vodafone的个人专页

比佢門口餐牌圖片吸引左入去,點左一款套餐,$88有燒雞及一碗麵同一款飲品！滿心期待,仲諗住好食嘅話,買多一份返屋企畀屋企人試！但嚟到絕對有被騙既感覺,失望！望下人哋嗰碟,在望下自己嗰碟,唔忿氣請教下店員,真係咁樣？？？但係得到嘅回覆令我更加冇興趣繼續食落去！雖則今時今日88蚊唔係咩大錢,但係就要執下你張圖囉！店員仲私下高聲討論我嘅提問,令人感覺非常不好！無下次！！！…查看更多

環境、地點、裝修合格！食物都唔錯！但服務員有點譚仔姐姐水平既感覺,配唔上呢個價位！(對事不對人,員工服務唔算係差).片好咗嘅烤鴨,放係一個有保溫功能嘅膠盒上,好似好貼心！但敗筆就係盛載烤鴨的碟,竟然係厚身硬膠物料,要有幾大既熱力先可令硬膠碟保到温？成套烤鴨食盛盤,沿用國內店舖用開既款式,即係只流於表面做個樣,係無實質功能😅,你收緊既價錢高於國內分店好多,呢度係香港希望店舖可以反思下！…查看更多

一個人落左火車諗住食個lunch先返屋企!點左個海南雞飯$98，嚟到賣相係唔差，但雞肉全份都帶“鮮粉紅色”，我即刻同侍應講，佢話幫我叮一叮，我話換又好、叮又好，最後佢係換過份無咁紅既比我!但食第一啖飯既時間，d飯係爛到好似BB糊仔咁， 係唔使趙都可以即吞落肚， 我嘗試去接受食多一啖， 發覺真係接受唔到，唯有硬住頭皮，再同佢哋侍應講， 本來有個女仔 同我講左可以畀我換個炒金邊粉$118!跟住有另一個男人攞返個碟雞飯過嚟， 話換返個白飯畀我好唔好？ 可能佢哋好介意我食咗佢一件雞啦， 覺得我搵佢著數， 我就馬上同佢講，我話你即刻畀張單我啦，我唔食喇我照畀錢!跟住另外一個男人呢攞單過嚟! 感覺佢好似仲唔忿氣過我， 話佢哋唔可以咁樣改單! 我話“得啦唔使多講，你貴姓？”我姓葉係經理!好唔好食呢，每個人既標準都唔同! 你的海南雞生d， 可能係想佢啲肉嫩啲， 但始終都係雞， 每個人嘅接受程度都唔同! 但係你啲飯爛到咁樣， 都可以照攞出去畀客人， 真係遠超標準! 同你哋反映，真係一個意見， 但奈何原來你啲伙記，係咁接受唔到人哋嘅意見!做飲食都要QC， 過得自己先過得客人!永無下次！…查看更多