sue0123的個人專頁

旺角有賣雞蛋仔格仔餅嘅舖頭有好幾間但好食嘅唔多經過見到呢間有開心果格仔餅就即管試吓格仔餅本體都幾甜，無乜蛋香開心果醬份量未至於話好少，但都唔係好多略嫌不足開心果味亦欠奉食到中段見到原來仲有加煉奶因為煉奶味食唔出所以望到先知有難怪成件事咁甜成個味道其實都係甜味主導一嚟開心果醬本身唔濃味二嚟成餅俾煉奶同餅底嘅甜味遮蓋晒仲有一直未講又最重點嘅地方：腍腍呀，扣你50分佢只係一餅格仔糕仲要係唔好食嘅糕HK$40 太貴…查看更多

當日去荷里活廣場思考緊食邊間餐廳雖然有啲肚餓但最後決定去最近新開嘅台蔡滷肉飯平日一點幾去排咗15分鐘左右2個人分別嗌咗台味滷肉飯同埋芋泥紅燒豬軟骨套餐，加配大紅袍仙草奶茶先講滷肉飯滷肉飯味道唔錯，唔油，加埋酸菜幾開胃有啲啲肉質偏鞋跟餐細碗滷肉飯汁稍稍不足而且白飯不均勻，食到黏立硬嘅煲邊飯一嚿嚿咁大碗就有啲啲唔均勻嘅煲邊肉豬軟骨就好失望了軟骨唔係最近比較hit嘅啫喱狀，唔緊要的但肉質都幾鞋，阿媽話似煲湯湯渣芋泥嘅存在無乜意義，味道有但唔突出放入口都唔覺芋泥嘅存在呢個菜式嘅味道同滷肉飯好相似，又係豬肉+豬肉令餐飯變成單一味道，唔建議嗌呢個餐最後飲品都好普通，溶咗冰就更淡有機會唔使排隊會想試埋鹽酥雞同蛋餅同埋店員有禮貌，要讚…查看更多

當日咁啱經過沙田知道呢間舖有好多人排隊，所以都早少少6pm去到結果等咗50分鐘左右，weekend嚟講還好環境唔大少少窄套餐價錢係幾化算係和牛有少少黑，搵唔黑嘅擺上面遮住三角腩有2塊7成白色脂肪Overall質素唔差嘅晚餐要加一服務費。。。。。可惜燒到尾段，仲有三塊牛同大半條魷魚突然有2個店員連續同我講夠鐘首先係好有禮貌嘅姐姐，然後係男人有威嚴咁講以為自己睇漏眼，但入座又無店員同我講有限時不過都急急腳燒埋剩低嘅嘢食走嘅時候去留意有冇寫限時嘅字眼無論menu定門面都無寫網上fb同ig都唔見開單時間18:51，around 20:15催我哋走唔知舖頭expect一枱最多可以坐幾耐如果有限時不妨大方公開，其實無問題無謂客人誤會…查看更多

朋友話俾驚喜我當晚就跟住佢嚟到西營盤呢間小店法國餐廳環境唔算大，但都唔錯有氣氛首先有法式洋蔥湯&自家製麵包麵包外脆內軟，洋蔥湯好香濃白酒忌廉煮青口調味啱啱好忌廉濃郁得嚟唔會搶走青口嘅鮮味青口肉質都好好迷迭香烤雞呢個烤雞真係驚為天人外皮烤得金黃香脆得嚟肉質依然保持到嫩滑多汁連雞胸都好軟熟雞翼尖脆到可以直接食必推主菜威靈頓牛柳 配薯蓉 烤蔬菜不用多講，睇相已經知火候控制得非常準確酥皮夠金黃，牛柳柔軟多汁配菜都好好食薯蓉香滑，烤蔬菜帶出到本身嘅甜味最後就係甜品自家製藍莓拿破崙餅皮超級鬆脆加上忌廉輕盈，藍莓清甜一啲都唔膩，好suprise！食物好服務好，女主廚好nice會介紹其他朋友一齊encore~…查看更多

是日出咗尖沙咀一行呢個地方非常多茶飲店俾我發現美麗華商場新開咗春水堂喺台灣就飲過，試吓香港又係點嘅味嗌咗最普通嘅珍珠奶茶半糖微冰因為人流唔多所以都幾快就到手店員好有禮貌主動問要唔要膠袋同台灣嘅味道差唔多本身都係奶味比較淡，茶味會比較突出所以整體上會比平日嘅珍珠奶茶稀身少少相對飲完成杯都唔會覺得漏如果好奶味就未必適合你但我唔喜歡佢哋嘅珍珠佢哋嘅珍珠係細粒珍珠唔係平時食開嗰隻standard size珍珠味比較淡，而且太有咬口煙韌到要好大力先咬得開但因為細粒咁大力咬落去就會磨擦到牙齒但唔用咁大力又咬唔開非常唔舒服呢個位要大扣分…查看更多

最近都經常嚟到深水埗當然因為有朋友帶路所以都會周圍食唔同嘅嘢之前通常會喺西九龍中心food court食貪佢夠平今次就食豪啲比朋友帶咗嚟呢一間川菜食辣野我都係第一次食乾鍋呢一種菜式感覺係有啲似大雜燴將全部想食嘅東西連辣椒炒埋一碟因為有朋友唔係好食得辣所以嗌咗微辣其實味道唔差嘅鮑魚唔韌、薯仔片脆身、大腸又脆又香紅薯粉索咗啲汁之後好濃味但其實以價錢來講的確有啲貴我去食嘅時間已經係優惠價錢嗌嘅份量都唔少，本來諗住以紅薯粉嚟代替飯點知原來紅薯粉嘅份量得好少可能食法係要配白飯先至係正確最後其實我都係覺得佢好似一個放大左嘅小菜咁⋯…查看更多

同朋友一行五人相約咗喺旺角食飯係食緊飯嘅途中突然間講起食唔食甜品好然後發現竟然有朋友未食過呢一間喺佐敦好出名嘅米芝蓮港式甜品店所以即使我哋係旺角都決定嘥一嘥腳骨力行過嚟試一下呢一間甜品店嘅威力咁出名嘅鋪頭當然多人排隊雖然多人排隊，但人流去得好快我哋排咗不足15分鐘就已經可以入去-大家思前想後各自都嗌咗唔同嘅甜品我自己就嗌咗最鍾意食嘅腐竹白果薏米糖水一貫以往嘅質素非常有豆香，唔會好甜，白果同薏米都好有咬口紅豆沙同綠豆沙都好綿燉蛋即使凍食都好滑最令我驚喜係蛋花馬蹄露喺炎熱嘅天氣加碗清甜嘅馬蹄露非常清爽消暑…查看更多

呢一間Cafe都食過幾次主要當然因為佢哋嘅動畫主題嚟最近先發現佢哋最新嘅主題係刀劍神域可能出呢篇文章嘅時候已經完咗但都希望俾各位參考一下佢哋嘅食物質素環境同之前幾次差唔多都一樣有好多動畫嘅畫面喺牆做裝飾有一啲角色嘅企牌可以比大家影相今次食物設計方面就有啲失望幾個菜都加一張米紙就成為嗰一個角色嘅菜式不過主要都係食物嘅質素為先咖喱芝士焗牛柳粒飯係唔錯嘅因為應該用咗沙嗲王本身嘅咖喱食落有少少辣，芝士都幾香牛柳粒都有牛味且份量足夠朋友食嘅蛋包飯就略為普通同埋份量唔夠，食完唔係好飽飲品嚟講士多啤梨冰沙好淡唔夠甜亦都冇乜士多啤梨味花茶我冇飲到就不評論了總括而言中規中矩今次設計方面較之前遜色食物質素一般但今次我發現除咗有主題嘅Menu選擇之外仲有Standard Menu呢個係我幾欣賞嘅地方…查看更多

最近朋友好多好嘢食推介呢一間就係佢喺網上見到然後試過覺得唔錯就推介左比我佢同我講佢嘅卷蛋好香而且唔甜咁我就即管試一試啦呢一間餅店位於旺角街市嘅一角係一間非常傳統嘅港式餅店估唔到會推出呢一類卷蛋店舖嘅姨姨都好好人好有禮貌媽媽唔鍾意咁甜但我好鍾意甜嘅食物所以本來都淨係買俾媽媽孝敬一下佢我切左一舊諗住留返俾媽媽繼續食點知雖然佢唔係好甜但係蛋糕嘅部份非常有蛋香又好軟熟而且中間忌廉嘅份量足夠又唔會膩連我呢個嗜甜嘅人都好鍾意食！…查看更多

呢一日經過黃大仙中心，媽媽想飲茶又咁啱見到呢間點心舖，入咗去試試但令我非常不滿，覺得對媽媽唔住-首先入座門口有一部取票機，但攞咗飛之後完全冇人理反而有人直接行入去，就有人帶佢入座咁部機有乜用途？-其次，座位好細好逼張枱又擺水壺茶壺餐牌等等嘅嘢多幾碟嘢食嚟都唔夠位擺-第三，送餐問題座位編號其實好清楚寫咗喺枱邊但第一次個阿姐一嘢pat低碟嘢，講咗隔籬枱號就走咗仲要碟嘢的確係隔籬枱完全唔對號做嘢第二次另一個姐姐又係講住隔籬枱個號碼俾隔籬枱碟嘢我哋同佢講清楚先分得番清楚個枱號-食物方面還好，唔算難食不過四粒燒賣入面有兩粒燒賣70%係全肥豬膏-最後最差最差最差服務極差除咗某兩三個姐姐之外大部份都係西態度一碟食物pat落嚟啦同佢講嘢落單無回覆就走咗去舉手無人理收銀更加賤格有人打尖更加會幫嗰個人收錢先同佢講唔該，佢除咗講銀碼數字一句聲都無出過最後仲要就咁將要找俾我嘅錢放喺枱面呢一間極品，就算食物再好食我都唔會再去…查看更多

長沙灣自從多咗一座大廈之後都多咗幾間餐廳甚至幾間餐廳都係唔同嘅國家菜式而附近台式餐廳選擇比較少所以呢間店鋪都算多人去呢一日嘅lunch時間我同同事們都決定試一試呢間台式餐廳店內嘅裝修喺同區嚟講算係少有，幾靚幾特別不過部份坐高櫈嘅位置就唔係好舒服lunch佢哋係套餐咁樣點菜有幾款唔同嘅小食/肉類去配搭主要嘅肉燥飯麵我就點咗個手搖脆翼加餃子配辣肉燥飯加六蚊升級做珍珠奶茶當上菜嘅時候有啲失望肉燥份量唔夠，飯亦都幾少味道上亦一般，不過溏心蛋唔錯反而小食令我滿意雞翼脆身但內裏依然有肉汁，餃子亦夠皮薄成個lunch令我最深刻都依然係份量唔夠……查看更多

觀塘工廠大廈眾多除咗某啲名牌開倉集中喺觀塘之外當中仲有好多隱世樓上鋪有賣喼、賣零食、賣時裝仲有一啲餐廳當日我就喺駱駝漆大廈行街誤打誤撞見到呢一間賣蛋糕嘅鋪頭見到有少少肚餓就入去食咗一個蛋糕喇香檳提子千層蛋糕佢令我有啲驚喜嘅係千層蛋糕嘅味道款式都幾多我都揀咗一陣先決定到要呢一款香檳提子千層蛋糕一入口覺得提子味足夠，而且幾香又唔會好甜忌廉質地都唔錯，不過有少少乾千層蛋糕嘅皮都稍為厚咗啲不過整體上都唔錯，味道少有呢一點加番少少分…查看更多

呢幾年社交媒體嘅盛行有好多唔同嘅自家製小店都應運而生當然都要靠人傳人嘅口碑先可以繼續營運生存呢一間小店都係由我嘅朋友share出嚟當時我都有啲奇怪點解唔係乜嘢大日子但係佢買一個大蛋糕返屋企呢原來呢一間鋪頭非常之受歡迎訂蛋糕嘅客人非常之多就算係舖頭嘅切件蛋糕，唔夠一個鐘就會賣曬所以我亦都訂咗一個蛋糕返屋企試下朱古力流心千層蛋糕的確係令我幾滿意雖然唔算好多層，但千層蛋糕嘅皮好薄忌廉亦都好多，所以食落去口感濕潤豐富朱古力味好香加埋朱古力流心就更加突顯到香濃嘅朱古力味要試呢個蛋糕就要早啲決定早啲訂啦…查看更多

雞蛋仔、格仔餅係香港人由細到大都會食嘅特色小食我亦都係由細食到大，而且非常喜愛自從我最喜愛雞蛋仔嘅店舖倒閉咗之後有一段時間我係唔敢去其他地方買雞蛋仔因為好多都係淋過毛巾早幾年喺筲箕灣工作嘅時候發現到呢一間店舖佢就成為咗我現時最喜歡嘅雞蛋仔呢一日星期日嚟到要等九個字左右先拎到雞蛋仔，都幾誇張不過都值得等待雞蛋仔表面依然非常之脆，內裏有約一半係軟綿嘅蛋糕質感不過如果可以再實心多少少就更加好食另外都買咗格仔餅如果你想同朋友一齊食佢都可以好貼心咁樣幫你分開兩份而且我去拎嘅時候佢係打平放減少入面嘅醬料流走格仔餅都係新鮮熱辣，而且都係脆身更加有外脆內軟嘅感覺加埋花生醬、煉奶等嘅醬料，非常非常好食最後值得一讚嘅係就算有好多人買佢哋嘅服務態度都好友善貼心…查看更多

公司附近都算多餐廳但係好容易食嚟食去都係嗰幾間好容易就食到悶有同事尋找一下遠少少嘅地方見到有越南菜幾特別就試吓試過幾次都唔錯所以就上嚟分享一下呢一間都算係小店座位唔算好多lunch時間去嘅話都幾多人如果太多人去嘅話就未必等到位了佢呢度嘅選擇唔算多大部分都只係入面嘅餸料唔同咗主要都係食佢嘅牛肉河同埋撈檬豬頸肉撈檬我自己最鍾意嘅就係呢個豬頸肉撈檬有時候我都會放工特登過去食佢嘅豬頸肉外皮好香而且好爽口檬粉亦都煮得恰到好處夾起嚟唔會痴埋一嚿佢嘅酸辣汁係另外有一樽擺喺枱面多少自己調教，唔夠鹹就可以落多啲酸辣汁味道好好，少少辣又唔會太酸唔錯唔錯…查看更多