dingdong818的个人专页

仍記得十多年前一諗起新記，就會諗起佢既「辣醬」「咖哩魚旦」…..只要係食得少少辣既，都心思思想試……從$5/6 一餸，食到$10一餸。前幾年開始，雖然發現整體食物水準下降，但個「辣醬靈魂」仍在。今日再試，已經完全唔係之前既味道…..個辣醬辣而不香、鹵水唔入味，已經無咗「新記」既特色。今日既雞翼尖仲有d怪怪既麵粉味。而侍應阿姐係會企向你隔離「望實」你點咩野。可能因為疫症，生意難做，轉手咗無限次。軀殼雖在、靈魂已滅….可惜、可惜…查看更多

朋友講咗呢間舖頭好多次，今日終於「的」起心肝去食。門面十分「地道」，有細個向街邊食車仔麵feel。湯底黑黑的，講真唔係兒時求其響街邊搵到個車仔麵嘅味道。不過睇得出佢既湯底係認真用心煮。雞翼尖、豬紅、豬腸好好食。美中不足嘅係佢限住揀幾多個餸，好似最多4或5個餸。其實都已經足，不過限住唔比叫多幾個就好似有所欠缺😅。如果食得清的人，記住要叫清湯，因為佢個滷水湯底實在有少少鹹。呢間有提供豬粉腸、美味齋等等，呢d唔係咁多車仔麵店會供應。…查看更多

今晚向九龍城又一城搵食，因為好倦，諗住搵間唔駛等位，但質素又ok既餐廳食就算。見呢間野既餐牌價錢，唔算貴，中價路線，就去試下。食物尚可：唔算「哇」一聲，但中規中矩啦。不過其實以佢既price list 黎講，咁既質素叫「貴」。服務態度：超差！其實唔係有咩要求，但係應該at least有基本尊重人嘅態度。咁既價錢，唔會要求「米芝蓮」服務，但係我黎食野，你at least都要當我係一個「人」。服務員既態度差到一個點，尤其係門口嗰位阿姐。佢哋大部份服務員塊面都有色，所以佢地成日比「面色」你睇…..😅…查看更多

向旺角中心地帶，難得有坡清幽嘅環境。餐廳開業少於半年，地方潔淨，向旺角黎講，係難得的寬敞。放題分午餐90mins, 晚餐120mins。其實食得比較趕。肉類品質尚可，只係切得太薄，容易燒燶、唔夠𡁻頭。上菜速度開始時都算ok，但後來就慢好多；每樣order size比較少(eg 肉類每次兩片，而且上面講過，d肉切得好薄)，而且每次每部電話限點10樣(上網落order)，所以點菜工作要分配好。放題價錢隨牛肉等級有分別，最貴既日本和牛晚餐要$7xx，連放題飲品plus加一，每人賣單要見8字頭。抵唔抵見仁見智。可能食中等級澳洲牛會抵d。(留意，如選最平果隻，放題menu唔可以叫海鮮；不過以120mins黎講，講真，食海鮮機會唔多，因為肉咁薄，要食飽，要不斷re-order同燒....已經夠忙😅.....)…查看更多

常去呢一間茶餐廳，因為就近日常生活範圍。今次想share下佢既早餐：- 多士無欺場- 蕃茄牛得- 炒旦都得- 豬潤麵ok (同深水埗果間唔同野，所以唔可以相比，不果普通茶餐廳有豬潤已經唔常見，而且呢度都唔差，只係不能simply 同深水埗果間比)其餘野都係正常，不過上面想重點推介佢既特式。如果想邪惡D - 午餐肉煎旦菠蘿包，必試！(不過食既時候小心，正常隻旦係「漏油」既)如果飲凍奶茶，佢係偏多茶底既，所以如果偏愛多奶，記住落order時講聲…查看更多

鍋貼皮厚 - 等咗好耐，店員「聲稱」因為要煎脆d, 可惜....好失望。d皮勁厚，完全同個「脆」字拉唔上關係，風馬牛不相及！水煮牛肉 - 唔正中，得個辣字，完全無麻既感覺只係用咗好多豆瓣醬+辣椒醬去煮。同「水煮」呢個煮法完全無關。其餘野只係普通，唔太出色。環境 - 唔算好差，不過好有向內地某d「好地道」既鋪頭既感覺。對好少接觸正宗中國菜式既外國人黎講，佢地應該覺得「還可以」。同於正常識食既人黎講，只可歸納為 —- 如果向果頭，又搵唔到其他野食，純粹填肚，都勉強可以試。不過如有其他選擇，就可免則免。…查看更多