木田的个人专页

係中環番工午餐係一個難題，一般餐廳/快餐店最普通的午餐平均都要50幾以上，食過呢間小店午餐都係$40仲送飲品，中環黎講真係好平，仲要質素唔錯，有肉有菜份量足。菲律賓滷雞(Adobo)，酸酸甜甜超好送飯，呢個番食過幾次。煎魚，夠香唔腥。酸甜排骨，我覺得以炸豬扒切件，配酸甜排骨既汁，都係好送飯既。其他未試，會慢慢再試下。店員都識唔純正既廣東話，餐牌中英對照都好清晰。我買外賣既時候唔算多人，即叫即做都唔係等好耐，美中不足係呢度既咖啡我覺得太淡。…查看更多

很好的椰子燉湯店，叫了花膠土雞椰小盅，很香的椰子味，加$9就有飯和雞翼，很好的家常菜，有很多女士幫親，只是座位比較少，如果日後有更大的舖位會更好，我也和家人來好幾次了。…查看更多

黑糖珍珠芒果鮮奶第一啖的感覺是怪，不是想像中的味道。 好甜，但中間又有少少咸味，芒果味我覺得好假，而入面D珍珠感覺唔係煙韌，係未煮透...我地有3個人都叫了這杯，我同另一個朋友都話好怪，反而另一位話幾好飲。總結係好獨特既口味，一係覺得好飲，一係覺得好怪，冇中間。有人會鐘意飲，但唔係我。…查看更多

帶住小朋友食晚飯, 不想等位, 於是走到翡翠明珠廣場。 幾間餐廳都有位, 想起多年前吃過麻布茶房印象不錯, 於是選了這間。  入到去一陣味, 已心知不妙。 侍應算勤快, 為我們安排座位, 還預備了BB櫈, 之後叫食物亦立即有人回應。  餐牌價錢不算平, 一個鰻魚飯$150幾, 一個燒魚飯$150幾, 其實如果好食還可以, 只係第一次都食不要太進取。 後來叫了一個燒雞飯定食及一個泡菜豚肉飯定食, 價錢平一點, 太約$80幾.  泡菜豚肉飯得個咸字, 幾片豚肉加幾片泡菜加一堆好咸既汁, 食左一半D飯都冇食。 配菜有一碗好清既湯, 幾塊番薯(又係咸), 3條醃蘿蔔, 一小堆松子。 老實講大家樂都好食過佢。  燒雞飯好一點, 但都係好普通。冇下次。…查看更多

呢間野既食物係唔錯既, 而且款式又多, 只係D侍應既服務態度極差, 令人唔想再去...星期六去食下午茶, 5點左右去到, 個陣係餐廳最少人既時間。 因為早幾個月之前有一次食午餐有唔好既經歷, 所以都好耐冇去, 見今次冇乜人, 心諗就再試多次啦。入到去自己搵位座低, 之後叫阿姐寫野, D阿姐個個黑口黑面, 好以你得罪左佢咁, 你order 慢D, 或者要改野, 佢會即時比面色你睇。 到野食黎到, 全部野都係掉落黎, 好以你乞食咁 (大佬我都有比錢食飯架)。 我地推埋架BB車入去, 個BB訓緊覺, 唔明點解上菜一定要係BB車上面經過, 我覺得咁樣好危險, 如果唔小心D奶茶咖啡就會全部倒哂落去個BB度。就算食物幾好都假, 我黎食飯者, 唔需要受氣掛, 冇下次! …查看更多

想找個有海景的西餐廳食飯,選這裡是因為相信酒店的服務與質素。order兩個set dinner,侍應問我地要不要開支水,之後經理又再問一次,我見餐廳入面有幾都開了,我地就開了一支,埋單睇番價錢支水好以要六十幾。講番個set dinner:麵包籃的麵包唔熱,有點硬頭盤有鮮露荀,好以用牛油煮,感覺上太油。仲有一客酒煮蜆,不過部份有沙,味道還可以。主菜二選一,有羊架同煎魚,我地一人一個。羊架order5成熟,煮得剛剛好,係set dinner裡面最好食既。煎魚就煮到好乾,而且太少汁。甜品係熟蘋果放係件cake上面再加焦糖汁,仲有個蘋果雪葩係側邊。雪葩ok,不過個"蘋果批"我就唔太鐘意。coffee or tea環境唔錯,不過夜d人多有少少嘈。service就冇乜出錯,不過都唔覺有乜服務可以加分。整體而言如果以呢個價錢有更好的選擇。…查看更多

星期日下午想去日本野,行到附近又唔駛等位,於事同老婆入去食。老婆想叫海膽壽司,點知侍應話海膽未番貨... 之後佢叫左幾客壽司,味道好普通。我叫左個假日午餐,有麵豉湯,小食,魚生飯同汽水。小食,麵豉湯同汽水都冇問題, 最大問題係個魚生飯,個飯超大,不過d飯係暖既,魚生唔新鮮,比佢用火燒過d魚生有d生有d熟,搞到不倫不類,食左1/4我已經唔想食。仲要食完之後都仲有d反胃。…查看更多

去食水蟹粥, 有原隻蟹仔, 味道唔錯。炒蜆味道濃, 個人覺得咸左少少。炒通菜都幾好味。<br />最差係食完野之後去洗手, 廁所超細, 而且污穢不堪, 一打開門已經後悔, 好在我唔係座係廁所附近, 如果唔係一定食唔落。…查看更多

有好多各式各樣的餃, 蒸、炸、煎都有, 味道都ok, 不過唔係好特別, 而且煎餃及鍋貼都太, 但勝在夠平。如果行經附近都可以食下, 專程去就唔好啦。…查看更多

前晚女朋友同我去食上海菜慶祝生日,一入去發覺真係好黑,有少少驚訝。之後侍應就帶左我地入去卡位坐低,可能係之前已經book左位同order左食物,所以冇幾耐就有野食。order左一個set dinner,前菜係菜甫同豆腐乾,味道唔係好濃。醉幾有酒味,份量都唔少,不過女朋友話酒味都係唔夠。湯就知乜野名,入面有翅,有一齊煲,都幾好飲,而且夠熱。回鍋肉唔辣,仲好甜,d肉就太瘦,唔係好以回鍋肉。蝦仁好細粒,都有少少蝦味,不過淡左d。小籠包好多汁,味道就唔係好特別,ok 啦。之後有壽包食,仲插左腊燭係上面當蛋糕咁,怪怪地既感覺,不過都好開心。…查看更多

之前去過卓爾居既麵藏, 今次呢間都係第一次黎, 不過估唔到係快餐店既形式。兩個人叫左一個九州拉麵定食同豬扒定食, 拉麵既湯都ok, 不過只得一塊叉燒,壽司係超市級既貨式,冇特別。豬扒普通, 有沙律食, 整個定食既份量幾多, 男仔食都夠飽。雖然唔係特別好食, 不過尖咀既茶餐廳都係呢個價錢, 算係咁。…查看更多