sharenbb的个人专页

睇完 Openrice 的 comments, 決定去撐佢！以茶餐廳而言，環境算十分乾淨，坐得舒服！下午茶時段，點了貴妃雞米粉 + 熱飲，$40。 貴妃雞件件都是雞髀肉，夠味又嫩滑， 仲有薑蓉配搭，正！ 個湯又好味， 最重要是個湯冇味精，因本人對味精十分敏感，飲了它的湯身體亦冇異樣！👍睇到之前有comment 話收錢的婆婆態度不好，但我反而覺得她好叻！看她的年紀已不少，但她還很精靈醒目， 收錢時不停提我睇清楚個數，唔好拍錯卡(八達通); 我答，知道唔該曬！臨走時，佢仲大大聲同我講"多謝"！…查看更多

I called on May 28 to make reservation for lunch for a group of 8 on June 6 at 12 noon. The operator reminded me that it is a small restaurant so they want us to get there on time; and I agreed.On the day, we arrived at 11:50am; we found that there was a group of 6 (westerners) just started eating, & another group of 4 just got seated. Then they told us that our table will be ready at 1pm. This is absolutely ridiculous. Their explanation is those people are earlier ..... this is such an unacceptable reason. Then what is the point of making reservation; or is it because they are westerners? Such a lousy service. NEVER come back!…查看更多

經過太子，眼見放在店內的水果非常新鮮，種類繁多; 而可供打汁的水果選擇亦頗為特別，有別於一般的果汁店，故幫襯試試; 除一般的水果外，較為特別的選擇有牛油果， 無花果，紅菜頭，金桔……我們選了 1)菠蘿番石榴蘋果汁 2)金桔雪梨木瓜汁。 果汁真是真材實料，完全冇加糖水，100%全生果，非常清新鮮甜， 一大杯都只是30至35元，抵！第一杯非常清甜可口; 第二杯金桔味太搶， 未必人人啱！下次會試其他種類！…查看更多

約朋友到黃店 cafe 支持！餐廳內裝修簡潔，好有文青 feel.因是關門前一小時才到，所以選擇已不多！Order 了 Bagel, 蛋糕 和 Latte. Bagel 應該是自家製，今日的餡是 tuna fish. 食落個包還是暖暖的，有少少脆少少軟，不錯！個蛋糕唔記得叫乜名，但估唔到的清新，好好味！但略嫌細件咗啲，如果可以大件些就完美了！下次一定要早些到，希望可以試到其他麵包蛋糕。…查看更多

志同道合的朋友一齊支持黃店！ 一行四人叫了四人套餐: 有湯, 沙律, 青口， 咸豬手，肉眼扒，意粉 (唔記得影相), 甜品, 飲品; 簡直大滿足！ 每道菜都非常美味，份量又足, 三樣主菜都食唔曬，覺得有點浪費！鴨胸蜜桃沙律: 沙律菜非常新鮮 😋香草忌廉煮青口: 我比較喜歡傑的獻汁，所以這個忌廉汁對我來說有點稀，但青口食落仍有忌廉汁味 😋咸豬手: 個皮焗得非常脆口，好似乳豬皮咁脆，推薦 😋肉眼扒: 我們叫了七成熟，完全恰到好處, 完全不"鞋", 塊肉仲好 juicy 😋黑松露忌廉汁扁意粉 (唔記得影相): 好味 😋Waffle: 即叫即整，入口還是脆的 👍😋4人餐仲有7折，upgrade 咗個肉眼扒，每人都只須 $224, 超抵！…查看更多

撐黃店！今次專登來支持"告急"黃店！跟店員傾談，因疫情影響令生意大跌。為求能繼續經營，餐廳現推出特惠午餐 (生牛肉，打邊爐食品，熟食食物，飲品，雪糕，甜品任食): HK$68 牛肉任食HK$128 安格斯牛肉任食餐廳環境不算大，食物質素算不錯; 打邊爐食品當中居然有其他地方少有的魚板(有 驚喜, 因阿女非常喜歡)。而湯底方面有很多選擇，我們選了壽喜鍋，味道帶甜，淥熟的食物不用點豉油已夠味。總括而言，超值又味美！加油！…查看更多

撐黃店！今次專登來支持"告急"黃店！估唔到點心用料新鮮足料，好味！今次試了芝士春卷，和風脆皮海鮮腸，鮑汁花膠花菇飯。春卷和脆皮腸炸得剛好，非常脆口！個飯估唔到有咁多片花膠，食完超飽！下次一定試虾多士！因現在很多人避免出外用膳，所以見到好多人叫 網上外賣平台 外賣.另帶一提，餐廳頗注重衛生。 每位客人入店時， 職員會叫客人用搓手液消毒，跟住每人會被派發一個紙袋用來裝口罩。加油！…查看更多

星期日下午經過，見門口 poster 頗吸引，便抱有寄望的入去試試。我們一家三口叫了精選蛋糕(女兒選了 Blueberry Cheese Cake), 紫薯拿破崙和朱古力布朗尼窩夫。個cheese cake 好唔得，冇乜芝士味，阿囡食了兩啖已話唔掂，話仲差過我在家自己整的！見到個拿破崙真的有點 surprise, 冇諗過佢哋會用現成酥皮來 serve, 我唔識整酥皮就話用現成啫，但佢主力 sell 糕點都用，真是十分失望！個窩夫算最正常, 又熱又脆又有朱古力味。以下午茶來講，價錢一點都不便宜，唔會再有下次！…查看更多

它剛開張時光顧過一次食早餐，當時覺得麻麻地，所以一直没有再光顧。星期日下午想食下午茶，剛剛經過，諗住下午茶衰極有限啫，就俾多次機會佢啦！叫了個菠蘿油茶餐，点知衰到冇朋友！個菠蘿飽已經是買回來的，它只須加塊鲜牛油就已經可以上枱。真係估佢唔到，菠蘿油一上枱，個飽出晒煙，一睇就知"賴野"。個飽用微波爐高温叮熱，個飽完全係又濕又"林"。簡直離晒譜，菠蘿飽是要食它的脆皮面，"林"晒濕晒点食啊！食咗一啖，裡面塊牛油已經溶晒，攪到個飽濕上加濕，極之難食！咁無心煮食物，不如唔好做！以後一定唔會再光顧！…查看更多

兩星期前的星期六第一次來光顧，訂了 7:30pm 枱，到當晚 7:30pm 左右，他們打來查詢我們是否會到，並告知當晚只有我們一枱三人的 booking. 聽後有點擔心。到達後仍是空無一人，真的擔心選錯餐廳。它的 set dinner 價錢由$153-$268 包湯，頭盤，主菜，甜品和飲品。餐廳環境十分平實，没有特別的裝修，播着輕柔的英文歌，感覺頗舒適！Soup of the day 是西蘭花湯，因從未飲過，飲落有驚喜！估唔到咁有西蘭花的蔬菜味，而且好滑好香！另外值得一讚是跟湯上的多士，是將蕃茄粒，香草，Olive oil 混在一起放在多士上。這顯出厨師/餐廳的用心！頭盤選了白汁芝士焗扇貝和炸虾餅。扇貝味道普通，相比之下炸虾餅比較香脆味美。主菜選了烤春雞，蟹肉意大利飯和烤羊架。我本身不太好烤雞，怕有雪味和"鞋"，但它的雞用了香草和其他調味料醃，烤得剛好，比我意料的好！我最喜歡烤羊架，它做的一點也不羶，肉質嬾滑香口，好味！蟹肉意大利飯賣相不太好，但上枱時已聞到好香的蟹肉味，菇亦炒得好香好入味，食落好夾好味。不過食慣意大利飯的人可能嫌它不夠飯芯，不夠實。甜品有意式奶凍和芝士蛋糕，兩者沒什麼特別！總括而言，現時在香港要以$200 食到這樣好質料的西餐，實在非常難找！值得支持！昨晚亦介紹朋友一起前來。昨晚的餐湯是粟米蟹肉湯，這又是另一次的驚喜！朋友亦讚它的湯和蕃茄粒多士做得很美味。其他選的跟上次差不多，但今次試埋安格斯肉眼扒。這個扒亦很嬾滑和入味，大家都讚好！…查看更多

點了咖喱黑椒芝士牛肉飯，本以為咖喱是大部分餐廳會選用的日式咖喱醬汁，誰知餐廳只是將咖喱粉散在飯上，食客要自己撈勻碟飯 (可惜没有影相)。撈勻後，飯的賣相麻麻，食落味道更差，咖喱粉的味道唔掂有苦涩味，好難食！Menu 上的相片和實際的真係差好遠！朋友點了黑椒牛肉飯，味道普通但正常，還可以！…查看更多

超喜歡食 egg benedict 的我, 估唔到在柴灣舊區都揾到食。相比之下，它的價錢十分平宜，因在其他餐廳，最平亦要超過一百元一份，這只收$62。它的份量亦不小，味道亦不錯。但環境比較遜色，在找它的所處時，真不相信它是在室內運動場內2樓的暗角位置，而樓下亦沒有什麼指示，實太可惜！…查看更多

星期日 11am 入店，我們是第一枱客，點了推介點心: 金紗米網蝦腸粉和真係菠蘿包，香竽櫻花蝦燒賣，味菜銀芽蝦滑窩米粉。四樣只有金紗米網蝦腸粉好味，內像蝦春卷般，非常香脆！真係菠蘿包完全唔掂，一放入口，個包面好熱，但裡面又實又韌，一食就知是用微波爐返叮。裡面好像奶王醬的東西少到不得了，只有小包的三分一，而食到最後一啖才食到一塊很小很小的菠蘿片。十元一小個菠蘿包，實在不值！另外兩樣，沒什麼特別！…查看更多

這裡地方寬敞，坐得非常舒適，人亦不多，大部份是本地人和外國人，不用搶食，而食物亦不斷增添，沒有冷場，食得非常暢快！8pm 餐廳亦安排了小朋友自製甜品的小環節， 很有心思。餐廳自助餐的食物種類非常豐富，本人覺得他們的冷盤/頭盤和甜品做得較為出色，而種類亦非常多。而熱葐跟一般的差不多。 :) 我最喜愛的新鮮沙律菜和芝士 platter 就完全滿足到我的要求。 :) 生蠔，長腳蟹，蝦，龍虾仔，蟹，青口，螺都頗新鮮味美。但魚生就較失色，完全沒有味道。寿司都算不錯。 :) 最出色的甜品有 即製雜果pancake， 朱古力噴泉， Haagen-Dazs 雪糕，各款各樣的西式蛋糕及中式糖水和糕點(蛋散，芝麻糕等)。但因已食得飽，沒法一一品嘗。…查看更多

看了 openrice 的評語，昨晚連大連細一行 15 人來到試試這間餐廳。本以為店舖一定好細，座得会不舒服；但完全不是。以橫街小店來說，這裡算不錯。因有 15人，我們叫了很多很多的菜式；但亦因太多，塲面混亂，沒有影相；唯有下次補返。食方面，每款都不錯，魚生新鮮，燒牛舌，燒雞亦，三文魚鮫都燒得恰到好處，好味美。叫了蒸蛋给小朋友，看落都很滑。清酒蜆有好香的酒味，不錯。還叫了不同的寿司，魚生飯，鰻魚飯，冷烏冬，雜菜牛肉煲等等；總之對這餐非常滿意，價錢亦相宜，每位都只是百多元。必有下次。:)…查看更多