梳乎蛋的个人专页

真開心，放一日假搵好嘢食！約好姊妹一齊去食廚師發辦，嘆足兩個半鐘，去咗久聞大名的「榊原」，晏晝食更化算，揀咗最豐富嘅「蟬時雨」每位$668，有刺身、壽司、和食、雲丹及卷物。魚種非常特別，例如尾場鯛、葉血引、紅鰤魚 ，份量亦都豐富，非常滿意。缺他不可的熱辣辣超滑海鮮蒸蛋，一般都是由佢開始，然後是刺身系列，新鮮北寄貝．蘿蔔苗．醋汁，酸酸地開胃。牡丹蝦，以蝦膏做醬，綜色嗰啲就係，超美味。墨魚．三文魚子，鯖魚．炸蒜芝麻，既新鮮又肉厚。天婦羅希魚南瓜，炸醬好薄。到壽司系列了，依次序有赤貝壽司、尾場鯛、葉血引、紅鰤魚、深海池魚、北海道銀鱈魚、大拖羅。我最鍾意的北海道馬糞壽司，黃馬糞、赤馬糞組合。蔥拖羅手卷有蔥、拖羅肉、天婦羅，所以脆脆哋。玉子係湖北蛋加蘭王蛋做的，最後是麵豉湯及抹茶雪糕。…查看更多

今晚係銅鑼灣嘅「Bochord」食嚐味菜單，每位$1388， 真心覺得值回票價，食材上乘，環境舒適，仲有live music添！✨Chu Toro Tartare 牛肉他他✨Royal Daurenki Caviar 皇家達烏倫基魚子醬✨Red Prawn Tartare 紅蝦他他頭盤賣相精美，由其喜歡紅蝦他他，非常鮮味！✨Hokkaido Sea Urchin 北海道海膽鮮甜的北海道海膽，食後滿口充滿回甘味。✨Lobster 龍蝦將龍蝦刺身、蘆筍、魚子醬片圍成一個圈，中間放了檸檬泡沫，味道好新鮮。✨Seafood Bouillabaisse 海鮮馬賽魚湯海鮮湯用龍蝦熬製，湯底非常濃郁，配搭有大蝦同蜆。✨Red Grouper 紅石斑魚石斑魚皮煎得好脆，中間倒入魚、蠔忌廉同龍蝦油打成的汁，更能提升石斑魚的味道！🌟中場送上檸檬sobert清一清口腔，才品嚐主菜。✨Charcoal Grilled Abalone 炭烤鮑魚除咗有美味嘅炭烤鮑魚，旁邊還配有日本素面同魚子醬片，非常豐富呢一道菜。✨Red Wood & Charcoal Grilled As Miyazakigyu Beef 紅炭烤A5宮崎牛Medium rare嘅宮崎西冷牛扒，鎖住肉汁，食後滿口充斥油香味。✨Belgium 64% Chocolate with Yuzu & Almond Cake 比利時 64% 柚子杏仁巧克力蛋糕一款甜而不膩的蛋糕！呢度嘅氛圍好適合飲番杯，所以我哋也各自要了一杯飲品，我嘅The Gin Shop味道也不錯呢！…查看更多

食蟹？一係唔食，一食就要去專門店食，最好更有人幫手搣蟹鉗！以為妙想天開，原來香港真係有咁嘅服務，尖沙咀美麗華廣場的「喜記蟹將軍」，有專人代勞，打碎蟹殼起肉，據說因為了解客人的難處，牙齒保護更重要，真細心！高級商場內，環境衛生舒服，周一晚都滿座，記得訂位。兩個人，點四樣：豉椒炒蜆 $108，大大粒肉，醬汁好好味。避風塘炒肉蟹 $788，超美味，肉蟹鮮嫩無比，新鮮的甜味，梳梳蟹肉，大量炸蒜，香而不辣。乾鍋花菜 $98，幾辣吓，但咁樣先至香，好爽口，我鍾意食。招牌蟹油炒麵 $88，個樣似豉油王炒麵，當然食起上嚟味道更加香，更豐腴。燕窩雪梨雪耳糖水，最後贈送的，真係唔簡單，有燕窩食，出乎意料之外，少少甜咋，感覺好清，食得健康。朋友真係好介紹，呢餐非常滿意！…查看更多

海濱餐廳，環境氣氛味道樣樣得，美食的寶藏。以為是泰國餐廳，其實越菜都有，不過我哋主要都係食泰菜；開陽設計，大門打開，我們坐路邊，望住海濱，寵物友善，隔籬枱帶埋狗狗。Mango Margarita Mint & Green Apple Lemonade 兩杯飲品都又靚又美味！先食 「串燒沙嗲」半打，豬牛雞各兩串，諗住當作小食，估唔到咁厚肉，真抵食，肉質軟熟，完全冇筋唔韌，味道好，有水準！實在太懷念泰國旅行，唔使等幾個鐘、等阿婆炒，香港都食到美味的「蟹肉奄列」，好多蟹肉，煎得又香，超正！想食羊，「紅咖喱炆羊膝」正好，原隻羊腿，好多肉，好鬆軟，咖喱汁濃郁，十分惹味！…查看更多

今日下午去食高端優質潮州菜，以前金陵會在中環做淮揚菜，現在灣仔重開做潮州菜，仍然走中高檔路線，佈置非常華麗，入口在地下，一樓做散客，都有私人房，貴賓會員上2樓。月頭剛出糧大家心情好，點了午市尊貴2人套餐，每人$688，物有所值！潮宮脆雞卷 凍馬友 萵筍絲前菜有三款，相當精緻，如 tasting menu，平日點的餸菜每樣一件。潮宮脆雞卷很香口，凍馬友肥美，萵筍絲爽口。滷水鵝肝拼鵝片滷水汁清香，鵝肝都幾粉嫩。白汁忌廉蟹肉燕窩羹女生大愛，有燕窩養顏，混合西方意念，白汁忌廉湯與燕窩羹混合，幾有創意，效果都好好，飲落有高湯味幾好味，蟹肉又夠多。鮑汁扣原隻15頭乾鮑真開心有鮑魚食，就係睇中你，15頭鮑魚都唔細隻，都幾糖心，絕對是食得過！高湯帶子燴菜飯食埋個菜飯，有成隻帶子啊！高端真的不一樣，用高湯燴飯，濕濕地唔同炒飯的感覺，好好食。甜品是喳喳，甜度適中，很有口感。…查看更多

香港仔街市市政大樓搵食，樓下喺街市，2樓有熟食中心，都幾多嘢食，有人食海鮮，我睇中「樹蘭仔」嘅蛋包飯。真有意外驚喜，自製叉燒的［叉燒蛋包飯］首先造型好靚呀！肥瘦平均，顏色亮麗，我唔係喎，咬入口非常鬆軟；滑蛋都好得，十分滑溜。第二款是［牛舌龍蝦湯泡飯］，牛舌夠厚，龍蝦湯真係好好味，原來用龍蝦湯泡飯係咁好食嘅，龍蝦湯味道好好，應該係自己煮。不過我就學到嘢啦，等我自己買罐罐頭湯喺屋企試吓會唔會有幾成好味！牛油雞翼，皮脆肉嫩，可以的。全部餐包無糖豆漿，不過我哋加$3轉檸檬茶。…查看更多

朋友介紹，呢間南瀛水產刺身新鮮有水準，招牌蟹味噌甲羅燒美味抵食，果然好得！今日食咗時令魚：三刀刺身 $298真係好新鮮，的確鮮甜，食得出優質。叫咗兩款壽司：左口魚邊壽司 $78左口魚邊特別肥美，炙熱過更加美味無窮。鮪魚腩壽司 $98越食越肥美，一啖過，入口即化。蟹味噌甲羅燒 $78期望的招牌，面前睇住服務員燒，蟹香湧出來，然後攪勻，蟹膏嘅顏色，又香又滑，好正呀！然後食啲炸物：炸雞軟骨 $68粒粒爽口。海鮮天婦羅 $228外脆內軟，有蝦、魚、帶子。最後一個湯一個飯：清湯煮蜆 $108清湯很鮮甜，蜆肉很肥。溫泉蛋和牛釜飯 $228喺面前焗煮15分鐘，熱辣辣，配隻溫泉蛋增加滑溜口感，飯仲有啲飯焦，一流。魚市場式佈置，很有氣氛。…查看更多

先睹為快，特登走去啟德體育園行吓，順便食晏，呢度都有幾多選擇，揀咗 The Pantry Club，因為 pancake 好食。現在全日供應 casual dinning。All Day Brekky $165酸種麵包、牛油果、炒雞蛋、英式香腸、煙肉、烤蕃茄、蜜糖薯仔、炒燒烤蘑菇及燕麥乳酪呢款即係早餐，媲美英式早餐咁多嘢食，每一款都好有心機處理，材料新鮮美味Pork Rib Benedict Waffle $159煙燻豬仔骨配燒烤醬，賓尼迪雞蛋、甘藍菜及荷蘭汁用味道濃郁的煙燻豬仔骨配賓尼迪蛋，又點會唔好味！豬仔骨煮至軟身，一切就離骨，窩夫都好做得好好，好鬆軟，味又香。The Pantry Pancake $108Ricotta 厚班戟、焦糖牛油、楓葉糖漿及水果招牌班戟，軟綿綿，很香甜。金桔熱情果梳打 $54香甜可口，漂亮的。薄荷朱古力奶昔 $62濃密，忌廉有些黏稠，有朱古力碎，薄荷味香，甜點適中。招呼我哋個女仔，服務態度好好，值得嘉許！…查看更多

黃埔附近行街，發現呢間川味串燒店，細細間，食物款式多，有很多海鮮，不同做法的肉，可以選擇有幾辣，我哋試咗唔同款式，燒得好好，調味唔錯。清酒煮花甲 $58花甲雖然，細細粒份量都幾多，而且很甜美，湯汁有酒香，有香草香。阿拉伯羊肉串 $30完全唔會有羊羶味，鬆軟好食。免治雞肉棒 $20免治雞肉裏面有雞軟骨，所以口感好好，在日式居酒屋賣得很貴，抵食。牛舌 $25爽口好味。蒜蓉粉絲大蟶子皇 $50真係幾大隻，好多粉絲，好多蒜蓉。日本一口和牛粒 $34肉質好，調味好。芝士年糕兩件 $28金黃焦香，外脆內半溶化芝士，非常美味。可以要求免費開水，有加一服務費。…查看更多

月尾出咗糧，約好友撐枱腳食好啲，去咗灣仔新開不久的尚文潮州菜，開開心心，食咗招牌紅燒翅，非常滿意，值得介紹：招牌紅燒翅，每位 $420，味道非常好，因為落咗豬油，食起上嚟質感更加黏稠條，感覺好多骨膠原，幼細嘅魚翅半溶口感，極之滑溜，每一口都是享受。另外必吃滷水鵝片鵝肝掌翼三拼仲有豆腐等於四拼，鵝肝夠粉嫩，滷水汁清香唔會過鹹，高級潮州菜嘅做法。中午食咗兩款點心，潮州蒸粉果皮薄餡靚，潮州煎韭菜粿煎得香口。餐前有潮州茶及鹹菜小食，水滾茶靚，傳統潮州菜館佈置，光猛企理，服務態度好好。…查看更多

突然想食咖喱，帶埋媽咪去天后 PALKI INDIAN CUISINE 撐枱腳，細細間，異國風情！見鄰枱點，又試吓，［Pano Poori 印度脆球 $78］脆球薄脆，餡料酸酸甜甜，脆球下邊有杯薄水鹹鹹地的，幾有趣！本來想散點，但見到$278二人套餐太抵食，即時改變主意，包括餐湯、小食、主菜及飲品各兩款。飲品就點了芒果奶昔及紅酒，印度式芒果奶昔是招牌飲品，差不多枱枱都有人點。印度式餐湯通常是很清的湯，有些蛋花及粟米，但又幾好飲。香口小吃，烤雞粒與炸魚，唔錯，不油膩，橙色的雞件天多利式，乳酪醃過很香滑；炸魚很有西方炸魚薯條的風味。主菜點了兩款咖喱，牛油雞及咖喱羊肉，印度白飯及薄餅各一，我最鍾意牛油雞，茄汁及香料調製出來，非常香滑。咖喱羊肉辣辣地，正宗印度咖喱，薄餅好食，飯亦好吃。裝修得很有地道風情，生意唔錯，吃得滿意舒適。…查看更多

經過舖頭幾次很吸引，今日終於買回家試吓，原來並非一般手撕雞咁簡單，實是有很多不同的口味，懷舊、傳統、惹味、古法都有，花多眼緣終於決定：西域孜然手撕雞，$60半隻，當然全部起晒骨，除了有原隻雞翼及原隻雞腳各一，證實係半隻雞，又有啲咬口。調味醬汁豐富，顏色很紅，以為很辣，但其實只是少少辣，孜然很香，雞皮肥美令到雞肉乾，很滑溜，有質素好好食。辣雞腎 $18，辣雞腎爽口，都係少少辣啫，加咗白芝麻鋪面，份量唔少，配麵好好食。…查看更多

舊同學約食飯，去咗佢屋企附近嘅西餐廳名叫 Alo Restobar，環境一流，高雅氣氛，令人好想飲番杯酒。Anchovies & Tomato Salsa Tuna Toast $128先吃多士，番茄與意大利鯷魚十分夾，鯷魚非常好味。French Baby Mussels Sake Roasted Garlic Purée $188吃了法國青口，非常新鮮，絕對並非冰鮮貨；用日本青酒煮汁，酒香特出。Ma Yau Fish Asparagus Baby Spinach Cream $188煎馬友做得極出色，皮薄香脆，魚夠肥美，綠色的蔬菜醬汁實在太美味。Beef Cheek Tagliatelle $238牛面珠意粉味道很豐富，意式的意大利粉硬度，有咬口。Apple Crumble $88蘋果批配雪糕，黃金組合。…查看更多

星期五放工在 Soho happy hour 之後，精打細算的朋友帶我繼續行上半山行人電梯到摩羅街食飯，嗰度有間Pizza專門店，行多幾步，價錢更公道！細細間環境幾舒服。兩個人就點了小食拼盤及一個Pizza。拼盤有煙三文魚、雞肉可樂餅、炸魷魚圈、蕃茄伴多士、醬汁及青瓜，樣樣都整得幾好食。揀咗 Capricciosa Pizza，材料有白菌、香腸、火腿、朝鮮薊菜及雞肉，非常豐富，食落去汁又多，個薄餅很薄很脆。仲食咗個意大利芝士蛋糕，做得非常好，十分軟滑，甜度又啱啱好。…查看更多

真開心又有新發現，今日去咗銅鑼灣一間新開嘅甜品店叫「蘇三甜蜜」，很有創意，而且好好味，味道唔會太甜，食得健康啲，客人亦可以要求加甜。我哋兩個人食咗三款甜品，古法石磨芝麻糊 $42，香滑濃郁，傳統的味道；足料椰香先牛乳紅棗燉花膠 $98，$10加燕窩，骨膠原萬歲，又香又滑，花膠足料入味；茅台朱古力布甸極之特色，極度濃郁，每個人分享更好，我仲追加咗啲麻糬，食得實在太滿足。超讚呢度嘅環境，佈置得懷舊雅麗，好多打卡位。餐牌設計都好有心思🥰…查看更多