Boneyah的个人专页

屋企人話有好食中菜，隻燒鵝好食，小菜夠鑊氣。真係咁正！好就試下睇下有幾好食。我哋一到就問我，要唔要冬瓜盅，得返3個。講緊係全場得一枱食緊，一枱剛坐低(即係我嗰枱)。又咁好食？見到個湯勁清，真係好甜，冬瓜盅最適會夏天，超清甜，飲咗暑熱都清晒。金沙美國炸桶蠔，咸蛋黃超香口，蠔又夠鮮甜。荔枝柴燒鵝，未食已聞到荔枝柴香味，皮脆肉嫩，有啖啖煙燻味。豉汁蒸鱔彈牙又滑， 仲有個蟹肉粉絲煲，啲粉絲吸曬蟹嘅味。值得再嚟。…查看更多

去尖沙咀睇戲，見仲未搵嘢得，得返一個鐘又唔想食太飽。所以諗著食個撻，我去到係曲奇皮，不了！叫咗個冰火菠蘿油餐跟紅豆冰，唔知係咪太耐冇食，好好味但冇理由食兩個㗎！估唔到間舖d包咁好食，下次可再試下其他包。…查看更多

元朗一日遊，又涼涼地食下煲仔飯，上網見到就去。一行3人，叫咗個2人餐加碟椒鹽鮮魷。例湯不錯，有青紅蘿蔔南北杏，仲有d菇。薑汁臘味炒芥蘭， 潤腸味道唔錯，但係整碟嚟講非常好餸飯，因為鹹。啫啫雞煲， 都係好鹹，但係蔥同豬潤幾好味。臘味煲仔飯， 爆多臘肉臘肉，多到食唔曬。 飯嘅油份好多，亦都彈牙夠香味，不過冇乜飯焦， 我比較鍾意食飯焦，所以有少少失望。椒鹽鮮魷，脆皮炸得算幾脆， 魷魚熟得啱啱好，咬口唔韌。2人餐係$198 有1個煲仔飯加1個小菜，飯嘅份量都算夠兩個人食，不過如果可以配搭上可有清淡嘅小菜選擇會更加好。侍應服務唔錯，友善同有禮貌。…查看更多

假期原本上去大澳，但假期實在太太太多人，去到東涌巴士總站，長長嘅人龍，一條又一條，未入大澳已人頭湧湧。怕了！算吧～食個Brunch，慢活一下，再去Shopping。…查看更多

屯門市新開點煲，想食幾次，但因排隊等得耐都冇食。今晚人流唔多，終於等到位試試。每煲飯要等20分鐘，實在令等候時間加長，值唔值因人而異。見到自家制燒豬油，我兩眼發光，正！免坐著乾等，點咗蝦春卷同燒賣(唔記得全名)唔夠5分鐘就到，以為會凍冰冰，但一咬…又鬆又脆又熱辣辣燒賣正正常常，窩心嘅係辣椒油係跟埋燒賣一齊上，唔駛你要先俾你。辣椒油香多過辣，所以唔會蓋咗燒賣味。叫了臘腸滑雞同鳳爪排骨兩個煲仔飯，飯焦薄脆可以完全起曬出嚟，豉油太鹹所以食到飯香，加埋豬油更香。店內環境寬闊，同員工服務細心。…查看更多

平日好少去食中菜，今日嚟唔食打邊爐，試下食小菜。估唔到小菜套餐都好經濟，免諗點咗個4至5人餐小食要個醋撈海蜇，燒味梗係要我至我冰燒三層腩。皮脆肉嫩，加埋肥肉正醋撈海蜇唔太酸夠開胃。當晚老火湯係黃瓜湯，但朋友鍾意食竹笙，所以點竹笙海皇羹。侍應好好幫手分埋落碗，我哋可以一路傾一路食。黑椒粉絲海蝦煲，唔使蝦肉爽，粉絲吸曬蝦嘅鮮味。杞子豬潤浸時蔬，豬潤超滑， 個湯送飯一流。豉油皇鵝腸夠爽口豐富嘅晚餐過後，侍應很好主動問，我哋上唔上要糖水，服務好細心。後尾見到有啲孖寶套餐都好抵食，下次帶埋阿爸阿媽嚟試下。…查看更多

今次我帶朋友去藍地大街的另一面入口，由藍地大街街頭行入去約6~7分鐘，會見到豫豐花園入口，在便利店旁直行轉彎就到。吧枱放咗不同日本酒酒樽店員很快俾咗小碟前菜，是炆煮牛舌，牛舌很淋，蘿蔔亦很入味。蟹子沙律蟹柳同青瓜絲混合沙律醬，正好開一開胃。朋友唔太鍾意食三文魚，所以點了章紅魚8片，因為魚油沒有三文魚多，食起嚟清新d，加上有特制酸汁，配上芥末、青蔥、微辣的蘿蔔蓉，每一件章紅。魚都可隨自己口味配搭。叫咗帶子壽司、北寄貝壽司、鹽燒四點。帶子好鮮甜，鹽燒四點包括有三文魚、鯛魚、左口裙邊、玻璃蝦，左口裙邊魚油豐富，經火炙後魚油滲入壽司飯內，令壽司飯更香。雜錦天婦羅有4隻蝦及雞髀菇、南瓜、矮瓜、番薯、洋蔥。店員經常幫忙加茶，又幫忙整理枱面。日式磯煮鮑魚煮得軟淋淋，醬油味滲入鮑魚內。屯門日本餐廳不多，小豆町要坐得寬敞，約朋友食晚飯傾下計一流。…查看更多

靠得住重之前裝修之後都未食過， 今晚嚟食下， 好彩都算早 ，六點半到我入咗冇耐之後就要等位啦薑汁芥蘭， 唔係好覺得有薑汁不過都炒得幾爽脆。本身兩個人諗住叫兩個餸，但係見到隔離個紅燒乳鴿好似幾好食。紅燒脆皮乳鴿， 隻乳鴿$58仲要有蝦片跟其實都真係幾抵， 又有4塊蝦片仲有青瓜車厘茄伴碟韭菜蠔仔煎蛋，會跟過魚露上菜，蠔仔唔算多但係個韭菜同啲蛋都煎得幾香送飯一流，不過加埋魚露就略為鹹咗一啲。 魚湯白粥 略為鹹咗少少嗌嗌下就食咗$300…查看更多

今晚走咗去石門，朋友住附近話要食哩間日本菜！餐廳裝修以水泥牆配上木器為主，感覺都幾舒服。 無花果沙律是季節限定，配上和風汁酸酸甜甜，木魚花帶起咗正個沙律嘅鮮味。法國生蠔好新鮮，質地少少爽口帶creamy，鐵味唔重。鯛魚薄切伴土佐醋啫喱，鯛魚味本身係魚味唔重，勝在肉質爽脆，加上土佐醋酸啫喱及䓤花，正好作開胃菜。帆立貝博多，外面紫菜，魚乾在內應該有少少沙律醬，帆立貝係火炙帶點焦香。店員好細心，見我影相提我盡快食，因時間長咗，紫菜會淋。原條秋刀魚刺身，店員介紹中秋前後才有，刺身配上特定香䓤花醬油，魚味鮮美肉質滑嫩。荔枝豚肉串，荔枝肉多汁配上豚肉嘅油香，正雞翼串，我個人覺得燒得好好食，係少有食串燒會燒到雞翼唔乾又唔會實，仲柔軟有汁。朋友覺得味道淡，但我反而欣賞調味適中，可以食到燒雞皮嘅油香。天婦羅蝦、南瓜、蕃薯，脆漿薄脆蟹肉釜飯，飯味應加上湯煲，蟹肉混上焦香飯焦。天婦羅(蝦、南瓜、蕃薯)鹽燒吞拿魚鮫，魚香十足。豐富嘅晚餐，芒果糯米糍配綠茶蕨餅作結尾。下次又多個食日本菜嘅地方。…查看更多

朋友帶我到土瓜灣，話去川菜及小龍包好好味。好少嚟土瓜灣嘅我，好彩有佢帶我捐窿捐罅，嚟食好嘢餐牌很多選擇，單點實在花多眼亂，我哋最終叫咗個2人餐再加其他小菜。辣雞煲很惹味，屬香辣帶微麻，雞香入味，加埋䓤頭芫荽，正小龍包湯汁豐富，包質煙靭，肉餡鮮甜。清遠梅菜蒸菜心，菜心清甜加上甜甜咸咸嘅梅菜，相比清炒又多一點特色水煮魚唔係太辣， 最啱唔係太食得辣又想試水煮魚嘅朋友。上海炒年糕夠曬鑊氣食完飯之後，仲可以食個桂花糕甜品，真係太美滿呀～最估唔到係哩一間有朝日同埋1664嘅生啤，慢慢食一邊傾下計。 諗唔到食乜時候，店員主動介紹推薦小菜，服務親切。唔知係咪因為土瓜灣都算係一個舊區，餐廳人情味都重d呢～:)…查看更多

原定去這個商場其中一間餐廳，當電梯上了一層，眼見數不盡的小食店，又怎能不去先看看。當中章魚燒大師第一眼便吸引了我去排隊。我前面有大約4個人排隊，但等了5分鐘都仲有3個人係我前面，因太肚餓，所以決定食完正餐再排過。其後再排等了十多分鐘才下單，再等了十多分鐘才可取。明太子四郎^以我個人喜好覺得偏咸了點|wasabi 五郎芥末味沖上鼻頭，正!因不等有客購買，所以章魚燒都是即做的，整體味道不錯，丸內的章魚較大但靭了點。…查看更多

朋友話正，成班約唔齊腳都要食。個航母海鮮盛除海鮮外，還有4款配菜、可選5個配料及麵食。醬料款到算齊，特別係鍾意黃色的醃泡椒，夠香辣。提提~始終泡椒係咸嘅，建議唔好落豉油。點了個豉油皇尖椒，非常香口。嘩……加埋個蓋，堅係航母四款蔬菜是已放在航母內，而五款配料選了:【安格斯特級肥牛】牛香味濃，油脂分佈均勻【黑豚肉】肉滑膏香，油而不膩【新鮮蝴蝶腩(豬類) 】陣陣五香味，燜得棉軟彈口【新鮮滑牛】肉質鬆化柔滑【北京水餃】一般肉類餡料，外皮煙韌薄滑另加了鮮鵝腸、脆鯇魚片及煎尖椒，鵝腸的肥美油香，犯規也要吃多點海鮮夠新鮮，店員亦多次提醒先食貝類，因免得貝類肉質變韌。烏冬包裝開得太狠烏冬也𠝹斷了雖然主打是食航母海鮮，但鵝腸實在令我念念不忘…查看更多

多次到炑八韓烤，這家服務真的要一讚，實在到晚市時明顯人手不足，偶有遺留但職員到盡力有禮用心跟進。我家不只是吃貨，三人要吃四人份的(部分未有拍照)，亦特別愛吃芝士、泡菜、生菜、蒜頭，一餐烤肉不定加芝士、泡菜、蒜頭……辛苦你們了…查看更多

行到攰攰哋，見到一間老上海餛飩舖， 又想食餛飩，又想食上海麵，而餐廳有湯麵及乾撈麵， 天氣悶熱，左諗右諗，最終我選擇了韭菜鮮肉餛飩加蔥油撈麵。見到隔離枱的客人，碗碗都係滿滿的，開始怕自己食唔晒。韭菜鮮肉餛飩皮薄煙靭，內裡菜肉餡鬆散，韭菜有𡁻口，鮮肉餡的肉是一少粒、一少粒碎碎的，每一都口啖啖肉汁。蔥油乾撈麵味香，麵質地較乾身，麵條彈牙。枱上有蒜蓉辣椒醬，味道香辣帶酸，沾餛飩食份外開胃。在元朗價格唔算便宜，但計算質量都算不俗。…查看更多

成日晚飯時間經過路德圍，總見到越味皇門口有人等位！人龍並非很長，但總是有人等！今晚決定一試！由於特登揀7:00前到達，所以唔駛等就有位了！但原來都只係剩下一、兩張吉枱！店員推介了牛油蒜蓉雞翼，望落去好大舊粉炸，但一咬下，粉䊢炸得好香脆，牛油蒜味十足，雞翼亦夠味，果然直得推介！蟹頭膏炒高麗菜真心推介，第一次在越南餐廳食到呢種口味，事實上佢似泰式蝦頭膏炒菜，夠香濃，重口味人士一定愛！但減肥者絕對不宜，因為佢一啲都唔清淡，唔好俾「菜」騙咗！識食越菜一定會叫返碗「雞絲越式湯粉」，我地揀了越式酸辣湯底，湯底好香濃，唔好錯過！第一次見有牛油果沙冰，當然要一試，味道算清新並不太甜，牛油果味不太重，所以平時不愛牛油果的，其實都可一試！總結：抵食，味道不錯，性價比高，值得再來！…查看更多