Sweetsmallsheep的个人专页

星期六黎呢到睇完傢俬去搵餐廳食晚飯，見到呢間餐廳$150+20（星期六日加$20）有肥牛任食火鍋，咁就即管試下。一黎上左幾碟肥牛，D 肥牛係肥到只有肥膏，基本上見唔到肉！即刻同店員講收走晒d 肥牛，加多每人$50 upgrade 做B餐，牛肉質素係好左少少既。點知食左只係15分鐘左右，一隻曱甴唔知係邊到跑左出黎，仲要係我個火鍋面前跑黎跑去！（見相）我即刻大叫！店員好快過黎想捉走佢，但隻曱甴走甩左，店員問我想換位定免單唔食離開，咁緊係免單唔食離開la! …查看更多

先唔好講好唔好食呢到叫位非常非常混亂，遲黎既號、走開左既號，通通都比我這張人齊的號早入去！跟阿姐理論，同我講話佢話唔到事，叫我直接同老闆反映！問佢叫號嘅依據係按拎飛時間定係按咩野次序，阿姐答唔到我！呢到唔止得我哋呢一組人不滿，其他人都一樣有咁嘅情況，同阿姐理論都係繼續唔理！老闆既態度仲好野，繼續聽到都扮聽唔到，繼續依然故我，鐘意叫咩野號就咩野號！！！！！！Okay! 咁既服務態度，抵你獲得一個負評！…查看更多

個女係附近上畫畫班，見到OpenRice 咁多哈哈笑就走入黎試下Lunch set 合理價錢，普遍7x-100 到，包湯包野飲，但個龍蝦湯係咩野龍蝦味都無，主菜我選擇左野菌汁牛柳粒焗飯，屋企人叫左個素漢堡，我個焗飯就咩野味都無，連炒底都慳返最令人則目係有個類似經理，本身同我落單都唔係好客氣，點知同隔離台落單仲爆，罵個客「等下得唔得呀？使唔使咁急呀！」隔離台都店左漢堡，佢地點既野黎齊晒我屋企人點既素漢堡都未黎，搵個位經理幫手追點知又被佢訓話一輪叫我地等下得唔得！真係免費都唔會黎食第2次，好懷疑間野哈哈笑點黎…查看更多

星期日晚7點幾成個商場間間食肆都要等位，唯獨呢間食肆唔使等位原來真係有原因粟子湯除左澀味，就咩味都無，仲要一d 都唔滑雞翼味道尚可，但食完喉嚨好辛苦，應該係用左萬年油黎炸！虎蝦辣肉腸蒜香扁意大利粉呢碟意粉味道唔算係好食，只係正常，但份量真係細得好驚人！3啖食晒！紅酒燴荷蘭牛仔肉飯份量一樣咁少，5啖食完！味道方面係呢餐最好食澳洲M3 頂級西冷配薯條我要左7成熟，塊扒切開都仲見到紅色既，但呢塊所謂既頂級西冷口感硬過我條頸我地食到尾聲，聽到隔離台都係係到講食完唔飽總括嚟講環境可以，但食物份量同價錢唔成正比仲要唔好食，唔會有下次…查看更多

真係難食到要開個户口 避免其他人中伏叫左5個點心 1）蒸牛肉腸粉無咩特別 不過不失 所以無影到相2）沙茶魚唇（相最右）魚唇真才實料 可惜味道偏淡3）蒸海參餃一夾就散 仲要無味4）鮑汁菜心呢個最離譜 $50 既鮑汁菜心 可能我孤漏寡聞 我食開既鮑汁係「結」既Ok 你放我上枱 我就試下一試 即中伏 我即刻舉手問侍應呢個係鮑汁菜心？佢答我係我問佢鮑汁係邊？我靜係食到豉油個侍應答我 哦～我地d豉油係鮑汁做咁真係唔好意思 我一d鮑魚味都食唔到唔好用頭抽 普通豉油都及唔上！5）蛋散成餐最好食既點心 蛋散係香脆既 平心而論 呢個係做得既好總括：點心選擇少之又少，味道乏善可陳，價錢就酒店價位…查看更多