wwwwwy的个人专页

呢間嘢呀媽一直都想去食，剛剛就去試下呢間嘢等呀媽開心下。當時六點正，我到先，攞定位，點知間嘢無冧住開冷氣準備客人嚟食晚飯，間嘢細都唔係只開一陪冷氣下話，好焗！好彩自備風扇，自己伙計話焗先去開！個人評論：間嘢細！位又窄！變成環境好嘈喧巴閉！成日聽到隔離條友不斷講粗口當自己語言！個人認為啲嘢食非常一般唔係特別好食，叫咗牛油帶子，睇張相個賣相好靚，點知又乾又鞋又無帶子味，拉圾！跟住條火龍蝦一樣，食完條脷重鞋，都唔知咩嘢食嚟嘅！跟住叫其他嘢都係一般，唔值咁嘅價錢！只可以覺得海胆壽司ok！唔通為咗海胆壽司再嚟咩，唔會囉！埋單380，我比四百，我冧住佢比番一張廿蚊紙我，點知找來一蚊兩蚊，冧住我唔會要咁，我就要哂佢比你睇！呢頭錢啱啱收咗，客人都未離開個位，就即刻收嘢，差啲就整到我！又攪到我媽要等佢收埋嘢先可以起身離開，真過份！出面啲人開始排隊，唔明點解有咁多人幫襯，我亦唔想知！我淨係知無下次！真正食嘢嘅人都會同我一樣！我而加條脷重鞋緊，你地不妨睇體驗下！…查看更多

冧住好耐無嚟過, 就不如再嚟食吓, 因為呢間嘢以前都算ok 嘅, 都係想食番以前咁嘅樣, 點知令人失望不特只, 重食到一肚氣, 重要鬧人:冧住天氣凍, 三個人就叫咗羊腩煲, 田雞煲仔飯, 薑汁芥蘭:1. 羊腩煲 : 煲嘢無羊味, 又一啲都唔香, 成煲嘢水旺旺咁, 啲羊好似求其揾啲熱水滾熟, 重要係滾熟咗好耐, 攪到無哂羊味, d 味淡哂, 再跟住求其加啲配料就咁算, 做埋啲咁求其嘅餸, 重要人$78. 2. 田雞煲仔飯: 又係無味嘅, 求其整幾舊田雞就算, 骨重多過肉, 啲伙計不斷咁sale人哋煲仔飯, 話要等好耐, 其實佢都無做過嘢, 煲仔飯啲主菜完全無醃過, 淡某某嘅肉(骨)同啲飯一齊食重收人哋五十幾蚊. 3. 薑汁芥蘭: 係衣加呢個時候(入冬), 都比埋啲好多骨好硬嘅芥蘭人哋食, 重要對面果兩個人同我哋同時叫同時嚟, 我哋果碟好明顯重少過佢三份一, 個煮嘢果個煮同一碟嘢應該基本上知道要分得均雲比兩枱客人, 但係佢都做唔到, 就求其上就算 ! 啲座位又安排度迫迫澀澀, 啲伙計明知我後面無位過, 係都要擠入嚟同其他客遞餸落單, 喺第二邊有條閣啲嘅就賴得兜過去, 撞咗我幾次都無講對唔住, 好似老鳳咁, 由其事著灰黑簡條 T 嗰個, 目中無人, 其他(伙計)果啲唔洗講, 啲態度差度垃圾, 去大排檔食重好過呢間咁嘅嘢幾百倍, 唔會再有下次, 重會叫我識或者唔識嘅人唔好去呢間嘢 ! 本人覺得比多少少錢可以食好啲係正常同應該嘅(第一個食評一樣), 但係要用呢個價錢重反而食到以上嘅後果(一肚氣), 咁大家可以知道呢間嘢值唔值得你去試。…查看更多

為咗母親節樸咗好多間有自助餐酒店，終於幾經波折去咗呢間，係第一次去，好驚質素唔掂，因為個名好似旺角嗰間 '朗 X'。想唔到有意外驚喜：1. 食自助餐我要求有：生豪、翡翠螺、龍蝦仔(我嘅 favorite， 我都食咗好多)、三文魚刺身(好鮮甜！)、燒牛仔肉。呢間酒 店全部都能夠提供度；2. 並且重有另外驚喜，就係場內有 " 煎鵝肝"(好好味，外脆內軟，好正！)；3. 生豪有兩種選擇(雖然係細咗d，但都好鮮甜)；4. 剛才提及凍海鮮，我從未見過佢地缺乏過，一直保特充裕；5. 又有幾種Hams 揀，雖然唔係高質素果種，但味道都唔錯；:)6.專人即 Lo 沙律 (凱撒沙律)，好味！7.有印度餅配幾種咖哩(羊肉、豆頪、海鮮)，係辣咗 d 嗻；8.又另外每人送：鮑魚仔、薑汁燉燕窩、羊架(一件)、海胆蝦，四選二；甜品送：梳乎里、 蛋糕仔、puff 仔。:)真係好多嘢食揀，如果唔係個肚食到脹哂，我其實重想食落去架，真係食到捧住個肚走。食嘢嘅環境又唔錯，雖然價錢係貴咗d ($488加一，再75%，每位$414.8)，但一分錢一分貨，有咁多嘢食(重要係我鐘意嘅！真係好少酒店可以做到架！)，呢個價錢都可以接受，一定下次再嚟拆過！p.s. 掛住食嘢唔記得影番d 相來證明一下比大家，真係唔好意思！重有，女厠果度 d 洗手 液都好清香架。…查看更多