同屋企人遲咗食早餐，見到OpenRice話3:00有八五折，特登等到下午茶3:00先嚟食，點知原來已經冇咗呢個優惠，變成下午茶餐。😢本身諗住食A4和牛漢堡扒飯同埋厚切牛舌飯飯，但可能太晏去，好多菜式已經賣晒，最後叫咗A4牛漢堡扒飯同埋吉列蠔煎蛋飯，前者係全日餐($98)後者係下午茶餐($46)，兩個餐到包烏龍茶/四季春茶。講返A4牛漢堡扒飯，我哋揀咗米青咖喱汁，但個人覺得個咖喱汁唔係好特別，就係普通嘅日式咖喱汁，咖喱汁嘅份量到啱啱好。個漢堡扒都好重牛味，有肉汁，都出色，但係又未去到超出色。啲配菜令到成個餐fresh咗健康咗，隻蛋都好香蛋味。吉列蠔煎蛋飯，我哋都係揀咗米青咖喱汁，隻煎蛋去太陽蛋，有蛋汁流出來好正。個餐有四隻大嘅吉列炸蠔，比我想像中覺得好食同抵食，$46呢個價錢真係冇得輸，唔怪得知三點幾仲咁多人喺度食下午茶啦。總括而言，我覺得呢間餐廳都係好食嘅，如果下次有機會我都係想試個牛舌飯，但應該就要早啲去先至食到了。…Read More
