cowcow0108的个人专页

今晚係美麗華大廈做完按摩行去食雞腸麵😆食飽就打算經柯士甸道行番去佐敦、心思思想食雪糕之際、經過一間白色小店、睇清楚原來係乳酪店😍$56可以選三款配料、我揀咗芒果、麻糬和布朗尼蛋糕、再配上熱情果醬、店內係冇位座嘅、我就坐咗係出面個大花糟度慢慢食😆😆今次d配料完全冇揀錯👍麻糬煙煙韌韌、布朗尼蛋糕又出奇地和乳酪好夾😂😂食到底有芒果肉食😋😋整體好正👍個女仔員工斯斯文文有禮貌👍👍下次做完按摩可以再去買嚟食😘😘…查看更多

:(難食到一個點今晚夜收工、8點零鐘行去深水埗搵嘢食本來諗住食維記、不過原來已經收咗舖、經過劉森記、咁以前食過都好ok、點知今晚搭咗直升機、伏伏伏伏⋯⋯難食到一個點鵝腸冇味、佢比咗碟豉油我都奇怪、平時食尖沙咀新蘭香麵家、食雞腸栢葉麵我都唔要佢碟豉油嘅、因為夠晒味、但劉森記嘅鵝腸就超唔掂、係完全冇味、而米粉我唔識形容嘅難食、湯底又唔夠熱🥲牛腩成隻麻雀咁、口感硬😖最黑仔係係酸蘿蔔都冇晒、早知搭車去新蘭香麵家食雞腸栢葉麵好過啦😭我好少比差、今晚唔比真係對唔住自己個良心…查看更多

今日中午約咗朋友係樂富食午餐揀咗呢間Gochi食☺️午餐有三個價錢、三個人各叫各再share食😆😆我鍾意食牛脷又想食手工意粉、所以叫咗牛脷意粉，朋友叫千層肉醬&和牛pizza😋😋set lunch 前菜我揀咗沙律、比我想似中好味、問咗經理原來撈咗凱撒醬👍👍朋友要咗蕃茄餐湯、試咗兩啖、濃濃蕃茄味仲好creamy💕上菜好快，食完前菜就上主菜啦和牛洋蔥芝士薄餅👍👍😋餅底真係好軟熟，餅邊小燶食落煙煙韌韌👍☺️同平時食開嘅薄餅好唔同，和牛餡料加埋洋蒽估唔到咁夾，之後食千層肉醬，好似不計成本🤣🤣好鬼多肉醬，有多嘅肉醬可以放落件薄餅一齊食😂😂最後我嘅牛脷意粉出場👏🏻👏🏻👏🏻影完相就掛住食😋😋牛脷有牛脷味👍手工意粉唔慣嘅人可能覺得硬都未定，我就覺得比起普通意粉好食好多👍👍難得同朋友聚會緊係慢慢嘆啦，呢度坐位闊落，我地又坐圓枱，下次可以和娃媽們嚟聚下，同d公仔影下相應該都唔錯，哈😆差d唔記得寫，個餐仲有個甜品，我地三個都揀咗tiramisu😝😝其實已經飽到上心口😋但估唔到又放得落佢😄最怕死甜不過呢件又唔會、食完飲埋杯花茶、心滿意足我又走咗落去下一層八下，聽講happy hour好抵吖、諗諗下、叫同學聚下舊飲番杯都唔錯地點咁方便😆👍…查看更多

由鰂魚涌行山行到陽明山莊、坐巴士落山、因為皮膚唔好、所以搵下邊度有沙律菜食、搵到poke、第一次食見網上評語麻麻、但心諗菜啫、衰極有個譜😆😆我叫咗三文魚沙律菜$88再加$12牛油果和$4洋蔥共$104本身$88有三文魚、羅馬生菜做底、再選三款食物、我揀咗青瓜、醃蘿蔔蟹子、整體好ok、新鮮👍當然平番d仲好有兩張圓枱仔可以坐、不過我唔高會坐得辛苦啲😆所以我企係度食下次會試下吞拿魚沙律菜😋😋…查看更多

因為30幾年前係堅尼地城讀過5年中學，所以今日和家姐游完水，特登坐去堅尼地城港鐡站落車搵嘢食，隔咗咁多年，我真係完全唔認得西環了😛😛家姐喜歡食意粉，但未食過手工意粉，所以見到呢間Kurukuru就中咗入去🤣🤣剛剛6點，有兩台客人，我有選擇困難症，所以就點咗二人套餐，二人套餐有兩個價格 ：＄268和 $328，因為想食Pizza，所以我哋叫咗＄328個set😁😁收到張單發現原來呢度唔洗加一，真係估佢唔到餐湯係忌廉湯，夠熱👍仲有三粒麵包粒然後係半份凱撒撤沙律意粉我哋選咗蟹棒蕃茄忌廉睇食評話份量少，我就覺得唔少至真🤣🤣夠晒醬汁，唔知係咪游完水覺得肚餓，所以真係覺得好好味😆👍👍手作意粉真係唔同一般意粉，有口感夠煙韌👍家姐超讚再來炸魷魚圈，就失色啦😬😬下次如果再去，我會揀唐揚炸雞😛😛食物出得幾快、不斷有客入嚟，我見個侍應忙到甩晒碌😬😬我地個pizza好快嚟到! 叫咗食肉獸呢款pizza、家姐出街食飯多過我、冇比較冇傷害😆家姐buy呢間店嘅意粉和pizza、我就覺得唔似一般食開嘅pizza、家姐就話我食開個d太餅乾、呢度個d多料又唔似餅乾底、好食好多喎😬😬我就收聲啦😂😂佢始終食鹽多過我食米🤣兩個人食唔晒呢set餐、所以要咗個盒裝走兩件pizza和魷魚圈😝😝差d講漏咗個甜品😋甜品係焦糖燉蛋唔太甜、好味！兩杯餐飲我影漏咗相😝😝叫咗桑甚蜂蜜，一早比我飲晒，見侍應忙到甩轆，我就冇叫佢比杯水我，因為我自己有帶水🤣🤣總結呢餐家姐超滿足🤣🤣我都好OK，問家姐仲會唔會嚟？佢答我：可以返㗳😁最後要加分嘅、就係⋯⋯⋯個女廁吖😂😂😂😂超級乾淨👍👍👍可能我經常要去廁所、所以特別注意😝😝…查看更多

 經常同朋友行完山都會搭巴士到灣仔,尋日遲起步, 所以行完山落到灣仔都5點幾, 朋友建議食金鳳, 之前見佢經常有10個8個人排隊,所以預先講明, 因為仲要食夜晚飯, 如果要排隊就唔入去食,點知咁"好彩" 唔洗排, 仲有4人卡位坐坐低即點..........款式唔多, 我地3人都叫D餐,麵包冇得你揀, 只得菠蘿包, 是旦啦, 茶餐廳唔會差得去邊.點知就瀨o野啦~滿懷希望諗住影番張靚相預備放上網,殊不知個菠蘿包凍冰冰唔在講, 實的的, 掟死狗, 咬一啖已經放番低..........(明明行完山肚餓到震)跟住o黎埋個餐肉意粉..........嘩....未食過咁差o既茶餐廳,d意粉煮到過晒籠, 淋到唔知點入口 (當然係唔好浪費情形下, 夾硬食晒 >_<)塊午餐肉煎都唔煎下...........唉..........難怪見到隔離枱班後生仔連沙o爹公仔麵都食剩晒d公仔麵.超唔明點解會有人排隊,,,,,,我..........你請我食我都唔會食.......一定冇下次, 太差了~!…查看更多

早兩星期係網上團購o左set lunch, $25 + $12服務費, $37係尖沙咀唔洗迫可以食得舒舒服服仲想點?? ^^超like魚生飯, 其實食過好幾次月瀧天, 覺得佢地d食物真係唔係差,唔知點解網上食評好似麻麻.  今次同家姐一齊去食, 雖然汽水任飲, 但為o左唔想肥,我地兩個都只係飲熱茶算啦.團購有限期到2014年1月14日, 我相信我會再買多幾張,去開尖沙咀銀行一定去食飯個set ^^…查看更多

有半年冇食錦記啦, 今次上山下海完, 個個都好想去食~心戰啊呀~~~~血淋淋 未坐定就點定餸, 個個都好心急食正o野啊~以為飲啤酒冇飲汽水咁肥,,,,點知佢地話飲啤酒仲肥??薑葱鐵板魚鰾,正到冇朋友油鹽水焗花螺 熱辣辣豉油王開邊大蝦雖然唔算好大, 但一樣咁好味 鹵水掌翼淋到冇牙亞婆都食到, 底下的花生都好鬼正~乜傢伙咁大煙??飲杯先啦~原來係鐵板桶蠔, 呢味係去錦記必食, 冇食過唔好話比人知你去過錦記~豉椒炒大花甲夠鑊氣, 冇沙,好好味~薑葱炒蟹之前食o左咁多正o野, 呢碟就有d失色, 但其實一樣咁好味全部都係食海鮮咁滯,,,伙記建議我地叫碟菜椒絲腐乳炒通菜, 我平時唔係咁主動食通菜都覺得佢正~(哎呀, 上限8張相,,,,已經冇quota啦)豉油王炒麵, 麵餅正, 炒出o黎o既炒麵一定正~(又係冇相)蠔仔粥, 其實我最like, 之但係太多正o野食, 我又怕執輸過人,所以最尾至食粥, 冇咁熱辣辣之餘, d飯已經浸肥o左~ 不過我都吃了兩碗~話咁快清晒~ o岩o岩停晒雨, 埋單走人~ 8個人食每人140蚊~ …查看更多

有冇聽過美而廉餐廳?? 我就冇啦, 聽講佢係旺角好多年, 但我同家姐一次都未去過, 最近加租所以佢地被迫結業早兩日睇報紙佢地係大角咀塘尾道搵到舖位，可以繼續營業,仲將舊店o既枱櫈搬晒去新舖, 老伙計都一齊去新舖開工咁o岩尋晚只係得我家姐熙哥3丁友, 夜晚晚9點幾去搵o野食~醒起呢間o野,,,,美而廉,,,,,,聽個名以為佢係又平又正~9點幾都滿晒坐咁滯.....原來今日開張大吉~!冇餐牌, 只係見到呢張價錢牌~食飯唔知米貴o既我.......70幾蚊個扒覺得都唔係平喎,,,,,(心目中50幾蚊叫做平嘛~ cheap cow)諗住去奧海城食papper lunch o既我地......慳皮叫o左2個扒3個人吃~ 唔係熱辣辣o既湯,,,,,,飲忌廉湯o既我覺得ok啦, 羅宋湯明顯好水, 聽到隔離枱請笑話買唔到肉, 所以羅宋湯冇肉~ 我叫T-骨扒~! 細心睇下個價錢咭, 會見到每個扒可以選一樣餸.....雞翼一隻, 腸仔一條, 帶子一粒或者蟹拑一隻 (什扒除外)我要帶子.....我未試過食咁薄o既T-骨,,,,,,,,,不過肉質好正, 雖然有D過鹹 熙哥好識嘆,,,,,食西冷~價錢咭上寫住叫兩個扒會送你一碟白飯, 意粉或者炒飯.......咁我地緊係要炒飯啦,,,,點知待應話今日冇炒飯~!~! (咁都得??) 扒餐有什果冰, 凍檸樂~ 最特別係有啤酒(任揀一),,,,,,,,不過今日冇喎,老伙記仲指住個雪櫃話真係冇啊~ (有d攪笑....)雖然唔覺得佢美又唔覺得佢廉,,,,,不過我估我還是會再o黎,一來近, 二來d老伙記唔會趕你走, 好似花園餐廳個d就係你食完乜就同你收乜呢度係你唔叫佢都唔會收咁滯~ 又冇大家樂個d.....你未食完就已經有一大棚人等緊你個位,呢度唔會, 又唔會好似金鳳咁, 又迫又多油煙又要排長龍................當然個d大扒房我冇本事去所以冇得比較cheap cow 推薦,,,,未去過就去試下啦~ (肉質正, 我見到有老人家拍拖去食啊)…查看更多

大老細o黎香港,所以我地有得去101食飯~ 熾哥的龍璽, 肥仔上次個客請肥仔食午餐都要過仟蚊一位,晚飯洗唔洗2仟啊??不過我地唔係去龍璽, 而係去呢間.........翡翠雲臺~ 上海菜, 老細係新加坡人~現正試業中. 好似新開張個零月, 我地7點入到去只得我地一張枱, 環境寧靜工作人員多過客仔, 服務唔錯,boss 係2個星期前已經點定菜, 但係去到, 點o左飲品已到齊,乾杯完都未有菜上, 枱面又冇花生之類比我地食下,個個你眼望我眼.d經理都唔識問我地上得菜未, 但就成班人企晒係我地面前.我笑笑口同同事講, 係咪要等我地開口至識上菜,boss話唔會, 最後當然係要叫至有得食啦~ 前菜~好精緻啊~唔洗講都睇到入面有d乜~ 雖然係上海菜, 一d都唔油唔濃味中間個d白條唔好以為係蘿蔔, 其實係淮山. 個個都讚不絕口, 我鬼咁肚餓, 所以第一個跑出~~!食晒 平時如果叫定set 餐, 都會印定menu, 不過呢間冇, 所以我唔係好記得呢d係乜餸.呢個湯就有上海味啦, 因為好勁金華火腿味, 但又清清的.裡面好似有一小舊火腿, 有豆腐皮, 其他忘記了.唔知點解日本人好鍾意飲紹興酒, 連大老細都話貴,最平700蚊一支, 最貴係5000蚊一支,我地叫o左支最平,,,,,連我都入到口. 對d飲酒人士o黎講, 可能淡o左d 呢舊蝦球都好正, 雖然kawaii女侍應有講用咩整, 但已忘光光~ 好好味, 唔洗30秒比我KO o左 呢味乳鴨用龍井茶整...........d骨軟林林, d皮又好味.....好想食多舊~ 呢味得一條菜又夠珍貴~ 有乾瑤柱的炒飯, 出奇地唔多油, 好好味 飯後點心, 好似係义燒鬚,,,,,味道真不錯~糯米燒賣~ 紅梅~ 甜品~ 紅早糕, 好有紅早味~ (限制上8張相,,,,點夠呀??ＯＰＥＮＲＩＣＥ要改進啦）最後係生果~ 木瓜 今晚d餸真係色香味俱全~ 聽kawaii女侍應講, 因為係試業, 所以價錢比正常價平試業完, 呢個特價480蚊一個人的套餐就會變番正價啦.…查看更多

每次去馬灣都會行O黎悠閒下~次次都唔記得影下食O左D乜~不過今日記得~ ^^因為今日叫O左個沙律~ 好鬼新鮮吞拿魚沙律我平時食沙律多數都係食粟米多, 好少食黃紅綠青椒, 點知原來咁鬼甜$32蚊一D都唔貴呀~ 有個咁舒適O既地方休息下, 真係仲想點 ^^尋晚3點瞓, 所以好眼瞓問老問娘係咩咖啡奶茶好,,,,,,,,,,老闆娘介紹O左薄荷茶~聞到真係好香, 飲落順口~ 只係另加$15咋~下次再去要試下食意大利粉~ 因為見到隔離枱好正呀~…查看更多

今晚食飽飯落街同家姐,熙哥行下公園散下步~點知發現一間熱狗店~立刻諗起老媽~ 事關早排老媽話好想食熱狗, 麵包舖個d又鬼咁多沙律醬,呢間好似唔錯喎,,,,,26蚊一隻~ 熙哥係咁大吵話要飲忌廉, 所以就買套餐~ 咁樣會抵d~ 攡到返屋企已經凍晒啦~都好似幾大隻~ 味道當然比ikea 好, 但食落其實都幾淡口, 仲驚d介辣會辣親老媽tim. 老媽食大半, 我食小半~ 我同老媽講下次帶佢去現場食會更加好食~ 佢點頭話好呀~儲夠10個印花會送你一隻熱狗~ 我估都唔難囉~ 老媽咁為食~…查看更多

約o左成個月,,,,一改再改三改o既生日飯,,,,終於有得食~ 小學同學生日小姐例遲,,,,,,,,,,,少則半個鐘,,,,,,,多就成個鐘........今日好比面....遲半個鐘.兩個請一個........明明想慳d洗.......上海灘唔去,,,,,,逸東軒唔去......本來去粵江春,,,......點知臨時改o左去呢間...........乜鬼"龍皇"生日小姐係上等人家..........想食羊腩煲......最後叫o左3個餸.................+ 臘味飯.......................好貴第一次食呢款臘味飯$68一位.......最少叫兩位...................切到一粒粒........幫我地分好晒,,,,碟上兩位分量o既飯分3小碗,,,,,,,,,,,想添飯.............對唔住,,,,,,,係冇o既~!........自己加餸加豉油..........飯焦唔好嘥(其實係唔夠喉)..........加湯煮,,,,,,,,,,好似另加 $48蚊.........咁呢碟臘飯計埋加一已經要200蚊 ............. 呢味豉汁帶子蒸豆腐都好好味..........盛惠 $118 蒜容豆苗 , 都係$118最後呢味............羊腩煲.................$198............... 唔係生日小姐想食......幾舊羊腩,,,,,,,,,真係唔會叫...............搭的士落廟街食都唔洗咁貴.....乜鬼羊o黎o架? 不過料就落足, 配料都有冬菇, 筍, 馬蹄一餐飯...............冇乜特別....................$713埋單服務都好好, 味道都唔錯, 可能我冇錢, 3個人食, 2個比錢, 真係咁o既餸要$713, 我覺得好貴~!…查看更多

米院友打o黎話今晚佢地上山下海之後會去銅鑼灣食飯~呵呵.........想去........不過當時有客係度同佢研究緊d相,,,,個客人走啦........ 快快拉閘放狗~ 米院友教我坐112過海巴士過海後第一個站落車,,,,對面有一間酒店.1樓有一間叫做富家 o既私房菜我去到, 佢地11個人已經食緊前菜,,,,所以我影唔到相.佢地好似叫o左好多樣餸.招牌頭抽浸雞 (好滑好好味) 蝦子古法柚皮 (老媽都有整, 所以冇乜驚喜) 香煎金蠔 (好似蠔屎, 唔硬好味)燒汁炆牛尾.....(正到唔夠食,要叫多一碟.)頭抽浸雞腎(腎好爽口)清蒸龍躉斑翅 (唔知有冇記錯名,,,,肉好嫩滑)秘製欖角陳皮骨 (好入味)碟碟都正,,,,呢碟應該係........鮮蟹肉焗蟹蓋,,,,有蛋白塾底,,,,正到嘔. 超大隻~肥仔o既拿手小菜.......炒苦瓜,,,我都學到7,8成o架.........不過呢碟"""""""""""苦盡甘來(涼瓜杬菜炒肉崧)"""""""""""仲正......好想成碟食曬佢 呢碟都正o架........個名超長......蛋白蝦子瑤柱粉絲炒紹菜莖....招牌砂鍋炒飯..........雖然之前食o左鬼咁多餸,,,,,,,,,已經飽到上喉嚨X,,,,,,但係呢個飯實在太好味.....個心幾想食埋隔離米院友碗飯............哈哈哈....... 食到尾.................甜品.............一樣保持水準..........椰汁紅荳糕..........好味到唔知醜......開聲問添加蛋白杏仁茶.........前所未有咁好食~ 以為之前係鯉景灣食o既 SKII正,,,呢個杏仁茶正100倍啦.下次叫麗華佢地去食下先~今晚好飽好飽~ 好味好好味. 雖然係貴o左d, 尋晚贏o左麻雀,,,就當係雀友請啦. 哈哈哈. …查看更多

雖然尋日放工同老細炒大鑊, 好彩都冇乜影響我心情.因為籌備o左2個月o既廿幾年冇見中學同學大聚會就係尋晚舉行,今次決定唔再坐定定,,,,所以大攪BBQ,,,,,,地點就係天台燒烤場話就話5樓..............實際要行上7樓..........冇心理準備下行到隻dog咁 旺角豉油街29號天台有晒帳篷. 光猛. 仲有風扇, 因為尋晚唔係熱, 所以ok喎.假日前$138蚊一位. 任飲任食. 19:00~ 00:00飲品有:::::::綠茶, 可樂, 忌廉, 維他水. 仲有有啤酒(ICE).....食物種類: 一般雞中翼,雞全翼 腸仔,芝士腸, 龍蝦丸,墨魚丸,牛丸,豬扒, 牛扒, 獅子狗魚蛋, 金菇,1吋厚麵包, 牛油, 粟米, 雞腎仲有海鮮(有限量),,,,蝦, 扇貝(少量), 大蝦, 蜆.今次我地有30幾人, 比o左2個爐我地, (我地個一邊天台可以放3個爐)其實我地怕唔夠人, 所以唔敢包場. 可憐隔離10幾人比我地嘈到可能唔會再去都未定(對唔住你地呀)雞翼好好味, 不過有同學話d食物鹹, 後來我食龍蝦丸我都覺得鹹o左d. 因為有d同學係廿幾年都冇見, 所以我地傾到雞咳唔斷, 掛住傾都唔記得食.聚會氣氛唔錯, 地點方便, 係行上天台辛苦d o者. 食物種類都多, 食完佢又會補食物我地. 服務員cool地, 但都好好人, 我地有個9歲小朋友, 唔知係咪見我地人多, 所以冇收錢.有洗手間, 都算乾淨.方便, 環境ok, 大班人聚會幾好. 下次會再去.:)…查看更多