cfngac的个人专页

原來海之戀最近開左間新餐廳，係日西式fusion，甜品又有疏乎厘pancake，就忍唔住去試吓，而家follow FB/IG 就送柚子雞皮餃子（原價$42）！龍蝦汁軟殼蟹奶油燉飯 $126 （price included drinks) 坦白講龍蝦汁唔係好食得出，不過正中下懷，因為我本身都唔係好鍾意龍蝦汁😂佢個奶油汁調得幾好味，撈飯岩岩好，軟殼蟹都大隻，不過炸粉就略厚大阪燒蛋餅 $58呢個小食份量大到可以當正餐嚟食😂，或者四個人share也可以，裏面有勁多蟹柳同章魚粒，上面鋪滿木魚同紫菜，個醬汁味道配搭得幾好，食完好飽⋯柚子雞皮餃子 （free )有4條餃子加左辣粉都好惹味，呢個follow送餃子嘅活動做到30/9，之後1/10-7/10如果食滿$300就可以有八八折～All day breakfast $132 (price included drink) 呢個比平時嘅all day 多左雞扒同南瓜可樂餅，有兩款唔同嘅腸，有肉汁又大條；黑松露炒蛋、蒜蓉迷你多士、煙三文魚沙律就正常發揮；雞扒稍為過火咗，南瓜可樂餅最好食～原味疏乎厘pancake $98唔使額外加錢已經有埋雲呢拿雪糕俾你，另外仲有糖漿cream同早餐薄脆俾你夾埋一齊食，pancake就一般啦，質感上去唔到雲朵嗰種感覺（如果想知我心目中好食嘅soufflé pancake記得留意我嘅新post) 總結：整體餐廳價錢定位合理， 可以一份主食再用半價叫其他飲品，CP值唔錯，如果行開海之戀想搵間Cafe坐吓都不失為一個選擇～評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️…查看更多

近排成日去旺角搵食，又比我搵到間勁多好評，就忍唔住試吓～嫲嫲南越湯-招牌金邊粉 $88有牛肉片、牛肋條、牛根、牛尾、牛肉丸、油條；個人麻麻地個湯底，覺得偏酸又唔重牛肉味，至於餸方面，牛肉丸冇乜汁，其他野就算炆得淋都冇乜牛味，份量都比較少惹火上身鹹檸豬頸肉 $70 點火的確嘅eye catching , 但豬頸肉本身偏瘦，有少少乾同hi，味道又醃到麻麻參參愛梨 $30最滿意係呢杯野飲，但係超細杯⋯富國島之椰子奶凍 $55有啲霧化效果連埋顏色係幾靚，但奶凍本身唔重奶味，芒果偏酸總結；食物有賣相岩哂打卡，但味道真心失望，環境其實都ok ge，但著重食物味道嘅我就唔會encore 了地址：旺角彌敦道726號1樓評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️…查看更多

老豆之前同同事食過讚不絕口，星期五晚決定點都來試下新餐廳！上樓入咗去見到餐廳空間超大，不過冇乜客食緊？問左員工其實可以打電話預訂小炒烤魚，冇預訂就好似我咁同下午個餐牌一樣～上海排骨菜飯 $65呢個CP值超高！超大塊豬扒，其實適合兩個人食用😂炸得酥脆，肉質唔差，配埋菜飯簡直一流～❤️碌鵝飯 $？？抱歉唔記得價錢😂佢又係做得超好，啲碌鵝夠滑身，調味都好正，到時夜晚唔食飯嘅我都食咗超多⋯❤️胡椒豬肚雞花甲湯麵 $78個湯底好鮮胡椒味重而不辣，空口飲都冇問題，絕對唔係味精湯；花甲非常新鮮，脹卜卜又大隻，豬肚亦都清洗得好乾淨，雞就因為係雞胸，所以冇想像中咁滑酸菜牛腩湯麵 $68絕對係重口味之選，好濃郁嘅湯底，好好餸麵/飯，雖然牛腩冇想像中咁大嚿同埋咁多粒，但整體都係好食脆皮春卷 $32春卷皮夠薄炸得亦都非常脆，不過個餡料係齋，冇肉的😂泡泡上海小籠包 $38小籠包個皮做得夠薄，亦都有湯汁，豬肉亦都調味得好好👍🏻❤️家鄉蔥油餅 $38根據我阿媽老豆嘅評論呢個做法係超正宗傳統，咬落唔係完全脆晒，仲保留到個餅嘅鬆軟口感，無返咁上下功夫都做唔到，個人都係覺得超級好食，必食之選❤️總結：其實樣樣嘢都做得好出色同埋有驚喜，不過如果話最推薦印象深刻就係❤️，價錢雖然唔係話好平，但係人哋做到咁嘅水準絕對係值得，喺附近返工嘅朋友都超級推薦一定要去試吓！地址：觀塘駿業街64號南益商業中心6樓C室評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～…查看更多

德美海膽海膽丼 $178所有刺身都好新鮮，有海膽、蝦、三文魚、帶子、三文魚子、蟹籽、油甘魚、熟蛋，中間夾住青瓜絲，好好餸飯，冇魚腥味三文魚手卷 $58 for 2 做緊特價當然要叫，三文魚份量都足啖啖咬到料，不過感覺比起丼飯個啲冇咁新鮮牛油果軟殼蟹卷 $88兩大隻軟殼蟹分開放俾你品嚐，就算係壽司餡入邊嗰啲都仲keep到脆，推薦👍🏻豚肉炒野菜 $75大碟新鮮炒出嚟夠鑊氣夠香，豚肉片都唔少，味道正👍🏻總結：其實呢間嘢不論熟食定係海鮮都做得幾出色，重點係價錢唔貴，我見到有啲定食set其實都係$92一個，下次都會想試吓定食set ~地址：觀塘協和街33號裕民坊YM² 3樓310號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️…查看更多

黃金特濃蒜香豆花海鱸魚 $308米線$28萵筍$48油麥菜$38因為唔食得辣所以一般都係蒜香🤪條魚一上就見到個盤超大，可以放一半萵筍+油麥菜+米線，不過火力集中係中間，周邊都要等耐啲先食得；魚都好大條，兩人絕對夠食，如果烤得個魚皮再焦香脆啲就好，魚肉質感厚實，蒜香底味都ok（雖不及我心中No 1 );盤中仲有豆花、芽菜、寬粉、雲耳總結：在尖沙咀區嘅烤魚來說水準都唔錯，可能辣味會做得更出色，價錢都合理，OpenRice 訂仲有8-9折～地址：尖沙咀金馬倫道16號金馬大廈1樓評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～…查看更多

新城市又開新餐廳，之前7樓嗰間芽莊執左就冇乜越南菜了，作為沙田友馬上來試下抵唔抵食～燒乳豬 1/4 隻 $328 個皮好薄，有啲似食乳鴿嘅感覺？😂而且只係微脆，有燒烤嘅味道嘅，不過肉都唔係舊舊淋，四人share真係兩舊就冇哂👎秘製海南雞（半隻） $168細隻、大部分都係雞胸肉，肉質又”hi”，千萬不要點❤️越式蝦醬炒飯 $118兩大塊蝦片好正，又脆又濃味，而且炒飯夠鑊氣👍🏻好多蘿蔔翠玉瓜粒，臘腸粒調起成個飯嘅味，呢個有驚喜！👎越式雞絲扎肉湯河粉 $98雞絲好”hi”，扎肉片得兩片，冇乜特別，河粉湯底都淡，又係伏左⋯烤檳榔葉牛肉越式薄餅 $92 個薄餅底好創新，係薄薄一層脆米餅，要同時間競賽，唔係就會淋左，個人覺得幾得意，佢個莎莎醬夾埋啲牛肉幾正總結：四個人加一要九百幾，全場最正係炒飯，佢雞類食物當真麻麻又偏貴，見佢有下午茶餐，大概要$70+，下次可能都會再試一次，不過要記得唔好嗌雞😂地址：沙田沙田正街18號新城市廣場一期1樓評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️價錢：⭐️⭐️如果喜歡我地嘅餐廳食野情報就follow@我地 hkfoodie_90s_couple啦～…查看更多

其實個去開左好耐，餐廳亦設有堂食但係座位唔多，見佢價幾抵就買外賣返屋企食蜂蜜焦糖無骨雞腿肉連飲品 $59令人意外係過左超過30分鐘，炸雞底都沾左汁嘅情況下，竟然仲脆！蜂蜜焦糖味當然亦係唔會差嘅口味，炸雞口感唔硬，如果juicy啲就更好～薯條（跟餐）呢個就淋左部分😂淋就有啲似食薯蓉，個尾有時都仲有少少脆韓式泡菜蛋蓋炒飯連飲品 $47蛋蓋做到半熟👍🏻泡菜唔辣我都食到，炒蛋有少少腸仔，不過主要嘅餸同味都係靠泡菜，岩我唔食得辣嘅人😂韓式魚糕串 $24好長嘅魚糕，相比起炸雞感覺健康好多，咬口有啲似魚蛋片🤣總結：快餐式韓國菜做到咁嘅水準，CP值嘅高，最欣賞炸雞～平時嘅餐廳起碼百幾先有咁嘅份量，幾推薦想抵食食炸雞嘅朋友～地址：沙田沙田車站圍1號連城廣場1樓108號舖評分（5⭐️為最高）：食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～…查看更多

之前已經同大家介紹過佢嘅抵食午餐定食，今日特意嚟試一試晚餐，水準一如以往keep到❤️左口魚裙邊三文魚丼飯 $135其實用料相當豐富，除咗主角左口魚同三文魚之外，亦都有三文魚子、青瓜絲、吞拿魚，飯入邊仲有菇🤣炙燒左口魚撈飯極正，三文魚亦都好靚有水準👍🏻❤️三文魚腩刺身六片 $82唔好睇佢好似細細舊，其實係卷埋左，比丼飯嘅三文魚厚切，充滿油脂一樣正❤️牛油果軟殼蟹卷原隻 $88見到佢個刻真係大到嚇親🤣無論係壽司定係軟殼蟹都係Mega size，用元氣嘅標準就係兩粒等於佢一粒，份量同丼飯有得揮！軟殼蟹新鮮炸出，上面鋪滿嘅蟹子清爽，牛油果creamy，到熱熱地嘅軟殼蟹，全部都好夾，雖然款式唔多比起之前介紹嘅古今二仲出色😆總結：除咗厚度之外，第一次食到三文魚同三文魚腩冇乜分別🤣可見佢新鮮程度，比起連鎖式壽司店絕對係質素嘅分別，但又比傳統日式餐廳平，CP值相當高，超推薦想平食壽司刺身嘅朋友👍🏻見到佢有個二人套餐三百幾都唔貴，樣樣都有得食，下次再試！評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️地址：沙田沙田圍路9-11號田園閣地下E號舖如果喜歡我地嘅餐廳食野情報就follow@我地 hkfoodie_90s_couple啦～…查看更多

今日出荃灣行街，行到攰攰地想搵間Cafe坐下飲下咖啡，又唔想幫襯連鎖店就搵左間幾多好評嘅小店～焦糖海鹽髒髒Tiramisu $88 賣相係幾靚，欣賞中間有好多餅乾脆脆，但味道偏甜，餅底都濕濕地Latte $42佢酸澀味太重，冇奶香，唔係我喜愛嘅類型總結：感覺好普通，雖然未試過佢正餐，但今次印象麻麻，價錢又唔平，應該唔會再去地址：荃灣大壩街21號地舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️…查看更多

係旺角行街見到呢間餐廳人氣嘅旺，環境岩岩新裝修睇落唔錯，價錢合理就決定去試下～冰鎮咕嚕肉 $88新鮮炸起，咬落脆卜卜，入邊熱出邊凍😆就算放耐左都仲脆架！係個肉有時會有啲筋要咬下紅燒乳鴿 $55Keep到微脆，調味唔重手，空口食/加鹽都岩食，肉質都唔hi❤️鴛鴦炒米 $77炒得好夠鑊氣，有哂我最愛嘅米粉同粉絲，配搭叉燒絲同蛋好夾，係佢冷氣太大風好快吹凍左❤️金銀蛋浸白菜仔 $76又係有驚喜嘅菜式之一，金銀蛋同肉碎鋪滿個面同底，就咁食佢啲碎都好味～白菜仔夠淋，浸完湯底更加正～總結：好岩2-6人嘅聚會，價錢合理，環境舒適，小炒有水準，係旺角唔知食咩不妨一試地址：旺角洗衣街39號金雞廣場地下1A, 1B, 1C號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～…查看更多

見到openrice咁多好評，價錢又唔貴，就決定夜晚來試下～籠仔金銀蒜海蝦飯 $44超級多蒜蓉係面，海蝦有六條半邊左右，蝦肉質感正常，反而係個飯加埋豉油超好味😂忍唔住食多左❤️蝦餃（2粒） $16呢個好過唔少酒樓，皮薄餡靚，夠蝦肉爽口新鮮，有水準👍🏻燒賣（2粒） $16賣相靚仔，味道都ok，不過冇蝦餃咁驚艷鮮竹牛肉球 $23正常發揮❤️金沙脆皮銀蘿腸 $29呢個中間keep到脆卜卜，雖然個餡主要係蘿蔔同個粉皮未話好薄，但整體調味👍🏻黑金流沙包 $26個流沙包差唔多兩口size，兩個人食都完全冇問題，個個都流奶黃❤️濃湯杞子浸時蔬 $22冇乜味精，菜心夠新鮮，似屋企住總結：食到超級飽埋單都係人均$100😱😱😱平時下午飲茶都未必至，夜晚咁嘅價錢真心好抵；仲要份量好岩2-4人，得2個人都試到好多款點心，唔係人多先可以食點心架～食物質素仲要唔錯喎，推薦少人但想食點心嘅你地～地址：油麻地彌敦道484號鴻星大廈地舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～…查看更多

之前老豆搶到地鐵coupon，星期一至四幫襯滿$300-100，佢打電話去落單但係職員講得有少少混亂，原來外賣打左9折令佢全單唔夠$300用唔到coupon，跟著就叫佢加個刺身（$58），估計交通時間1個鐘左右帶廣名物稀有豚肉丼(並盛）$92店員話佢係比豚腩丼再肥啲，見價錢都應該高級啲，但實質不言；雖然味道上有豬味，但塊塊都好hi，令成件事大打折扣稀有豚腩丼(並盛）$88佢稍為比稀有豚肉冇咁hi，叫做性價比好啲，但都未算之前係另一間連鎖店食咁好食玉子鰻魚丼　＄118鰻魚一般，雖然唔腥但冇油香味，之前係元朗/長沙灣介紹嘅好味啲特上刺身 $58有冰保溫，但刺身本身質素麻麻，冇乜鮮味總結：其實加個豚角包就真係岩岩好，唔明店員係要人外賣刺身；味道上外賣唔推薦，唔知堂食水準會唔會好啲，但個人就唔會再去了🙊地址：九龍灣偉業街33號德福廣場1期地下G54A2號舖評分（5⭐️為最高）：服務：⭐️⭐️⭐️食物：⭐️⭐️⭐️價錢：⭐️⭐️⭐️…查看更多

其實已經係第二次幫襯呢間餐廳，之前係銅鑼灣食完覺得啲卷物幾好，發現公司附近都有間分店，就決定再來試下～❤️蜘蛛 $96軟殼蟹炸得酥脆，配埋牛油果同醬汁好夾，同埋卷物都幾大舊👍🏻食到一半都飽左，至於青菜蟹柳比主角搶左鏡唔係好feel到😂青龍卷 $98鰻魚牛油果蟹柳卷，一口size，醬汁偏甜，個人口味鍾意蜘蛛多啲❤️黑豚豬頸肉串燒 $28黑豚真係好淋又有咬口，調味燒汁夠重口味岩哂我❤️鹽燒雞中翼 $28雞中翼燒得脆卜卜，鹽味調得剛剛好😋日式麻醬豆腐沙律 $82幾大盤沙律，豆腐好凍超解暑，上面撈左蟹籽同三文魚籽同埋麻醬一齊食做前菜都幾開胃總結：卷物同燒物明顯比連鎖壽司店做得出色，而且選擇好多，任你想點配搭都應該搵到，下次會想再試下佢啲鍋物～地址：觀塘觀塘道436-446號觀塘工業中心4期1樓B室評分（5⭐️為最高）：環境：⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～…查看更多

平日晚估唔到都幾多人，想坐獨立卡位都要睇吓運氣，發現有下午茶餐牌真係幾抵食，可惜今次只能食晚餐先～生牛肉牛肉丸湯河粉 $82牛肉丸係一口size，食落好方便😂而且咬落都juicy有啲似振興嘅感覺，牛肉片唔韌份量都多，屬中上水平香茅豬扒湯河粉 $72豬扒意外地大份，同碟豬頸肉差唔多size，咬落juicy，外面微脆，調味都重配埋清清地嘅河粉夾住食就岩岩好，呢個CP值高～會安豬頸肉 $90厚切大大片肉質都keep到淋，不過小食來說都唔算平😂馬拉盞通菜 $78辣辣地炒得幾惹味，撈飯就正了總結：整體算係中上水平嘅越南菜，質素對得住價錢，大家可以一試～地址：沙田橫壆街1-15號好運中心3樓3007號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～…查看更多

呢間見佢openrice 有得訂枱，由佐敦開到來新界區，最出名係疏乎厘pancake，忍唔住想來食晚餐試下，點知啲熟食幾伏下2人晚餐set $438是日餐湯-粟米湯第一印象係好細碟，幾啖飲完；雖然係粟米湯但其實冇乜味，below average 凱撒沙律配煙肉粒麵包粒同煙肉粒都好硬，沙律菜本身就新鮮嘅，配埋個醬都開胃，但似一人份量帶子檸檬汁意大利飯如果單點要$178🙊三粒帶子同$1硬幣差唔多，係新鮮口感都唔錯，意大利飯個人覺得偏酸怪怪地（雖然知係檸檬），唔太鐘意😂烤西班牙伊比利亞豬鞍 單點要 $268，佢個邊烤到微脆，食落juicy ge ， 中間嘅肉就偏hi，個汁冇乜味，唔點比較好，整體感覺比意大利飯好流心芝士撻呢個ok，焗到個邊微脆，芝士做到流心味道都好味原味疏乎厘pancake $98啲cream 太水唔知溶左定打得唔夠？almond片好香，pancake 本身味道質感都係好嘅總結：甜品可以一試，但其實熟食唔太推薦，份量少價錢唔抵味道又一般地址：大圍車公廟路18號圍方3樓320號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️價錢：⭐️⭐️…查看更多