紅色的BMW的个人专页

♦️有團火叉燒事務所 (新蒲崗)♦️餐廳主要係食叉燒煎蛋飯，QR code 落單。食物方面無咩選擇。餐廳聲稱對於出面小店同酒店都唔完全滿意，所以就自己開一間專做叉燒餐廳，同時又表示大道至簡，所以專心做好一樣嘢，因此食物款式選擇唔多。腩叉飯$62，梅頭叉燒$58，飲品汽水另加$6 。叉燒肉質柔軟嫩滑但蜜汁甜度略嫌不足。叉燒雖然有燶邊但就唔係焦脆香口，唔想要燶邊叉燒可以落單果時選擇走燶邊。整體嚟講，$58 一個lunch有啲進取，叉燒入口鬆軟亦都有肉既香味，有肉汁同油潤而且入口無膩口感覺，可以一食。♦️雙蜜豉香叉燒飯 $58🏠：新蒲崗景福街75號地舖…查看更多

♦️豬隊友 (荃灣)♦️雞蛋仔同夾餅款式好多，叫咗一個芝士豬柳雞蛋仔$43， 相比起其他小食店嘅雞蛋仔，價錢有啲進取。雞蛋仔即叫即整， 大概需要等10分鐘，口感偏向軟綿唔算好脆但勝在蛋味濃郁，每粒都有芝士同豬柳，份量十足而且好飽滿，味道食落去就好似食緊m 記豬柳蛋。整體嚟講係好食， 可以當lunch一餐咁食。除咗雞蛋仔同格仔餅，仲有其他炸物小食可以選擇。♦️芝士豬柳雞蛋仔 $43🏠：荃灣鱟地坊74號天保大樓地下F2號舖…查看更多

❗️泰Grill (享和街)❗️餐廳用QR code 落單，空間唔大，座位唔多，屬於小店格局但係坐得舒服，係近期食過好食既泰國菜，晚市都多人食，建議去前book 位。♦️泰式青檸明爐魚 $238魚肉同墊底既椰菜索晒湯汁，湯底酸酸辣辣好開胃，南薑、香茅、青檸、魚露、泰椒等香料份量配搭恰到好處，湯底味道層次豐富。♦️串燒半打 $88串燒有三款肉可以揀，分別係豬、牛、雞。今次揀咗豬雞各3串。燒得好香，食落又唔會太乾，配埋沙嗲醬食好惹味。♦️蛋包虎蝦炒金邊粉 $128金邊粉炒得夠乾身，羅望子汁醬既甜，青檸既酸同魚露既鹹，令金邊粉味道無咁單一。虎蝦大隻，蝦肉爽彈，可惜得一隻。♦️燒蠔兩隻 $68蠔肉口感creamy，配上泰式酸辣汁醬，食落好醒神。♦️菠蘿沙冰 $48♦️椰汁冰 $38🏠：荃灣享和街53號都城大樓地下E1號舖…查看更多

❗️Milu Thai มิลู่ไทย (百樂中心) (銅鑼灣)❗️朋友推介去Milu Thai 食泰國嘢，餐廳環境闊落坐得舒服。QR code 手機落單同時有實體Menu可以望下食飯相。♦️生蝦刺身 $108生蝦刺身🦐肉質新鮮爽口有彈性，配上泰式酸辣汁帶出蝦既鮮甜味。♦️火焰燒雞 $208火焰燒雞，原隻上枱淋酒再點火燒，畫面都幾震撼，未食已經滿足到視覺享受，表演完之後斬件上枱，呢道菜式除咗好食，打卡仲係一流👍🏻。雞肉肉厚又嫩滑多汁，雞皮仲保留到少量酒香餘韻。♦️青檸酸辣明爐烏頭 $208酸辣明爐烏頭，酸辣汁有好香南薑、辣椒、檸檬葉等香料味，青檸既酸同魚露既鹹，成道菜式好惹味開胃，味道層次豐富，加上粉絲索滿酸辣汁，食到停唔到口。♦️菠蘿海鮮炒飯 $108菠蘿海鮮炒飯，配料有菠蘿、魷魚、蝦、扇貝，表頭放上提子乾、腰果同肉鬆。飯粒乾爽，調味適中，海鮮配料份量都唔算少。♦️珍多冰 $36♦️凍青檸茶 $34整體嚟講，食物可以打卡有觀賞效果都係其次，重點係食物質素都唔錯。酸辣明爐烏頭亦都保留到泰式風味。呢間餐廳以銅鑼灣地段嚟講，價錢合理，而且位置近銅鑼灣地鐵站都幾方便。🏠：銅鑼灣耀華街3號百樂中心2樓…查看更多

❗️Bingo & Cook (銅鑼灣)❗️朋友推介呢間由韓國人主理既餐廳，餐廳地方大枱同枱之間闊落，坐得舒服，佈置有韓國街頭feel 。QR code 落單，菜單款式都幾多，有醬油蟹、韓式炸雞、炒年糕、牛骨湯、人蔘雞湯同紫菜包飯等等，除咗有濃味同辣既食物，亦都有清淡選擇。蒜香醬油炸雞同蜂蜜黃油炸雞，兩款各叫咗半份，半份有6件雞。外皮香脆肉質細嫩，雞肉保留到肉汁同油份。雞肉預先有醃製有一定調味，再加上蒜香醬油同蜂蜜味粉，令到味道無咁單一。海鮮煎餅最有驚喜，口感非常酥脆，似港式炸蠔餅。入口唔會有食緊麵糊既感覺，每一啖食入口都係脆口，配料蝦同魷魚爽口彈牙，加上有大量洋蔥同蔥，每一啖都蔥香味十足。紫菜包飯餡料都飽滿，有牛肉、蘿蔔、青瓜同芝士。牛肉預先醃製，醬油同麻油味都好出，青瓜同蘿蔔既清新爽口，平衡番芝士同牛肉油膩感同時又增加咗飯卷既味道層次。原味韓式炒年糕，原本以為只有年糕同辣醬但原來仲有蛋、魚糕同拉麵，份量都幾多，辣中帶幾分甜，軟糯年糕沾上辣醬好惹味。整體嚟講食物質素唔差，海鮮煎餅最有驚喜，其次就係炸雞，估唔到會咁Juicy。下次有機會試埋醬油蟹同海鮮鍋等等其他菜式😋♦️蜂蜜黃油炸雞（半份）$130♦️蒜香醬油炸雞配香腸年糕串（半份）$140♦️Bingo特製紫菜包飯（芝士及牛肉）$80♦️海鮮煎餅 $148♦️原味韓式炒年糕 $158🏠：銅鑼灣駱克道491-499號京都廣場2樓…查看更多

❗️Rossi Pizza and Smoked Meat (西貢)❗️餐廳位於西貢其中一條巷仔，主打煙燻肉同傳統拿坡里pizza ，兩張枱加一張吧枱，小店格局。Margherita Pizza 係傳統意大利拿坡里pizza，有4種材料：有芝士、羅勒、初榨橄欖油同茄醬。由落單之後老細即時手拉麵團去焗，再去到上枱時間都唔需要5分鐘。Pizza餅底夠薄輕身，口感外脆內軟，邊位有煙韌回彈口感，食到麵包麥香味道，即叫即整既pizza 完全值呢個價錢同值得專程去西貢食。♦️Margherita pizza＄150🏠：西貢福民路58-72號高富樓地下22號舖…查看更多

❗️肥仔銘茶餐廳 (新蒲崗)❗️Lunch time 12點半去到，排咗一陣隊就有得入，舖頭有三張圓枱，每張圓枱坐4-5個人，小店格局地方唔算大。試咗麵餐E，沙嗲牛肉麵，沙嗲汁醬炒得香濃好出色，牛肉質感軟腍但唔係用梳打粉乸過果隻腍，牛肉方包軟熟。總體嚟講如果去開果頭都會建議去食，40幾蚊一個沙嗲牛肉麵有呢個質素係貼地既街坊生意。♦️麵餐E $42(沙嗲牛肉麵、火腿炒蛋跟牛油方包、凍奶茶）🏠：新蒲崗錦榮街9號地舖…查看更多

❗️E Molto Buono (銅鑼灣)❗️早排同朋友去咗銅鑼灣食Fine Dining 朋友介紹呢間餐廳 晚餐人均$928Fine Dining黎講性價比非常高Starter 必選日本鰤魚他他配海膽布甸味道好夾 而且好Fresh👍🏻Mains黎講我同朋友都唔食牛肉所以分別選擇咗羊架同海鱸魚羊架煮得啱啱好 唔會太過熟海鱸魚肉質都非常好👍🏻👍🏻甜品都非常出色而且服務非常好 整體嚟講值得再去👍🏻👍🏻👍🏻♦️日本鰤魚他他 海膽布甸配青瓜脆片♦️香煎法國鵪鶉配鴨肝脆雲吞♦️法式龍蝦湯♦️雜菌忌廉湯♦️黃金焗帝王蟹腳♦️香煎鵝肝配紅酒燴紅蔥頭♦️番石榴雪芭♦️慢煮寶雲酥澳洲羊架♦️智利海鱸魚黑松露鮮蝦慕絲卷♦️栗子/朱古力慕絲♦️Petite Four🏠:銅鑼灣霎西街28號必發商業大廈2樓…查看更多

❗️那個ㄋㄚˋ ㄍㄜ (屯門)❗️餐廳面積細，座位唔多，所以要排隊。座位比較細有d逼，坐得有啲唔舒服，不過都無計啦，香港租貴舖細。餐廳用QR 落單，介面都幾方便♦️紅燒牛腱湯麵$80有啲失落因為關廟麵煮得好腍，無咗關廟麵應該有既彈性口感。今次個麵煮到接近漿糊口感但湯同牛腱都唔錯既。♦️總匯蛋餅$42外皮偏向Q彈，煎到有少少🤏🏻焦香，大量粟米同肉鬆，係好食既。🏠：屯門仁愛堂街1-43號麗日閣地下13號舖…查看更多

❗️So Bar (尖沙咀)❗️餐廳環境好舒服闊落，餐廳整體燈光昏暗而每枱都有盞枱燈，適合同三五知己吹下水，好有氣氛。♦️泰式海鮮拼盤 $ 188頭盤叫咗海鮮拼盤有生蠔、蝦、青口、魷魚、帶子。生蠔鮮甜同甘香，口感creamy ，帶子肥美肉厚，蝦肉爽彈。呢道海鮮拼盤值得一食❗️♦️千島海鮮薄餅 ＄158PIZZA 好足料，有蝦、魷魚、吞拿魚、紅椒、洋蔥、蟹柳、芝士，配上薄脆餅底同千島醬汁，多種食材配搭令入口口感層次豐富，又唔會太膩。♦️雞串燒拼盤 $108燒雞皮、 燒土匪雞肉串、地獄麻辣雞肉串每款各兩串。燒雞皮外層酥脆而內裏軟綿，係食過燒雞皮最好食既一間。另外土匪雞肉串同麻辣雞肉串都好惹味。 叫咗兩杯alcohol free 既飲品，兩杯都好有果香味🥰♦️Sunset $58♦️Secret Garden $58🏠：尖沙咀加連威老道10號加威中心地舖…查看更多

❗️Lost in Thai (太子)❗️餐廳環境舒服座位闊落，枱面有QR code 手機自助落單。整體嚟講好好食，份量多建議4個人去食可以食多幾款。♦️泰式牛腩清湯$98加入魚露同檸檬汁，酸酸辣辣好開胃，牛肋條幾軟腍有6-7舊。♦️燒豬頸肉生菜包$98豬頸肉肉嫩而外皮焦香脆口，酸酸辣辣夾埋生菜食，口感味道層次好豐富。♦️椒鹽茄子釀蝦膠$88茄子有4舊而且厚切，入面釀咗蝦膠。茄子軟腍蝦膠爽彈，口感唔錯亦都好惹味。♦️Lost in Thai 炒咖喱海鮮$168有蝦有青口同魷魚，咖喱少辣惹味，香料味道好充足，建議叫個白飯或者薄餅撈埋汁食。♦️泰式奶茶加熊仔冰$35典型橘紅色泰式奶茶，茶味香濃加熊仔冰加$3， 入口透心涼。♦️泰式龍眼冰$32🏠：太子太子道西96-100號萬年大廈地下B號舖…查看更多

❗️德美壽司 (尖沙咀)❗️餐廳座位坐得舒服，用QR code 落單。食物款式都好多選擇，我就叫咗刺身、丼飯、天婦羅同串燒。食完餐廳有奶凍作為甜品，口感軟綿嫩滑，好重奶香味。整體嚟講： 刺身新鮮，串燒同天婦羅好香口，性價比高，絕對值得回頭再食。♦️北海道魚生丼$142有蟹籽，甜蝦，油甘魚，三文魚都好新鮮。♦️魚子蔥拖羅茸飯 $146魚子粒粒爽脆，吞拿魚蓉份量好多，成價比高。♦️三文魚腩刺身（六片）$92新鮮，肥美肉厚，魚油豐富，值得一食。♦️帆立貝刺身 $79清甜爽滑，肉質鮮嫩♦️大蝦天婦羅 $88有4大蝦，蝦肉鮮嫩美味，炸漿香而唔會好油膩。串燒燒得好香口，有基本調味。♦️燒牛舌$45牛舌牛味濃郁，口感爽口。♦️黑豚串$52黑豚串油香好充足，肉味濃。♦️燒雞軟骨 $21雞軟骨燒得好香又有咬口。🏠：尖沙咀厚福街8號H8 5樓…查看更多

❗️HANDS - Craft Beer & Magic❗️魔術主題餐廳！ 有魔術表演睇， 中西fusion 菜，酒精飲品都有好多款選擇。店員好熱情會介紹唔同手工啤酒同Gin ，朋友平時唔飲酒，店員介紹低酒精濃度飲品。♦️薯條叔叔配腐乳醬、腸粉醬、燒鵝醬$ 88腸粉醬即係甜醬同麻醬兩隻醬料混醬，燒鵝醬即係甜酸醬。原本無打算叫，但見店員熱情推介於是就試一試。薯條炸得香脆不在話下，因為係粗薯，口感好滿足。加上幾款特別醬料都好夾，以後食薯條唔一定要沾茄汁。♦️啤酒慢烤香麻手撕豬肉漢堡$138入口有第一感覺食到花椒既香麻同辣，之後因為豬肉用啤酒醃過所以食到有輕微小麥香味。漢堡包有烘過好香脆，加上青瓜清爽同洋蔥甘甜，味道同口感層次好豐富。♦️招牌麻婆 Mac & Cheese $138麻婆豆腐同Macaroni 既中西fusion菜，花椒香麻味道好出帶有少少辣，好開胃惹味。欣賞通心粉口感有嚼勁彈牙，唔會煮到好腍。芝士同花香真係好夾。♦️Skyline Lemon Lime Seltzer $88易入口適合平時少飲酒既人。♦️Two Moon Five Flowers Tea Gin $118 五花茶Gin 酒，草本香味好濃厚，有杭菊、雞蛋花、木棉花、金銀花和夏枯草，陣陣花香令人一試難忘。🏠：太子大南街27-31號富威閣地下1-2號舖…查看更多

❗️豐鍋雞煲 (京瑞廣場) ❗️ 餐廳燈光光猛，環境唔升大但坐得幾闊落舒服。豐鍋招牌麻辣雞煲（半隻）$178店員好好人，講解佢地餐廳小辣比出面既辣，建議我地唔食得辣可以選擇BB辣。雞煲惹味份量多，雞肉質感嫩滑又唔霉。手工四寶丸（蝦丸十墨魚丸+黑墨丸＋鯪魚丸)(8粒）$89爽口彈牙無雪味，值得一試。頂及黑豚豬梅肉$125肉厚而又唔嚡口，有肉味。即炸紫菜響鈴（3件）$43有3件同6件選擇，6件就$73，想食多啲款所以叫3件。手工即炸魚皮$54原塊炸魚皮，調味足夠，好大片又脆口。雜菜籃$70玫瑰柚子$38藍蝶雪梨$38整體嚟講，性價比高，除咗招牌雞煲仲有螺片花膠雞煲、藥膳雞煲同椰子雞煲，配料選擇都好豐富。🏠：沙田石門安群街3號京瑞廣場一期1樓137號舖…查看更多

❗️林氏廚房 (長沙灣)❗️餐廳好闊落，枱同枱之間都鬆動，環境俾人感覺好舒服，有4人同8人枱，就算一大班人嚟聚會都無問題。二人套餐包括：是日餐湯、蟹肉煙三文魚沙律配油醋汁、炸物拼盤、兩個主菜、自家製甜品、兩杯飲品 $488。我地四個人叫咗兩個二人餐。甘荀橙湯：橙香味好清香，加上甘荀既甘甜，好開胃。蟹肉煙三文魚沙律配油醋汁：煙三文魚同蟹肉份糧都好多。炸物拼盤：炸餃子、炸金菇、炸單骨雞翼。德國咸豬手：薯蓉酸菜墊底，豬手大隻外皮炸得好脆，調味足夠。紐西蘭肉眼扒：配菜有調味，肉眼扒有肉味。帶子黑松露意大利飯：意大利飯咬口好煙韌，除咗黑松露仲有啲牛油香味，好食推薦。原條鰻魚炒飯：炒飯好有鑊氣好香，份量都係好大兜。甜品： 大菜糕同芝士蛋糕，唔會太甜，好適合現代人口味。總括嚟講：$ 488 包前菜、小食、主菜、甜品、飲品，經濟而且味道都好食，值得一試。🏠：長沙灣長裕街2號嘉圖工廠大廈4樓A號舖…查看更多