wanting1024的个人专页

-位置理想，近官也街，行3分鐘就到-門口有Menu，明碼實價(附近有好幾間葡國菜唔寫價錢)-態度友善，有招呼-樣樣都好食(葡國菜偏向濃味，睇你自己鍾唔鍾意，我覺得係好味嘅) -推介蘋果羊奶芝士-有個乾淨舒適嘅洗手間…查看更多

伏香港服務業務表表姐 ，可一不可再，永不光顧！身處旺角中心區，此餐廳的惡劣服務態度，真係港味代表..！因位置方便，無論本地人同遊客都會到訪的本地茶餐廳，此餐廳致力爛服務文化推廣到極點：一，小心地滑，豐富油脂鋪地下，溜冰場一樣 二，金毛阿姐，送餐用力掉落枱面，十分晦氣，好似俾乞兒咁。三，重點特色所在，全部侍應都會鬧人，包括落單 ，尤其是收銀阿姐表情凶狠，吾滿意同公司講吾好同我講，一副關我鬼事嘅嘴臉。四，經理努力鬧員工 ，站左門口向水吧位置破口大罵，全場客人陪鬧。五，各位待應姐姐被鬧，心情當然煩燥，向住客人態度更差勁，遇上客人不悦反駁，姐姐們就大聲叫經理然後行開。六，早晨時間 。半場空置，仍堅持要搭枱（併桌），為公司提高成本效益，同時成功令客人反面。總結，食得落你就去食啦……查看更多

伏伏伏伏伏！岀旺角下午茶見到DPD門口岀左大大篇冬日特飲廣告入去坐低叫兩杯嘢飲: 榛子朱古力 榛子咖啡伏！等咗半個鐘未到，就問經理幫手追一追，原來漏左，經理話即刻搵個”𡃁仔”幫手沖…伏！好快杯嘢就到咗，但係個樣完全唔掂，有圖有真相，自己睇(一杯吾熱嘅熱朱古力浸住兩條軟淋淋嘅蛋捲仔)伏！最後好失望埋單走人, 順便問下經理呢兩條浸軟哂嘅蛋捲仔係咩？經理都好輕鬆咁答，裝飾黎㗎姐，吾預你食㗎喎…(😔老實講，呢間餐廳算係成條街坐得最舒服👍，最干淨企理，環境舒適，待應服務態度好好👍，雖然定價稍高，但我地都已多次返黎食，可惜今次嘅體驗 加上經理嘅回覆 真係令人好失望…短期內都唔會再幫襯🥶)…查看更多

假日梗係要食好啲，去深井尋找旅行感覺藍天白雲 有山有海 仲有間靚Cafe！高質！推介！💛👍*有圖有真相*\全日早餐/大啡菇，菇味濃郁又多汁煙肉，煙熏味濃，啖啖肉(絕對唔係半條肥膏嗰種)就算放落外賣盒都擺得整整齊齊 絕對唔失禮^^(港女自己小心翼翼放返落自己隻碟度，絕對係打卡able)\雜菌蘆筍忌廉汁意粉/蘆筍，嫩口冇打渣雜菌，每一啖都食到菇菇，滿滿忌廉汁包圍，滿足感Level up意粉，彈牙有口感(焗住喺盒入面，都完全冇影響)老老實實，蛋糕就🫢中規中矩啦。朱古力咖啡，抹茶咖啡都好好飲，整體件事係完美嘅！小插曲: 店員服務態度良好，雖然年輕睇落怕怕醜醜，不過都好樂意同顧客溝通，聆聽顧客需要，能互相遷就解決問題👍讚讚 …查看更多

車仔麵好食湯底有濃厚又特別好似有豬骨濃湯感覺，加入芫荽湯香味，中和返件事，好美味，完全唔怕膩!(我本身完全唔識芫荽,都覺得又香又好味)今次係外賣自取油麵 紅腸 牛腩 腩肉 秘製波仔汁配料正正常常好味湯底就最有驚喜(平時食車仔麵都唔會對湯底有期望😂) 呢個湯底絕對會令你留下深刻印象😎麵質 優質有彈性！(即使外賣自取焗左一輪 都冇影響麵質)😎值得一讚外賣盒設計特別高身碗 湯麵分隔 溫度都keep到 仲有好多湯！同場加映楊枝甘露好多新鮮芒果成大半個芒果喺入面，好味!(完全係”抵食之選”)…查看更多

就在繁忙的舊工業區，大大小小貨車來來往往，想坐低食個靚lunch好似無乜可能。竟然發現你！低調的外圍，小小門口，藏著一間十分四正的餐廳！一入門口已經見到一大推良心認證！再加上荃扣里盒仔同好多文宣！食好西！餐廳內環境寧靜舒服，高樓底 超有空間感，工業風的裝修時尚簡約，食物的溫度味道賣相通通滿分！員工個個醒目有禮貌！仲要一大浸黃到金嘅氣息，正！個人推介 牛油果煙三文魚意式三文治！鴨胸天使麵！Honey Cake有驚喜！青檸梳打！…查看更多

近期見網上有不少介紹呢間餐廳，一於星期日晏就黎試下！有驚喜！推薦的！餐廳裝修設計和室内環境舒服！雖然位置麻麻(位於廟街嘅酒店入面)不過室内佈置得好靚補返數！裝修佈置-無得彈！食物質素-很不錯！整潔程度-很滿意！服務-合格(可以改善)…查看更多

大年初五提前訂位同媽媽食素點知大失所望1. 服務冷淡落單無覆單(最終落錯左一個餐，一句吾好意思都無）下單半小時有多 都未見主菜 追單 hea答叫set lunch 飲完湯食完主菜 甜品未上就問我齊嘢未?!要收枱?!入門口到埋單一句多謝都無2.食物無質素 溫度吾熱 炒飯吾乾身 點心都好好好普通無下次有圖自己睇喺你面前 浸住隻匙上枱 份量少 就係得兩啖面點心 好普通無特别炒飯濕淋淋 炸菇扒有酸味食具有污漬，叉 碟 碗 都有…查看更多