Iceco的个人专页

食物真的很不錯，因為餐牌無特別提及內容，所以都有驚喜—蟹膏沙律：餐牌係一大舊綠色蟹膏下有生菜，上枱時發現膏下有大量蟹肉，膏與肉都好鮮甜，加上生菜增加口感、減少飽滯感呑拿魚壽司拼盤：好好食，五款口感都不同，但大致都係唔洗用力咬就溶咗响口，而且啲壽司飯係並不一般，相信已有一定調味，好特別，又唔會太咸個吞拿魚卷物更加係一咬落去，魚肉已經「咇」出黎三色丼：壽司飯、吞拿魚碎及蟹膏肉同上，好食海胆好新鮮，好令人回味最後發現食咗好多飯，飽到不得了食物真係好好食，好想再幫襯，不過服務態度真係差到離晒譜，深明咁大間舖，只有兩個人可能真係好辛苦，但真係趕客：1）侍應小姐語氣差好無禮貌，一入門未掃「安心出行」已俾侍應小姐A好倔一句「我哋要𢴇枱出面等」當堂呆左，再望店內，三四張吉枱，係既，未擺位，咁我就企响度等，但已經俾小姐您一句攪到好想走。2）點左餐，沙律上咗，壽司拼盤上咗枱，再加兩個碗，兩人枱，無晒位（連個熱水樽已經借咗旁邊張吉枱放）跟住同一位侍應小姐A攞埋個三色丼上嚟，點都要放上枱我：我哋無位啦喎，可唔可以放住旁邊先？侍應小姐A：⋯⋯（繼續將手上既三色丼放上枱，完全唔理我）我：放住旁邊一陣啫，唔得架？侍應小姐A：旁邊張枱一陣同事要做野用（但其實我旁邊左右都係吉枱，成間店都尚有好幾張吉枱）最後我地攞起晒啲碗佢終於放到三色丼上枱我：咁樣我點食嘢呢？侍應小姐A：轉頭我過嚟幫您𢴇⋯⋯（已轉身走人）佢一轉頭，我旁邊點餐用既嗰張二圍碼跌左落個蟹膏沙律上面，沾左好多蟹膏😡最後我發晒脾發搵第二次侍應小姐B先致肯俾埋另一張二人枱我拍埋一齊，而侍應小姐A都只係顧住抹我嗰張沾咗妳多蟹膏既二圍碼而唔理我乜野服務態度呢？點解要個客發脾氣？我中有好多食物想試想食，下次我係咪應該買外賣算數？😡😡😡…查看更多

其實一直好想食這家店，只是每次都見到長長人龍在店外排隊，就已經調頭走😔今晚早肚餓，駁一駁。1845左右，居然只剩返四個位😱好彩。今回試招牌牛肉牛丸河、碳燒豬肉伴奧巴馬粉、牛油雞翼、熱情果梳打、甘桔青檸梳打。「好好食～」牛肉河：牛肉好好食、牛丸感覺彈口、個湯底又好清（我只係食左兩啖，所以用最僅有記憶描述）奧巴馬粉：其實係類似檬粉咁食法，小弟超好檬粉，所以好有期望，結果不得了。雖然個湯汁一上枱係暖，跟一般檬粉全凍好唔同，那知第一啖就被湯汁深深吸引，都係酸甜架😋恕我誇張，但真係停唔到口。加上豬肉係炭燒，好野味，跟湯汁好夾。雞翼熱辣辣，要放置五分鐘先放得入口👍🏼甘桔青檸梳打唔錯熱情果梳打就喜出望外，好得意就連水都加入班蘭葉，不禁飲多杯。整體而言，食物味道與質素好高。而且店員服務一流，男店員（估係老闆）好建談，好親切；女店員（估係老闆娘兼大廚）縱然對住個火爐，但都好樂意跟客人聊，又對八掛四圍望既我關心了解👍🏼中好細心地講解個奧巴馬粉點食😁😁有讚有彈，得兩個人煮，所以等左十五分鐘以上先有得食。好彩我唔洗在店外排隊，否則外面等完入到店要再等了。不竟店不大，位不多，要食好野係要等既，明白的🤪下次我會訂位架啦😁😁…查看更多

之前見到啲相關介紹，火鍋加炸雞好想試下，終於有機會。1）食物質素普通。不過炸雞有好多醬點真係好特別，試左士多啤梨韓式醬，幾好食。朋友都讚啲雞炸好脆。2）朋友話個價錢平。二百蚊一個人3）到晚上九點尾收晒啲雪糕同棉花糖，同行既小朋友好失望，點解唔一早話俾食客知？甜品得麻糬🤦🏻‍♂️4）服務真係好差，女侍應黑口黑面都算，佢講無一個字我係聽到，一串發音了事；坐左半個鐘行過黎俾張單話「last order」😱。問女侍應我幾點入座，佢諗都無諗「我地個電腦提我，一定係由您入座開始計，無錯架啦」；簽完張單先發覺收多左我一個人錢，佢話「頭先問您地您地話七個人」我五大一細您眼望我眼，小姐您問左邊位？再三追問女侍應先死死地氣去check個電腦，另一個男侍應「唔好意思，我地攪錯左，張單係隔離枱，剛才簽嗰張單取消左」😡最後埋單，另一女侍應一見到張信用咭「我地唔收信用咭，請俾現金」😱有無咁離奇？有咁既服務加無乜特別既食物，我下次真係唔會去…查看更多