sweet&sweet的个人专页

迆雪糕專門店豆腐紅豆冰雪糕（$38）甜筒可以選兩個口味，分別選左豆腐同紅豆冰味。上面係豆腐味雪糕，食落豆腐味都幾香濃，豆腐濃度10分裏面有7分。如果同百福同維記既豆腐雪糕比，迆既依款豆味會更加濃。🥰下面係紅豆冰味，食落開頭係奶味為主，後調先食到紅豆味。雖然感覺紅豆味唔太濃，但整體味道都似飲緊紅豆冰咁，因為真係食到平日冲紅豆冰用既黑白淡奶味道😆雪糕筒好脆。整體雪糕口感好滑，豆腐雪糕係純素雪糕食落都唔會有冰感，真係似平日軟雪糕咁滑。紅豆冰味含奶，所以食落口感會更滑更厚。雪糕既甜度適中，唔會過甜，食多d都唔會膩。😁😁個人黎講，我超級鍾意佢個豆腐雪糕，大家有機會去都可以試一下😋…查看更多

SL窯燒朱古力撻（711買，$13）同雪糕一齊放，所以買黎試下😆外層個撻皮係淋淋地咁，帶少少微苦既可可味，個口感有啲粉粉地，我唔太鍾意，但個味道係ok嫁。冷凍左咁耐既撻皮我都預左唔會特別好食🤣裏面中間係朱古力餡，一拎出黎就食係好硬身，好似食緊一板厚d既朱古力咁。放一陣中間內餡食變軟，食落滑身左。朱古力味會帶甜，食落有啲似牛奶朱古力咁。同個撻皮一齊食既時候會中和返個甜味，甜度啱啱好。整體黎講，可以買黎過下口癮，係7仔買到既甜品黎講都算好食，又唔會太甜，買黎做個方便既下午茶都幾好😁…查看更多

Donuts Baba冧酒提子+榛子繽紛樂雪糕（$10/2球）冧酒提子：都幾重冧酒味，而且裏面都有幾多大大粒既提子，整體幾好食😋😋(5粒⭐️為滿分)口味- ⭐️⭐️⭐️⭐️甜度- ⭐️⭐️⭐️(越高分代表越甜)抵食- ⭐️⭐️⭐️⭐️⭐️榛子繽紛樂：雪糕上面有朱古力醬，成個雪糕甜度好高，榛子味唔係好出，朱古力味會突出啲。個人唔太鍾意食依個味太甜🤣(5粒⭐️為滿分)口味- ⭐️⭐️+0.5⭐️甜度- ⭐️⭐⭐️⭐️⭐️️(越高分代表越甜)抵食- ⭐️⭐️⭐️⭐️⭐️整體黎講，個人推薦冧酒提子多啲。依間店既雪糕又平，味道又算唔錯，食得過😁…查看更多

我係番茄控，去左番茄師兄食好多次，勁好食。一至五下午茶去食會送飲品，幾抵食嫁。成日去食都幾多人嫁。落單係自己寫紙，裏面做野d姐姐都幾nice😆😆我最鍾意食黑魚番茄烏冬，烏冬係要加錢，但我每次都會加錢叫！黑魚係冇骨嫁，每次食都好方便，啖啖肉，唔怕咬到骨。個湯底好重番茄味，而且食得出湯底應該有落牛肉去煲，好濃味，每次我都會飲曬啲湯唔會浪費。之前食過一貝子，就係有帶子，又食過豬扒，每一個都幾好食。但係豬扒一時好食，有時去食會比較干肉，好睇運氣😆…查看更多

黎左依間餐廳好有年代感既餐廳，好似話已經開左好耐，但我都係第一次食啦！啲員工好好禮貌，好nice！我係下午餐時段去食，都幾多人。朋友叫左蘋果沙律伴炸雞腿，佢話雞脾炸得幾好，好juicy。我叫左煙三文魚波菜麵，食很出好健康，比較清淡。上面都幾多一絲絲煙三文魚，個醬其實係番茄醬，個面裏面都好多菜，有菠菜，甜椒，茄子...整體味道幾好，但個麵有少少太淋，硬返啲會好啲，間餐廳都幾多健康菜式俾人選擇，好適合進求健康既人食:)…查看更多

堂食無論幾點都咁多人...所以唔好諗住少D人先去食我今次叫左個波蘿油,蛋撻同杯熱奶茶波蘿油:個波蘿油枱時仲係熱嫁!!塊牛油夠厚又係凍凍地,配合熱熱地既波蘿油,真係好好食....加上佢個麵包好軟,上面個波蘿皮好脆,不愧金華咁出名....必試!!!蛋撻:蛋撻係暖暖地,蛋味幾濃又唔係好甜,但係個皮唔夠酥同唔夠香...水準唔係好,不值一試!!奶茶:好香茶味,飲落去好滑,係杯好好既奶茶,一定要飲!!…查看更多

今日特地去左第一腸粉食,試下係唔係真係咁好食!!睇落去個腸粉好透,好薄,好似幾好叫左叉燒腸,叉燒少左D,如果多D叉燒味道會冇咁單薄個腸粉夠薄又滑...唯一缺點就系唔夠米香整體黎講都算唔錯.....但唔係我食過最好…查看更多

之前係到食過甜品放題覺得到ok，所以今次黎試下心太軟！ ~個心太軟唔洗5分鐘就有，我心諗唔洗咁快呀！第一眼望落去已不合格，雪糕好細，唔洗兩啖就食曬，而心太軟除左要流外仲要做到冰火交融既感覺，所以唔合格！另外，我一切落去一D都唔流心，極“傑”，成舊好傑嘅朱古力槳係里面唔流出黎，外層一D都唔脆，食落去都只係微暖，最差係食到里面係凍嫁！要個心太軟連一個好嘅地方都冇，仲收$49，都真係好唔抵！加上我去到個時间店里面得4個人，完全唔忙，我又冇吹佢快D，佢居然俾個凍嘅我食，我真係好失望，我諗我以后都唔會再去！…查看更多

環境唔錯,下午人唔多,都几適合同朋友坐低傾計第1個叫左香蕉雪糕堡連熱飲,我要左熱朱古力($30)雪糕冇特別...下面有多士,熱熱地同好脆...同雪糕配合一冷一熱,好食!!!杯熱朱古力几好飲,唔係好甜!!:)第2叫左心太軟($48)好快就有..個心太軟只係暖...里面亦都唔流心,完全唔似即整,失望但一食就知用左濃到高嘅朱古力整,唔係好甜同唔係好濟..外皮有少許脆..賣想好靚好吸引就算用好材料同有好賣相但整得唔好都只係徒然...所以請店家好好改善唔好得個靚,內在美都好重要嫁!!待應態度尚算良好,但人手明顯不足,店員整野飲時就顧唔到客人…查看更多

今日好想食甜品見E間店食評ok又近學校所以去左食..我去個時5點几唔係好多人,環境几好,老闆好有善同會介紹甜品,仲會問食後意見,感覺對甜品好有hreat第1樣叫左酒心心太軟+咖啡-(係下午茶餐)($68)個心太軟外層用左68%(唔知有冇記錯)濃度嘅朱古力,流心就用58%..所以唔算好甜切落去唔算好流心,但係都尚算合格...食落去仲係熱架....仲有真係好香酒味,好合我口味,味道方面合格有餘,但如果唔鍾意酒嘅朋友就唔建議叫!!但係個心外軟外層唔夠脆,個低好厚,令口感較差...只要再改善下一定好好食...有機會都好想試下原味心太軟,唔知囗感會唔會好D呢咖啡雖用Movepick但咖啡味唔濃第2個叫左橙酒梳乎厘($42)個心太軟ok,再加上老闆話用傳統方法整,搞到我又叫多一樣即叫即整,睇落去几好,發得几高...食落去亦好香酒味同好輕但食到下面就好濕,有D好似燉蛋白嘅口感嘅物體出現...有D失望同覺得浪費$同左老闆反影太濕,但佢話可能用傳統方法整同梳乎厘本身就有D濕潤,但我都係唔鍾意,可能係個人口味問題啦!!!最後老闆叫我填意見書又問我意見,仲俾左張vip咭我,下次食有9折(好似每個客老闆都會叫佢地寫意見同俾咭),好鍾意佢咁積極嘅性格呀!!!:)我每次食甜品都1個人叫兩個甜品,有時會俾人用 '歧視' or '懷疑'眼光望住,但係老闆落單時並冇呀,感覺好comfortable!!!…查看更多