cholephoebe的个人专页

難得的一夜聽朋友說這裡的牛扒很出色服務亦很好終於有機會試一試入餐廳前途徑樓下的商舖，全部都吉舖，感覺間餐廳好孤獨🤭🤭門面裝潢華麗，金光閃閃，入內燈光昏暗，樓底很高，吸引我的眼球點了 dinner set + 生蠔主食選了一魚一牛扒落單不久便上了麵包+牛油因為太餓，食完先記起要影相😂牛油非常出色凍龍蝦爽口彈牙沙律喺人客面前撈，撈嘅時候係用冰鎮方式保持溫度，放沙律的碟都係冰冰的，食入口冰涼爽脆，好好味龍蝦湯非常濃郁生蠔亦新鮮來個雪葩清清口腔我自己選了海鮮，有龍蝦加魚未上主菜其實已經好飽唔知係咪因為飽飽地，覺得魚不夠味道飯腳就揀左牛扒，廚師問要幾成熟後即場準備個扒畀我地，牛扒出色因為太飽，主菜碟內的蔬菜完全被我放棄，最後嘅芝士蛋糕好彩係細細件，試一口之後，飽都要食埋，因為好好味🤤🤤整體上食物環境服務全部都好好，如果要挑剔的話，就是厠所好細而且得兩格（女厠），入到去要等🤭…查看更多

牛角係間中都會幫襯嘅餐廳，因為紫菜飯真係好好味😂😂難得早前攞到旅遊發展局送出嘅餐飲券，變相打左個折畀我食返一餐，因為近情人節，見有個套餐都幾抵食，就一於揀佢啦2人套餐$698再加一有牛肉、雞肉、豬頸肉，仲有牛肋條肉類都保持平常嘅質素，但牛肋條其中一條好韌，唔知係有筋抑或係咩原因，我都唔係好識，總之咬唔開😂😂冷盤有蟹籽蟹柳青瓜沙律，同埋紫菜豆腐（豆腐忘記影相）兩款食物味道不錯，係個沙律砌成心形有少少搞笑，可能我唔識浪漫啦😅😅蟹膏好濃味，送飯一流，店員教我燒三至4分鐘，到個蛋黃開始有少少變色就可以了跟餐有呢一杯士多啤梨特飲，如果鍾意飲酒的話，可以加錢飲返杯最後有雪糕做結尾，甜入心❣️❣️…查看更多

一行3人晚餐打邊爐吹下廢水，90分鐘，牛同湯底都不錯，另有海鮮及牛等等可手機落單任點，但係自助熟食、丸類、蔬菜、甜品甚至連飲品選擇都不多，相比其他同類餐廳略為遜色…查看更多

或許是因為平日而餐廳價格比一般餐廳價格高啲嘅關係？餐廳人客不多確實餐廳裝潢華麗，門面及內部感覺好高級安排入座後，坐了很久冇人招呼，要行去搵侍應落單叫茶…是人手不足？今次試了午市套餐（葎）一來便上了豚肉原來係腩肉再喺肉面加一層香草醬，有好厚的一層肥膏，如果攞走啲醬，舊肉本身冇咩味，試左一舊，其餘分晒畀人食，太肥膩再來3款點心，左右兩款冇咩特別，中間藥膳小籠包一夾起個皮痴住個籠穿咗流走晒啲汁🥲浪費了，好彩都食到啲藥膳嘅味道😂魚覺得overcook了，旁邊有啲爽口的蘿蔔絲最好味的算是呢一碗飯餐飲選了呢一杯唔記得叫sex 咩添😅飲到好多氣，但又冇咩特別嘅飲品最後的甜品係蜜瓜西米露，太甜，有蜜瓜色但冇蜜瓜味全部食物送來都唔係熱辣辣嘅，只係微暖，招呼我地果一枱嘅女侍應態度都麻麻，（其他侍應嘅都禮貌及會幫忙）但咁嘅價錢食物同服務真係唔ok，眼見好多食評都讚，可能係我黑仔吧😂😂試過就算，無下次…查看更多

一行八人食生日飯，點了燒肉（牛肋骨、豬腩肉…）大醬牛肉豆腐湯、醬油蟹、泡菜煎餅、辣炒豬肉魷魚等等埋單平均一人500，食物整體來講冇其他人說得咁好，店舖乾淨整潔，但有個問題，係抽氣問題，只有冷氣加風扇，沒有抽氣，燒肉時煙霧彌漫，離開餐廳全身燒肉味😂😂…查看更多

開左咁耐，每次經過都有一堆人排隊，適逢今日要去銀行做啲野，攪掂晒搵早餐食，見未夠十點就去睇睇多唔多人啦！真係lucky day,可以直入😄😄有90分鐘用餐時間，對我來講食個早餐足夠有餘啦！用QR code點餐，不久飲品先上枱，早餐可以優惠價點飲品！焦糖latte少甜對我來講剛剛好，但聞落唔夠咖啡香！返而杯特濃朱古力好出色，職員放低枱上已散發超香朱古力味，鐘意朱古力嘅朋友會喜歡呀😊😊喜歡早餐會跟上一杯新鮮水果配乳酪，感覺清新唔使啖啖肉法式西多士，外脆內軟，好味😋😋雖然跟左一小杯糖漿，但係我都冇用到，因為本身都已經夠甜了！整體都好滿意，如果午餐晚餐時段都比我遇到少人些應該會再試一試☺️☺️…查看更多

由於舖頭細，坐位不多，一般都要等一等，今日時間尚早，而且又係平日，好好彩去到仲有最後一張枱，即時可以入位。先來黑松露薯條，香噴噴，急不及待一口接一口的吃，薯條剛炸起係最最最好味，黑松露好香，加上凍冰冰的cream,好味。白汁帶子蟹肉意粉，好出色，每一口意粉都掛住蟹肉。白汁磨菇黑松露意粉，香濃磨菇味，不錯。牛排漢堡，包好脆，牛扒熟度剛好，好厚身但中間依然嫩滑不鞋口，外層用炸漿炸過，所以有外脆內嫩嘅口感，除左牛扒，入面仲有煎蛋同少少洋蔥加醬汁，整體來講都唔錯，如果多一點蔬菜會更好。原本一開始想食疏乎厘，但係個肚真係容不下了，唯有下一次再食過啦😂😂3個人都食到好飽，呢個質素呢個價錢，我覺得已經好不錯😊😊…查看更多

客人送來的3點3！一打開個盒，色彩繽紛的甜點非常吸引眼球，大家都相機食先…選擇困難症嘅我最後揀左焦糖牛奶朱古力碎口味，雖然外送到公司有一段距離，但到手時依然溫暖，大口咬下….香甜而又外脆內軟….大家都不若而同講好好味呀，配咖啡一流，相信喺舖頭即食再加雪糕會有另一番滋味…查看更多

今日一班同事想食燒肉，於是一行9個女人又殺去牛角嘆個靚午餐！！海港城牛角有海景睇，剛巧今日外面滂沱大雨，白濛濛，大雨打到窗邊，嘀嘀噠噠，但也沒影響我們的心情，我地喺室內慢慢享受靚牛肉，每人點了一個lunch set ,再order了牛舌同蕃薯，燒肉lunch set有前菜、湯、燒肉及馳名牛角飯加飲品，想講講前菜嘅番茄，食過多次未試過係酸的，爽口清甜，唔知係咪來自日本的呢？同事們都非常喜歡牛角飯，每次都起碼食兩碗，食完托住個肚返公司繼續努力工作！！…查看更多

自己好鐘意食麥樂雞嘅……所以試左佢嘅炸雞塊，嗯…炸雞塊口感都脆嘅，雞塊好薄身，但係炸粉比雞肉多，感覺似食炸粉多啲，個人認為麥樂雞好味啲🤗🤗熱狗比較出色，麵包好軟身，餡料亦豐富，算足料😋😋淨係食左個熱狗經已飽了，要休息一下先可再食小食…（可能因為起身胃口會細少少嘅關係啦！！😅😅)而薯條就普普通通，係淋身加醬料芝士嘅薯條，個人鐘意食脆卜卜嘅薯條，如果有堂食或者外賣就即食，相信會比較好食啲☺️☺️…查看更多

學生新常態~在家zoom 上堂，忙得連出門食個午飯也不能，好彩外送服務也成為新常態，想食咩幾乎都能足不出戶亦可以食到！今日小女揀左魚匠屋的日本丼飯，order至到達大約半小時，送到時仲熱辣辣，讚👍🏻點了生薑汁黑豚丼及親子雞肉丼，追加了明太子玉子燒！套餐丼飯會跟前菜及蜆肉麵豉湯，麵豉湯味道ok，普普通通但不過咸，前菜是中華沙律跟蜆肉，酸酸甜甜帶少少辣味，薑汁黑豚丼醬汁唔錯，豚肉爽口，不過食唔到薑汁味，而雞肉丼可能因為外送關係，啲蛋已經全熟冇滑蛋嘅質感了，冇辦法啦，堂食應該會好好多！最欣賞嘅係明太子玉子燒，入口即溶，好滑好creamy,明太子係辣味的，少少辣，小朋友如果唔食得辣未必食到，整體來講都唔錯，價錢亦合理，會再encore…查看更多

之前睇過啲屯門牛推介chicken factory 嘅海南雞飯，一直都想試下係咪真係咁正，今日竟然見外賣自取app額外有折，咁抵無理由唔試架😂😂揀左招牌海南雞飯套餐同牛肝菌烤雞餐，海南雞係去左骨嘅，有酸配菜加薑蓉，飯是雞油飯，跟一碗白蘿蔔湯及飲品，飯有雞油味，但略嫌飯濕了點，個人口味比較鐘意乾爽一點的飯沾滿雞油嘅果一種，至於雞就有啲鞋口，冇網友講得咁好食，蘿蔔湯味道普普通通，反而牛肝菌烤雞就不錯，一打開外賣盒已經聞到好重香料味，醬汁味道ok，雞亦烤得剛好，套餐可以揀飯、薯仔或什菜其中兩款，最後揀左薯仔同什菜，薯仔好食，什菜一般般，飲品試左手工咖啡、黑豆漿同檸檬洛神花茶，咖啡同豆漿出色，花茶味道唔夠出，總共三個餐只係$140幾，呢個價錢有咁嘅質數其實算好好，下次會再試下其他款式👍🏻👍🏻…查看更多

第五波疫情隨時大爆發，政府又來晚市禁堂食，無奈ing 😑😑咁唯有外賣啦！之前喺荃灣分店食過一次炸雞同蛋卷，都很不錯，而屯門呢間開左咁耐都未幫襯過，今晚又想食啲香口野，所以揀左goobne 嘆一嘆！叫左炸醬炒年糕同無骨蜜糖蒜香烤雞，加配台式手搖茶，今晚超飽超滿足，抗疫也要開心吃😊😊無骨蜜糖蒜香烤雞我本人非常喜歡，味道甜甜的，但不會甜到漏，烤雞外脆內軟，仲要冇骨可以大口大口吃😋😋至於炸醬炒年糕，原來係炸醬麵加年糕加魚糕，忘記左影相😅味道算ok啦，雖然係外賣，買到返去食果時都已經相距半個鐘嘅事，但係打開竟然仲有少少煙，暖暖地，可能因為外賣關係焗得耐左，啲麵同年糕好淋好脹，相信堂食應該會好食好多…希望快啲可以回復正常啦🙏🏻🙏🏻…查看更多

平日好少來東涌，今日難得路經此地，就食埋個晚飯先歸家啦！東薈城都算有不少餐廳，中日韓西餐，各式各樣都有，朋友話呢一間日式餐廳之前食過一次都幾好食，所以就揀左呢一間了！一坐低見到隔離枱上鐵板，我就畀啲嗞嗞聲吸引到了，一於試個鐵板澳洲牛定食，朋友就食豚肉丼，落單一陣已經有得食，塊牛一上嘅時候係粉粉地紅的，因為我唔食得好生嘅，所以就拿拿聲切開一件件，煎一煎啲肉先😅😅之後就慢慢食！牛好味，有肉汁滲出，用料新鮮的，白飯也好味，朋友的豚肉我也試一口，沾了蛋黃食，香香的，亦好味！食物整體很滿意，唯一缺點可能係人手不足，上一枱客人有小朋友，清潔完枱面仲有好多飯粒，枱下亦有，見侍應咁忙都唔敢勞煩了，就自己抺一抺枱吧😊😊…查看更多

臨近聖誕，老闆請客食好西，大家又想食日式野，最後決定去禪八，環境舒服的，可能平日關係，只得數枱食客，我地一行14人就好似包左場咁😅😅滿心期待呢一餐，刺身ok，海膽同生蠔鮮甜好食，A5和牛望落幾靚，食落都算ok, 但係未去到入口即溶，一set A5和牛套餐要$8xx,只有5片牛加啲什菜白飯，確實有點貴嘅，牛舌好香，但太厚有點鞋口，中間位置更加咬唔開😂😂埋單$18000，人頭要$1300，有點物非所值，滿心歡喜會食到好野，可能期望太高，所以有啲失望，好彩有老闆請客，如果要自己畀錢食一定會唔開心…查看更多