angelacat的个人专页

食到嬲到要出差評係優惠訂購平台買左佢個任食M 5和牛套餐連加2個人$550，睇相都多野食,openrice都多好評，就試下啦平日食21:15，現場冇咩客好快入坐，QR code 落單發現前菜有一半都冇，叫左個椒鹽雞軟骨係凍既🥶出去拎調味料冇蔥冇芫茜冇蒜蓉，要問佢先會fill 返等左15分鐘先黎雞煲，食完雞煲又要等10分鐘先上海鮮，啲海鮮唔差既，係調味既蒜蓉鹹咗啲，食完海鮮叫佢上湯底又上錯又要等食物種類少，肉得幾款，出面拎既又普普通通，M9和牛同普通牛冇咩分別，落單先過癮，㩒4碟牛就黎得1碟，有次叫左2款牛佢就同我黎左一牛一羊，碟羊放左係下面我食完碟牛拎開先知，成晚就係食牛同菜，冇咩野揀出餐慢又冇咩好食成餐飯食到我都㷫烚烚冇下次…查看更多

呢間野啲燒賣超級難食😠難得去到太安樓搵食，見呢間比較舊式又多人買就想試下佢啲燒賣，佢有幾個價錢牌中間紅色個個大大隻字寫俾6蚊一串15蚊一碗，男朋友話要一串，我想食多啲就話一碗，佢話𢳂夠$20俾你啦，我問唔係$15一碗咩？佢就好似著左😡咁話一碗$18啊！邊有$15一碗咁平啊！佢講完我先見到佢後面有塊好細嘅牌寫住燒賣18一碗，算我照要🤦🏻‍♀️佢𢳂完就咁放係度又冇俾竹籤我哋（冇放竹籤出黎）又冇問我地要咩汁，見兜燒賣咩都冇就問返佢有冇豉油辣椒油嗰啲，佢指住其中一兜好串咁同我地講呢啲係咪辣椒啊係咪豉油啊，又話我地咩都唔講唔知我地想點☹️串到飛起！我都唔知點解買碗燒賣都要你氣，問多2句就要串返個客真係好差😡到最後啲燒賣係好難食，蒸到發脹哂，又爛又梅，啲辣椒豉油有冇味嘅，都唔知食左啲咩落肚☹️☹️仲要貼錢買難受，呢間野真係冇下次😡😡😡…查看更多

好美味,肉質好嫩!厚切牛舌真係好好味柚子味嘅豬腩肉好特別今餐食得好滿足,下次一定要叫埋D朋友上黎食服務態度也非常友善和禮貌最後，旺角店的水準真係verygood…查看更多