hamster88的個人專頁

其實我食過一次 知好唔掂 但因為我趕住返公司 食飯時間得呢度唔洗等 我又去中大伏 唔止少 仲好難食 仲要我食最後一啖後唔洗一秒即收我個碟同匙羹想趕人走 可唔可以有心少少 可唔可以唔好咁hea呢碟野55蚊…查看更多

有碟話碟 有碗話碗 我今日食完忍唔住要上黎推呢間餐廳 我好大食 同阿媽兩個人叫左六碟野 係由頭讚到落尾 因為真係好好食 所有店員都係印度人 態度勁好 好勤力又會講笑 我住將軍澳 呢間餐廳算係我响將軍澳入面食過最好味嘅餐廳…查看更多

經外賣平台叫左兩盒飯 平均一盒54蚊 一盒係鹹魚雞粒炒飯 揾唔到鹹魚 雞肉得三四小粒 同咁細份量 另一盒係焗豬扒飯 我第一次見到咁薄切嘅豬扒講真我好失望 幾個月前我黎過堂食下午茶 我係好滿意 食得好開心54蚊一盒仲要求啲咩 有半盒飯俾你都執到 不過我比較大食 真係唔夠 而且味道唔好 今日以後我唔會再幫襯🥲…查看更多

黎咁多次 次次都食同樣海鮮 但今次係有史以來最最最貴 之前幫襯開嘅海鮮檔執左 今次有另一個人帶左我哋去一間叫美和嘅檔口買海鮮 買左隻細西澳龍蝦（其實都唔知係唔係 因為我問左個海鮮檔阿婆幾次 佢都唔出聲 最尾先細聲講西澳）一條唔知咩斑（阿婆又係唔肯講 勁不耐煩）同四隻鮑魚 竟然要1333！！！怪只怪自己唔問清楚 太過相信阿婆！今次當買教訓 下次唔會再黎。另外 南大門加工仍然係好食嘅 希望佢唔好俾美和拖累。…查看更多

不嬲都知有照騙 但呢度真心誇張 啲刺身真係即日運送黎香港？真的嗎？ 我覺得好唔新鮮。。。質素仲差過放題🙈🙈🙈🙈 係咪我黎嘅時間唔啱定點樣。。。我真係唔敢再黎第二次。（以上為真實評論）…查看更多

放半日假 特登去土瓜灣揾野食 見呢間餅店好似幾好評價 我又中意食包食餅 就黎睇下 買左兩個開心果布甸包同一個原味布甸包 開心果味真係好好味好濃厚又唔係好甜唔貴 而且店員咁忙都好有禮貌 有機會經過一定要買…查看更多

佢啲野都係copy人地 我一直買唔到嘉多利 就諗住去呢度買 唔知啲阿姐係本身係咁定點 我可能年紀大耳聽得唔清楚 想佢講多次 佢就惡到爆咁眼都突埋又串到爆 買個包啫 唉 返到屋企即食 唉 啲阿姐咁樣 啲出品又甘樣 我明點解人地排曬隊佢唔係了…查看更多

我係睇到超多好評而黎 去完我會覺得拎黎打卡係好好 server服務態度好好 但cp值超低 最攞命係個牛肉大拼盤 498蚊但數埋冇二十塊超薄超細片嘅牛肉加上面五粒肉丁 一煮就縮到變成一蚊size 可能今日我黑仔 牛肉唔係特別好味 而且有筋 真係要賣到咁高價錢？ 呢個價錢呢個份量我真心覺得係揾笨 …查看更多

呢輪成日想食pizza 就去左呢間試 叫左salmon salad, 煎鱸魚同piggie pizza 全部都好好味 最中意佢唔重口味 味道適中 我因為唔想食咁大件pizza 開口問有冇圓形細啲嘅pizza叫 佢地都俾 夠曬flexible 👍🏻👍🏻👍🏻…查看更多

叫左個picnic box 太高期望變左失望 我覺得入面所有嘅甜點都係雪藏貨而翻熱唔夠咁款 除左個scone 其他都唔知點解出曬水 個底係濕 冇一件例外 鹹點都係唔好食 個吞拿魚好唔新鮮 全部中餅都係淋 點解會咁架 🥵🥵🥵🥵 唯一讚嘅係service真係好好 …查看更多

見食評唔錯 決定端午節去食飯做節。整體黎講都唔錯 蒸老虎斑都滑 西澳龍蝦啖啖肉 好新鮮 個薑蔥蠔就差少少 炸粉好厚 成個餸好鹹。 最敗筆係佢嗰碟強制性收錢nuts 已經係變左 一大陣油溢味 食左一粒就知中左伏 成個口都臭左 我懷疑佢唔知係咪回收再回收 放左出黎好耐嗰種。。…查看更多

我睇到呢度評論都好好 所以好有期望 可能咁變左失望。 我叫左六樣點心 得蘿蔔絲酥餅同奶黃包比較好 其他都係普通 尤其燒賣 好實好實 好似未蒸熟咁。最重要係有個四眼短髮姐姐 搞錯同事意思 帶錯我地去另一張枱 點知係俾四個人 轉頭返黎斥喝我同媽咪坐返第二張 仲口upup話我地 我地都矇茶茶唔知咩事 不過我地都係想食完就走 唔想搞事 所以先唔出聲 未開餐已先受氣。。。…查看更多

我有試過聯絡店家 冇回覆 唯有响呢度俾返個評語我而家睇返嗰日啲相 真係好懷疑佢地俾人地食過嘅鍋物我地我地叫左個鯛魚鍋 黎到係咁樣 （第一張相）我即時相機食先然後 好快有同事收走 同時放低下面個鍋 話呢個先係 我又即時影相 嗰時唔為意 而家睇返 我懷疑已經俾人食左少少 我覺得好嘔心第二張相係個鍋一落枱我就影 我同同台另一位客人完全冇食過 甚至攪動過我好震驚 我驚俾人當傻仔食左人地口水尾都唔知 呢間野我唔敢再去…查看更多

我已經幫襯過呢間好多次 但今次體驗太差 決定以後唔黎喇。。Hostess唔知係咪太忙 極度冇禮貌 仲要有其他枱 但偏係要帶我地去一張未執嘅枱 然後我地企响度等佢地執野同抺野。坐低左再有人拎餐牌同水俾我地 冇bread basket。 呢個係我走時先發覺。 我起身先見隔離枱有包食 我先醒起自己冇。感覺好差。然後叫左carbonara， 牛扒同芝加哥拼盤。真係真係差左好多。個carbonara以前唔係咁 牛扒都唔會咁tough 切都切唔開 個拼盤成二百蚊 但份量勁少。。。最後 食左一個鐘 已經放低牙籤筒 其後半個鐘不停催我地走 （明示加暗示）。明明仲有好多吉枱 當時仲係八點 未到十點要關門。點解要咁呢？…查看更多

呢間麻辣我已經食左兩次 真係好好味 佢嘅lunch menu好平好抵食 我兩次都係食牛肉香鍋 啲牛肉唔同你慳 啲伴菜多到食唔曬 又有鑊氣 加少少錢就飲到隔離阿里山嘅台式飲品 讚！！…查看更多