jenchan104的个人专页

要放No pay leave 其實應該慳D洗…但係一個月放5日，Ｄ嘢迫埋黎做，真係做死人。放工實在唔想再煮，反而仲多左出街食🤦‍♀️。最近又食得太多西餐，想食返Ｄ惹味啲既野。馬來西亞菜式似乎係唔錯既選擇！經過呢間就諗住試一試。明明就排緊隊，竟然有一男一女自己衝入去搵檯坐得，而個店員又可以由得佢？！兩個人叫左二個餐一個炒通菜。參巴炒蝦球配碟豆花椰漿飯 份量算大碟，蝦炒得爽口陣牙。椰漿飯不過不失，賣相夠吸晴，不過無咩味道。豬肋排肉骨茶，佢可以揀胡椒或者藥材。我地揀左藥材，不過有Ｄ失望。肉骨茶味道太淡，藥材味唔夠濃外，豬肋排好勒….應該係煮嘅時候太短, 唔入味之餘，豬肋排又難咬。以呢個份量二百幾蚊唔係貴，但食物整體係偏咸，食完果晚真係超口渴！…查看更多

返工返個成個星期無停手真係人都顛，Happy Friday梗係要食餐好！最好就係有得飲返兩杯啦。S2餐廳內佈置富日本風味，座位唔多，但氣氛相當熱鬧！訂枱果時講明要坐吧枱😆！第一次食teppanyaki梗係要坐近Ｄ!!坐低見倒師傅急住整緊唔同菜式，好香好吸引！ 最抵食係9道菜，每人只係$480。今次黎呢度朝聖其中一個目的就係食傳說中嘅海膽杯！淨係睇個樣已經超吸引，每層材料都唔同，有幾多種我就唔記得喇，有北海道海膽﹑三文魚子﹑海葡萄﹑鮑魚粒﹑松葉蟹肉等等。食海膽最怕係唔新鮮會有苦味，睇住師傅開盒新既北海道直送海膽，就知一定新鮮啦！海膽焗海蔘呢度既菜式好多都會特別加入海膽做食材。無諗過食 teppanyaki 會有海蔘食，個汁用左海膽同鮑魚汁煮，海蔘好彈又入味。海膽甲羅燒有蟹膏﹑海膽加埋松葉蟹肉一齊炒，聞到已經勁香！比起以前食過既甲羅燒，呢個絕對係夠晒足料，滿足晒視覺味覺😊清酒款式算幾多，加上價錢唔貴，食住鐵板燒飲sake真係好嘆!…查看更多

同朋友們一齊去 Mong Kok Top 商場food court，見倒一直好想食嘅Popeye炸雞！之後機場禁區內有一間，總係無機會試下！所以今次就算食飽都要叫兩件食下！勁鍾意食炸雞嘅我，每次去泰國都會勁食KFC，呢度嘅炸雞可以拍得住！新鮮炸起熱辣辣😋皮薄唔會太多炸粉，有少少spicy。最重要係肉質鮮嫩，食落好juicy又無雪藏味！單買都係都$16至$20一件。果然名不虛傳！另外再叫左個scone, 有啲硬又無咩果咁，可以唔洗試。我覺得佢比蜜蜂炸雞好食得多，無咁油膩，唔會食完覺得好滞咁，單件買咁食無咁有罪惡感嘛！…查看更多

人地係ＯＬ🤦‍♀️，我就係工廠妹！荔枝角係工廠區，但其實都有好多好野食，特別係Ｄ工廈入面。日日食lunch梗係要搵D抵食又多款式架啦！同一條街我都食過幾間，今次試下金拇指米線！一向以為呢度只係食米線，原來係一間茶餐廳。入面係自助餐模式，感覺好似入左大Ｘ樂咁。食既野有好多選擇，客飯﹑焗飯﹑常餐﹑米線﹑燒味飯。。。邪惡下午茶西多士都有！我叫左下午茶酸辣湯雞中翼米線，佢係輕盈系列，份量啱晒我，唔會食唔晒。雞中翼係生炸既，好惹味。酸辣湯我叫左中辣，下次可以叫大辣。加埋杯凍檸茶先至$30！呢個價錢去邊度搵呀？！呢度真係上班一族既飯堂，咁多野食揀唔洗怕會悶，以後會多Ｄ黎食!…查看更多

星期日去完教會小組，所以又係去佐敦搵野食。上網搵下想食上海野，就黎左呢間小籠家族。外面門口望入去都幾是正，裝修睇落唔錯，一於試下。一行４人差唔多一點到達，入座人唔算太多，都坐左1/3。呢度食品款式非常多，基本既上海菜式都得有食。食上海野梗係要有小籠包﹑炒年糕﹑酸辣湯啦！上海炒年糕 $68都幾大碟，年糕煙韌，咬落軟中帶點硬度。菜同似分量適中，加上豆瓣醬，味道一流。招牌口水雞 $68口水雞肉質軟滑，特製醬汁有小小麻辣。家族小籠包 $36賣相相當飽滿，湯汁濃郁，外皮唔算太厚，最緊要係夠熱!酸辣湯面 $42呢個價錢黎講真係好抵食。面質有力，唔會浸多兩浸就淋晒，不過本人覺佢較為甜多Ｄ，如果再辣Ｄ就啱我口味喇！豆沙鍋餅　$32雖然已經好飽但係都係要食埋甜品! 紅豆餡甜度適中整體黎講所有菜式都賣相味道都相當唔錯，加上價錢合理，食碗麵都係40幾蚊，一定會再黎食！…查看更多

細個就好鍾意食清心丸，唔係一般糖水鋪有得食。上年年尾帶朋友黎食過合成糖水，令佢一試難忘，仲要佢第一次試咩叫做「清心丸」！佢上星期由英國返香港幾日，我地夜一夜都要去九龍城食呀！去到已經10:30左右，店外依然好多人，入到去已經坐滿晒。雖然都幾迫，但係都無阻大家黎呢度食糖水。望住咁多野揀既餐牌，我揀左好耐😋腐竹薏米清心丸（$36）份量多同幾足料 薏米都幾多，腐竹係半溶，食落好滑。清心丸好煙韌，不過略嫌唔夠多，下次可能要加碼先得😆。朋友叫左椰汁黑糯米湯丸　($52)試左啖覺得椰汁太濃，唔係我杯茶，我都係鍾意食Ｄ清甜Ｄ既糖水。其實價錢都唔算平架，不過傳統糖水又唔係走圍有得食嘅😬～…查看更多

之前去開尖沙咀都見過呢間船面，上星期４去開黑布街，今次終於有機會試下。環境幾乾淨企理，入到去侍應仲主動拎個籃俾我放手袋。夜晚８點幾食飯時間都算坐滿人。同朋友食每人叫左安格斯牛船麵，麵底可以揀黃麵╮金邊粉﹑米粉﹑河粉﹑粉絲。呢度用既河粉唔係一般港式河粉，係好似去泰國食果種，薄切闊面，仲非常煙韌。湯底非常濃郁又夠熱。$68一碗都算幾抵食。小食我地叫咗炸蝦餅，就晒份量，每件都好大舊。新鮮炸起熱辣辣，蝦嘅份量應該都幾多，唔似得有似食落係好多麵粉咁。…查看更多