carmanke的個人專頁

平時食開既小食店冇開門 就試下附近既小食店叫左一個普通雞蛋仔 當時客人唔算好多 等左好耐都未有見排隊係我後面既人都走哂…以為係即叫即整 時間係要耐d點知拎到手 係凍既 仲要超硬超失望 無下次…查看更多

今日同老公去旺角行街 行到又熱又攰去到朗豪坊想休息下經過茶木 又見好耐冇食 就入去食番餐茶木我地最愛係食佢地既牛肉麵 就叫左半筋半腩牛肚麵麵條係粗身既手作麵，掛湯有咬口牛腩份量都唔少 肉夠淋亦都好入味紅蘿蔔同白蘿白都好甜好味我地另外叫左 微辣半筋半肉椒麻拌麵拌麵麵條相對幼身 個人覺得口感會比粗麵好拌麵醬份量調得岩岩好 唔會太鹹又不失惹味套餐另有兩款小食有煎素鴨配麻辣鴨血同半筋半肥牛都不錯！下次再黎會想食番椒麻拌麵😆…查看更多

同老公食完比較重口味既拉麵就想食番d甜野中和下個味蕾 我地行過Time Square見到agnès b. DÉLICES甜品好精緻好吸引 入去買件Cake同買杯咖啡Chill下先 款款都好精緻好想試 最後揀左  焦糖泡芙拿破崙 本身好鐘意食酥皮類既食物 所以見到呢個拿破崙冇可能唔叫啦 上面係焦糖泡芙 脆脆地一口一粒 同埋d cream 好好味成個配搭都唔錯 飲品我地叫左杯cappuccino, 咖啡好夠熱 味道好香 份量都足夠 唔會飲完唔夠喉 好滿足! …查看更多

星期六同老公去食拉麵🍜😍香港有好多拉麵店 好多都各具特色 金鶴有幾間分店 今日我地就黎最方便我地既炮台山分店金鶴主打係雞白湯拉麵 用赤雞素熬製的湯底 口感濃郁甘甜 麵條用左較粗身的麵 每碗都有叉燒同雞肉 雞肉好嫩炸牛蒡好好味 又吸晴另外叫左辛味拉麵係截然不同的感覺 較重口味 有刺激的辛辣感配料大致同雞白湯一樣 不過冇炸牛蒡好欣賞雞白湯拉麵的湯底👍🏻推薦！Download app 成員會員可以儲分迎新有100分送1蚊1分 食一次下次已經可以換到小食…查看更多

叫左2碗豚王，第一碗揀左椰菜同肩肉，蒜味重，硬度同其他野都係普通。湯底質感比較杰，味道好濃郁，而唔係死咸味。面就感覺比較硬，份量比其他拉面店多，係其他拉面店次次食完都係感覺剛剛好，而豚王係可以令我吃得飽！🤣👍🏻自己鍾意食蒜，所以揀左蒜多，但都覺我太重，應該揀番普通就可以了。肩肉肥瘦均勻，大小適中。而第二碗揀左蔥花同腩肉，其他都係普通。腩肉肥膏太多了，比較油膩！湯底比第一碗清，濃度剛剛好。仲叫左餃子，個人認為不夠香口可以再煎耐多小小。枱面有芝麻同辣芽菜可加，令拉面有芝麻香。芽菜比較辣，唔太食得辣既朋友仔要小心。…查看更多

次次黎沙嗲王，食黎食去都係果幾樣，偏偏佢果幾樣野食係有種魔力令你次次黎都只想叫果幾樣😂🌟椒鹽軟殼蟹(標準)：上菜既時候鐵板炸炸聲，食左咁多次第一次遇見，很意外。今次位置係風口位，比風吹左陣仲係熱的👍🏻蟹肉都幾厚，味道方面依然香口好味，不會膩，自己口味比較重，椒鹽都唔放過既我就略嫌椒鹽落得比較少。🌟沙嗲肩胛肥牛飯：今次放棄左白咖哩香茅豬扒飯，試下人氣no.5既沙嗲肩胛肥牛飯，用料係美國穀飼牛。牛肉份量同大小都適中，切得很薄，但真係比較韌。🌟印度薄餅：因為叫左沙嗲飯，所以叫薄餅既時候就冇再加咖哩。薄餅比較實，但味道依舊👍🏻…查看更多

怪味雞-怪味雞一d都唔怪味，味道就好似辣味既醉雞，夾埋芫茜一齊食，又香又惹味。婆婆擔擔面-一上菜既時候有小小失望，因為個湯比較稀，好多辣油浮係面，冇咩花生碎同芝麻醬。點知一試，幾濃既麻醬味之餘，面質硬度仲剛剛好，不過就比較辣。婆婆小籠包-食上海菜點可以唔叫小籠包呢。包都算幾薄同餡多，下面有片蘿蔔墊底。但實在太容易爛，4隻夾爛左3隻。總括食物都係不過不失。…查看更多

當日諗住去大館打卡，點知落好大雨，行行下見到沾仔記，就吸引左我入去試下。入到去店面乾淨企理，店員安排左我地2人坐卡位，位置寬闊。心諗位於中環，又坐得舒適，呢位雲吞面肯定不是平民價。點知一碗雲吞只係$40有找。一碗面有三粒大大粒既雲吞，雲吞皮不厚，而且有數隻完整既大蝦。面底鹼水味不重，爽口得黎容易咬斷。湯底亦唔會好重味精，平時食面唔飲湯既我都忍唔住飲左幾啖，十分有驚喜！值得再去同推介比中環番工既朋友仔。…查看更多

想試好耐既九龍城寨墨汁墨丸好耐，聽聞佢墨汁味非常濃郁 ，果然名不虛傳，小小咬一口，佢個墨汁味真係好似食緊一啖墨魚汁咁 。墨丸除左彈牙，仲有好多爽既粒粒，口感十分好。平時食墨魚汁意粉，棚牙黑到都唔敢笑，食呢粒墨丸，棚牙依然雪白😁😁另外再叫左另一款招牌菜🌟墨魚蝦條🌟，雖然冇墨汁墨丸咁新穎，但絕對真才實料，用料絕不姑寒！隻隻都係爽口新鮮既蝦。而我個人比較鐘意墨魚蝦條，因為比較香口，而自己又比較鐘意食蝦。而佢地既魚皮就比較失色，比較硬同有陣味！…查看更多

去旺角買完野,8點幾黎到有小小人龍 ,等左15分鐘左右就有位。一入去,店員就比膠兜我地放袋,仲比左個我墊腳，再放橡筋比女仔扎頭髮,真係好細心啊 我叫左鏗魚味豚肉拉麵,男友就叫左燒海蝦味豚肉拉麵。 佢呢間拉面店,日頭係食沾面夜晚係食拉面既。拉面既口感同出面有d唔同 係比較硬 好似食沾面果種口感,如果可以揀軟硬度就好啦。我果碗既湯好濃味,男友果碗相比冇咁濃,就覺得面入唔到味,比較鐘意我果碗。 叉燒都幾大塊 但比較韌,半熟蛋好好食!!好較流心好甜佢地既拉面好夠份量,有分150g,200g同300g，我揀左普通200g，男友揀左300g,2個都食唔哂。 …查看更多

放工同男友黎食串燒,男友出名鍾意食串燒,有次求其揀左間黎食,就係巴別橋 食左一次之後,食串燒都會黎呢間。上次黎等左半個鐘位,今次好早黎就唔洗等位啦打頭陣叫左我地每次黎都必食既芝麻沙律冷烏冬，我同男友都超鐘意！一餅烏冬上面淋左好多芝麻醬再放小小紫菜碎係面。開始見佢一餅烏冬,以後佢會又乾又硬分唔開,點知原來輕輕力就分開到。烏冬咬落唔會好實 加埋芝麻醬 好好食金菇肥牛卷-肥牛有小小乾 但都係好味 醬汁豬頸肉串-呢碟男友大讚好味,甜甜地既醬汁 上面灑左芝麻,豬頸肉爽口彈牙！值得一試香草椒鹽雞中翼-都係我地每次必叫既咸味岩岩好 有小小微燶 自己鐘意食辣 再灑佢地既辣椒粉 正啊 食極都想食!!焗芝士雜菌-同樣我地次次都會叫 但第一次食既時候係最好味 芝士拉得出絲 好有蒜味～今次食都拉得出絲 ,但就好易痴埋一舊 可能因為冬天啦,同埋冇咁重口味啦～牛油燒青口-青口燒得太乾,但味道係唔錯既上面係墨魚丸,下面係特濃芝士丸墨魚丸不過不失啦，芝士丸食果時要小心入面芝士"辣"口，咬一啖 入面濃濃既芝士爆出黎。脆皮魚皮餃-唔食過都唔知魚皮餃可以燒架。外面燒到脆卜卜，不過褶口果度有小小硬。厚燒午餐肉-名附其實..真係好厚啊。個樣好似特大版鵝肝咁..但同男友都覺得味道一般燒雞軟骨串-都係次次都會叫 好食好食叫左2杯熱柚子蜜+Asahi，上次飲覺得太甜 今次叫佢小甜 甜度就岩岩好…查看更多

今日有親戚黎屋企 夜晚冇煮飯 同親戚食飯只會食中菜 今日唔食平時食開果間 試下百匯軒～未夠7點就食飯 所以唔洗點等位 最先上既係翡翠炒球，其實係龍躉黎既，配菜有西芹、翠肉瓜同黃椒。炒得幾香 呢碟係我覺得最好食既一碟餸。自己好鐘意食炒龍躉 都算冇令我失望 另外一碟係金銀蒜頭腩，都係龍躉 因為係龍躉兩味（$268）係加左木耳黎蒸龍躉 太淡味 呢個就一般啦 再黎既就係蒜茸粉絲蒸蟶子皇（$108/4隻）我地再加多2隻D聖子大大隻 啖啖肉 好新鮮蒜茸既份量落得岩岩好 好夠味 呢碟正! 西蘭花珊瑚帶子（$58）珊瑚蚌既份量都唔小 仲有帶子 不過帶子就唔係好大粒 亦唔係好鮮甜。 再黎叫左金牌燒雞（例牌$48）亦都唔算好特別 不過不失 唔會太咸或太淡 金沙蒜香骨（$78）d骨大大舊 面頭有d蒜粒 味道同樣係好淡 同埋都幾多肥豬肉 會有小小流既感覺始終覺得點都要食小小飯 叫多左個揚州炒飯（$98）呢個唔錯 炒得好香 亦都幾多料 唔錯唔錯 最後係咕嚕蝦球（$98）酸酸甜甜 d蝦大大隻 但d粉再小d就perfect啦 6個人加一加茶芥大約千幾蚊 仲送糖水 個個都捧住個肚走 仲要打包 都算抵食。 …查看更多

呢幾日咁岩係深水埗番工 就約埋朋友一齊食飯 朋友介紹左呢間程班長 其實都聽過幾個朋友介紹 終於都有機會試啦 佢係工業大廈入面 果然食好野係要''捐窿捐那''既一上到去 就有台灣姐姐好nice咁比籌我地 雖然多人 但好快就輪到我地 我叫左肉燥便當，佢地既肉燥都有分較肥同較瘦 可以符合唔同人既口味 好體貼上菜好快 便當係用一個木盒載住 好有特色 唔好睇佢盒仔細細 其實好有份量 除左肉燥 仲有滷蛋 菜 有舊好似滷豆腐既野 咬落去一層層好入味 個肉燥我就揀左較瘦 果然係冇咩肥豬肉 肉燥亦都同樣好夠味 味道都同我係台灣食既好似 好正宗啊 之後加+8蚊就有野飲 叫左冬瓜茶 甜甜地 反而呢個就冇咩特別啦。 …查看更多

收工既時候 約班朋友傾旅行既野 傾野冇番3，4個鐘都傾唔完 上openrice搵到呢個cafe~個名好特別 孖啡～ 去到既時候 咁岩都唔洗等位。價錢都幾經濟 100蚊有找仲包埋38蚊既飲品 過左補差價就可以啦！ 見到我至愛既黑松露野菌忌廉意大利飯 就緊係唔會放過 飲品就叫左蜜桃綠茶 因為岩岩病完 所以都係叫熱飲，飲品好快就上左 飲啖熱飲真係好舒服 濃濃既蜜桃味 過左陣依然有陣蜜桃味係口度 我本身唔鐘意太甜 甜度我亦可以接受 不過再淡小小咁就perfect啦。等多陣 個飯都黎左 慢工出細貨 上碟唔係好多裝飾 有小小紫菜係碟邊 份量亦都小 入面有好多菇 未食果陣已經聞到好大陣既黑松露味 冇估錯 應該落足黑松露 個飯既味都係濃濃的好重黑松露味啊 好正好正！！！d飯煮到岩岩好 唔硬又唔淋 好creamy 勁啊！好快就比我食哂成碟飯 hahaha 最後我地坐左差唔多4個鐘都冇人趕～goodgood～gathering 皇牌地方!!…查看更多