Chiuuuuuuuu的個人專頁

築地第三間分店係屯門開左揾左個下午去試一試tea time 人都唔少 我一個就坐bar枱tea set有五六款選擇 我揀左豚角煮醬油拉麵 加六蚊飲梅子冰係築地食野一定要等得我order到杯野飲黎 都差不多十分鐘呢杯和歌山紀州梅子冰我係貪得意叫 因為未試過梅子冰 點知中伏飲落去酸咪咪都okay 但慘在有種中藥既味道 好似飲緊苦茶咁可能我真係唔buy梅子冰既味 唔岩我再過多十五分鐘 碗麵終於黎第一件事先試湯底 um...其實係好味既 夠濃但唔會太鹹太油而麵質比較硬 我好buy 其他人未必鐘意至於塊豚角煮 睇落個感覺好鞋我到最尾先咬左一啖皮個度好滑 而肉既部份的確比較鞋但塊肉好入味 值得贊碗麵整體係唔錯既 但我覺得欠缺驚喜下午茶四十幾蚊埋單我都覺得抵畢竟普通食碗拉麵都要成百蚊但叫我俾正價黎食就絕對唔會等得耐絕對係一個缺點由order到碗麵黎要25mins其間有個阿婆趕時間等唔切唔食走人要黎食絕對要有時間同耐心…查看更多

心血來潮想食日本野 入左呢間試下環境okay 暗暗地幾有情調但冷氣實在極度不足都兩點幾 拿拿臨點左個刺身定食點完野叫佢斟杯茶俾我佢先反轉我隻杯斟d茶仲要係熱到辣嘴飲唔到冷氣又唔夠 係咁飆汗先到既竟然係刺身同飯 之後個沙拉同湯先黎麵豉湯。。凍既 真係躁左 應凍既唔凍 應熱既唔熱連豆腐都無塊 飲左兩啖就放棄沙律。。呢個係okay既 個dressing鹹鹹地似豉油 唔錯刺身。。睇落的確好靚其實我唔太識分d刺身三文魚確實夠厚 新鮮鮮甜但八爪魚就無乜味 咬落去成舊膠咁其餘既都平平穩穩呢個定食唔包野飲 都收$78 + 10%服務其差 埋單揮左好多次手都無人理平時去到日本餐廳出入成間餐廳staff都會打招呼既情況都無OK既評分係俾個三文魚刺身 …查看更多

我一直都覺得香蕉同朱古力係絕配見m記出左呢個新野當然去試一試拎左杯野係手已經深感不妙打開一睇 哇 搞咩 成舊蛋糕係度我都唔知係佢特登定點啦食落一d口感都無 平時食曲奇／聰明豆麥旋風點都有d野咬下呢杯野係一d都無 除左個舊蛋糕香蕉味一d都唔濃 俾朱古力味蓋過晒但朱古力味又唔係真係好濃 而且打得一d都唔勻食到底有一大舊係原味雪糕真係寧願食番傳統味道好過唉。。。好失望。。。…查看更多

呢間之前睇雜誌有報導過但係天后太遠一直無緣一會到朋友帶我黎食先知原來開到入黎元朗 happy:) 終於有機會試下每款基本上都七八十 有d特別d要百幾 值唔值真係見人見智朋友推薦了一個原塊黑豚蛋包飯我選了咖哩汁 日本既咖哩汁一向不錯 應該無死〜〜原塊黑豚原來係吉列豬扒 賣相不錯豬扒炸得好鬆軟 唔會好油 而且內裡既肉依然好嫩 唔會乾掙掙到個飯 蛋煎得好軟熟 而入面既飯係有味飯 熱辣辣 配合得剛剛好而個咖哩相對就無咁出色我覺得有d稀 但味道依然唔錯 畢竟日式咖哩好難整得難食成個飯都幾大分 男仔食都完全夠飽女仔就應該會食淨我唔食太多肉 俾緊兩件豬扒朋友都食唔晒因為食到後面真係有d漏不過下次黎要試下佢個白汁先得：）…查看更多

祥興記係openrice最近都幾熱門 但一直未有機會試今次去開荃灣一嚐所願去之前已經諗好要咩 去到即刻係門口先落order同俾錢當然要左最出名既生煎包一份(四隻/$23)同豆漿一杯($8)跟住入去坐低 地方其實都幾窄 不過三點幾唔多人都算ok先黎個豆漿 夠凍 夏天飲爽晒甜度剛剛好 但就無乜豆味 我覺得算係過關啦等左五分鐘左右 主角生煎包終於黎雖然要等 但岩岩煎出黎 等都值得我呢四隻無蔥花係面 不過我唔食蔥 對我無影響睇下個低 煎得好金黃好靚好〜〜舀左少少辣椒油就急不及待開動一咬成口都係湯汁 熱辣辣 有d燙親再睇下面個皮 好薄 裡面既肉都幾大粒再食個低 低部皮比較厚 煎得卜卜脆加上芝麻既香味 無得頂〜〜〜因為太熱 慢慢食 食到最後個隻依然熱辣辣 仲燙多次＞＜食完四隻都有d意猶未盡係香港真係好難揾到有湯汁既生煎包雖然無上海小楊生煎咁好食又貴咁多 但無得飛去上海 黎呢度食都係一個不錯解單思既地方…查看更多

係高士德 有幾間食日本野既餐廳最後揀左呢間稻田養助入到去 原來都幾多人下 咁我一個就坐bar枱lunch set都有五六款揀 價錢都係五十幾至六十幾我揀左個火炙壽司定食 有Miso soup同salad個壽司就真係麻麻 汁少 全部都係菜 連粟米蕃茄都無粒Miso soup就無乜特別至於火炙壽司有六件 卷物兩件每件都幾大下 握得既扎實 刺身都好大塊火炙火喉燒得適中而生蝦同卷物面有半溶cheese三文魚甚至入口即溶 Yummy：）埋單加一 八十有找 間唔中食個貴價lunch對唔錯…查看更多

中午兩點多去到 一台客都無員工嬸嬸俾份meun我睇 有下午茶 仲有平價同貴價套餐貴價既大約七八十 平既就三四十有好多款式可以揀 最後揀左平價套餐最貴既一款 - 煏羊脾扒飯餐 跟熱菊蜜（唔使加錢）餐廳有上下兩層 廚房整好野會靠呢架lift送落黎 好得意  先上既係中式例湯 有海帶蘿蔔肉 好足料 而且好清甜 唔係好鹹 絕對唔係味精湯跟住上熱菊蜜 呢個我就覺得有d過甜 不過比起華田個d已經好好多煏羊脾扒飯終於上其實我唔知煏係一種點既煮法眼見係好多紅蘿蔔洋蔥做配料既汁睇落好多配料 但羊都唔少 至少都有十小件汁 比較焗飯既稀 食落有d似洋蔥汁撈飯食一流羊脾扒 會覺得有d騷 你會清楚知道你係食緊羊 但騷既程度絕對係係可接受範圍內肉質好嫩滑 一咬就開 唔會痴呀飯食到一半飽飽睇 決定放棄其他 食晒d肉佢 但依然飽到捧住個肚走人$40 有飯有湯有野飲 而且好足料係澳門旅遊區絕對揾唔到小區既店鋪果然係寶 值得支持…查看更多

係food court有上海野，mos burger，日式小丸子，沙爹，意粉等等...大部份都有lunch set揀係擔擔麵同蛋包飯掙扎左一陣選擇左後者皆因對food court擔擔麵質素無乜信心茄汁雞扒蛋包飯係special $32包野飲其他野食都差不多四十以上買左五分鐘左右就有得拎好奇怪 d汁係埋晒一邊 另一邊空空如也 至少擺d配料好睇d呀先食蛋包飯 包得好不漏餡是基本但蛋皮好乾 好似整好好耐咁而入面既飯..真係普通白飯 係有少少蘿蔔絲 無乜味 應該要同個汁一齊食到個汁 酸酸甜甜 偏酸多少少但佢底既汁好稀 而一舊舊既番茄肉明顯唔係鮮番茄 應該係罐頭開既個汁我略嫌太酸 一定要撈埋飯一齊食而雞扒反而唔錯 雞皮煎得脆脆地 唔肥 忍唔住連皮食埋不過可惜同個汁唔太夾成個飯份量都唔細 最後都食淨d以Food court黎講 算okay喇 至少蛋包飯有一定技巧在 無其他咁頹…查看更多

m記既21蚊餐一直都吸引唔到我因為我唔係好食薯條 除左汽水又無乜其他選擇但Mos burger既tea set就岩曬我都係廿一二蚊 有個飽同野飲今次選左個薯蓉飽餐 加三蚊轉做凍紅茶加奶買完拎個牌揾位坐底就有人拎餐俾你雖然係tea set賣個廿二蚊 但制作份量一d都唔求其飽 摸落手係熱既 麵飽好軟熟塊炸薯蓉係熱辣啦 明顯係即叫即炸 炸粉夠薄 而且食落一d都唔油膩配菜雖然只係得生菜絲同醬但剛好唔會搶左主角既風頭 配合得剛剛好至於凍鮮奶紅茶 好夠茶味雖然佢另外附糖水俾我 但其實佢本身已經夠甜 唔使落如果佢原本無落糖 由我自己黎就更perfectmos burger用既係細冰粒 比起m記既大冰粒佔左半杯去好 good~~呢個tea set男仔食一定唔夠我兩點食完 五點既就又肚餓了…查看更多

行完K-11出黎 係鳥華門口有位姐姐仔派傳單 原來係送可樂一罐既優惠睇左兩下meun就決定入去食一坐地 staff就俾杯茶我係凍凍地既無糖紅茶 係夏天呢d日子有杯免費凍飲 而唔係熱茶 真係好貼心一至四有dinner set要左個$88餐 有拉麵沙律餃子其他拉麵店呢個價錢只係食到碗拉麵咋先上拉麵同薯仔沙律 當然先食appetizer薯仔沙律好足料 每一啖都有d蘿蔔/青瓜/粟米 而唔係就咁得d薯仔當中已經將沙律醬充份撈勻 咬落有口感得黎 亦覺得好清爽好fresh連Appetizer都整d咁有heart主食一定唔差食完沙律 個雞白湯拉麵面頭已經有浸薄衣 證明個湯地應該幾濃下先飲一啖個湯底 OH...幸福到要轉圈圈呀味道其實好似阿媽煲既雞湯好香好濃郁 飲得出係真係真材實料用雞淆制而成 而唔係揾雞粉沖最緊要係濃郁得黎一d都唔鹹如果唔怕油 就咁飲都得（我都飲左一半）\拉麵雖然無好似其他拉麵店咁有得揀軟硬 但食落剛剛好 煙煙un un唔會過份稔而個三片雞肉亦令我好surprise好滑 一d都唔鞋 雖然連埋少少雞皮 但完全唔肥 絕對會一啖食埋同其他拉麵店鞋到爆既叉燒/豚肉比 一定贏足九條街餃子剛開始食拉麵佢就上 有三大隻睇落煎得唔錯 但一d都唔脆不過餡料絕不欺場 隻隻都好飽滿所以太飽食唔晒餃子相對拉麵同沙律就比較平凡了女仔一個人食呢個餐都其實幾飽下至於送既罐裝可樂飲左兩啖就無飲有d嘥不過值得讚既係我食完麵 係度玩左陣電話既期間 staff見我飲完杯茶都會即刻幫我re-fill而唔係扮見你唔到想你快d走呢d細微位唔係間間做到總結：雖然大家湯底唔同 但鳥華比豚王更令我驚艷 係我試過最好食既拉麵湯底 絕對有下次 一定會推薦俾朋友！！！…查看更多

好熱好熱 想食d甜又凍既野早幾日係網上面揾做個整芋圓既食譜但未買到木薯粉唯有係外面食住先 遲下同自己整既比較下一打開meun有好多款芋圓既甜品 都係廿蚊頭 真係幾平最終要左第二款 抹茶雪泥芋圓下午去到 剛開鋪 無乜人 好快有得食睇落個紅豆底好水 但佢無話係紅豆沙底 所以我覺得已經比用黑糖糖水底好個紅豆糖水底甜甜地 配埋無乜味既芋圓 剛剛好至於個球抹茶雪泥 即係綠茶雪糕 單食既話有苦苦地 但連埋芋圓紅豆糖水食就balance番芋圓浮面既唔多 但其實都幾多粒下我一路食既都係無餡既無乜味 唔算好QQ 叫做好過一d鋪頭一團粉咁食到最後幾粒 咬落去 裡面竟然係有餡 係芋頭餡 煙un既外皮包住軟綿綿既芋頭餡 好match好surprise 係台灣食到既都無咁 一碗總共有三大粒添 食碗一碗好飽消晒暑好滿足…查看更多

青衣成 九成都係連鎖式餐廳無得揀之下想食清淡d 唯有食日本野板前／板長既lunch set都食過幾次差不多每次都係叫呢個櫻花丼但今次碗飯一上 我就呆左一下好大碗 差不多滿到碗邊諗住都係飯底多 料就無乜點知唔係 食到最後一啖都仲有料而d料都唔差 好新鮮三文魚吞拿魚最多 好鮮甜 加上適量既甜蛋仲有八爪魚咬落有d口感 係我食過咁多次最滿意既呢間lunch set無連埋蒸蛋 所以埋單只係$35加一 好抵食 我好鐘意食佢d酸薑 食左好多XDDD…查看更多

晚上六點多食個early dinner想平有想多野揀食得飽於是黎到big john六點幾已經有七成客滿下午茶二三十蚊 其他套餐最貴都不過五十要左個素菜餃麵餐 staff問要唔要轉做番茄湯底 免費的 當然好啦野飲要低糖豆漿小食當然要最出名既格仔餅俾完錢拎個牌就揾位坐低大約十分鐘碗麵就黎啦碗麵其實都幾大 到最後我都食淨餃子有成四隻 都幾足料素餃子最怕有西芹芫茜馬蹄個d怪味配料呢度完全無 都係蘿蔔絲椰菜絲木耳絲 咬落去好爽 有咬勁 而且材料有調過味 單食都唔會好淡 好岩我口味轉做番茄湯底 有好多番茄蘿蔔 唔係罐頭開出黎所以好清甜 好fresh低糖豆漿 算係健康之選唔太甜 唔算好有豆味 但暖立立都唔錯但比起華田奶茶咖啡 我寧願健康d小鋪有呢個選擇 抵讚！食到差不多就叫佢上埋個格仔餅好快就黎 雖然係跟餐 但份量一d都唔少第一塊太心急食 仲係軟林林 本來有d失望到第二塊 涼左d變得好脆 加埋d份量適中既花生醬同煉奶 唔會覺得好甜好漏 脆得黎又有口感 好食$46 有麵有野飲有小食既晚餐質數仲要唔求其 係尖沙嘴係邊度揾大家多d支持下小鋪啦！…查看更多

六點鐘又係early dinnerlunch太飽想食少d 就黎左一直好想試既博洛尼亞太可惜 一個人都坐唔到窗口位要左個$68蚊既carbonara唔想食太多無跟餐為一陣上堂準備左陣資料個餐就黎啦睇落好細份 但食到最後都幾飽先食佢最出名既丹麥麵包招牌果然唔同d 暖暖地 咬落去好鬆化 好多層 甜度適中 好好味個奇異果應該係拎黎左裝飾既超硬 我用刀用叉少少都切唔到出黎最後放棄左佢 lam左隻叉一下都覺得好酸 其實真係唔預你食carbonara 其實意粉有d硬 不過對我呢d鐘意口感既人黎講就ok但問題衰在太鹹 越食越鹹鹹到忍唔住要佢加水＞＜三樣野得丹麥麵包係ok奇異果同carbonara都below average下次或者要試下佢既丹麥飽加雪糕既甜品 應該唔錯~…查看更多

我好鐘意食魚生飯但平時只會去板長食佢四十蚊都唔使既lunch set係Yahoo見到有魚生飯團購當然要試下$58蚊唔算貴啦 但點知質素連板長$40既都不如入到門口 等左陣先有人招呼坐低 台面有乾左既豉油蹟筷子就咁放係未抹既台面地下仲有水蹟俾左張團購紙佢 除左魚生飯定食 可以任食三文魚壽司 先要六件薄不單止 仲要巢皮的 巢皮三文魚壽司第一次見一食落口 d飯係暖既 omg食左兩件 個set就黎同網上既相差好遠 但睇落算唔錯麵豉湯一般貨色 度度飲都差不多 呢個算過關到沙律 醬唔多 d菜仲有水係上面應該係洗完就即刻加沙律醬捧出黎三款前菜 應該係外來貨算係最好味最正常八爪魚得一粒 雖然係大 但唔知點解令我連想到胎盤 即刻唔敢食到主角魚生飯 每種材料都有兩件三文魚吞拿魚唔算好新鮮 但厚切搭救八爪魚鮑片一咬竟然出水 lur都lur唔切連配材酸薑都係出水嚴重 整濕埋d紫菜最好係零難度既甜蛋==個餐有跟野飲係我主動問staff 如果唔係staff會當無左回事要左巨峰特飲 半杯係冰 得個甜字飲左兩啖就放棄一路食一路睇住d waiter/waitress勁忙令你都唔好意思叫佢地其實做得團購 仲有午市放題好心就擺多d人手坐我隔離食放題既當然有上錯野連我食到最後 有個人竟然上左碟肥牛俾我 不過我唔食牛 無郁到佢食到一半 就叫我埋單 俾六蚊服務費叫你落order又唔見咁快手六蚊服務費真係俾得不甘心！…查看更多