Yemm的个人专页

我地叫左2個Set lunch，1個大蝦扁意粉🍝，加$12 叫左杯凍Cappuccino🧉 另一個係雞肉意大利飯🍛，再另加$12 叫左杯Flat white ☕️ 。雖然等食物等左半個鐘，但2樣野上枱都好滿意，味道都好好，特別係意大利飯，佢用既唔係一般既意大利米，係意大利粉質地咁，冇咁硬，而且又索哂龍蝦湯，好岩我口味，仲有雞肉唔鞋👍到咖啡，2杯都感覺較淡，如果可以咖啡濃少少就仲好，不過整體都好好，係工廠區可以好好relax下。…查看更多

今日黎到廟街見到呢間Cafe環境好舒服，於是就入去試試。入到去，座位都算闊落，環境的確好岩想清靜下坐下既人。我地點左All day 🍽+ 牛油果手撕豬Pizza🍕, 2杯Flat white☕️, 先講All day , 我地加$20轉左酸種牛角包🥐，$188， 但黎到個賣相就有啲失望，呢個價錢應該可以做得更好。到Pizza, 好味，但唯一想佢改善係切pizza時，唔好切到其中一塊係咩材料都冇😅。到咖啡☕️，一般，咖啡唔夠濃。…查看更多

今日Lunch黎呢間新蒲崗小店窩子，叫左手撕豬窩夫🧇，黑松露菇意粉🍝，加$30 變 lunch set 會有湯🥣同飲品☕️。個湯一上枱都真係幾驚喜😆，冇諗過係Cafe到會飲到蓮藕冬菇花生湯。講返食物，意粉好香黑松露味，好味😋，而手撕豬窩夫份量超大😳，正常女仔應該好難可以食得哂，但味道好好味，建議share會好啲。至於飲品，我地叫左Flat white ☕️同 Hazelnut Latte☕️, Flat white幾香濃，但Hazelnut latte就都幾難頂😰，因為個糖漿冇Hazelnut味之餘，仲甜到有啲怪味😵‍💫，希望會轉下隻Hazelnut 糖漿。…查看更多

當和牛癮起，在疫情底下又無得出走日本之下， 到這間位於尖沙咀，以來自日本高質和牛作主打的燒肉店最好不過平時lunch set 已經好抵，今次專誠來吃晚餐慶祝生日，今天終於一試A5 飛驒牛！生日食豪d , 選了豪華二人餐！包括前菜（沙律，蒸蛋，牛刺身）有燒肉也有涮涮鍋！侍應建議我們先吃涮涮鍋，食燒肉時也建議順序吃，最後才吃西冷！的確很高質，層次感愈吃愈高，油脂分布平均，厚薄適中，入口即溶，肉汁香濃，再配白飯，簡直一流！裝修格局令人覺得身在日本，加上坐位寬敞，可以舒舒服服地享受，十分滿意…查看更多

突然想食糖水，用apps search 下， 見附近得呢間有份，跟手上黎睇食評個個都讚，於是就試試叫左芋圓寶盒(有小丸子，黑珍珠，紅豆，4色芋圓)，紅豆沙小丸子4色芋圓同熱豆腐花，仲好貼心咁跟左5樣野 : 黑糖，黃糖，糖水，椰奶同花奶，認真抵讚3樣糖水都好高水準，紅豆沙唔會太甜，但如果有小小陳皮味會正啲，到芋圓寶盒，真係好豐富，唔會每樣得幾粒，特別要講既係芋圓同小丸子，軟硬適中，而且少少煙韌到豆腐花，夠滑，但嫌欠豆味，但都係唔錯，整體3樣都好滿意，一定會再有下次…查看更多

聽聞公司附近新開車仔麵店，同事仲話Lunch time 行過都好多人等外賣，今日決定約埋同事A去試試佢雖然店外貼住繁忙時間等20mins, 但我地叫到拎到外賣都係10mins內既事，我就叫左墨魚頭，牛根薯粉配麻辣醬少辣湯底，同事A叫左自家制豬肉釀豆卜，墨魚頭薯粉配麻辣醬少辣湯底先講自家制豬肉豆卜，會以為豆卜開邊鑲，但原來唔係，係成粒豆卜，啲豬肉似用針筒唧落去，同事A話豬肉似手打過，果然推介不過唔記得影相到墨魚頭，好爽脆，而且分量好足到牛根，唔會太硬/太淋，入味淋滑到紅薯粉，同樣唔會煮到太淋or未夠熟，岩岩好至於麻辣醬湯底，我地叫少辣都好夠麻同辣，岩哂我地呢啲唔太食得辣但又想有少少麻辣效果既粉麵…查看更多

一向鍾意食芋圓既我見到呢間嚐仙，見入面都坐滿人同睇到食評都OK，所以就決定去試試。 我地叫左招牌雙芋仙草奶凍同黃金地瓜泥豆花。雙芋仙草奶凍 $45因為疫情改用外賣碗，份量比較少，同埋落嗰啲白色唔似奶/椰奶既野，加上仙草太淋，實在唔會有下次黃金地瓜泥豆花 $45同樣份量算少，但材料豐富，有珍珠，芋圓，地瓜泥，豆腐花。地瓜泥都幾滑，重蕃薯味，跟住豆腐花都係幾滑同幾有豆味，所以呢碗比佢地碗招牌仙草凍更加優勝。…查看更多

朋友話呢間係大喜屋高級版，因為有醉鮑魚，海膽手卷等等，所以佢生日就話黎試試:)開始當然叫哂啲最多人介紹，例如海膽杯 : 可以唔洗食海膽手卷 : 堅多海膽，唔腥醉鮑魚 : 好入味，好淋燒鰻魚 : 好肥味燒和牛 : 個人認為最好味，所以叫多左轉花膠 : 食過就ok, 冇特別鮮奶燉木瓜 : 的確放題係好少見，好味的確好多推介係好味，但竟然最著普通既串燒雞翼，咩味都冇之餘，咬落去係好勁雪藏味，串燒翠肉瓜，2串都唔熟。到必食刺身，2款蝦(赤蝦，甜蝦)都唔新鮮總括黎講，如果係好飲得清酒，梅酒，紅白酒，呢到係好抵，但如果好似我地咁，淨食放題，呢個價錢就會有好多選擇。…查看更多

呢區食呢種韓式快餐真係好少，因為今日15既關係，同事話黎食泡菜鍋，點知一問之下，原來泡菜鍋個湯底係有肉，諗住要轉其他餐廳既時候，疑似老闆好好咁話，叫同事叫石鍋飯，咁就可以走肉，所以大家就坐低食。我呢就叫左豆腐海鮮鍋，包飯，$49，野飲就另加$10。雖然全鍋得1隻蝦1隻青口，但豆腐好滑亦都好多，湯底仲有啲青瓜薄片，洋蔥，味道都唔算太辣，真係可以送到一碗飯同場仲見到好多人食辣炒豬/牛/雞， 會同鐵板上，除左飲仲有好多椰菜同汁，份量都好多，下次會試。講真同區食個餐，下下都4十幾蚊，所以有時掛住啲韓式野都可以黎呢到食下…查看更多

11點幾突然想食下宵夜，但又唔想食茶餐廳又唔想食糖水，所以最後我地入左呢間米線鋪。一向都好鍾意食米線，亦知呢間經常比人評分好高，今次黎到，我地好比心機揀餸時，竟然接到張紙話比我地知有成10樣野已經冇哂，都明既，人地都就收鋪，所以最後我淨係揀左腐皮角少辣正常酸少米線，呢到辣度分得好清，每級中間都會再細分，啫少辣同中辣中間會有少中辣，跟住多咩少咩亦都分得好好，所以一張紙攪掂哂一上枱，飲啖湯先，少辣比出面較唔辣，亦偏酸，米線亦都淋左啲，腐皮角OK啦，始終唔係自己想食既餸，但整體都OK，頂到下雲南酸辣種米線味…查看更多

自從N年前係紅磡食過媽咪雞蛋仔之後，都覺得佢地的確幾好味，所以今日係荃灣見到，都諗住買返底邊行邊食，但呢到一個人都冇，完全唔洗排隊，最初以為係位置問題，但原來.....等左幾分鐘，原味雞蛋仔就拎得，熱辣辣，識食雞蛋仔都知要吹凍少少，先外脆內軟，所以我等左幾分鐘，一搣.....咩事，唔脆，再食，un架喎，望下成底野，膠咁既，個表面令架喎，究竟係咪模型黎...真係明明都係同一間野，點解質素差咁遠，真係要好好改善下個配方…查看更多

又係黎深水埗搵食，今次上openrice搵下有咩正茶餐廳，因為一心想食沙嗲牛肉麵，最後揀左呢間:)一入黎，獨特復古裝修的確令人對餐廳加分，無論櫈，餐牌，就連放糖既樽同放餐牌既袋都特別過人，真係要慢慢欣賞講返食物，我當然叫左沙嗲牛肉麵，早餐腸太陽蛋多士同茶走，今次決定先苦後甜那碟腸仔蛋真係，其實簡單一條廚師腸已經好好，呢到條腸仔又咸又細條，真係扣分因為佢到期待既沙嗲牛肉麵，真心正，一來佢個麵好夠份量，同一般茶餐廳差左成半，跟住啲牛肉亦唔係大部分茶餐廳既“碎“牛，呢到係大大片，仲有起碼5片，搭多條菜，真係正，但同行朋友嫌佢唔夠沙嗲味到茶走，夠濃夠香夠滑…查看更多

早排Facebook不斷見到介紹呢間麻辣燙，話每串$7，睇落好抵咁，真係去食過至知去到可能因為成5點既關係，食客唔多，食材擺放地方好企理，好，揀下餸先揀左油麥菜，牛栢葉，木耳，牛丸同大大塊豆卜，呢塊豆卜真係除左係台灣見過之外，係香港真係好少見，佢吸濕程度應該同塊百潔布冇分別，所以黎到見到真係一定要試，佢索哂個麻辣湯真係冇得輸，其餘4樣應該唔洗介紹，但嫌佢份量太少，特別係牛栢葉，因為熟左之後，得返3小舊呢到係揀完餸再揀麵，我揀左闊條薯麵，超正，跟住再揀小麻辣，跟住成盤野就先安排煮熟，個湯底好正，可以頂到你掛住台灣麻辣火鍋癮仲有$1x有杯大大杯青檸梳打，配麻辣湯一流…查看更多

今日黎到深水埗搵食，行過呢間好古色檳城feel既鋪頭，忍唔住推開嗰對木門入去試試，我地叫左招牌肉肉骨茶，牛腩椰漿飯，亞參叻沙同白咖啡椰漿飯一放低真係好開心，因為又紅又黃又綠咁，好精彩，食過馬來西亞椰漿飯都知，呢個飯一定會有啲魚仔，薯仔，呢2樣都好好味，再加上牛腩，又入味又淋，好正，花生仲好脆到招牌肉骨茶，呢到係無限refill, 但我個人覺得唔太夠味，所以ok 咁啦到亞參叻沙，略嫌唔夠辣，又或者嗰種辣唔夠係檳城食嗰種香辣味，但係香港食到咁既質素已經叫好好到白咖啡，最失望既一樣野，因為係馬來西亞飲既每一杯都好好飲，好濃嗰種白咖啡專屬既味道，但係呢到飲呢杯，真係3合1都好味過佢…查看更多

係Facebook見呢間酒店以龍蝦做吸晴吸客，跟住見Dinner buffet都只係3百幾，所以就即刻book位試一試，點知成個場都幾細，食物選擇就緊加唔洗講，而家做緊泰國主題，但好特色咁有燒魔鬼魚，仲有大蝦冬陰公，串燒，蒸魚，海鮮焗飯，海南雞等等，熱盤選擇唔多。到最令人期待既凍海鮮，有8款咁多，有龍蝦，麵包蟹，翡翠螺，蜆，蝦，青口，應該係好吸引，但呢到員工fill野好慢，龍蝦每次出3，4隻，根本比排前面2，3個人已經拎哂，每次又要等幾個字先再出，真係.....但值得一提係呢到好多泰國水果，好抵讚，龍眼，紅毛丹(出得一次得一盤)，木瓜，青芒果，菠蘿，樣樣都好甜好好味…查看更多