JessieFong的个人专页

海鮮麵過咸，人蔘雞湯冇乜人蔘味，整體食物質素一般！同要限制用餐時間，空氣唔流通過焗，訂了位都係在洗手間出面坐，但整體員工服務態度友善有禮同肯落意幫助所需的要求。餐廳面積大，但枱與枱之間都很接近，與隔離枱食飯係很近的！ …查看更多

本人與朋友2人在7/1/2024大約下午5點半在這店用膳，其實這段時間已冇乜人係店內食嘢，都有幾張卡位枱吉，我哋入去時想要求要卡位，但女店員話要3人以上先可坐，咪繼續坐佢所要求的bar枱，但又因為我哋拎住好多嘢咪諗住放枱下的櫃桶，但原來係冇的，因為我哋坐嗰個位咁啱係冇櫃桶cut咗的，咪惟有攬住袋野食，我哋開始order 嘢食啦，其中叫咗一碟吉列廣島蠔，用筷子夾下睇下有冇蠔，但夾極就只有芝士沒有蠔，咪叫啲職員姐姐睇吓係咪攪錯咗，佢行埋黎話係攪咗錯換過碟，但就係我隔離好大聲同廚房師傅講我篤爛咗碟食物，其實佢哋係咪當我哋大陸遊客，想呃我哋唔識食咗碟嘢就算，不過我同我朋友話呢間鋪咁架！我哋就話快食完order 啲嘢食就走了！去其他地方食好過，貼錢買難受，我哋將近食完時，見到對面的卡位枱係留作佢哋職員休息的！:(身係卡位係2人可入坐的，乜真係無良！呢啲做生意手法，都唔使有下次去食，食物質素又一般，價錢又唔係平過元氣！…查看更多

本周六諗住在這間餐廳午膳，就去排隊啦，當排到時，男接待員就問幾多人，我就話7個人，我問有冇位連住枱啦！佢態度很惡劣同不友善就話有就俾咗你啦！就示意我去另一條隊排，（我心諗咩態度呀！），之後我就排啦，過了一陣就諗住問下男接待員，我們可分開兩張檯座，現在可有位坐嗎？他就話現在執緊枱等五分鐘，我問是否有位俾我呀？他就重復話現在執緊枱等五分鐘，冇話是否有位俾我，因為我只是問他有冇位俾我，但他冇答我有冇，態度非常強硬，因為如果他冇位俾我，我就走了，等一分鐘都嫌多啦！之後男接待職員走出來話有位啦！不是屋企人堅持話在這餐廳用膳，我一早就走了唔幫趁了，我因為太嬲最終都冇食嘢就走了，只有屋企人留下用膳。餐廳有呢啲人做嘢！真係同老闆倒米！！⋯⋯…查看更多