rickychauyk的個人專頁

服務態度：收銀員親切有禮一進店就感受到收銀員的熱情，態度友善且耐心解答問題，點餐過程順暢，這部分的體驗確實加分。 食物份量 vs. 價錢：不合理地少這次點了兩份「下午茶套餐」，包括一份咖喱雞扒丼、牛舌芝士焗飯和兩杯**招牌奶茶，價格$90。然而，食物份量明顯偏少——咖喱雞扒丼根本不是雞扒，只是幾塊雞件，加三啖白飯，至於牛舌芝士焗飯也只是三塊牛舌加兩啖飯，最令人氣結是追加$4嘅牛油多士，用樣子唔多新鮮嘅去邊薄方包，只是輕輕烘焙一下，俾一小塊盒裝牛油，真係冇用心做食物….! 以這個價位來說，性價比實在不高。 味道評價：丼及飯味道中規中矩，無驚喜招牌奶茶：最令人失望！茶味淡如水，甜味卻過重，完全喝不出港式奶茶應有的濃郁茶香，更像是「甜奶水」。 總結：不會回頭，性價比低*雖然服務態度良好，但食物份量少、味道普通，招牌奶茶更是名不副實。同樣價錢在其他茶餐廳能吃到更豐富的下午茶，這裡的整體表現難以讓人滿意。除非特別追求服務體驗，否則不推薦。…查看更多

撲面而來的是昏黃燈光與木質裝潢交織的溫暖氛圍，耳邊傳來輕柔的爵士樂，讓人瞬間放鬆。侍應們笑容親切，可惜的是經理的服務態度來得機械化，有點冰冷，他放下餐牌就轉身離開，與店內暖意格格不入。 食物：驚喜與遺憾並存，介紹幾道印象較深的菜:**前菜：陳醋烤茄子牛油果沙律配芝麻醬（10/10）** 這道沙律絕對是當日亮點！烤茄子軟糯帶焦香，與綿密牛油果形成絕妙對比，陳醋的微酸與濃郁芝麻醬平衡得恰到好處，每一口都層次分明。份量雖不算多，但食材新鮮度無可挑剔，值得為它專程再訪。 **主菜：炭燒豬鞍配埃曼塔芝士及普羅旺斯燉菜（6/10）** 豬鞍火候稍過，邊緣略顯乾柴，幸而埃曼塔芝士的奶香稍作補救。普羅旺斯燉菜倒是清爽入味，迷迭香汁若能多淋一些，或能掩蓋肉質的平庸。整體而言，這道菜對「健康小肥」的食客或許合適（低脂少調味），但追求驚艷味覺的人可能會失望。 ### **小敗筆：午餐不包咖啡** 在人均消費不低的定位下，套餐未包含咖啡或茶，需額外加購，難免讓人有種「被割一刀」的微妙感。若店家能調整這點，整體體驗會更圓滿。 ### **總結：值得一試，但別期待完美** 這裡適合追求「溫馨感」勝過「儀式感」的食客——只要避開經理的眼神、專注於那道滿分沙律，仍是一頓愉悅的午餐。**評分：★★★☆☆（3.5/5）** **亮點：沙律、服務生溫度｜改進點：主菜穩定性、經理態度**…查看更多

電視節目介紹過呢間餐廳，今日慕名而來，餐廳裝修稍欠型格，但整齊舒適，座位之間距離寬敞，食物味道更帶嚟咗意外驚喜。**活蜆手撕雞米線**：味噌清酒湯底嘅清甜，完全冇味精嘅感覺，飲得出係用真材實料熬製而成。活蜆新鮮飽滿，米線彈牙，每一啖都充滿住湯底嘅精華。**活蜆米線配燒香茅豬扒**：豬扒經過香茅醃製，煎至金黃色，外皮香脆，內裡 juicy，香茅味濃郁，但唔會搶咗豬肉本身嘅鮮味，令人食慾大增。**9分鐘雞翼**：雞翼肉質嫩滑，加入八角令香味更加有層次，零舍唔同，令人食過返尋味。**熱奶茶**：唯一美中不足嘅係熱奶茶，茶底稍嫌欠缺紅茶嘅香濃，反而普洱茶味過重，掩蓋咗奶茶應有嘅風味。總體而言，呢間茶餐廳嘅食物質素令人滿意，尤其係活蜆米線同燒香茅豬扒，絕對值得一試。希望店家可以改進奶茶嘅配方，令到整體用餐體驗更加完美。…查看更多

食物味道: 我第一次試安利嘅出品，但並唔係魚蛋粉，而係牛筋腩河，牛腩汁香味濃而不會太鹹，牛筋和牛腩都炆得超稔，牛腩仍保持有嚼勁，十分難得，牛筋稔到有啲似食花膠，真係要俾LIKE，河粉切成比較幼身，我個人覺得更能吸收腩汁嘅味道。食物份量: 普通飯碗份量，有九件大小不同的牛筋腩，份量算係相當多，食完都覺得飽飽價錢: 以中環嚟講係合理價環境: food court嚟講算唔錯，不過座位及枱都偏細服務: food court就冇乜服務可言回頭指數(10分滿分): 10分…查看更多

食物味道: 呢間店子嘅菜式別樹一格，部份菜式採用嘅食材亦都與眾不同，呢個季節嘅主打係海蠣，甚有特色，香港好難搵到相類似嘅店子，莆田每道菜都睇得出用心製作，不過味道始終有啲瑕疵，食物份量: 每道菜即使係例牌，亦份量十足，唔會又貴又細，值得一讚價錢: 合理價錢，物有所值環境: 新裝修簡潔典雅，枱與枱之間寬敞，非常舒服服務: 殷勤有禮，不過客人多嘅時候，由於人手不足，服務員顯得有啲匆忙回頭指數(10分滿分): 10分…查看更多

食物味道: Both Street 主打刈包，網上大讚呢間源自於元朗嘅刈包店，中環新開呢間店亦見大排長龍，好奇地試下佢哋嘅刈包，發覺味道的確唔錯，刈包軟綿綿，餡料味香濃，賣相了得，係食米飯之外嘅一個好選擇食物份量: 個包唔算係好大，但覺得飽肚價錢: 一個包已經等於一碟飯嘅價錢，唔便宜，不過中環租金昂貴，所以亦都合理環境: food court格局，唔好期望太舒服服務: 快餐形式，冇乜服務可言回頭指數(10分滿分): 8分…查看更多

食物味道: 兩款主菜軟殼蟹辣肉腸意粉及半隻燒雞味道OK，但算不上有特色，賣相也沒有特別，平平無奇。食物份量: 湯嘅份量充足，主菜份量偏少，大胃王未必夠食，價錢: 價錢算中等，不過餐湯及飲品只能選其一，咁我就覺得貴咗啲，其實包埋杯飲令食客對整個餐感覺更完滿，成本也算太多而已。環境: 裝修普普通通，座位比較窄，現場環境頗為嘈吵，加上播放啲音樂都好大聲，傾偈時候要提高音量服務: 行貨，愛理不理咁囉回頭指數(10分滿分): 2分…查看更多

食物味道: 個別嘅點心很有水準，但整體而言，食物味道未算令人眼前一亮，或者係米芝蓮食府嘅銜頭累事，令人以高期望嘅心情去食，失望嘅心情去評，如果純粹以一間酒店中菜廳去品評，食品係達到水準的。食物份量: 正常價錢: 跟同級酒店中菜廳價錢差不多環境: 裝修簡單而奢華，但可能因為樓底矮，現場食客傾計聲浪顯得十分大，可以用嘈吵來形容，再加上播放音樂，若要傾計都需要再提高聲量，嘈上加嘈，同呢度奢華嘅裝修格格不入。服務: 服務員有禮貌，但係欠缺笑容，帶點冷漠，並不殷勤，上菜嘅時候亦冇向客人講出菜名，上菜亦粗魯地放喺枱面，當我哋追單，服務員只用愛理不理嘅態度說：「我哋幫你落咗單啊，幫你追追」，跟住頭也不回就走咗，成餐飯亦無幫我哋換過碟，作為米芝蓮高級食府嘅級數，顯得唔係咁相配，不過經理嘅態度很友善，值得一讚，另外星期日早上定左兩段用餐時間，頭段為10:30-12:15pm，高級餐廳有兩段咁短嘅用餐時間，似茶餐廳和小店呢！總結一句，現場環境嘈吵，服務員態度唔能夠稱得上係米芝蓮星級餐廳水準，定立用餐時間令級數顯低，食物水準只算達標，未感覺係米芝蓮星級級數，以米芝蓮星級餐廳嚟評，實屬不合格，故給予劣評。…查看更多

食物味道: 我估羲和小館散叫嘅菜式會比較出色，而午市嘅價錢走大眾化嘅路線，質素只係中規中矩，好難期望有貴菜平食嘅情況，今次嘅午餐我所選嘅「鮑汁雞粒炆飯」，出乎意料之外，味道及賣相十分討好，前菜「蜜汁脆芋絲」都好有水準。食物份量: 前菜好細碟，泡飯及炆飯份量還可，如果唔係特別大食，午餐都可以食得飽飽。價錢: 大眾化價錢，物有所值。環境: 羲和小館係屬於價錢比較親民嘅餐廳，裝修雖然唔算唐璜，但仍算整齊舒服。服務: 侍應態度普通啦，未算殷勤，最莫名其妙係有一位女侍應已經見到我哋張枱啱啱上咗好多前菜及飯，竟然走埋嚟問我哋要唔要上埋甜品？但其實落單之前另一位侍應已經話甜品唔會上住，等我哋食晒飯餸之後先會上！回頭指數(10分滿分): 6分…查看更多

食物味道: 湯及飯嘅味道做得10分有誠意，可惜湯及脆脆豬扒飯上枱唔夠熱，印象大打折扣，希望餐廳多加留意，不過侍應服務態度都好好，即刻幫我哋更換。祥仔嘅飯及意粉食材簡單，但睇得出煮功花咗一啲心思，味道做得唔錯。食物份量: 份量十足十，夠晒食啦價錢: 大眾化嘅價錢，喺尖沙咀K-11算抵食環境: 感覺寬敞，周圍都用上植物做裝飾，睇落十分舒服，增加食慾。服務: 服務員態度親切有禮，充滿笑容。回頭指數(10分滿分): 8分…查看更多

食物味道: 對這家高級中式餐廳嚟講，食客要求總會比對一般嘅酒樓稍高，夏宮食物水準的確有不少瑕疵，例如金腿蘿蔔絲酥餅和香茜叉燒蒸腸粉內餡竟然只係暖唔係熱，令我大失所望，瑤柱小籠包平心而論，亦不及大眾化嘅餃子店水準，韭菜黑豚肉脆春卷竟然有一浸油味，食物味道整體嚟講真係一啲得一啲唔得，逼不得已要俾個劣評，希望佢哋以後有進步。食物份量: 份量合理價錢: 點心係一般酒店中菜餐廳嘅收費，不過小菜就比較貴環境: 相當寬敞，別具一格。服務: 整體服務係有水準，侍應經過都會主動幫我哋添茶，不過，因為呢度有分段用餐時間，嚟提醒我哋1小時45分鐘用餐時間已差不多要落last order嘅侍應，一輪咀講last order 嘅時間已經到，仲有冇嘢要落？語氣機械化和感到佢正催促客人，呢方面嘅服務似乎真係要檢討一下。回頭指數(10分滿分): 2分…查看更多

食物味道: 無論牛肉、豚肉、雞肉及牛舌嘅質素都相當好，部份嘅牛肋骨及豚肉會稍為肥，我自己比較喜歡瘦肉，就覺得較為肥膩，牛肋骨及豬頸肉會稍稍韌，牛舌十分有彈性，雞翼已𠝹開幾刀，比較容易熟，呢一點值得一讚，整體來講都相當有水準。食物份量: 以午餐定食來講係非常多價錢: 分量多，但價錢只係大約$100 ，屬於超值，非常抵食環境: 非常有日本風味，裝修毫不馬虎，卡位坐得舒服服務: 中規中矩回頭指數(10分滿分): 8分…查看更多

食物味道: 兩款下午茶餐: 骨膠原豬手滷肉飯及紅燒牛三寶（牛腱;牛肚;牛筋)自家製手作麵，無論賣相和味道都有水準，可惜黑糖珍珠奶蓋名不符實，味道雖然唔錯，但同個名根本係兩件事，要扣分，至於手沖401次咖啡，乃水準之作，非試不可。食物份量: 骨膠原豬手滷肉飯嘅豬手有4小塊，其中兩塊只有骨不帶肉，所以份量真係少得可憐，唔多扺食，印象分大減，反而紅燒牛三寶（牛腱;牛肚;牛筋)自家製手作麵份量十足，價錢又便宜，物超所值價錢: 比對K—11呢個商場嘅其他餐廳，佢嘅收費唔算貴，骨膠原豬手滷肉飯就一啲都唔抵環境: 裝修形格，燈光柔和，下午茶時段十分蜜靜服務: 侍應有禮，自助手機點餐相當便利回頭指數(10分滿分): 8分…查看更多

食物味道: 沙田18應該以小菜較為出名，不過今次純粹諗住飲茶，就試吓佢哋嘅點心，我覺得點心味道中規中矩，未見突出，個別點心做功有啲大意，例如：叉燒包，反而甜品有特色，選用嘅食材配搭亦相當大膽，例如五糧液加朱古力，腐乳和芝士做蛋糕，南北杏及辣椒配朱古力做蛋糕，當中我最推介五糧液加朱古力嘅雪糕食物份量: 適中價錢: 一般酒店中菜廳價格，不過位處新界區，價錢當然比港島區嘅酒店稍稍便宜。環境: 寬躺，但裝修未見堂皇。環境寧靜，靠窗卡位十分舒服。服務: 十分殷勤有禮回頭指數(10分滿分): 7分…查看更多

食物味道: 整體食物味道偏甜，可能甜味較容易討好客人，老上海熏魚質感脆，與别不同，手切蒜泥雲南白肉做法亦見細心，每道菜式都有一定水準，但並不是超水準之作，然而值得一試。食物份量: 偏少，黃金地段嘅餐廳大致上都係咁樣價錢: 依照食物價格，份量及環境，都係屬於中高價位，註: 茶位$20環境: 裝修唐潢，偏暗燈光及獨立半開放式房間，顯得高檔。服務: 服務普普通通，侍應上菜隨便放低喺枱邊就走咗，我諗住呢類比較高級嘅菜館，都會幫客人整理一下枱面嘅餸菜，再擺好剛上嘅菜喺枱中央。回頭指數(10分滿分): 6分…查看更多