Efungbb的个人专页

附近餐廳FULL曬, 咁啱經過見到呢間餐廳少人,而且只係需等一個籌. (開頭估可能地理位置所以先少人，最後發現原來係態度問題）！我哋拎左籌後係門口睇餐牌, 我地係C10, 完全無聽到佢嗌C10便叫左C11,門口個女侍應仲話佢叫左好多次無人應, 哇！我地3個人一直係門口, 無一個人聽到佢叫C10,個女侍應仲要態度唔友善. 之後掃CODE落ORDER, 叫套餐但揀唔到飲品,問女待應點整. 佢仲要大大聲(唉)左一聲, 感覺似嫌我地麻煩咁. 哇！如果唔係你個CODE有問題我地都唔想搵你幫手. 最好笑既係, 飲品未到主菜未到, 個甜品最先到.乜唔係甜品最後或客人通知先上咩？都算. 最好笑係2碗一樣既芒果西米露, 入面有冰塊(可能我見識少,但未見過甜品入面有冰塊)，最大問題係一碗水稀稀,一碗杰撻撻?味道仲怪怪地!上菜速度偏慢.而且白飯都追左幾次先到, 餐廳人唔多都做唔切. 想像唔到人多果陣係點. 講真, 食物質素都係一般般, 份量唔多,加上侍應既態度, 想再光顧都難啦.…查看更多

葵芳新開既台式火鍋，門面以火車郵筒做主題。而且唔難訂位，可以約埋班朋友試一試由於我地多數傾計多過吃野，所以選擇較平既精品套餐，100分鐘任飲任食，其實唔太夠時間，吃完都好似仲有d肚空空而且好多湯底要額外加錢。我地要左2個鴛鴦鍋 (山見花椒麻辣鍋/特丹美人鍋/酸菜白肉鍋及豚骨鍋)*如果一人一鍋就每個湯底都要加錢。其實都偏貴。精品套餐可點既食物並唔多，只有基本牛，豬及雞肉。小食只有鹽酥雞排或豬排其他基本丸類菜類就自助型式，不過種類都唔太多，而且無乜特別。反而飲品及甜品區有驚喜，多選擇而且有D未見過不過個雪糕有點難入口😑呢個價錢我寧願吃另一間🫣…查看更多

葵芳新都會開左間日系西餐廳我地係比門面既貓貓裝飾吸引入去 餐廳只有二人餐，我地一行四人只能叫二人套餐再配其他 二人餐-小食*脆米紙辣味三文魚莎莎三文魚有少少辣，好惹味 二人餐-主菜*汁燒鰻魚青口忌廉汁意大利飯鰻魚好大塊，忌廉汁又夠多*黑松露野菌貓耳朵粉配木魚絲及帕爾瑪芝士好香黑松露味，貓耳朵煙煙韌韌 二人餐-甜品*抹茶提拉米蘇盒子配糖漬紅豆好味又唔會太甜，果然係必食之一 二人餐-飲品*草莓白桃冰茶*香桃富士梳打 額外加*軟殼蟹意粉配蟹肉及蕃茄忌廉汁軟殼蟹夠大隻又脆卜卜*青森蘋果芭菲好有玉桂味同好多蘋果肉，酸酸甜甜 值得一讚，餐廳好細心，我地BOOK位既時候剔左生日聚會估唔到甜品上枱時有爉燭及HAPPY BIRTHDY…查看更多

葵芳出名多小食店可以掃街，估唔到新都會都開左間以香港小食為主題餐廳，而且裝修都幾靚。 *掃街小食拼盤賣相適合打卡，而且有齊六款小食，碗仔翅、魚蛋、燒賣、山椒鹹蛋雞翼、煎釀三寶及麥皮蝦芒果沙律筒。不過碗仔翅同出面食開既味道唔同，可能係蒟蒻麵既關係，味道有點奇怪。其他食物普普通通。 *蔥油溏心蛋飯份量都大碗，溏心蛋好味 *蝦頭油撈麵普通撈麵味道，略嫌偏咸 *墨西哥芝士脆魚皮伴牛油果醬及蕃茄莎莎呢個炸魚皮係我最鐘意，比我想像中好食，不過魚皮份量及牛油果醬偏少。 *莓莓萬歲雞蛋仔配料好多，有士多啤梨，cream及脆脆。不過雞蛋仔唔夠脆及蛋香味 *即撞木桶豆腐花打卡一流，不過味道卻強差人意。已跟足小漏斗計時，但吃果陣豆腐花仍然好老唔夠滑…查看更多

朋友選擇呢間日本餐廳聚會估唔到平日晚上咁清靜入座人數只有幾枱食材好新鮮而且刺身都唔會太少及太薄江戶前丼套餐包沙律及麵豉湯雜錦刺身丼 呢個丼同江戶前丼差唔多食材只係多左蟹肉🫥角切櫻花丼日式唐揚魷魚鬚估唔到有驚喜，下次會再叫…查看更多

葵芳新開左間伝說丼屋新開期間光顧仲送一張買一送一優惠券平安夜晚約埋朋友黎慶祝黎到門口已經有條長人龍..好彩排左大約30分鐘就入座可能因為4人枱要併枱所以覺得座位有點逼不過價錢就唔貴豚肉飯仲有分唔同SIZE 另外仲有炸雞小食～和風牛肉飯丼($48)另配$15日本蛋套餐普通牛肉丼，味道唔算太特別牛舌丼($58)另配$18溫泉蛋套餐牛舌既量唔少，不過略嫌有D韌以上丼飯只有一個SIZE(滿足)女仔胃口比較細就覺得啱啱好~…查看更多

假日經過沙市城中心但由於早上既關係好多食店都未開幸好呢間CAFE開得比較早我地一行六人有五人都係食同一款餐 *感味.大滿足早餐(All day breakfast)喵喵多士配無花果果醬、芝士腸、菠蘿、煙肉、炒蛋、乳酪、薯餅、茄汁豆無花果果醬好足料，入面真係有果肉仲要大大粒，配多士好好味但個乳酪就比較失望，有少量燕麥同乾果但乳酪味道偏酸 本身lunch set話加$25可配任何飲品我問侍應是否任何飲品都可以佢仲答我話所有飲品都得 咁我就睇餐牌見到杯好靚個名又好特別痴_線邪惡bb朱古力杯野黎到有d後悔，因為杯飲品勁細杯雖然怖滿好多朱古力粉同朱古力碎但飲滿口好易比d朱古力粉卡住喉嚨同埋杯飲品勁勁勁甜..我鐘意朱古力都頂唔住而且杯飲品真係太細杯，一口就飲曬最後仲要收我原價$45!!貴多$20 …查看更多

早前新開左間一人燒肉門口放左d日本裝飾都幾靚終於有時間可以試下放工一條友去拎位A號等2張枱, 以為好快點知都等左半個鐘因為佢多數嗌2位既號碼入明明門口見到裡面有吉枱但都唔叫號碼唔知係未想製造門外好多人排隊既現象價錢方面都划算新張期間再送50g肉或小食牛豚套餐200g+50g牛五花($78)包麵豉湯、中華沙律及白飯 味道方面,牛五花正正常常顏色鮮紅算新鮮但豬五花就好差顏色方面偏白, 食落有陣豬so味食左一塊已經唔想再食第二塊而且夾肉果個夾好實好難用夾幾下手已經又紅又痛加上店員態度都有待改善我坐係近門口收銀位聽到佢係罵客而且佢地對住年長少少既客比較燥底呢間一人燒肉，試過一次就算啦:( …查看更多

朋友介紹左呢間打卡地中海餐廳餐廳有宗教背景; 座位都坐得舒適店內大大幅花牆好靚可以邊食飯邊打卡影靚相佢既精選套餐好抵食有湯，主菜同飲品都只係$65左右而且份量都幾多 是日餐湯-南瓜湯飲落啖啖南瓜味 小食茄子鷹嘴豆泥配彼得包鷹嘴豆含有豐富既營養入口容易又好味 鷹嘴豆蔬菜球配黑醋汁口感豐富但個皮有點硬及乾身 主菜水波蛋沙克舒卡牛肉中東米飯菲塔奶酪菠菜沙克舒卡雞肉配中東米飯意瓜雜菌配中東米飯 主菜整體都唔錯飯既份量幾多我都食唔曬一碟飯個汁有點唔夠送飯…查看更多

星期五晚上係旺角行到攰攰地又餓餓地天氣又開始秋涼諗住搵間火煱舖坐下食下飲下行到創興門口有好多人派傳單其中呢間價錢最平,人均唔洗$200, 2小時任飲任食價錢十分親民🤩但無BOOK位又驚等得耐不過都諗住上去碰下運氣點知去到門口唔洗拎籌可以直接入因為個場都幾大我地嗌左沙嗲同芫茜皮蛋湯底(不過個湯底都等得有D耐)肉類同海鮮係要寫紙有蜆,蝦,青口,脆肉鯇...其他配料就出去自己拎雖然價錢平,但食物種類都好多例如有鴨血/鵝腸/大腸/牛柏葉/水魷魚....甜品同飲品類別都多元化不過,甜品款我就覺得唔試都可以…查看更多

去完中環街市咁啱見到呢間近日出名既米線舖因為佢餐牌同某間米線舖相近無人等位可以直入，不過要同人塔枱用QR落完單個姐姐話我地無落單搞左一大輪先OK 我同朋友都係諗過試下口味直接叫一碗過橋米線share加$1叫左四川麻辣5小辣 其他個湯底都唔差又唔係太重口味雖然個湯底望落去白雪雪但飲落其實都夠麻同夠辣 米線同餸既份量其實唔多一個人食呢碗過橋米線應該都係啱啱飽我地要求米線爽口d但佢太爽口，爽口到有部分係唔熟仲係硬條，食唔到 餸菜方面牛肉好硬，咬唔郁腩肉好肥又無味豬肉太大片，但好彩唔難咬其他就不過不失酸菜係比較好食同想再食既一款 我同朋友都覺得要食米線都係去返平時食開果間米線舖啦~…查看更多

之前係社交媒體見到朋友去呢間食飯POST靚相自己都心思思想去潮聖下於是約埋朋友仔黎一場飯局個名好靚好特別，開頭以為係浪漫既意思點知原來真正既意思係D食材經過十萬八千里終於到我口裡 首先入內覺得成間餐廳都掛滿乾花好夢幻不過環境偏暗，地方都偏細而且冷氣唔夠涼，越坐越熱(可能我地坐正lift口位) 晚餐加$45可以轉套餐包湯、餐包同$55以下飲品Over $55補差價 當日餐湯係甘荀湯配餐包個湯幾好飲，但個餐包有點硬食左1/4已經唔想食 卡邦尼意粉意粉味道偏重口味卡邦尼D汁好濃好杰 烏魚子櫻花蝦意粉完全食唔到烏魚子只係得櫻花蝦同蒜片可能烏魚子已經溶曬係個汁度不過成碟都偏咸 飲品方面，凍飲都較細杯玫瑰抹茶既抺茶偏濃飲落有DD苦澀玫瑰味唔突出最靚係杯紅寶石朱古力鮮奶，用黎打卡影相都呃到like 總括︰雖然環境優美，但食物同飲品質素唔太好價錢又唔算平，人均消費都要$170左右試過一次唔會再ENCORN...…查看更多

假日得閒行遠少少去食下午茶發現呢個商場有間台灣餐廳疫情咁耐無去過台灣,有D掛住台灣美食仲要有臭臭鍋(去台灣必食之一)立刻叫個大腸鴨血臭臭鍋配百香果綠茶朋友食下午茶餐魯肉飯配蜂蜜紅茶 餐廳唔算多人，座位都坐得舒服 臭臭鍋既配料都幾多, 配白飯一碗仲可以加錢要其他配料,唔建議加配料加配料既價錢都頗貴, 轉烏冬要加$9 本身鍋內有粉絲、菜、金菇、丸、蜆等等味道都幾臭下，整體不過不失呢個價錢都算抵食 魯肉飯既肉燥都多，碗飯雖然望落較細但佢壓平左D飯，份量都夠女仔胃口 由於用餐期間有D不愉快事件店員態度令我唔想再去光顧…查看更多

睇社交媒體知道KCC 8樓開左間日式一人鍋餐廳有日式壽喜燒、韓式泡菜鍋及中式麻辣鍋啱曬鐘意一人打邊爐既人去 當日坐靠窗位置，邊望境邊打邊爐雖然個境只係望馬路同巴士站，但感覺都幾寫意。星期六中午人流較少，坐得闊落同寧靜。 入坐後店員都好詳細介紹食物及QR落單方法 調味區有不同種類的醬油可選日式風味酸汁、蒜蓉及蔥粒。仲有白飯放題任裝 麻辣湯底+安鞍斯牛肉配野菜盛盒另加配烏冬及可樂初初嗌麻辣湯底仲驚會好辣食落一點都唔辣，但個湯底有好大陣麻同辣味，野菜盛盒都幾豐富，雖然量唔多，但種類多 朋友個壽喜燒都唔錯，湯底甜甜但有不同的配菜~ 最重要係不設加一服務費。…查看更多

平時去深井都係食燒鵝多，食到有點厭加上又玩得夜，就搵下有無開得晚夜少少既食肆咁啱比我地發現呢間雞煲店 第一次光顧，食店唔算大但勝在冷氣風扇多，唔驚邊食邊出汗而且店員都好友善，好照顧我地由於太晚既關係，我地都唔想食太多點左半隻雞煲(小辣)、這不是餃子、水魷魚和薯粉 雞煲附上一大堆芫茜，而且味道夠濃，後悔叫左小辣，因為小辣真係無乜辣味但夠香同有少少麻味。雞肉都大件，而且嫩口，唔會好鞋。煲內既洋蔥同蒜頭都入曬味 水魷魚份量都算多，而且好乾淨好爽口。店員仲提我地唔好淥太耐。 薯粉入鍋後好快就熟，吸曬雞煲既味，特別好味~ 特別要讚這不是餃子，黑松露味好突出，加上香菇碎，令人一試愛上我地仲encorn多碟添~ 食完雞煲我地仲點左碟酥炸香茜蠔仔細細粒，脆卜卜，一啖一個，送酒一流。 整體食物質素同店員態度都唔錯只係價錢略嫌貴左少少。 …查看更多