nike1010的个人专页

裝修好可愛，仲有好多擺設比人打卡～食物算好食，個慢豬雖然咸左小小，但都好抵讚，西餐黎講散叫2人食左460（訂坐7折），都合理～服務都好好，杯水飲極都有人湛，服務員埋台都會講聲問聲，唔會嚇親你☺️…查看更多

一家四口埋單350有找，食左個佛跳牆，叫左個湯，2個排骨，仲有個糖水share食，呢個價錢呢個質數算係好抵食環境細細，碗碟都乾淨:)服務都好好，會主動問要唔要豉油，叫完菜會覆單！細舖黎講整體感覺良好…查看更多

一個套餐乜都有，開始龍蝦同象拔蚌刺身都新鮮，跟住佢個海鮮拼盤就一般啦，再黎係一大碟牛，d牛一定唔夠我自己去街市買好食😂，仲有其他野食，但都開始full,所以其他野都覺得麻麻啦～…查看更多

唔知係咪我屋企附近茶樓又小野食又貴呢，呢間飲茶真係又抵又多野食，有d舊式點心都仲有得叫，仲唔係出面茶樓咁基本既菜式，叫左好多野食，總括都係好食既，最令人驚喜埋單果時，點解可以咁平架😂…查看更多

見到門口好靚好似有棵櫻花樹咁樣，跟住之後呢其實期待咗嚟呢間試好耐㗎喇咁啱今日有位就過咗嚟嚟到嘅時候呢嗰個店員服務態度都好好㗎，set台介紹餐牌，笑容都ok! 但係唔知點解叫晒嘢食之後開始食到一半小朋友開始啲筷子問佢攞對筷子個店員又黑面，跟住之後佢哋用啲小朋友餐具喺膠嚟嘅，加咗熱水，咁我哋就同佢講唔係幾好之類嘅說話，我哋都未講完佢又黑面！果下真係覺得服務態度好差！野食下次有機會先再評啦…查看更多

市民喺旺角彌敦道喺邊度搵到一間？可以唔使攞飛唔使排隊唔使等又唔使預約嘅地方，今次介紹呢間只要唔係太高要求都可以接受嘅，講真佢送咗個雞泡魚乾就真係麻麻哋啦，跟住生蠔佢加$50可以是兩隻，但係都係愛爾蘭蠔，無得選擇，其他嘢都麻麻哋，個湯咩好味嘅，牛肉呢我哋都冇升級，但係都讚㗎，嫩滑有牛味，可以再試下既，不過性價比唔太高，勝在服務好同唔洗等！…查看更多

一個套餐乜都有，開始有個海鮮刺身，龍蝦同象拔蚌，跟住之後有個海鮮拼盤就可以俾你攞嚟打邊爐煮食嘅，個刺身都OK新鮮，海鮮拼盤就爭少少，之後就上牛肉，我覺得牛肉唔好食囉，仲有其他想食，但係食完之前嗰啲基本上都飽啦…查看更多

今次叫埋朋友黎，即時變到抵食晒，我地自己開酒，開瓶$150支，跟住叫左條煙燻鱸魚同熟成斧頭扒，今次個斧頭扒冇上次食嗰兩個肉眼同牛柳咁好食，但係都OK嘅，本身諗住覺得食魚唔抵，但係朋友想食就叫咗，點知條鱸魚有驚喜，今次食完最想介紹嘅都係嗰個牛胸肉，切到播放第一片，食落好有墨西哥風味，而佢個味有調得啱啱好，下次再嚟試其他嘢！…查看更多

呢間真心推介，蠔款多，菜式選擇都多，黎過好多次，最好黎之前訂位啦，基本款法國號Ge吉拉多都有，主力呢度呢日本蠔好多款比你試，其他國家都會有小小，美國蘇格蘭澳洲新加坡都會有啲，佢哋周圍小小貨都會返，試蠔推介呢間…查看更多

首先呢間野要開瓶費$100，果一百仲要唔入單，跟住講野食，海鮮唔新鮮，叫左個炒聖子成$40隻，又多沙又煮得老又明顯食到有小小臭（唔新鮮）啫啫雞煲用雪雞柳&無豬腰（公道d,咁佢有事先講明無豬腰既），全部我地叫既小菜配料都係青椒，紅椒蒜蓉⋯到講服務態度，態度好啊，員工都會留意下有無野收同傾下計，唔訂位無得入，但係我地訂左位要坐門口比人迫黎迫去，見到有台無訂位既就坐入面舒舒服服⋯好葡萄囉，唔明點解，不過無下次，唔知就由佢！…查看更多

Pizza Hut寫評價真係有啲困難，因為間間Pizza Hut都差唔多味，不過呢間喺正屋企樓下有冇理由唔寫下既，佢成日都有promote買一送一啊外賣$99個啊等等，同埋呢一間有堂食，但係好得意，你要自己攞餐具，自己執嘢，自己斟水，好奇怪點解佢唔淨係整個外賣呢？…查看更多

之前食過其他地方嘅壽司郎都覺得冇乜特別，完全唔明白點解呢間嘢，需要排隊啲人仲要派到痴晒線，就算定位到一個月之前訂，又唔係特別平，又唔係特別好食，點知今次嚟旺角食完之後發現旺角嗰間特別新鮮㗎喎，所以我之後都會再嚟旺角呢間😂…查看更多

行咗好耐終於喺門口比呢間既香味吸引咗，入到去坐低，已經覺得個氣氛好好，啲員工會跟住啲歌一齊唱，叫咗個牛小排嚟食，哇，啲肉有香濃既煙熏味，即刻忍唔住加多支紅酒配搭一下！有機會一定會再返嚟！冇享用過任何用餐款待！…查看更多

楊記麻辣魚館，我最鍾意就係佐敦呢一間，佢個水煮魚好入味，片魚又片得好，唔係好多骨，啲服務員又醒好爽手，我最鍾意嘅就係佢嗰個辣子田雞，唔知點解次次食落去好似有少少腐乳嘅味道，甜甜辣辣咁樣真係好開胃，配支啤酒！正！…查看更多

每次星期日都會經過呢個商場，通常呢間都要等位，最好預早半個鐘左右攞飛，但係如果大小朋友一定要黎試，因為佢坐得又舒服，啲甜品又整得好靚，大人食仲可以鋸扒個扒唔係好貴，但係都保持到個質素！入嚟食淨係嗌個甜品打卡都抵！…查看更多