想同屋企人食生日飯，上網搵到呢間高級中菜餐廳，因為見好多人都唔錯既評價。我地上open rice溫左書，揀定幾款心水餸，訂位時問下要唔要預定，職員話嗰幾款都唔使預定，同埋好細心提醒我地幾款餸菜嘅份糧，唔使點得太多或太少，到時食唔晒或者唔夠分。我地好早到，6點就到左，雖然位處九龍灣寫字樓1樓，但附近大廈都唔高，接近黃昏大廳同房都仲好光猛下。晚餐由美味嘅前菜開始，魚子醬香煎芋絲夾，菜名已解釋一切，「芋‧香」，外面香煎得好香脆，入面係濃郁嘅芋香，yum yum！好多人推介必點嘅冰鎮鮮果咕嚕肉做到咕嚕肉外面脆卜卜，入口鬆脆美味，而且肉香味濃，驚喜十足。欖豉醬蒸法國海鱸魚魚肉質非常嫩滑多汁，我父母都話正。跟住上嘅黑蒜牛肝菌好炒牛肉，好滑又嫩，鍾意食牛肉鍾意中式煮法嘅朋友一定要試。有幾度菜都用好有藝術感嘅裝飾材料，搭配點綴。每道菜都新鮮熱辣，上菜速度算是比一般酒家較快。侍應服務一流，照顧周到，好主動幫我地斟茶加水換碟等。。餐廳由門外到用餐地方的裝修高級雅緻，房間又有獨立廁所唔使行出大廳個廁所，與親朋好友用餐都會推介。…查看更多
