Baiscal的个人专页

沒有訂位，沒有排籌，就在外面等幾個鐘。說真的，如果等了幾小時但吃落的時候都無什麼特別的衝擊，老實講同失望沒有什麼分別。招呼很好，大家都很有禮貌，整個格局我都覺得合乎期望，抽氣做得好好，不過炭火燒卻沒有煙火的香味，我覺得較為失色。3個漢堡的味道，沒有覺得特別經驗。反而兩個另外叫的小配菜還不錯。個泡菜很合口我口味，個傻仔沙律就很一般了。最好食其實係個飯，那些配肉的醬（Miso 個個）其實真係可以配飯食。如果大家喜歡真係不如食多幾碗飯，反正免費。好彩今次係一個人去食，無帶老婆去，不然很難交代。…查看更多

呢間小店呢就中午都食過幾次㗎喇。尤其是杯奶茶，中午飯唔飲杯奶茶真係唔得，呢到杯奶茶認真唔錯，不過就冇影到相。下次去試嘅朋友呢都係試下。之前食過佢哋嘅魚蛋麵呀，雲吞麵呀，味道都係幾好嘅。咁今次呢主要呢就食佢個牛腩啦。唔想食麵，就叫番個爭牛腩，咁嘅價錢，呢到個份量都正常啦，最緊要他們可以叫半份。個啲牛腩呢都真係幾唔錯㗎，半份量呢都係唔少嘅。大家如果有興趣真係可以去試下。個辣椒油我就覺得可以再進步。地方就比較細，如果一班人想食，最好都係叫外賣喇。…查看更多

已經有一段時間冇嚟呢間餐廳飲咖啡喇，不過佢哋每次都有一啲好特別嘅咖啡味道，如果只考慮休息一下飲杯咖啡其實都係一個好選擇。不過最近來飲親凍飲都係用紙飲管，呢邊都唔例外，但係用啲紙嘅管，個人真係唔習慣。並唔係話唔想環保但係好多時候呢飲咗一半嗰支飲管就已經溶咗一半呀。其實都係有啲唔方便嘅不如佢試下走飲管喇，飲凍飲其實有冇飲管我都冇乜所謂。食野次次都係好一般，但有最低消費，所以無辦法，呢度個nachos呢其實真係下次唔會再叫㗎啦。因為嗰啲nachos基本上都係乸埋曬一舊。玉米片都冧曬，醬同料嘅比例又好似怪怪哋。如果下次大家去都係叫多杯野飲，其他小食就冇必要再叫喇。…查看更多

每次想辦小型宴會都會放天寶閣為其中一個選擇，食物穩定，招呼到位，就算係小菜都做得好好天下第一豬，唔係第一次食，但係真係用料真係唔錯，就係食皮“脆”一個字，雖然個包我唔係太喜歡，因為每次疊起的籠子，底下個曾包都變軟了，希望以後能分開上。炸子雞，可以話中上水準，不過皮唔夠脆，呢個可以改善下。鴨肝帶子，嗯好厚，一齊食個味道夠香，不過有點厚，像小漢堡。我鍾意底個快米通，一定要加起來食。呢個小菜我比5星，一個炒球，一點都唔簡單，隨了個蠔油極其普通需要改進外，我下次會再叫。燕窩Tart...嗯。。料足夠，無味，唔太會欣賞。生日幫我們臨時準備到壽包，感謝。個樣普通，但味道傳統，蛋黃流油，蓮蓉夠滑。…查看更多

附近上班，有時候都會來吃午飯。老婆好少入元朗，今次來接我，不過因為趕時間無辦法帶她食好野，所以今次和老婆來食個快晚餐，等老婆放心知道我平時食午飯都唔會對自己太差老婆叫了這個鴨胸撈麵，我以前都未叫過，無辦法啦，個量實在太少，我午餐食玩怕要去隔離7仔整個麵包先夠飽。味道有點濃，鴨幾好味就真。豬雜河粉，基本上我每次都叫呢個，每樣都比少少，對選擇困難的我係最好的選擇。個湯每次我都會飲嗮，調味真係唔錯，冬天來一碗就梗好了。鍾意吃辣的朋友，個辣椒油我誠意推介，香辣鹹最後呢個價錢食碗麵，比老婆知我原來這麼奢侈決定叫我以後帶午飯。。…查看更多

朋友生日，約了呢間法國菜，我會覺得係 普通fusion ，未感受到法國菜的精緻同用心。見到好多寫唔錯的食評，我會覺得可能係價錢吸引吧。食物方面就同價錢成比例而已不會有什麼驚喜。個幾點醬係完全唔配合個食物的，個肝醬上面層野，無味道的。。其實如果係大膽點做酸點會比較好，個肝凍我就不評價了。招牌，味道唔錯。。不過個幾點醬又出現。。想點？個湯我幾鍾意，雖然唔夠熱，可能係個盤忘了加熱，細節野。好味啊，不過個皮唔脆~甜品，法國甜品？希望你味道可以大膽特出點。呢個價錢，唔好強求。服務上，除了個主server係唔錯之外，其他應該係part time, 餐具忘了上，上餐中間過，叫水差點要大叫。。浪費了主server的用心了。。細節野。。…查看更多

住係附近，比個地圖誤導了，好彩知道地址，如果唔係靠個地圖真係搵唔到，哈哈。。美乎都有幾間茶樓，其實去點心店都係兩個原因。1. 夜晚都有點心食2. 希望食物特別點可以嘗試鏈鎖酒樓沒有的味道。可惜，和鏈鎖的沒有太大差別。。。鮮蝦腸粉味道都唔差，不過就沒什麼特別。份量也細，起碼係對比其他點心店細，唉。。價錢對比落去就真係麻麻。。炸蘿蔔糕，我其實覺得炸得唔錯，不過醬就另外上啦。叫得豬仔流沙包，點可以唔玩下嘔流殺6呢下呢~~鳳爪排骨籠仔飯，鳳爪雪味有點大，基本上我鍾意個飯帶少少葉味，但係如果分開整放落去，就不如食普通蒸飯了。…查看更多

假期午餐唔洗等位就已經好難得。老婆話要食燒烤，又唔想午餐就任食，好彩係唔想等位的情況下撞入呢間。點了兩個定食，講真不如一開始就收貴少少，選個飯或麵都加幾種價錢，對有選擇困難的我都幾苦惱。。最後我加了錢叫個蔥加蛋飯，希望係可以生食用的日本蛋啦。。不過唔多想，有點太鹹，我加了個白飯落去搞埋都係鹹，好彩我個腎應該唔錯，大家記住加個白飯落去搞下，唔係就。。。切好放雪櫃，加點醬上檯，幾方便。喇，呢個要考慮下蔥同牛放埋一齊，都係生，所以我唯有加埋落去一齊烤，最後我技術差。。烤燶嗮。。sorry左下個薯容。。已經調味了，希望唔好加麻醬啦。。午餐，我係覺得唔錯的，大家可以try try.…查看更多

午餐味道不錯份量足夠，食物如餐牌上的展示圖。有前菜，蛋料理，湯，主菜，甜品，餐飲。老婆特別喜歡他們的前菜，主菜其實不錯，好多人想叫魚生飯，但星期一食飯時間竟然話已經無貨了，好彩叫了最後一客，應該新鮮。湯就普通，家裡自己整到個種，餐飲就飲不飲都無所謂了，200蚊一個午餐，飽。特別經驗：我可能食得快，差不多食完自己個份，老婆個份先到，希望改進。服務員希望你著翻件制服，Polo加運動褲，有時候好難知道你係到做野。…查看更多