前排睇YouTube見到，作為餃子控嘅我專登慕名而來，呢間小店唔單止嘢食好味，仲好有人情味，我拎住手袋加個大環保袋，個店員見到即刻同我講枱旁邊有個鈎，仲幫我個環保袋打咗個結之後掛上去，等個袋唔使阻住我又唔會掂到地，非常細心。之後叫咗一碗生菜魚肉同埋八隻鴛鴦餃，啲魚肉真係好似坊間咁講非常彈牙，而且份量都好足，好好食。我原本係唔食韭菜嘅人，但係見到comment係咁推介，所以最終都叫咗四隻椰菜同四隻韭菜餃試吓，唔試又自可，一試覺得隻韭菜仲好味過椰菜，個表皮又煎得好香脆，粒粒飽滿，一定會再嚟食😋😋😋…查看更多
