darkblue_angel的个人专页

食物其實就係正常既海鮮丼，食左$200，每樣刺身既水準都係一般，份量也偏少，尤其是海膽。至於配菜沙律就完全唔想食，面鼓湯就係最平既沖水貨色，真心唔明點解咁多好評。另外衛生環境幾差。我坐吧台位，面對既矮牆好多鼓油漬，好似去左茶餐廳；食物上枱時更誇張，飯碗外圍居然痴住一些吞拿魚蓉同埋飯粒，感覺好唔專業！真心冇下一次…查看更多

好想食有九層塔既鹽酥雞，見佢又唔貴，$20/份，所以就買左極伏，佢一片九層塔都冇，仲成口粉，感覺粉多過雞，本來想試豬手飯，好彩賣哂！鹽酥雞好難整得難食，但佢都做到咁，勁！，真心唔敢再買其他野其實係大約一個月前食，冇諗住劣評，但係唔小心見到佢咁多好評，仲要大部分都係三日之內post...忍唔住想中和返！…查看更多

四個人去食，其中有輪椅人士，所以預先通知餐廳，餐廳也安排左一個靠邊同埋可以放輪椅既位置。幸好有預先安排，因為枱與枱之前既空間好細，其實都幾迫。食物種類正常，味道也正常，唯一可惜係牛肉切得太薄，冇咩口感。…查看更多

之前試過觀塘嗰間，已經覺得唔錯，荔枝角而家開左分店，間中都去食。同其他連鎖日式火鍋任食相比，佢既牛算最好既一間，第二最平既牛肉已經好好味，唔會太薄，同埋都有牛味。再貴既級別仲真係有和牛嗰種一點點雪花! 配料算多，響鈴，午餐肉呢d港式配料都有，又有好多菇類！雪糕係milktop,唔錯！ …查看更多

先講我真係好鐘意食拉面，去日本會跟tabelog食拉面！港島區的拉面我幾乎試哂，呢間本來係我會翻兜的拉面店之一, 但幾肯定我以後唔會了！因為1）つけ面居然痴埋一舊，要用筷子散開 2）蛋由有調味的糖心蛋，變成外層有色，內裏白色的假有味糖心蛋 3）放在枱上的杯係痴立立的，唔想用⋯後來發現熟客的杯唔一樣，幾個月先去一次的生客原來要額外問佢攞水飲，先有乾淨的水杯用！4）叉燒的size縮左好多，由食兩塊已經超飽到而家覺得唔夠 （其實可以order 3塊叉燒，一樣價錢⋯後悔）筍的分量都明顯少左。香港邊度有好味的つけ面！（試過隱家，武藏同尖咀的富士xx，一般啦）…查看更多

本來諗住一蘭排長龍就去食呢間, 最後當然係去左麵水 = =要左極濃豬骨湯底配叉燒YUMMY! 湯係濃味而唔油, 好creamy!蛋似前面講, 符合半熟流心配菜都OK, 我中意冇海帶嗰隻, 因為夠HOT同咸!唔post 圖, 因為同前面其他人的一樣其實好耐冇寫食評,不過佢生意真係好差, 星期六8點幾都係得我一個再加一枱客睇黎未必涯得住, 心諗佢都唔係咁差, 就想寫幾句當幫下佢ps 其實之前又係去一蘭嗰陣, 經過前面一條街,麵水係到派單張派單張的女仔居然同我講普通話,仲要係好標準嗰隻心諗間野會唔會係請新移民...引申到佢係咪唔係正宗的拉面店如果唔係睇到雜誌話佢真係來自日本, 我真係唔會諗住試....…查看更多

我好少會俾難食, 最多都係普通但係今次真係好唔掂我同fd叫左tea set我地因為都幾冕先食, 所以雖然唔少人,但大部份都係差唔多食完...等左一陣都唔見個set黎諗住問下個陣我地就係佢出面櫃台見到有個set個set斷估都係我地ge咁自然唔摧佢地, 等佢地送過黎...點知...一等就係2分鐘以上...個d係雪糕黎架...埋到我地枱個陣個bailey's 已經半溶...sigh...半溶ge雪糕己經係呢個set最好ge一part因為1) 生果唔好食...士多啤梨唔甜....最大o個粒更加係又爛又酸2) 其他甜點好普通3) 連餐飲都唔掂, ice latte係暖的, 朱古力d泡沬又鞋口食完灰哂....…查看更多

生日當天來這吃飯點了奶油大蝦餐海南雞: 沒有雞味, 黑鼓油味道普通馬拉盞炒通菜: 味道不錯, 夠惹味, 可惜菜本身頗老, 有渣波蘿炒飯, 有肉鬆, 不錯, 但雞肉很鞋口和沒有鮮味奶油大蝦: 主菜, 奶油很重, 好厚身, 味道也校對了我的口味, 不過, 真的很飽肚, 吃了半隻己不想吃...( 吃時有一點奇怪之處: 蝦的份量是2.5隻...哈哈, 可能因為其中有一半隻是king size的關係...)甜品是椰汁芒果糯米杯, 糯米有點硬, 椰汁如果味道再濃一點, 少甜一點會更好呵呵, 雖然如此, 這餐吃得很開心 ^^…查看更多

我同朋友仔分別叫左一個幻彩明珠(hkd15) 同一個雜果涼粉(hkd15)加芒果雪糕(hkd5)很多網友都吃過這裏的甜品所以就只說個人食後感好大碗, 有好多水果, 抵食...不過...我真係唔多鍾意一碗包含太多唔同材料的糖水...味道有點雜亂...我係叫錯左野黎試...…查看更多

努力把未寫的食評食完朋友仔知道我想試這間食店的豬潤面已久特意陪我山長水遠來吃, 好感動, thx~我們都點了潤牛米好大碗, 差點吃不完...湯底好清, 但充滿肉的鮮甜平時唔會喝湯的我都忍唔住喝了好幾啖剛上桌時, 豬潤很爽, 我想是灼了一下便上桌的關係牛即使有點'un', 但沒有梳打粉味這點已完全蓋過這些微不足可惜...吃到最尾, 可能因為浸在熱湯的關後豬潤變粉了, 失去原本爽脆的口感... (豬潤真的很多, 所以...也沒辦法...)下次唯有要朋友和我share...…查看更多

宵夜BUFFET, 不錯推介:燒牛扒 (唔乾, 有肉味)面包布丁 (我至愛!)曲奇 (朱古力忌廉口味) (朱古力夠濃, 唔甜, 帶少許苦)炆牛腩 (入味!)可惜沒有雪糕同魚生 (呢個係宵夜BUFFET, 所以預左無呢D...只係有就PERFECT!) …查看更多

最近吃了兩次現在有空便補回食評這裡的食物很大路大量肉, 韓式小食, 中式小食,三文魚, 湯, 酸梅湯, 雪糕, 水果, 金菇, 多春魚...全部有齊味道也不錯 (只有人参雞湯不行)價錢忘記了, 好像是百幾蚊, 不貴所以連續吃了兩次推介: 豬紅大腸, 牛排, 雞翼, 涼拌青菜…查看更多

和朋友去旺角睇波鞋剛好朋友知道此店的位置就走去吃了兩串雞心和生腸現在已很難在坊間吃到美味的雞心...這裡的雞心...不夠惹味...還留有一點內臟味生腸不錯, 夠爽!...以$5/串的價錢, 是值得一試…查看更多

同2個舊同事去食lunch叫左一個2人lunch set 再加生菜+豬肉鬆lunch set 有冬蔭公湯 (好味, shrimp好大隻, 湯清甜又有辣味)shrimp餅 (好味, 彈'ar', 鮮甜, 似係自家做的)炒通菜 (ok, 不過不失)青咖喱雞 (一d都唔辣, 甜過日式咖喱, 唔掂!)生菜+豬肉鬆 d肉鬆應該用左魚露去撈, 我鍾意!甜品係芒果西米露, 有芒果味, good…查看更多

我和朋友仔兩個人, 點了一個二人餐餐前的面包有兩種: 香草面包同埋好大塊薄脆面包的香草味很濃, 薄脆也很香口前菜: 海鮮併盤 (很普通, 蜆好細隻, 青口也不太甜...蟹肉(我估!)杯的sauce 太咸)主菜: 茄汁香草蜆肉意粉 (有香草味, 意粉夠爽, 不過整體味道唔特別) 紅酒汁牛排 (汁的味道怪, 牛排好硬, 我地只係叫左5成熟, 但都係咬唔到! )甜品: tiramu (好味, 有酒味, 唔會太甜!!)主菜唔得, 我應該都唔會特登再去....…查看更多