kimmicheuk的个人专页

係Whisky愛好者先知嘅寶地，私人帶路嚟到係中環嘅The Macallan House 全球首間概念零售旗艦店!!! 佔地3層，近6,000平方呎，一開門猶如置身旅蘇格蘭的The Macallan莊園一樣🍂 全新概念店透過視覺、嗅覺、觸覺、味覺和聽覺嘅多重感官體驗除左係店內可以揾到一限量版及不同系列單一麥芽威士忌外🥃，大家仲可以去到Bar Area品嚐威士忌/以威士忌做Base嘅特調Cocktails🍹 亦可以參加體驗The Macallan感官旅程，更能了解Macallan品牌外，仲可以一嚐麥卡倫18年雙桶威士忌❤️-✨ 𝐇𝐢𝐛𝐢𝐬𝐜𝐮𝐬 𝐑𝐨𝐛 𝐑𝐨𝐲 ($188)✨ 𝐀𝐩𝐫𝐢𝐜𝐨𝐭 𝐒𝐨𝐮𝐫 ($188)✨ 𝐎𝐧𝐞 𝐇𝐮𝐧𝐝𝐫𝐞𝐝 & 𝐒𝐞𝐯𝐞𝐧 ($188)✨ 𝐅𝐥𝐢𝐠𝐡𝐭 𝐓𝐞𝐦𝐩𝐭𝐚𝐭𝐢𝐨𝐧 ($300)三款以The Macallan Double Cask 𝟭𝟮 𝗬𝗲𝗮𝗿𝘀 𝗢𝗹𝗱 做Base嘅雞尾酒🍸 HIBISCUS ROB ROY加入了香艾酒、木槿花 & 朱古力味苦精酒，飲落帶質感，係個人最愛❤️ 想清新Type嘅會推薦ONE HUNDRED & SEVEN，特別添加了自家製薑味糖漿、青檸汁以及梳打，味道酸甜帶微微薑嘅辛辣感！另外對The Macallan威士忌有興趣研究下嘅朋友，可以試下FLIGHT TEMPTATION，一次過試匀3款唔同年份嘅Whisky🥰 當然亦可以自行組合，係到款式/年份比出面夠哂齊全，一定輕鬆揾到啱自己style嘅味道❣️…查看更多

位於Hyatt Centric 頂樓空中餐廳Cruise，今個月又搞搞新意思😎 繼上次介紹任食M5和牛Menu，今次係Seasonal嘅大閘蟹宴!!! 除左每人可以食到原隻大閘蟹外，仲有蟹粉以及亞洲風味菜式❤️ 加上270度海景以及户外勁chill嘅露台，真係食大閘蟹都可以好Fancy✨-🦀 𝐇𝐀𝐈𝐑𝐘 𝐂𝐑𝐀𝐁 𝐅𝐄𝐄𝐃 𝐌𝐄 𝐌𝐄𝐍𝐔 ($598/pp)** 18 October - 30 November-•冷木耳沙拉•黃咖哩蟹湯一開始嘅冷木耳沙拉幾開胃，加左萵苣口感爽脆，加上辣椒、脆乾蔥 & 檸檬葉調味，有點東南亞風味～ 黃咖哩蟹湯加入椰奶，質感香滑，仲揾到唔少蟹肉🤭*•大閘蟹小籠包•鎮江醋薑蒸公大閘蟹每人一隻蒸大閘蟹，兩隻拆開都係爆膏‼️ 可惜白膏偏少左啲，但勝在可以過下癮～ 大閘蟹小籠包內外都係蟹粉😍 但外皮有點太粉太黏糯。*清蒸花蟹、花雕酒、米粉幾有驚喜嘅花蟹蒸蛋，下層吸收哂花蟹嘅鮮味，質感超滑溜，而且仲好香花雕味🥰 *燉煮和牛牛柳用水煮牛嘅方法烹調和牛牛柳，辣勁十足🐂🌶️ 仲有唔少配料，例如蒟蒻、芽菜、木耳以及萵筍，十分下飯～*•燴小白菜•白飯*•生薑奶凍面層鋪滿新鮮芒果，生薑奶凍再配上紅糖漿，甜甜的卻不會太膩🥄…查看更多

海港城又有新餐廳進駐?! 餐廳仲係由獲得「中國米芝蓮」黑珍珠二鑽榮譽女行政總廚吳夢林主理😱❤️ 菜式融合傳統中式食材與精緻西方烹飪技藝，行casual fine dining 路線；每道菜都融入中國各地食材，整個概念係香港可以話比較少見～ 希望帶比一眾香港人衝擊感！-✨ 沐瀾嚐味菜單-< 餐前開胃茶 >以清爽嘅茉莉烏龍氣泡茶喚醒味蕾🥂*< 餐前小吃 >•獅頭鵝肝吐司•鹹蛋黄蝦滑吐司香滑嘅獅頭鵝肝配上梨子；另一款鹹蛋黄蝦滑吐司，用上雲南飛魚子 & 特製蛋黃醬作點綴，幾別緻🥰*< 前菜 >•紫蘇桃子鴨一鴨兩食‼️ 用上中山麻鴨，鴨胸部份用水果滷水，搭配紫蘇醃製嘅桃肉，鴨肉以果香襯托就最好不過～ 一旁嘅鴨肉春卷，裏面放入油封過嘅鴨肉，加上芥末醬，幾惹味～•黄酒生醃帶子配魚子醬西式嘅精美擺盤，帶子卻係用紹興陳年花雕酒醃製，配上雲南十年魚子醬、茴香、法式酸奶油，鮮味突出而且入口輕盈❤️*< 湯 >•乳鴿青橄欖湯湯嘅清澈程度就好似法式清湯咁，完全冇半點油份！用上中山乳鴿為主料，再加入潮汕青橄欖、無花果乾、新會陳皮等材料熬製而成🥰 每一啖都係鴨肉嘅鮮甜味，非常清潤！*< 主菜 >•豬腳薑配新疆烤饟•大連雪龍3A牛腹心肉配蘿蔔•酸湯黄魚•烤三黄雞 · 沙薑 ．沙律咁多款主菜而言，個人最愛酸湯黄魚🐟 來自福建嘅黃花魚經過 3-5 天的熟成，肉味香濃，搭配貴州酸湯、潮汕芹菜仔 以及番茄 salsa，帶微辣嘅刺激感！另外烤三黄雞都有驚喜！同樣經過熟成處理，肉質保持嫩滑，搭配自家製沙薑青醬，有種熟悉嘅感覺🤭*< 甜品 >•山竹雪葩 ．桂花最後以清新解膩嘅山竹雪葩，搭配雲南野生雪燕 以及天然蜂蜜作結尾🍯…查看更多

體驗坐榻榻米食傳統壽喜燒?!😍 依間曾連續三年入選《米芝蓮指南香港澳門》推介，主打正宗日式壽喜燒 & 紙火鍋嘅日本餐廳，竟然用$488就可以食到9品壽喜燒/紙火鍋套餐，食匀日本直送刺身+ 宮崎和牛 + 鹿兒島黑豚肉‼️ 對肉有要求嘅朋友仔，仲可以選擇A4或A5宮崎和牛添！-松 𝗠𝗔𝗧𝗦𝗨 ($788/位)-< 前菜 >•極上韃靼盒集齊海膽、甜蝦、吞拿魚以及三文魚子嘅韃靼盒，雖然細細一盒，但就鮮味十足🥰*< 刺身 >•刺身三點•北海道海膽 伴大葉天婦羅海膽加碼‼️ 新鮮北海道海膽，可以選擇配大葉天婦羅/紫菜，入口即溶嘅感覺也太正了吧！*< 壽喜燒/火鍋 >•A4/A5宮崎和牛西冷•北海道豚肉眼•野菜盛合傳統日式壽喜燒 ，用上鑄鐵淺鍋，放入野菜盛，再自行加入日本正宗秘製壽喜燒汁！好鐘意可以一次過試匀宮崎和牛 & 北海道豚肉，咁嘅組合唔會過於油膩✨ 和牛肉質細嫩，油脂感豐富，沾上蛋汁超滿足！*< 蒸物 >•茶碗蒸蛋*< 飯/烏冬 >•日本米白飯／稻庭烏冬*< 甘味 >•北海道十勝紅豆雪糕及哈蜜瓜…查看更多

連發哥都到訪嘅日本餐廳?! 依間位於上環，由2017年開業至今，足足7年，有唔少固有嘅捧場客✨而足17品嘅晚市Omakase只需$1000/位就試到日本師傅嘅出品🍣 午市定食就around $150-250價錢算係幾相宜！-Omakase Menu ($1300/pp)-<刺身3種>•岩手縣生蠔•彷彿魚•深海池魚 最特別嘅應該係深海池魚，一片經過火炙，配以大蔥以及木魚花，而另一款以醬油醃漬過，醃上wasabi以及柚子，兩款唔同口感 & 味道，形成一個對比～*<壽司10品>•魷魚•赤貝•金目鯛•白昆布鯖魚•中拖羅•三文魚子•北海道海膽•大拖羅•小肌依到嘅壽司都係行平實路線，主要食返魚料嘅鮮味❤️ 個人今次最愛竟然係大拖羅，油脂甘香平均，但又唔會過份油膩～ 金目鯛經過炙香，帶返油香出嚟～ 最後壓軸嘅有小肌😍 味道酸爽帶鮮，非常上癮！*<本日料理>•螢光魷魚茶碗蒸口感非常滑溜，配上Q彈鮮甜嘅螢光魷魚，好正！•燒梳子魚外皮焦香，肉質帶彈性，不乏魚油香🐟*<味噌汁>*<デザート>•抹茶麻糬冰淇淋•抹茶奶凍有兩款唔同嘅抹茶甜品也太幸福了🍵 最中餅幾有心思地將外層燒過，而奶凍幼滑，帶抹茶甘香～…查看更多

最平$680就食到東京米芝蓮一星「銀座いわ」 嘅質素?! 依間主打江戶前風格嘅廚師發辦店，由「銀座いわ」創辦人岩央泰🇯🇵 午市15品Omakase最平$680就食到，以壽司為主；而晚市就比較豐富，食到招牌50cm北海道八爪魚，人氣海鰻壽司等多款必食菜式！比嘅海膽亦唔會手軟🤭 如果想體驗正宗Omakase嘅朋友仔就唔好錯過依間啦～-皇 SUMERAGI ($1780)-<先付け-三点>•大王蜆湯•剝魚魚 肝醬•醬油漬赤身一嚟嘅大王蜆湯超鮮的！完全啖啖都係蜆嘅精華，喚起味蕾準備之後嘅菜式！*   <さしみ-二点>•岩手縣- 令和の怪物•稻草煙燻鰤魚•北海道八爪魚   以肉質飽滿而非常受歡迎嘅岩手縣令和の怪物生蠔，濃厚蠔味，入口甘甜，好滿足！經過稻草煙燻過嘅鰤魚，配上蘋果蓉以及洋蔥豉油，味濃而不膩😌 最期待嘅北海道八爪魚環節，點都要影吓相先對得住自己😋 慢煮過嘅八爪魚非常軟嫩，簡單地配上柚子胡椒 & 芥末已經足夠！*<焼物>•燒赤鯥配日本舞茸 燒香過赤鯥帶出返油香，配返時令嘅舞茸，不錯～*<握り寿司-八貫>•墨魚•北寄貝•喜知次•車海老•中拖•大拖•海膽•海鰻今次個人最愛除左冇得輸嘅青森縣大間拖羅外，就一定係車海老以及海鰻❤️ 大拖油香十足，入口即化；但個人而言偏愛中拖，味道較balance，唔會太膩～ 車海老非常爽彈，而海鰻肉質綿密，配上鰻魚醬汁嘅惹味～*<玉子焼き>之前食嘅係兩層口感，而今次就一次過食兩款玉子焼！一款係偏布丁滑嫩質感，而另一款就係帶空氣感海綿蛋糕質感☺️ *<椀物>•魚湯*<デザート>•草莓紅豆大福…查看更多

中環又多間日式居酒屋進駐，隱藏係商廈14樓！餐廳計設落重本，除左門外掛有自轉懸浮石頭外，店内設計靈活運用寶石切割嘅斜線與立體剖面，加上射燈光線嘅配合，令客人好似置身翠綠寶石裏面一樣💎💚 而另一邊係佔地2000呎嘅露天位置， 有成7米高雷投影畫面，加上DJ 現場音樂，邊嘆Cocktails，夠哂有Feel，絕對係會即將火爆嘅中環新蒲點😎🍹-<SASHIMI>•Hamachi 咸蛋黄苦瓜醬油漬油甘魚，油香十足嘅油甘魚，經過苦瓜醬油醃漬過，加上少許蟹籽提升鮮味✨*<SMALL PLATE>•Shredded Celtuce Salad非常清新嘅三文魚子萵笋絲沙律，配搭蘿蔔蓉、木魚絲以及三文魚子，口感非常爽脆，清一清個味蕾迎接下一道菜🤤•Nagaimo & Tofu山藥豆腐，一口食到山藥嘅清爽以及豆腐嘅軟嫩，幾開胃！•Chilled Chawanmushi磯煮鮑魚茶碗蒸，其中最愛嘅一道前菜❤️ 凍食嘅茶碗蒸口感更彈滑，亦keep到蛋香！裏面除左有唔少磯煮鮑魚粒外，面層仲鋪滿脹卜卜嘅三文魚子，加上流心蛋黃，鮮味係口腔大爆發！*<TO SHARE>•Caramelized Pumpkin 經過焦糖化嘅南瓜，食落外脆内軟~ 外層嘅焦糖面厚薄適中，帶點肉桂嘅香味🧡•Takoyaki Style Chicken Wings雞翼章魚小丸子！絕對又係一道心機手工菜🤓 將雞翼去骨，然後再釀入墨魚滑；炸香後再淋上章魚燒嘅醬油及蛋黃醬，變奏版嘅章魚小丸子就誕生啦～ 啖啖肉而且仲幾有彈性，最重要係做到章魚小丸子表面嘅焦香感，加上惹味嘅醬汁，超適合配清酒的🍶•Charcoal Grilled Eel店内其中一道招牌菜- 炭燒白鱔！席前以預先燒熱嘅備長炭炙燒白鱔，炭香瞬間充斥整個餐廳😍 外皮香脆，肉質Q彈爽嫩，可惜魚骨都幾明顯，食嘅時候要小心•A4 Wagyu Cutlet Charcoal Sando吉列 A4 和牛竹炭三文治🐂 麵色比想像中鬆軟，加上炸得外酥内嫩嘅吉列 A4 和牛，絕配！和牛唔會過膩，如果配搭返啲醬汁提味，味道會更豐富🤭•Hairy Crab Butter Udon大閘蟹烏冬，讓大家捉緊大閘蟹季節的尾巴🥢 大閘蟹reduction，非常濃厚，略嫌偏鹹左啲；除左有唔少蟹肉蟹膏外，仲有大大個蛋黃，所有配料拌入烏冬一齊食太滿足了🥹 *<DESSERT>•Red Bean Daifuku紅豆大福…查看更多

駱駝漆大廈就出名多寶藏店，而今次呢間主打花膠雞米線嘅餐廳更係刷新左個人最愛！所用嘅湯膽聲稱係以三黃雞，豬筒骨，鯊魚軟骨及西施骨大火熬三小時而成🤤 做到奶白色嘅效果！而雞塊同樣用上三黃雞，肉質更嫩滑而且油份充足！最重要係有成8款米線配搭選擇😱 可惜唔係成日出觀塘，如果唔係想試埋佢哋嘅胡椒豬肚雞、椰子雞以及人蔘雞湯底🥹❤️ 但前提係要食多幾次藥膳湯先，因為真心超級香～-藥膳黃酒花膠雞米線 ($68)之前都食過一間係旺角嘅人氣藥膳雞米線，但始終湯底偏甜不太自然。而依間嘅藥膳湯真係可以當湯飲！裏面放左黃酒、杞子、當歸、白芷、川芎、紅棗、蟲草花等配材熬製而成，好香藥材味之餘唔會過濃😍 花膠正常彈牙個隻～ 好多人都話個米線偏少，女士們夠唔飽，男士們叫多個小食就夠哂！跟餐桂花烏龍茶 (+$18) 另外冬日限定冰糖雪耳燉檸檬都好正，飲落開胃之餘仲暖笠笠🍋*雞煲翅米線 ($98)期間限定！超補嘅雞煲翅米線！用石鍋裝住更保暖～ 而依個湯底係最Original個隻，更能試出雞嘅鮮甜味！非常建議大家轉雞脾肉，肉質更嫩滑！加配左自家製凍檸檬薏米水 (+$18)*金磚豆腐 ($42)麻藥蛋 ($28)當然唔可以最多人叫嘅兩款小食✨ 金磚豆腐外層薄而酥脆，裏面係嫩滑嘅口腐，真係會食唔停口🤭 麻藥蛋做到靚靚嘅溏心效味，放上米線一齊食也不錯～…查看更多

久違的Cafe Hopping~ 今次終於有機會嚟到依間好似與世隔絕嘅香港咖啡小店☕️ 店内以木系為主調，門口位置嘅白色牆投景着中文詩句，加上落地大玻璃，係少數可以休閒地慢慢坐嘅咖啡店，真正體驗慢活嘅樂趣✨ 而食物上都意外有驚喜，除咗有唔少日本料理，例如烏冬、丼飯以及定食，佢哋嘅日式甜品亦放咗唔少心機，喺度仲搵到日本名古屋必食嘅紅豆奶油厚吐司添❤️-鹽燒牛舌芯丼 ($118)人氣必點丼飯🥢 牛舌偏厚切，中間仲係非常粉嫩，口感爽彈！可以加少許檸檬汁提一提肉嘅鮮味～ 記住要加配溏心蛋 (+$12)，同個丼飯簡直係絕配🤭*浮生飯糰餐 ($88)乘聯JFOODO 日本米推廣活動嘅期間限定飯糰Set 🍙 除左有燒雞軟骨串以及是日自家漬物外，仲有2款用上日本富山縣天盛米製作而成嘅飯糰～ 醬油燒飯糰可以食到焦脆嘅口感以及醬油香甜嘅味道；而明太子飯糰就會係軟熟嘅口感，帶明太子嘅鹹香🤤 兩款飯糰兩種口感！*十勝紅豆奶油厚吐司 ($48)之前去名古屋旅行經常食嘅早餐🥹❤️ 估唔到係到都可以重捨返日本嘅味道～ 吐司非常鬆軟，表面烘得香脆。係上面放上十勝紅豆以及牛油，簡單組合，但又令人食唔停口嘅魔力🍞🫘🧈*新鮮橙皮黑朱古力卷蛋 ($52)若竹抹茶奶凍卷蛋 ($56)同樣非常有驚喜嘅卷蛋💕 兩款蛋糕口感鬆軟綿密，黑朱古力卷蛋嘅朱古力味突出，帶陣陣橙香，非常refreshing! 個人最愛都係抹茶奶凍卷蛋🍵 抹茶味唔係話食過最濃厚個隻，但就食得好舒服，充滿茶嘅清香，中間嘅奶凍亦夠Q彈！*稍息 ($62)秋季限定特飲🍂 混合桂花烏龍、金萱烏龍、菠蘿汁以及乳酸，茶香混合果香，味道清新唔會太甜～*鮮奶焙茶 ($48)用上島根出雲出產嘅焙茶，帶有碳烤嘅香氣，加上可愛嘅拉花，可以休閒打卡一整天了😌…查看更多

又一間落地玻璃海景中菜?! 仲係由新加坡星級主廚張偉忠先生主理🤩 有啲咩正過一邊望住個海景一邊食海鮮呢？🌊😎 除左海鮮之外，佢哋嘅熟成煙燻片皮鴨更係必試，可以話係最近食過最高質最嫩口嘅片皮鴨！鐘意食中菜嘅朋友仔快d Bookmark!!! -亞參蜜汁美人魚沙律 新鮮嘅沙律菜上面放滿脆炸魚仔，加上甜甜嘅蜜汁燒烤醬，好開胃🐟*金絲麥香花竹蝦手掌咁大嘅花竹蝦超厚肉，外層鋪滿酥脆嘅新加坡麥片，加上爽嫩嘅蝦肉，食得出外脆內軟嘅口感🦐❤️*砂朥越白胡椒蟹 (時價)用上大肉蟹，肉質結實而且非常新鮮！用上馬來西亞砂勞越白胡椒炒，夠香口之餘唔會遮蓋蟹肉原有嘅鮮味🦀✨ 另外仲有多款烹調選擇，私心想試黑胡椒焗/黃金流沙～*48小時熟成煙燻片皮鴨 ($598/原隻)經過自家掛吊方式48小時熟成，再以香片茶葉及木碎煙燻上色嘅片皮鴨，鴨嘅外皮油潤閃令令，口感薄脆，而且鴨肉超!級!軟!嫩!!!! 中間看得見粉嫩嘅顏色🦆🫶🏻 真心好食過不少酒店嘅出品！*香芒野生雪燕椰子盅本以為普通嘅楊枝甘露，原來下面藏有清甜嘅椰子布丁，裏面仲加入了椰子肉 🥥 加上雪呢拿雪糕以及野生雪燕，真係多層享受！*蘋果拿破崙足三層嘅蘋果拿破崙！ 上層嘅軟滑嘅吉士，下層則係滿滿嘅蘋果肉🍎 配上酥脆嘅拿破崙以及雪糕，幾有心思～…查看更多

川婆婆大家就聽得多，一向係港人們食辣嘅人氣店！原本主打火鍋x串串嘅尖沙咀店，化身為烤魚專門店，係今個月重新回歸😎 座位坐落依然舒適闊落，最重要係依家除左有得打邊爐，仲多左烤魚以及即燒串燒！雖然宜家上深圳好方便，但係點夠出尖沙咀方便？🤭 既唔使長途跋涉又可以滿足想食烤魚嘅口癮！晚上9PM後生啤仲有買一送一優惠，啱哂同一班朋友嚟chill返下🐟🍻-<烤魚> 江豚魚 ($358)•安格斯牛肉片 ($158/小份)•牛黃喉 ($98)•黑毛肚 ($88)•鵝腸 ($78)打頭陣就食咗主打菜-烤魚！ 湯底可以選擇川麻味/酸菜金湯。而魚就有 清江魚/江豚魚選擇。鍾意食辣嘅朋友仔大推川麻味湯底，小辣已經幾過好口癮🌶️ 個人覺得可以再重口味啲，咁之後嘅火鍋配料會更入味～江豚魚肉質新鮮嫩滑有驚喜❤️ 即使煮耐左都唔會變到好乾身。食烤魚同時仲可以打邊爐，一鍋二食!!! 安格斯牛肉牛味幾重🐂 至於牛黃喉就偏厚身 同平時食開薄片嘅就有啲分別，但食落同樣幾爽脆！ *<串燒>•招牌羊肉串 ($58/4串)•烤豬肉串 ($58/4串)•烤大腸串($58/4串)大腸串店員推薦，食落有陣燒烤過嘅焦香味，帶油脂嘅甘香😋 羊肉串及豬肉串調味到位，個人比較鍾意羊肉串。*<燒物>•燒蒜蓉大生蠔($58/隻)現時餐廳做緊買一送一，生蠔兩隻都脹卜卜，即叫即燒，配上蒜蓉、葱以及辣椒🌶️，超級惹味！鍾意食生蠔嘅朋友仔就唔好錯過啦❗️*<飲品>依家9PM後SUNTORY 日本生啤+黑啤做緊買一送一優惠😱🍺 解辣一流…查看更多

依家唔洗飛泰國都食到米芝蓮級泰菜喇😱❤️ 由獲得「亞洲50最佳餐廳」Top 1 + 米芝蓮1星Le Du 泰國名廚Chef Ton 打造嘅首間海外店！坐落於K11 Musea，餐廳中間除左有個搶眼嘅酒吧位外，近窗位置仲望到維港景，整體感覺比一般fine dining 更輕鬆點🍴 菜式同樣以新派泰菜為主，採用泰國本地新鮮食材，配搭當地傳統風味，再靈活揉合現代烹調技巧，創造出一系列充滿wow Factor的泰菜~ 最最最重要係連Le Du招牌菜冬蔭公烤龍蝦都食到，今次真係連機票錢都慳返🤭-𝟲-𝗖𝗢𝗨𝗥𝗦𝗘 𝗦𝗜𝗚𝗡𝗔𝗧𝗨𝗥𝗘 𝗠𝗘𝗡𝗨 ($1480/pp)-ᴀᴍᴜꜱᴇ-ʙᴏᴜᴄʜᴇ分別有4款餐前小吃- 炸芋球/煙燻油甘魚他他/魚子醬帶子撻/粟米撻。最愛一定係前者炸芋球，外層炸得酥脆，而裏面係散發陣陣茴香以及咖喱香味嘅軟滑芋蓉，一嚟已經感受到泰式香料嘅衝擊✨*ᴘʀᴀᴡɴ | ꜱᴇᴀᴡᴇᴇᴅ | ꜱᴘɪᴄʏ ʙᴇᴇᴛʀᴏᴏᴛ虎蝦搭配海苔及香辣紅菜頭，蝦肉嘅爽彈，搭配冰凍甜辣嘅紅菜頭雪葩，加上海葡萄 & 海苔粉，酸爽清新❣️ 係一道能夠喚醒味蕾的前菜！*ᴏʏꜱᴛᴇʀ | ᴛʜᴀɪ ꜱɪᴄʜᴜᴀɴ ᴘᴇᴘᴘᴇʀ | ɴᴏʀᴛʜᴇʀɴ ꜱᴘɪᴄᴇ生蠔配四川花椒及泰北香料。水煮過嘅生蠔肉質保掛結實🦪 配上四川花椒 & 泰國紅辣椒油非常香辣惹味！建議可以同時沾上青蔥忌廉平衡返個味道。*ᴀᴍᴀᴅᴀɪ | ᴛʜᴀɪ ᴋᴀʟᴇ | ᴄʜᴏᴏ ᴄʜᴇᴇ ᴄᴜʀʀʏ紅咖喱甘鯛魚配泰國羽衣甘藍。泰式餐廳都食到甘鯛立鱗燒，唔同嘅係依到配搭上升昇華版泰式紅咖喱- Choo Chee，比一般的辣味更出，質感更厚身😌 一旁仲附上炸蝦豬肉丸，伴上羽衣甘藍醬可以一解油膩感～*ᴄʀᴀʙ | ᴍᴜꜱʜʀᴏᴏᴍ | ʜᴏᴍᴇᴍᴀᴅᴇ ꜱɪʀᴀᴄʜᴀ自家製「是拉差辣椒醬」炒蟹配蘑菇。這道菜就是Show Off香料的環節😎 鋪滿蟹肉嘅香菇飯分別配上3款醬汁- 是拉差辣椒醬、蟹膏醬 & 黑水欖醬🦀 每一啖都享受都唔同風味！*ꜱɪɢɴᴀᴛᴜʀᴇ ɢʀɪʟʟᴇᴅ ʟᴏʙꜱᴛᴇʀ (+$680)(ʙʏ ʟᴇ ᴅᴜ)必試Chef Ton 招牌香烤龍蝦！唔洗飛泰國都食到米芝蓮1星 + Asia Top 50 第一名 Le Du 出品嘅鎮店之寶- 烤龍蝦🦞 將泰國冬蔭公元素加入原隻新鮮澳洲龍蝦裏面，結實鮮甜嘅龍蝦肉配上用以龍蝦膏+冬蔭功香料煮成嘅醬汁，再灑上香脆嘅炸泰式奄列蛋碎，可以見到西x泰嘅創新結合！令平時食到嘅味道有煥然一新嘅感覺🥰 旁邊嘅黑糯米飯可以加入青檸汁享用～*ᴡᴀɢʏᴜ | ꜰᴇɴɴᴇʟ | ʜᴏʟʏ ʙᴀꜱɪʟ聖羅勒茴香和牛🐂 A5和牛嘅油脂感豐富，肉質軟嫩，配上聖羅勒茴香味道清新了不少🌿 感覺上牛肉嘅份量可以再多點就是了～*ᴍᴀɴɢᴏ | ꜱᴛɪᴄᴋʏ ʀɪᴄᴇ | ʟᴇᴍᴏɴ超好吃的變奏版芒果糯米飯！焦點一定係煙煙韌韌，充滿椰香嘅黑糯米咸椰奶糕～ 上面放上新鮮芒果肉、綠豆慕絲、檸檬醬 以及焦糖烤腰果，令整體味道更豐富！加上酸酸甜甜嘅芒果雪糕，夠哂清爽！💛*ᴘᴇᴛɪᴛ ꜰᴏᴜʀ朱古力四季桔撻、椰子香蕉蒸糯米糕 & 時令水果 (紅火龍果/番石榴)*Thailand Martini ($108)Farmland Fruit ($108)…查看更多

同朋友去Cafe依間絕對係最愛，而咁啱知道佢哋推出了夏日新菜式，立刻同朋友過去食返個lunch chill返下❤️ 新出嘅燕麥奶系列，其中一杯紅火龍果香蕉燕麥奶沙冰非常refreshing，夠清爽而且好light，飲到出好香嘅香蕉味以及火龍果嘅清香！另一杯青蘋果熱情果冰茶飲落亦非常透心涼，酸酸甜甜嘅熱情果特別醒胃！香烤雞胸伴羽衣甘藍沙律雞胸做到非常嫩口，而且外層嘅香料非常惹味，啱哂一眾健康keep fit人士😎香煎比目魚伴普羅旺斯燉菜外皮煎得香脆，魚肉嘅保留到鮮嫩嘅感覺，魚有香幾出，配上酸甜的普羅旺斯燉菜，係幾輕盈午餐！意大利芝士咖啡窩夫伴agnes b.朱古力雪糕最後獎勵吓自己，點都要試吓甜品！面層嘅意大利芝士cream幾軟滑，窩夫可以再鬆軟一啲🧇☕️另外仲喺甜品櫃度揀咗個咖啡朱古力撻，朱古力味超濃厚，散發着陣陣咖啡香，仲有個馬卡龍作小點綴！…查看更多

位於 Hyatt Centric 頂層嘅依間空中餐廳酒吧，唔同指定日子都會有唔同限定菜單，例如逢星期一會有$1 享用第二道主菜/星期二龍蝦主題晚宴/星期五至六第2小時$1就可以Free Flow Prosecco & 特選Cocktails 😱‼️ 而今次就衝住佢哋星期四限定嘅斧頭扒Menu。人均300多就可以食到澳洲M4/M5和牛斧頭扒，另外仲有5款醬汁 + 4款配菜！另外加少少錢仲可以Upgrade多一款甜品，或者揀返支酒配返個牛扒都仲得！-Tomahawk Night ($1388/2-4人量)**逢星期四  5:00 PM 至 10:00 PM 供應* 精選紅/白/有汽酒 +$138/支-<TOMAHAWK>澳洲WESTHOLME M4/M5和牛斧頭扒上枱夠哂重量級！顏色粉嫩係剛好的medium Rare❤️ 由於係和牛嘅關係肉質比之前食到嘅更軟腍，外層帶焦香，肉汁豐富油香十足～ 驚喜位係竟然有5個醬汁配搭，除左經典黃芥末，仲有泰式風味醬，韓國辣醬等，非常惹味🍴🥩*<SIDES>•Wok Fried Pea Shoots 炒翡翠苗•Okra Tempura 秋葵天婦羅•XO Cauliflower XO醬炒有機椰菜花•Egg Fried Rice 香蒜葱花蛋炒飯秋葵天婦羅炸得香脆，非常過到口癮！其餘配菜平時配餐都食到，估唔到連咁重量級嘅斧頭扒餐都跟咁多款配菜，加埋個飯真係飽一飽！🤣*<DESSERT>•"Cacao and Coconut" 可可椰子甜品 (+$78)…查看更多

尖沙咀一帶出名多正宗韓國菜，而依間最特別嘅係主打韓國直送韓牛燒肉，而且仲有多個部位提供！餐廳由韓國人開設，連員工都係韓國人，真係有啲好似返左去韓國咁親切🥰 除左韓牛，連豚肉都係來自韓國，特別啲嘅可以燒埋韓國淡水鰻魚以及牛肥腸等～ 當然仲有一系列嘅韓國鍋物 & 小菜，整體份量都幾多下，網上訂位好似仲有9折至85折，啱哂同一班朋友食下飯聚下咁🍻-韓牛套餐 2 + 韓牛生肉片 ($1165)•牛肉眼扒•薄裙肉•菲力/牛柳•牛排肉想食韓牛套餐分別有兩個套餐，最平$920就已經食到4款唔同部位～ 加多少少錢仲可以升級食啲價錢比較貴嘅位置。兩個套餐都會包咗塊牛肉眼扒🐂 大大塊幾厚肉，肉質幾軟腍～ 最愛應該係薄裙肉，肉質結實，食得出香濃嘅肉味，同時帶油香～ 菲力質感比較幼嫩；牛排肉運動量比較大，所以比較有口感，肉味都幾好出～非常推介依到嘅韓式生牛肉！相比起廣藏市場一間好出名嘅生牛肉店味道幾貼近～ 生牛肉非常有口感，柔軟得嚟帶彈性🥰 拌上蛋漿，麻油，芝麻 以及雪梨，吃起來就是韓國的味道!!!! 食落原全冇腥味，只有牛肉本身嘅鮮味以及雪梨甜甜嘅清香～*韓式醬猪蹄 ($380)重量級原隻猪蹄🐖 份量真係3-4人share剛好，外皮係非常有彈性，骨膠原嘅感覺，整體偏向有咬口，作為下酒小菜送啤酒非常唔錯🍻*醬油蟹 ($450/2隻)香港人最愛嘅醬油蟹🤎 依到做得幾入味，醬油味道幾温和，唔會令到成隻蟹過份重味～ 雖然成隻蟹唔會話爆哂膏咁，勝在幾厚肉而且蟹膏食落夠鮮甜！將紫菜蟹拌上蟹膏一齊食是常識吧😎*海鮮魚湯麵 ($135)正常發揮，海鮮配料幾豐富，有齊魷魚、蝦肉、青口等～ 麵條偏粗身，食落幾滑溜🥢…查看更多