熊貓08的个人专页

本來諗住食甜品，但行過比show出黎野食的相吸引住，入去坐低揀左細泡菜同細辣醬雞粒（各$10）同米share,因唔肚餓。其實前1日已經食過泡菜，可能食開有癮又食@@呢度的泡菜夠味，辣到啱我！至於個雞粒係即炸再加韓式辣醬，雞醃過夠味加埋個醬惹味佢擺出黎的食物相好吸引，下次會再黎試下粉絲同sushi!仲負責煮同招呼我地的男（韓國人）態度友善：）…查看更多

先講第一次偶然黎到，諗住食豆腐花，店員話冇，之後問左幾款熱甜品，都冇！（當時心諗十點就咩都冇既，係咪根本冇預備到？！）最後揀左杏仁糊，呢度做得杰身，有杏仁味之外仲有種香味，但太香好似唔太真實，一般。其實都冇諗過事隔1個月會再黎，又係團購關係：P 下午茶時間黎到, 唔駛等位. 今次揀凍甜品，因唔想只食冰，係我猶豫緊咩係冰涼粉，店員主動介紹係牛奶冰+涼粉! 如果佢唔講，我會以為係冰粒+涼粉(哈哈!) 咁就未必會嗌啦店員的回應值得一讚! 最後揀左紅豆綠茶冰涼粉&芒果涼粉。兩個甜品的賣相都幾吸引。先講冰涼粉，surprise，綠茶冰口味啱我，唔太甜，加埋偏甜的紅豆粒就啱啱好。芒果涼粉夠凍，芒果新鮮，但芒果漿太甜啦！已經預先問左店員要求走糖水同奶。如果on top仲有糖水咪不得了？！試過之後，個人認為黎呢到食都係食冰類穏陣。…查看更多

好鍾意食froyo的我，男友買左團購，又有得試新野啦！以往食開的都係計重量或者包幾款toppings，呢度係由顧客揀，任店員落直至滿為止！收銀員同店員好友善。我地揀左最大size, coupon加$5（$55）， 可以揀3款味道，只揀左原味（大少只食原味), toppings揀左 raspberry, blueberry, kiwi, mochi, 1種honey nuts唔記得個名， cheesecake. 店員交比我果陣，好大兜呀見到都開心，如果3個女仔share都ok。先試Yogurt，食落幾滑，唔太甜但我鍾意再酸d. cheesecake好好食！配埋個yogurt好夾！水果好新鮮！nuts都好味！mochi我不太好，沒特別評語。不過店內比較多人，要企係度食。以團購價錢黎食當然超值，但原價我都會再去，試埋其他toppings，同埋見其他顧客食芭菲杯都幾吸引！…查看更多

跟據過往經驗，買團購前會睇下大家的食評先決定。但呢次團購冇睇，就出事啦...今次同男友用2張coupon,$29+正價加一。黎之前上黎呢度睇左食評，都有少少心理準備。入到去環境ok乾淨，個侍應（估計係老細／經理級）好快就擺低menu介紹左各款拉麵的唔同之處。我一心黎食的胡椒拉麵賣哂，最後男友揀左白骨拉麵，我揀左蟹柳拉麵。個麵黎到，外觀一般，有3條蟹柳半隻蛋。一食落去，下？！唔係應該熱辣辣架咩？冇霧煙，係暖既！最基本野食要夠熱都做唔到！:(到個麵，咬落去d麵條係完全冇味（冇小麥味），睇落去發脹了，唔似食緊麵，完全唔彈牙仲係稔的！跟住飲左啖湯，只飲到咸味！之後試埋蟹柳同蛋，係正常味道。試左男友個湯一啖比我的更咸，真係頂唔順！食左塊豬肉（豬頸肉？），不過不失。呢店只有餸比較能入口。我地食左幾啖，果個侍應問我地覺得d野食點？男友答了ok! 我心諗好難食喎！但冇出聲。(後來先知男友係輔衍佢）跟住個侍應同男友講：'我諗你會覺得你（白骨麵）會好食過佢果個（我的蟹柳麵）。其實呢，入到餐廳應該問下個侍應邊樣野食係出名囉！' 嘩，侍應言下之意係怨我冇問佢？！定佢都覺得我個麵唔好食係唔應該叫呢？咁你間鋪淨係賣出名果款就得啦！佢講完男友冇答佢就走開左。跟住男友話我知佢話ok好食只係想打發佢走，都懶得同侍應討論，我揀左個'唔出名'拉麵同男友揀左個'出名'拉麵，結果都係一樣。男友都覺得難食都係不夠熱同麵稔的問題！之後我地一路食一路飲水因為好口渴，最後我食左一半就走啦！埋完單衝去7仔買左2枝水飲，返到屋企條俐仲係有野漿住咁:(，究竟間鋪落左咩落去整個麵架？！肯定唔會有下一次！以團購的價錢都不值得去！…查看更多