夾埋一齊好特別。米線煮得啱啱好，唔會太淋仲幾彈。重點黎啦，係佢超多配菜，有豬扒、午餐肉、紅腸、青瓜⋯ 係一碗應該盡有既撈米線，味道又正，所以次次黎都會叫！除非米線，黎到華線又點少得叫招牌菠蘿包同咸牛豬，多料，包又香又脆，真係每次黎必食！奶茶又係一定要叫既，不過記得記得要少甜。除咗奶茶，檸多都幾好飲，檸檬同益力多出奇地夾，夏天消下暑之選！…查看更多

如果想食上海菜，又想有啲新意，坐得舒服，可以去樂天皇朝一試。當晚我遲到，所以屋企人留起曬啲餸比我食。雖然凍左啲，但都無減佢既美味。首先要講既係佢既7色小籠包，屋企人留咗綠色比我，係無問佢地係咩味底下一食就估到，係人蔘，苦中帶甘幾特別。不過相比原味小籠包都係原味好食，7色試一籠就夠，原味之後再叫多咗幾籠，熱辣辣皮簿餡靚仲有多多湯汁！上海粗炒都做得唔錯，味道夠之餘麵軟硬度適中。素鵝好酥脆，一咬碎片跌曬落枱。蒜泥白肉好特別，唔似一般將白肉浸曬落啲蒜泥到，而係用白肉卷住蒜泥，賣相好靚啦，但略嚴有啲唔夠味。甜品都叫咗好幾樣。豆沙鍋餅好大份，同一般好簿一塊既唔同，食落好滿足。高力豆沙好白蛋味唔會太甜，豆沙都一般水準既。而我最鍾意係心太軟，紅棗包住麻薯，超好食，唔覺唔覺就食咗好多粒了。呢間餸菜份量比較少，不過好精緻，同埋算係新派都創新既啲菜，滿意喔！…查看更多

食上海菜一定要叫小籠包啦，而呢道菜都可以知道間餐廳掂唔掂。蒲東小館既小籠包皮簿餡靚，超多湯汁，合格！牛肉生煎包都一樣好多湯汁，咬開時仲彈到去對面位添，最正係佢超熱，如果上枱時即刻食會辣親架。小食仲有五小碟，非常欣賞呢個做法，可以自己拼夠五樣小食為一道菜，滿足曬貪心既我地，而鍾意食素鵝既我地仲叫咗兩份，香脆好食，雞絲粉皮又係必叫既，淆肉就正常水平啦。河蝦三鮮炒年糕既蝦夠新鮮，年糕夠煙靭。韭黃鱔糊炒得好香，鱔香脆爽口。酸辣湯好大鍋飲極都飲唔曬。但令我失望既係擔擔麵，上枱時完全無賣相，好似一碗比人食過既麵咁。食落更差，湯好似溝水咁浠，麵好淋。甜品我地都叫咗三樣，高力豆沙好香蛋味好鬆軟，豆沙鍋餅紅豆好香。而我最鍾意係心太軟，紅棗好香，配埋麻薯 煙煙靭靭好好食，加上桂花糖香香甜甜，真係好好食！份量仲幾多，可以係咁食大滿足！…查看更多

黃金海岸既buffet，最值得讚係選擇超多，啱曬一家大細去食。地方好大，同時場內好多小朋友所以係一間好嘈既自助餐，亦都因為好多小朋友，所以酒店都有安排小丑係場內整氣球送比小朋友，如果我係小朋友都幾開心。食物種類超多，由室內去到室外。最驚喜係室外既BBQ種類，無邊間自助餐可以做到我諗，係室外都有好大地方，有泰式串燒、烤魚、燒雞翼等等，仲有港式燒乳豬、燒鵝真係令我大開眼界，全部都係即場有人見住佢燒，自己就可以等食哈哈。仲有海南雞飯同喇沙都係室外。室內地方都好大，一般熟食佢都有，而冷盤都特別多，不過比較貴價既就欠奉，倒如生蠔。巴馬火腿都有兩款，辣肉腸同Ham都係。甜品種類都好多，亦有我最愛既即叫即整waffle，buffet 質素黎講好好食，夠香仲帶點咸味，最好就梗係拎個雪糕擺面一齊食。最驚喜係有空氣厚pancake，亦係我好鍾意食既甜品，不過要比啲耐性排隊，因為每15mins先得十零個出爐咋，但佢無我想像中咁好食，止下口癮好了，留返啲位食多幾個waffle 仲好！真係估唔到雪糕都可以多選擇多，有Movenpick, Haagen Dazs, Dreyer's, 味道都多，除咗一般Vanilla chocolate，仲有開心果添！真係大滿足。如果想揀間多選擇既buffet佢係唔錯既選擇，但相對地食物質素唔係超水準，環境都差咁啲因為有啲吵鬧同開似舊啦。…查看更多

如果忽然掛住日本咖喱，去COCO 食返個咖喱可以頂住先。日本咖喱係甜甜地唔辣既，配埋蛋就最好食。忌廉雞肉庵列咖喱我覺得最好食，首先佢係個蛋包飯，其次忌廉夾日本咖喱幾好食。我仲叫咗小辣，為甜甜既咖喱再加啲味道。…查看更多

燒肉食得多，但係塊岩鹽磚上燒肉真係第一次。吸引我想試下呢間燒肉原因係我見到佢有塊岩鹽係爐上，其次係佢有M5澳洲和牛。值得一讚係上菜速度好快，iPad點完轉頭就上枱了。另外位置好方便環境亦唔錯，兩個人食都比張六人枱我地坐有啲驚訝。當日我地係加咗錢食和牛既，一場黎到梗係試最好架啦。和牛食幾好食既，咁既價錢，油脂分佈都好靚架啦，雖然食落口唔算入口即溶不過牛味唔錯，但略嚴有啲簿，如果可以厚身啲會更好。另外每次叫都係三款肉一齊上，無得話指定叫邊一個部位。其他牛我覺得就麻麻地啦，唔使曬位食佢地，叫曬和牛好了。呢間燒肉仲有明太子雞翼同雞串雞軟骨串叫，真係燒雞翼都燒到你滿足。明太子雞翼最好就放上岩鹽燒，燒到皮脆肉嫩，仲有啲辣架佢幾惹味。飲品方面都一樣係任飲，自己去雪櫃拎就可以，一如既往有一眾韓國飲品。呢間係一間坐得舒服上菜又快既燒肉放題，以價錢黎講佢既質素都算好架啦，食物種類都多，雖然唔係頂級，總算滿足下燒肉癮啦！…查看更多

一餐眼睛都嘴巴都好享受既，係ATUM了。由環境，食物質素，同賣相都超水準既一間新派西餐廳。先上枱係麵包籃，配兩塊好似芝士既牛油，麵包鬆軟好食。然後叫咗個海鮮拼盤，份量真係好多呀，兩個人食完都飽飽地了。除咗份量，種類都好多，大蝦象拔蚌同帶子好鮮甜，海膽甘香新鮮，生蠔同三文魚好有心思因為係調過味，三文魚用紅菜頭醃過，生蠔加咗熱情果汁同啫喱粒粒，令生蠔更鮮甜同特別，蟹肉可以夾埋墨魚脆餅一齊食，仲有個鵝肝配幾粒魚子香醇甘香。呢個海鮮拼盤真係令人回味。Main 叫咗燒八爪魚墨魚脆條辣肉腸蕃茄洋薏米，上碟賣相好得意，係一大隻燒八爪魚。佢唔係飯係洋薏米，令佢更特別，洋薏米比意大利飯更有口感所以好食得多，配埋辣肉腸好滋味。ATUM 最出名既係甜品，而雪糕更係自家制。蕃薯雪糕紫薯脆片栗子雪糕堅果脆糖，蕃薯雪糕好好食好似食緊雪凍咗既蕃薯咁，唔會太甜但啖啖蕃薯香。栗子糕更係好重栗子香，就好似栗子蓉咁，配埋脆糖甜甜地又香又脆。伯爵茶雪糕茉莉花奶凍草莓蛋白霜，雪糕都一樣好出色，好creamy又做到好出既伯爵茶味，奶凍反而唔係好重茉莉花味不過重奶味好香，蛋白霜配埋雪糕食好夾。一間又舒服又好食既餐廳，環境優美對住大落地玻璃，好似走入咗尖沙咀既世外桃園咁！…查看更多

每次放假都會想黎食華嫂，除咗要等耐啲同比蚊咬都無野好挑剔。元朗呢間先有冬陰公湯底就梗係要叫啦，配埋面頭既炸蒜好惹味。最令我鍾意食華嫂既係佢啲包，招牌菠蘿包同埋咸牛肉豬仔。平時一個普通既菠蘿油只要包夠熱牛油夠凍已經好好食，呢個仲要加埋煎蛋同蕃茄，令個包更多層次，蕃茄又fresh 又多汁，再加脆既菠蘿包真係好夾。咸牛豬都係重點要夠熱同包夠脆，佢做到了，配埋咸牛肉同煎蛋，真係令人成都好想黎食返個呀！…查看更多